iPhone 16 ਨੂੰ ਲੈ ਕੇ ਵਧ ਰਹੀ ਹੈ ਹਲਚਲ, ਸਾਹਮਣੇ ਆਇਆ ਕੈਮਰੇ ਦਾ ਲੁੱਕ, ਖਾਸ ਫੀਚਰਸ ਦਾ ਖੁਲਾਸਾ
ਆਈਫੋਨ 16 ਨੂੰ ਲੈ ਕੇ ਕਈ ਅਫਵਾਹਾਂ ਸਾਹਮਣੇ ਆ ਰਹੀਆਂ ਹਨ ਅਤੇ ਇਸ ਦੌਰਾਨ ਆਈਫੋਨ 16 ਅਤੇ 16 ਪਲੱਸ ਦੇ ਕੈਮਰਾ ਫੀਚਰਸ ਦਾ ਵੀ ਖੁਲਾਸਾ ਹੋਇਆ ਹੈ।
ਐਪਲ ਦੇ ਆਈਫੋਨ 16 ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕੀਤਾ ਜਾ ਰਿਹਾ ਸੀ ਅਤੇ ਹੁਣ ਕਿਹਾ ਜਾ ਰਿਹਾ ਹੈ ਕਿ ਨਵਾਂ ਆਈਫੋਨ ਸਤੰਬਰ 'ਚ ਕਿਸੇ ਵੀ ਸਮੇਂ ਪੇਸ਼ ਕੀਤਾ ਜਾ ਸਕਦਾ ਹੈ। ਹਾਲਾਂਕਿ ਐਪਲ ਦੇ ਨਵੇਂ ਆਈਫੋਨ ਹਮੇਸ਼ਾ ਸਤੰਬਰ ਦੇ ਦੂਜੇ ਹਫਤੇ ਲਾਂਚ ਹੁੰਦੇ ਹਨ, ਪਰ ਸੰਭਵ ਹੈ ਕਿ ਇਸ ਵਾਰ ਵੀ ਨਵੇਂ ਆਈਫੋਨ ਅਗਲੇ ਮਹੀਨੇ ਆਉਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ 'ਤੇ ਘੁੰਮ ਰਹੇ ਪੋਸਟਰ 'ਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਨਵਾਂ ਐਪਲ ਆਈਫੋਨ 10 ਸਤੰਬਰ ਨੂੰ ਲਾਂਚ ਹੋਵੇਗਾ। ਆਈਫੋਨ 16 ਨੂੰ ਲੈ ਕੇ ਕਈ ਅਫਵਾਹਾਂ ਸਾਹਮਣੇ ਆ ਰਹੀਆਂ ਹਨ ਅਤੇ ਇਸ ਦੌਰਾਨ ਆਈਫੋਨ 16 ਅਤੇ 16 ਪਲੱਸ ਦੇ ਕੈਮਰਾ ਫੀਚਰਸ ਦਾ ਵੀ ਖੁਲਾਸਾ ਹੋਇਆ ਹੈ।
ਐਪਲ ਇਨਸਾਈਡਰ ਦੀ ਰਿਪੋਰਟ ਦੇ ਮੁਤਾਬਕ, iPhone 16 ਅਤੇ iPhone 16 Plus ਪਿਛਲੇ ਸਾਲ ਵਾਂਗ ਹੀ ਕੈਮਰਾ ਸੈੱਟਅਪ ਦੇ ਨਾਲ ਆਉਣਗੇ। ਇਸ ਵਿੱਚ f/1.6 ਅਪਰਚਰ ਅਤੇ 2x ਆਪਟੀਕਲ ਟੈਲੀਫੋਟੋ ਜ਼ੂਮ ਵਾਲਾ 48-ਮੈਗਾਪਿਕਸਲ ਦਾ ਪ੍ਰਾਇਮਰੀ ਸ਼ੂਟਰ, ਅਤੇ ਇੱਕ ਅਲਟਰਾ-ਵਾਈਡ-ਐਂਗਲ ਲੈਂਸ ਸ਼ਾਮਲ ਹੋਵੇਗਾ ਜੋ 0.5x 'ਤੇ ਫੋਟੋਆਂ ਕਲਿੱਕ ਕਰ ਸਕਦਾ ਹੈ।
ਫੋਨ ਦੇ ਕੈਮਰੇ 'ਤੇ ਅਲਟਰਾ-ਵਾਈਡ-ਐਂਗਲ ਸ਼ੂਟਰ ਨੂੰ f/2.4 ਦੀ ਬਜਾਏ f/2.2 ਦੇ ਅਪਰਚਰ ਨਾਲ ਥੋੜ੍ਹਾ ਅਪਗ੍ਰੇਡ ਮਿਲ ਸਕਦਾ ਹੈ, ਜਿਸਦਾ ਮਤਲਬ ਹੈ ਕਿ ਨਵਾਂ ਆਈਫੋਨ ਸੈਂਸਰ ਕੈਮਰੇ ਨੂੰ ਵਧੇਰੇ ਰੋਸ਼ਨੀ ਦੇ ਸਕਦਾ ਹੈ ਅਤੇ ਉਮੀਦ ਕੀਤੀ ਜਾਂਦੀ ਹੈ ਕਿ ਹਨੇਰੇ ਵਿਚ ਵੀ ਸ਼ਾਨਦਾਰ ਫੋਟੋਆਂ ਕਲਿੱਕ ਕੀਤੀਆਂ ਜਾਣਗੀਆਂ।
ਇਸ ਤੋਂ ਇਲਾਵਾ ਰਿਪੋਰਟ 'ਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਆਈਫੋਨ 16 ਅਤੇ ਆਈਫੋਨ 16 ਪਲੱਸ ਨੂੰ ਪਹਿਲੀ ਵਾਰ ਮੈਕਰੋ ਫੋਟੋਗ੍ਰਾਫੀ ਸਪੋਰਟ ਨਾਲ ਪੇਸ਼ ਕੀਤਾ ਜਾਵੇਗਾ।
ਐਪਲ ਨੇ ਪਹਿਲਾਂ ਸਿਰਫ ਆਈਫੋਨ 15 ਪ੍ਰੋ ਅਤੇ ਪ੍ਰੋ ਮੈਕਸ ਲਈ ਐਕਸ਼ਨ ਬਟਨ ਪੇਸ਼ ਕੀਤਾ ਸੀ, ਪਰ ਹੁਣ ਕਿਹਾ ਜਾ ਰਿਹਾ ਹੈ ਕਿ ਇਹ ਆਈਫੋਨ 16 ਅਤੇ ਆਈਫੋਨ 16 ਪਲੱਸ ਵਿੱਚ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ, ਇਹ ਵੀ ਸਾਹਮਣੇ ਆਇਆ ਹੈ ਕਿ ਐਪਲ ਆਉਣ ਵਾਲੇ ਸਾਰੇ 16 ਸੀਰੀਜ਼ ਮਾਡਲਾਂ ਲਈ ਇੱਕ ਨਵੇਂ ਕੈਪਚਰ ਬਟਨ 'ਤੇ ਵੀ ਕੰਮ ਕਰ ਰਿਹਾ ਹੈ, ਜੋ ਉਪਭੋਗਤਾਵਾਂ ਨੂੰ ਤੁਰੰਤ ਫੋਟੋਆਂ ਅਤੇ ਵੀਡੀਓ ਲੈਣ ਵਿੱਚ ਮਦਦ ਕਰੇਗਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
