FBI Issues Warning: ਮੋਬਾਈਲ 'ਚੋਂ ਹੁਣੇ ਡਿਲੀਟ ਕਰ ਦਿਓ ਇਹ ਐਪ, ਨਹੀਂ ਤਾਂ ਹੋ ਜਾਓਗੇ ਬਰਬਾਦ, ਅਮਰੀਕੀ ਏਜੰਸੀ FBI ਦੀ ਵਾਰਨਿੰਗ
FBI Issues Warning: ਸਮਾਰਟਫੋਨ ਦੀ ਵਰਤੋਂ ਸਾਡੀ ਜ਼ਿੰਦਗੀ ਨੂੰ ਆਸਾਨ ਬਣਾ ਰਹੀ ਹੈ ਪਰ ਇਸ ਦੇ ਨਾਲ ਹੀ ਸਾਈਬਰ ਧੋਖਾਧੜੀ ਦੇ ਮਾਮਲੇ ਵੀ ਤੇਜ਼ੀ ਨਾਲ ਵੱਧ ਰਹੇ ਹਨ। ਹਾਲ ਹੀ ਵਿੱਚ ਇੱਕ ਗੰਭੀਰ ਚੇਤਾਵਨੀ ਜਾਰੀ ਕੀਤੀ ਗਈ ਹੈ ਜਿਸ
FBI Issues Warning: ਸਮਾਰਟਫੋਨ ਦੀ ਵਰਤੋਂ ਸਾਡੀ ਜ਼ਿੰਦਗੀ ਨੂੰ ਆਸਾਨ ਬਣਾ ਰਹੀ ਹੈ ਪਰ ਇਸ ਦੇ ਨਾਲ ਹੀ ਸਾਈਬਰ ਧੋਖਾਧੜੀ ਦੇ ਮਾਮਲੇ ਵੀ ਤੇਜ਼ੀ ਨਾਲ ਵੱਧ ਰਹੇ ਹਨ। ਹਾਲ ਹੀ ਵਿੱਚ ਇੱਕ ਗੰਭੀਰ ਚੇਤਾਵਨੀ ਜਾਰੀ ਕੀਤੀ ਗਈ ਹੈ ਜਿਸ ਵਿੱਚ ਸਮਾਰਟਫੋਨ ਉਪਭੋਗਤਾਵਾਂ ਨੂੰ ਕੁਝ ਖਤਰਨਾਕ ਐਪਸ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਇਹ ਐਪਸ ਅਸਲੀ ਲੱਗਦੇ ਹਨ ਪਰ ਜਦੋਂ ਤੁਸੀਂ ਇਨ੍ਹਾਂ ਨੂੰ ਡਾਊਨਲੋਡ ਕਰਦੇ ਹੋ, ਤਾਂ ਇਹ ਤੁਹਾਡਾ ਨਿੱਜੀ ਡੇਟਾ ਹੈਕਰਾਂ ਨੂੰ ਦੇ ਸਕਦੇ ਹਨ।
ਐਫਬੀਆਈ ਨੇ ਜਾਰੀ ਕੀਤਾ ਅਲਰਟ
ਅਮਰੀਕੀ ਸੁਰੱਖਿਆ ਏਜੰਸੀ ਐਫਬੀਆਈ ਨੇ 18 ਜਨਵਰੀ ਨੂੰ ਇਸ ਖ਼ਤਰੇ ਸਬੰਧੀ ਇੱਕ ਅਲਰਟ ਜਾਰੀ ਕੀਤਾ ਹੈ। ਏਜੰਸੀ ਨੇ ਕਿਹਾ ਕਿ ਇਨ੍ਹਾਂ ਖਤਰਨਾਕ ਐਪਸ ਰਾਹੀਂ ਕਈ ਬੈਂਕ ਖਾਤਿਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਇਨ੍ਹਾਂ ਐਪਸ ਰਾਹੀਂ ਹੈਕਰ ਡਿਵਾਈਸ ਵਿੱਚ ਘੁਸਪੈਠ ਕਰਦੇ ਹਨ ਤੇ ਫਿਰ ਬੈਂਕ ਕਰਮਚਾਰੀ ਬਣ ਕੇ ਉਪਭੋਗਤਾਵਾਂ ਨੂੰ ਧੋਖਾ ਦਿੰਦੇ ਹਨ। ਦਰਅਸਲ ਹੈਕਰ ਉਪਭੋਗਤਾਵਾਂ ਨੂੰ "ਫੈਂਟਮ ਹੈਕਰ" ਤਕਨੀਕ ਦੀ ਵਰਤੋਂ ਕਰਕੇ ਦੱਸਦੇ ਹਨ ਕਿ ਉਨ੍ਹਾਂ ਦੇ ਬੈਂਕ ਖਾਤੇ 'ਤੇ ਹਮਲਾ ਹੋਇਆ ਹੈ। ਘਬਰਾਹਟ ਵਿੱਚ ਲੋਕ ਆਪਣੇ ਪੈਸੇ ਇੱਕ "ਸੁਰੱਖਿਅਤ" ਖਾਤੇ ਵਿੱਚ ਟ੍ਰਾਂਸਫਰ ਕਰ ਦਿੰਦੇ ਹਨ, ਜੋ ਕਿ ਅਸਲ ਵਿੱਚ ਘੁਟਾਲੇਬਾਜ਼ਾਂ ਦੁਆਰਾ ਵਿਛਾਇਆ ਗਿਆ ਇੱਕ ਜਾਲ ਹੁੰਦਾ ਹੈ।
