Whatsapp ਨੇ ਭਾਰਤ 'ਚ 37.16 ਲੱਖ ਖਾਤੇ ਕੀਤੇ ਬੈਨ, ਜਾਣੋ ਕਿਸ ਉੱਤੇ ਤੇ ਕਿਉਂ ਹੋਈ ਕਾਰਵਾਈ
ਵਟਸਐਪ ਨੇ ਆਪਣੀ ਭਾਰਤ ਮਾਸਿਕ ਰਿਪੋਰਟ ਵਿੱਚ ਕਿਹਾ, “1 ਨਵੰਬਰ, 2022 ਤੋਂ 30 ਨਵੰਬਰ, 2022 ਦੇ ਵਿਚਕਾਰ, 3,716,000 ਵਟਸਐਪ ਖਾਤਿਆਂ ਨੂੰ ਬੈਨ ਕੀਤਾ ਗਿਆ ਸੀ।
WhatsApp Ban Account: ਮੇਟਾ ਦੀ ਮਲਕੀਅਤ ਵਾਲੀ ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਨੇ ਜਾਣਕਾਰੀ ਦਿੱਤੀ ਹੈ ਕਿ ਉਸ ਨੇ ਨਵੰਬਰ ਵਿੱਚ 37.16 ਲੱਖ ਖਾਤਿਆਂ ਨੂੰ ਬੈਨ ਕਰ ਦਿੱਤਾ ਹੈ। ਇਹ ਅੰਕੜਾ ਭਾਰਤੀ ਖਾਤਿਆਂ 'ਤੇ ਲਗਾਈ ਗਈ ਪਾਬੰਦੀ ਦਾ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਪਰ ਇਹ ਅੰਕੜਾ ਅਕਤੂਬਰ 'ਚ ਬੈਨ ਕੀਤੇ ਗਏ ਖਾਤਿਆਂ ਤੋਂ ਲਗਭਗ 60 ਫੀਸਦੀ ਜ਼ਿਆਦਾ ਹੈ। ਜਾਣਕਾਰੀ ਮੁਤਾਬਕ ਅਕਤੂਬਰ 'ਚ WhatsApp ਨੇ ਭਾਰਤ 'ਚ 23.24 ਲੱਖ ਖਾਤਿਆਂ ਨੂੰ ਬੈਨ ਕਰ ਦਿੱਤਾ ਸੀ। ਇਨ੍ਹਾਂ ਵਿੱਚੋਂ 8.11 ਲੱਖ ਖਾਤੇ ਸਰਗਰਮੀ ਨਾਲ ਬੰਦ ਕਰ ਦਿੱਤੇ ਗਏ ਸਨ।
ਵਟਸਐਪ ਇੰਡੀਆ ਮਾਸਿਕ ਰਿਪੋਰਟ
ਸੂਚਨਾ ਤਕਨਾਲੋਜੀ ਨਿਯਮ 2021 ਦੇ ਤਹਿਤ ਪ੍ਰਕਾਸ਼ਿਤ ਆਪਣੀ ਭਾਰਤ ਮਾਸਿਕ ਰਿਪੋਰਟ ਵਿੱਚ, WhatsApp ਨੇ ਕਿਹਾ, "1 ਨਵੰਬਰ, 2022 ਤੋਂ 30 ਨਵੰਬਰ, 2022 ਦੇ ਵਿਚਕਾਰ, 3,716,000 WhatsApp ਖਾਤਿਆਂ ਨੂੰ ਬੈਨ ਕੀਤਾ ਗਿਆ ਸੀ। ਇਹਨਾਂ ਵਿੱਚੋਂ 990,000 ਖਾਤਿਆਂ ਨੂੰ ਸਰਗਰਮੀ ਨਾਲ ਬੈਨ ਕੀਤਾ ਗਿਆ ਸੀ।"
