ਕੀ ਤੁਹਾਡਾ ਅਕਾਊਂਟ ਹੈਕ ਹੋ ਗਿਆ? ਇਨ੍ਹਾਂ ਤਿੰਨ ਤਰੀਕਿਆਂ ਨਾਲ ਲੱਗ ਜਾਵੇਗਾ ਪਤਾ
Account Hacked: ਡਿਜੀਟਲ ਯੁੱਗ ਵਿੱਚ ਸਾਈਬਰ ਧੋਖਾਧੜੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਹੈਕਰ ਉਪਭੋਗਤਾਵਾਂ ਦੀ ਜਾਣਕਾਰੀ ਚੋਰੀ ਕਰਨ ਲਈ ਹਰ ਰੋਜ਼ ਨਵੇਂ ਤਰੀਕੇ ਲੱਭ ਰਹੇ ਹਨ।
Account Hacked: ਅੱਜਕੱਲ੍ਹ ਤਕਨਾਲੌਜੀ ਦਾ ਜਮਾਨਾ ਆ ਗਿਆ ਹੈ ਅਤੇ ਦਿਨੋਂ-ਦਿਨ ਧੋਖਾਧੜੀ ਵੀ ਵਧਦੀ ਜਾ ਰਹੀ ਹੈੈ। ਤਕਨਾਲੌਜੀ ਇੰਨੀ ਵੱਧ ਗਈ ਹੈ ਕਿ ਲੋਕਾਂ ਦਾ ਹੱਥ ਵਿੱਚ ਫੜਿਆ ਹੋਇਆ ਫੋਨ ਹੈਕ ਹੋ ਜਾਂਦਾ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਕੁਝ ਤਰੀਕੇ ਦੱਸਾਂਗੇ ਜਿਨ੍ਹਾਂ ਨਾਲ ਪਤਾ ਲੱਗ ਜਾਵੇਗਾ ਕਿ ਤੁਹਾਡਾ ਫੋਨ ਹੈਕ ਹੋ ਗਿਆ ਹੈ ਅਤੇ ਤੁਸੀਂ ਇਸ ਤੋਂ ਕਿਵੇਂ ਬਚ ਸਕਦੇ ਹੋ। ਆਓ ਜਾਣਦੇ ਹਾਂ-
Google Password Checkup
ਜੇਕਰ ਤੁਸੀਂ ਕਦੇ ਆਪਣਾ ਪਾਸਵਰਡ ਕ੍ਰੋਮ ਬ੍ਰਾਊਜ਼ਰ ਜਾਂ ਗੂਗਲ ਅਕਾਊਂਟ ਵਿੱਚ ਸੇਵ ਕੀਤਾ ਹੈ, ਤਾਂ ਇਹ ਟੂਲ ਤੁਹਾਨੂੰ ਤੁਰੰਤ ਦੱਸ ਸਕਦਾ ਹੈ ਕਿ ਪਾਸਵਰਡ ਲੀਕ ਹੋਇਆ ਹੈ ਜਾਂ ਨਹੀਂ। ਇਹ ਸਿਸਟਮ ਬੈਕਗ੍ਰਾਊਂਡ ਵਿੱਚ ਲਗਾਤਾਰ ਕੰਮ ਕਰਦਾ ਹੈ ਅਤੇ ਕੋਈ ਵੀ ਖ਼ਤਰਾ ਦਿਖਾਈ ਦਿੰਦਿਆਂ ਹੀ ਤੁਹਾਨੂੰ ਸੁਚੇਤ ਕਰਦਾ ਹੈ। ਇਸ ਤੋਂ ਇਲਾਵਾ, ਇਹ ਕਮਜ਼ੋਰ ਜਾਂ ਅਕਸਰ ਵਰਤੇ ਜਾਣ ਵਾਲੇ ਪਾਸਵਰਡਾਂ ਦੀ ਪਛਾਣ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਬਦਲਣ ਦੀ ਸਲਾਹ ਵੀ ਦਿੰਦਾ ਹੈ।
Google One Dark Web Report
