Phone Cover Risk: ਕੀ ਤੁਸੀਂ ਵੀ ਫ਼ੋਨ ਦੇ ਕਵਰ 'ਚ ਰੱਖਦੇ ਹੋ ਨੋਟ ਜਾਂ ਕਾਰਡ? ਭੁੱਲ ਕੇ ਵੀ ਦੁਬਾਰਾ ਨਾ ਕਰਿਓ ਇਹ ਗਲਤੀ ਨਹੀਂ ਤਾਂ...
ਭਾਰਤ ਵਿੱਚ ਜੁਗਾੜ ਇੱਕ ਆਮ ਗੱਲ ਹੈ, ਅਜਿਹੇ ਵਿੱਚ ਲੋਕ ਅਕਸਰ ਆਪਣੇ ਕੰਮ ਨੂੰ ਪੂਰਾ ਕਰਨ ਲਈ ਛੋਟੇ-ਵੱਡੇ ਜੁਗਾੜ ਕਰਦੇ ਹਨ।
ਭਾਰਤ ਵਿੱਚ ਜੁਗਾੜ ਇੱਕ ਆਮ ਗੱਲ ਹੈ, ਅਜਿਹੇ ਵਿੱਚ ਲੋਕ ਅਕਸਰ ਆਪਣੇ ਕੰਮ ਨੂੰ ਪੂਰਾ ਕਰਨ ਲਈ ਛੋਟੇ-ਵੱਡੇ ਜੁਗਾੜ ਕਰਦੇ ਹਨ। ਫੋਨ ਦੇ ਕਵਰ ਵਿੱਚ ਨੋਟ ਜਾਂ ਕਾਰਡ ਰੱਖਣਾ ਵੀ ਇਨ੍ਹਾਂ ਟ੍ਰਿਕਸ ਵਿੱਚ ਸ਼ਾਮਲ ਹੈ, ਤਾਂ ਜੋ ਤੁਸੀਂ ਕਿਤੇ ਜਾਣ ਸਮੇਂ ਬਹੁਤ ਜ਼ਿਆਦਾ ਸਮਾਨ ਲੈ ਕੇ ਜਾਣ ਤੋਂ ਬਚ ਸਕੋ।
ਸਾਨੂੰ ਸਾਰਿਆਂ ਨੂੰ ਆਪਣੇ ਨਾਲ ਘੱਟ ਸਮਾਨ ਲੈ ਕੇ ਜਾਣ ਦੀ ਆਦਤ ਹੈ। ਅਸੀਂ ਪੈਸੇ ਅਤੇ ਕਾਰਡ ਲੈ ਕੇ ਜਾਣ ਲਈ ਆਪਣੇ ਮੋਬਾਈਲ ਫ਼ੋਨ ਦੀ ਵਰਤੋਂ ਕਰਦੇ ਹਾਂ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਅਜਿਹਾ ਕਰਨਾ ਤੁਹਾਡੇ ਲਈ ਖਤਰਨਾਕ ਹੋ ਸਕਦਾ ਹੈ। ਇੱਥੇ ਅਸੀਂ ਤੁਹਾਨੂੰ ਇਸ ਨਾਲ ਜੁੜੀਆਂ ਗੱਲਾਂ ਵਿਸਥਾਰ ਨਾਲ ਦੱਸਣ ਜਾ ਰਹੇ ਹਾਂ।
ਫ਼ੋਨ ਨੂੰ ਲੱਗ ਸਕਦੀ ਹੈ ਅੱਗ
ਅਕਸਰ ਲੋਕ ਆਪਣੇ ਮੋਬਾਈਲ ਕਵਰ ਦੇ ਪਿੱਛੇ ਨੋਟ, ਸਿੱਕੇ ਅਤੇ ਚਾਬੀਆਂ ਸਮੇਤ ਕਈ ਚੀਜ਼ਾਂ ਰੱਖਦੇ ਹਨ। ਪਰ ਇਸ ਤਰ੍ਹਾਂ ਦਾ ਜੁਗਾੜ ਸਾਡੀਆਂ ਜਾਨਾਂ ਲਈ ਵੀ ਖਤਰਾ ਬਣ ਸਕਦਾ ਹੈ।