ਅਕਤੂਬਰ ਦੇ ਮੁਕਾਬਲੇ ਜ਼ਿਆਦਾ ਸ਼ਿਕਾਇਤਾਂ ਪ੍ਰਾਪਤ ਹੋਈਆਂ ਹਨ
ਵਟਸਐਪ ਨੂੰ ਅਕਤੂਬਰ ਦੇ ਮੁਕਾਬਲੇ ਨਵੰਬਰ 'ਚ ਖਾਤਿਆਂ ਨੂੰ ਬੈਨ ਕਰਨ ਲਈ ਯੂਜ਼ਰਸ ਤੋਂ ਜ਼ਿਆਦਾ ਅਪੀਲਾਂ ਆਈਆਂ ਹਨ। ਵਟਸਐਪ ਨੂੰ ਨਵੰਬਰ 'ਚ ਯੂਜ਼ਰਸ ਤੋਂ 946 ਸ਼ਿਕਾਇਤਾਂ ਮਿਲੀਆਂ, ਜਿਨ੍ਹਾਂ 'ਚ 830 ਖਾਤਿਆਂ ਨੂੰ ਬੈਨ ਕਰਨ ਦੀ ਅਪੀਲ ਕੀਤੀ ਗਈ। ਇਨ੍ਹਾਂ ਵਿੱਚੋਂ ਸਿਰਫ਼ 73 ਖਾਤਿਆਂ ਖ਼ਿਲਾਫ਼ ਕਾਰਵਾਈ ਹੋਈ ਹੈ। ਵਟਸਐਪ ਨੇ ਕਿਹਾ ਹੈ ਕਿ ਅਸੀਂ ਸਾਰੇ ਮਾਮਲਿਆਂ ਨੂੰ ਦੇਖਦੇ ਹਾਂ। ਇਸ ਦੌਰਾਨ, WhatsApp ਖਾਤਿਆਂ 'ਤੇ 'ਐਕਸ਼ਨ' ਲੈਂਦਾ ਹੈ, ਅਤੇ ਉਨ੍ਹਾਂ 'ਤੇ ਪਾਬੰਦੀ ਲਗਾਉਂਦਾ ਹੈ ਜਾਂ ਪਹਿਲਾਂ ਤੋਂ ਪਾਬੰਦੀਸ਼ੁਦਾ ਖਾਤਿਆਂ ਨੂੰ ਬਹਾਲ ਕਰਦਾ ਹੈ।
ਇਹ 2021 ਦਾ ਨਿਯਮ ਹੈ
ਰਿਪੋਰਟ ਵਿੱਚ ਇਹ ਵੀ ਸ਼ਾਮਲ ਹੈ ਕਿ ਸ਼ਿਕਾਇਤ ਚੈਨਲ ਰਾਹੀਂ ਉਪਭੋਗਤਾ ਦੀਆਂ ਸ਼ਿਕਾਇਤਾਂ ਦਾ ਜਵਾਬ ਦੇਣ ਅਤੇ ਕਾਰਵਾਈ ਕਰਨ ਤੋਂ ਇਲਾਵਾ, WhatsApp ਆਪਣੇ ਪਲੇਟਫਾਰਮ 'ਤੇ ਨੁਕਸਾਨਦੇਹ ਵਿਵਹਾਰ ਨੂੰ ਰੋਕਣ ਲਈ ਟੂਲਸ ਅਤੇ ਸਰੋਤਾਂ ਨੂੰ ਤੈਨਾਤ ਕਰਦਾ ਹੈ। ਦੱਸ ਦੇਈਏ ਕਿ ਨਵੇਂ ਆਈਟੀ ਨਿਯਮ 2021 ਦੇ ਅਨੁਸਾਰ, ਵੱਡੇ ਡਿਜੀਟਲ ਪਲੇਟਫਾਰਮਾਂ (50 ਲੱਖ ਤੋਂ ਵੱਧ ਉਪਭੋਗਤਾਵਾਂ ਵਾਲੇ) ਲਈ ਹਰ ਮਹੀਨੇ ਪ੍ਰਾਪਤ ਹੋਈਆਂ ਸ਼ਿਕਾਇਤਾਂ ਅਤੇ ਕੀਤੀ ਗਈ ਕਾਰਵਾਈ ਦੇ ਵੇਰਵੇ ਦਾ ਜ਼ਿਕਰ ਕਰਦੇ ਹੋਏ ਪਾਲਣਾ ਰਿਪੋਰਟ ਪ੍ਰਕਾਸ਼ਤ ਕਰਨਾ ਲਾਜ਼ਮੀ ਹੋਵੇਗਾ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