ਇਹ ਫੀਚਰ ਡਾਰਕ ਵੈੱਬ 'ਤੇ ਤੁਹਾਡੀ ਨਿੱਜੀ ਜਾਣਕਾਰੀ ਜਿਵੇਂ ਕਿ ਈਮੇਲ, ਫੋਨ ਨੰਬਰ ਜਾਂ ਪਾਸਵਰਡ ਨੂੰ ਸਕੈਨ ਕਰਦਾ ਹੈ। ਚੋਰੀ ਕੀਤੀ ਜਾਣਕਾਰੀ ਅਕਸਰ ਡਾਰਕ ਵੈੱਬ 'ਤੇ ਵੇਚੀ ਜਾਂਦੀ ਹੈ ਅਤੇ ਇਸ ਰਿਪੋਰਟ ਰਾਹੀਂ ਤੁਸੀਂ ਜਾਣ ਸਕਦੇ ਹੋ ਕਿ ਤੁਹਾਡੀ ਜਾਣਕਾਰੀ ਉੱਥੇ ਲੀਕ ਹੋਈ ਹੈ ਜਾਂ ਨਹੀਂ। ਹਾਲਾਂਕਿ ਇਸ ਫੀਚਰ ਦੀ ਵਰਤੋਂ ਕਰਨ ਲਈ Google One ਮੈਂਬਰਸ਼ਿਪ ਦੀ ਲੋੜ ਹੁੰਦੀ ਹੈ, ਪਰ ਇਸਦਾ ਟ੍ਰਾਇਲ ਵਰਜ਼ਨ ਵੀ ਉਪਲਬਧ ਹੈ।
Apple iCloud Keychain Password Monitoring
ਜੇਕਰ ਤੁਸੀਂ iPhone ਜਾਂ Mac ਯੂਜ਼ਰ ਹੋ, ਤਾਂ Apple ਦੀ ਇਹ ਵਿਸ਼ੇਸ਼ਤਾ ਤੁਹਾਡੇ ਸੇਵ ਕੀਤੇ ਪਾਸਵਰਡਾਂ 'ਤੇ ਨਜ਼ਰ ਰੱਖਦੀ ਹੈ। ਜੇਕਰ ਕੋਈ ਪਾਸਵਰਡ ਕਮਜ਼ੋਰ ਹੈ, ਦੁਬਾਰਾ ਵਰਤਿਆ ਗਿਆ ਹੈ ਜਾਂ ਲੀਕ ਹੋ ਗਿਆ ਹੈ ਤਾਂ ਇਹ ਤੁਹਾਨੂੰ ਤੁਰੰਤ ਚੇਤਾਵਨੀ ਦਿੰਦਾ ਹੈ। ਇਹ ਨਾ ਸਿਰਫ਼ ਤੁਹਾਨੂੰ ਖਤਰਿਆਂ ਪ੍ਰਤੀ ਸੁਚੇਤ ਕਰਦਾ ਹੈ ਬਲਕਿ ਮਜ਼ਬੂਤ ਪਾਸਵਰਡ ਵੀ ਸੁਝਾਉਂਦਾ ਹੈ, ਜਿਸ ਨਾਲ ਤੁਹਾਡੇ ਔਨਲਾਈਨ ਖਾਤਿਆਂ ਨੂੰ ਹੋਰ ਵੀ ਸੁਰੱਖਿਅਤ ਬਣਾਇਆ ਜਾਂਦਾ ਹੈ।
ਔਨਲਾਈਨ ਸੁਰੱਖਿਆ ਲਈ, ਹਰੇਕ ਖਾਤੇ ਲਈ ਇੱਕ ਵਿਲੱਖਣ ਅਤੇ ਮਜ਼ਬੂਤ ਪਾਸਵਰਡ ਬਣਾਉਣਾ ਸਭ ਤੋਂ ਮਹੱਤਵਪੂਰਨ ਹੈ। 2-ਫੈਕਟਰ ਆਥੈਨਟੀਕੇਸ਼ਨ (2FA) ਨੂੰ ਆਨ ਰੱਖੋ ਤਾਂ ਜੋ ਤੁਹਾਡਾ ਖਾਤਾ ਐਕਸਟ੍ਰਾ ਲੇਅਰ ਨਾਲ ਪ੍ਰੋਟੈਕਟਿਡ ਰਹੇ। ਸਮੇਂ-ਸਮੇਂ 'ਤੇ ਲੌਗਇਨ ਹਿਸਟਰੀ ਅਤੇ ਜੁੜੇ ਡਿਵਾਈਸਾਂ ਦੀ ਜਾਂਚ ਕਰਦੇ ਰਹੋ ਤਾਂ ਜੋ ਕਿਸੇ ਵੀ ਸ਼ੱਕੀ ਗਤੀਵਿਧੀ ਦਾ ਜਲਦੀ ਪਤਾ ਲਗਾਇਆ ਜਾ ਸਕੇ।
ਧਿਆਨ ਰੱਖੋ, ਪਾਸਵਰਡ ਘੱਟੋ-ਘੱਟ 12 ਕਰੈਕਟਰ ਦਾ ਹੋਣਾ ਚਾਹੀਦਾ ਹੈ ਅਤੇ ਇਸ ਵਿੱਚ ਵੱਡੇ ਅੱਖਰ, ਛੋਟੇ ਅੱਖਰ, ਨੰਬਰ ਅਤੇ ਸਪੈਸ਼ਲ ਕਰੈਕਟਰ ਹੋਣੇ ਚਾਹੀਦੇ ਹਨ। ਇਹ ਤੁਹਾਡੀ ਡਿਜੀਟਲ ਸੁਰੱਖਿਆ ਨੂੰ ਹੋਰ ਵੀ ਮਜ਼ਬੂਤ ਬਣਾਉਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