ਜੇਕਰ ਤੁਸੀਂ ਨੋਟਾਂ ਨੂੰ ਫੋਨ ਦੇ ਕਵਰ ਦੇ ਪਿੱਛੇ ਸੁਰੱਖਿਅਤ ਢੰਗ ਨਾਲ ਰੱਖਦੇ ਹੋ, ਤਾਂ ਤੁਹਾਡੀ ਇਹ ਆਦਤ ਬਹੁਤ ਖਤਰਨਾਕ ਸਾਬਤ ਹੋ ਸਕਦੀ ਹੈ।
ਫ਼ੋਨਾਂ ਦਾ ਅੱਗ ਲੱਗਣਾ ਜਾਂ ਵਿਸਫੋਟ ਹੋਣਾ ਬਹੁਤ ਆਮ ਹੋ ਗਿਆ ਹੈ। ਅੱਜ-ਕੱਲ੍ਹ ਮੋਬਾਈਲ ਫੋਨਾਂ 'ਚ ਅੱਗ ਲੱਗਣਾ ਜਾਂ ਧਮਾਕਾ ਹੋਣਾ ਆਮ ਗੱਲ ਹੋ ਗਈ ਹੈ ਪਰ ਇਸ ਦਾ ਕਾਰਨ ਸਾਡੀ ਲਾਪਰਵਾਹੀ ਵੀ ਹੋ ਸਕਦਾ ਹੈ।
ਇਹ ਸਮੱਸਿਆ ਉਦੋਂ ਹੋ ਸਕਦੀ ਹੈ ਜਦੋਂ ਫ਼ੋਨ ਬਹੁਤ ਜ਼ਿਆਦਾ ਗਰਮ ਹੋ ਜਾਂਦਾ ਹੈ। ਇਸ ਤੋਂ ਇਲਾਵਾ ਫੋਨ ਦੀ ਜ਼ਿਆਦਾ ਵਰਤੋਂ ਜਾਂ ਦੁਰਵਰਤੋਂ ਵੀ ਇਸ ਦਾ ਕਾਰਨ ਹੋ ਸਕਦਾ ਹੈ।
ਆਮ ਤੌਰ 'ਤੇ ਫ਼ੋਨ ਨੂੰ ਉਦੋਂ ਅੱਗ ਲੱਗਦੀ ਹੈ ਜਦੋਂ ਇਸਦੇ ਪ੍ਰੋਸੈਸਰ ਜਾਂ ਬੈਟਰੀ 'ਤੇ ਬਹੁਤ ਜ਼ਿਆਦਾ ਦਬਾਅ ਹੁੰਦਾ ਹੈ। ਇਸ ਤੋਂ ਇਲਾਵਾ ਗਲਤ ਕਿਸਮ ਦੇ ਫੋਨ ਕਵਰ ਕਾਰਨ ਅੱਗ ਲੱਗਣ ਦਾ ਵੀ ਖਤਰਾ ਹੁੰਦਾ ਹੈ।
ਫ਼ੋਨ ਕਵਰ ਕਾਰਨ ਪੈਦਾ ਹੋ ਸਕਦੀਆਂ ਹਨ ਸਮੱਸਿਆਵਾਂ
ਤੁਹਾਨੂੰ ਦੱਸ ਦੇਈਏ ਕਿ ਆਮਤੌਰ 'ਤੇ ਫੋਨ ਵਿਚ ਪਲਾਸਟਿਕ ਕਵਰ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਕਵਰ ਪ੍ਰੋਸੈਸਰ ਨੂੰ ਵੀ ਪ੍ਰਭਾਵਿਤ ਕਰ ਸਕਦਾ ਹੈ ਅਤੇ ਇਸਨੂੰ ਜ਼ਿਆਦਾ ਗਰਮ ਕਰ ਸਕਦਾ ਹੈ।
ਅਜਿਹੇ 'ਚ ਫੋਨ ਦੇ ਕਵਰ ਅੰਦਰ ਜਲਣਸ਼ੀਲ ਚੀਜ਼ਾਂ ਰੱਖਣ ਤੋਂ ਬਚਣਾ ਚਾਹੀਦਾ ਹੈ, ਨਹੀਂ ਤਾਂ ਪ੍ਰੋਸੈਸਰ ਜ਼ਿਆਦਾ ਗਰਮ ਹੋਣ 'ਤੇ ਨੋਟ ਨੂੰ ਅੱਗ ਲੱਗ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