ਇਨ੍ਹਾਂ ਐਪਸ ਨੂੰ ਡਾਊਨਲੋਡ ਕਰਨ ਤੋਂ ਬਚੋ:
1. WhatsApp ਜਾਂ SMS ਰਾਹੀਂ ਪ੍ਰਾਪਤ ਹੋਏ ਲਿੰਕਾਂ ਤੋਂ ਐਪਸ ਡਾਊਨਲੋਡ ਨਾ ਕਰੋ।
2. ਈਮੇਲ ਰਾਹੀਂ ਭੇਜੇ ਗਏ ਲਿੰਕਾਂ ਜਾਂ ਏਪੀਕੇ ਫਾਈਲਾਂ 'ਤੇ ਭਰੋਸਾ ਨਾ ਕਰੋ।
3. ਥਰਡ-ਪਾਰਟੀ ਐਪ ਸਟੋਰਾਂ ਤੋਂ ਐਪਸ ਡਾਊਨਲੋਡ ਕਰਨ ਤੋਂ ਬਚੋ।
4. ਸੋਸ਼ਲ ਮੀਡੀਆ 'ਤੇ ਮਿਲਣ ਵਾਲੇ ਰੀਡਾਇਰੈਕਟ ਲਿੰਕਾਂ 'ਤੇ ਕਲਿੱਕ ਨਾ ਕਰੋ।
ਸੁਰੱਖਿਅਤ ਰਹਿਣ ਲਈ ਸੁਝਾਅ:
1. ਐਪ ਦੀ ਪ੍ਰਮਾਣਿਕਤਾ ਦੀ ਜਾਂਚ ਕਰੋ: ਕਿਸੇ ਵੀ ਐਪ ਨੂੰ ਡਾਊਨਲੋਡ ਕਰਨ ਤੋਂ ਪਹਿਲਾਂ ਇਸ ਦੀ ਰੇਟਿੰਗ, ਸਮੀਖਿਆਵਾਂ ਤੇ ਡਿਵੈਲਪਰ ਬਾਰੇ ਜਾਣਕਾਰੀ ਦੀ ਜ਼ਰੂਰ ਜਾਂਚ ਕਰੋ।
2. ਬੈਂਕਿੰਗ ਐਪਸ ਨੂੰ ਧਿਆਨ ਨਾਲ ਡਾਊਨਲੋਡ ਕਰੋ: ਬੈਂਕਿੰਗ ਜਾਂ ਵਿੱਤੀ ਐਪਸ ਸਿਰਫ਼ ਬੈਂਕ ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਹੀ ਡਾਊਨਲੋਡ ਕਰੋ।
3. ਨਕਲੀ ਐਪਸ ਤੋਂ ਸਾਵਧਾਨ ਰਹੋ: ਗੂਗਲ ਤੇ ਐਪਲ ਸਟੋਰਾਂ 'ਤੇ ਉਪਲਬਧ ਨਕਲੀ ਐਪਸ ਤੋਂ ਬਚਣ ਲਈ ਸੁਚੇਤ ਰਹੋ।
4. ਬੇਲੋੜੀਆਂ ਇਜਾਜ਼ਤਾਂ ਨਾ ਦਿਓ: ਕਿਸੇ ਵੀ ਐਪ ਨੂੰ ਬੇਲੋੜੀਆਂ ਇਜਾਜ਼ਤਾਂ ਦੇਣ ਤੋਂ ਬਚੋ।
ਇਨ੍ਹਾਂ ਗੱਲਾਂ ਨੂੰ ਵੀ ਧਿਆਨ ਵਿੱਚ ਰੱਖੋ
ਹੈਕਰ ਲਗਾਤਾਰ ਨਵੇਂ ਤਰੀਕਿਆਂ ਨਾਲ ਲੋਕਾਂ ਨੂੰ ਧੋਖਾ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸਮਾਰਟਫੋਨ ਉਪਭੋਗਤਾਵਾਂ ਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ ਤੇ ਕਿਸੇ ਵੀ ਅਣਜਾਣ ਲਿੰਕ ਜਾਂ ਐਪਸ ਨੂੰ ਡਾਊਨਲੋਡ ਕਰਨ 'ਤੇ ਕਲਿੱਕ ਕਰਨ ਤੋਂ ਪਹਿਲਾਂ ਉਨ੍ਹਾਂ ਦੀ ਪ੍ਰਮਾਣਿਕਤਾ ਨੂੰ ਯਕੀਨੀ ਬਣਾਉਣਾ ਚਾਹੀਦਾ ਹੈ। ਤੁਹਾਡੀ ਇੱਕ ਛੋਟੀ ਜਿਹੀ ਲਾਪ੍ਰਵਾਹੀ ਤੁਹਾਡਾ ਬੈਂਕ ਖਾਤਾ ਖਾਲੀ ਕਰ ਸਕਦੀ ਹੈ। ਇਸ ਲਈ, ਸੁਚੇਤ ਰਹੋ ਤੇ ਆਪਣੀ ਡਿਜੀਟਲ ਸੁਰੱਖਿਆ ਨੂੰ ਤਰਜੀਹ ਦਿਓ।
'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
