ਜਦੋਂ ਪਤਨੀ ਨੇ ਦਾਜ ਦਾ ਕੇਸ ਕੀਤਾ ਤਾਂ 7 ਬੋਰੀਆਂ 'ਚ ਸਿੱਕੇ ਭਰ ਕੇ ਅਦਾਲਤ ਪਹੁੰਚ ਗਿਆ ਪਤੀ ! ਗਿਣਤੀ ਲਈ ਤੈਅ ਕੀਤੀ ਤਾਰੀਕ

Rajasthan News : ਜੈਪੁਰ ਦੀ ਫੈਮਿਲੀ ਕੋਰਟ ਦੀ ਕੜੀ ਏਡੀਜੇ ਕੋਰਟ ਵਿੱਚ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਹੋਇਆ ਇਹ ਕਿ ਦਾਜ ਲਈ ਤੰਗ ਪ੍ਰੇਸ਼ਾਨ ਕਰਨ ਦੇ ਮਾਮਲੇ 'ਚ ਅਦਾਲਤ ਨੇ ਦੋਸ਼ੀ

husband

Rajasthan News : ਜੈਪੁਰ ਦੀ ਫੈਮਿਲੀ ਕੋਰਟ ਦੀ ਕੜੀ ਏਡੀਜੇ ਕੋਰਟ ਵਿੱਚ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਹੋਇਆ ਇਹ ਕਿ ਦਾਜ ਲਈ ਤੰਗ ਪ੍ਰੇਸ਼ਾਨ ਕਰਨ ਦੇ ਮਾਮਲੇ 'ਚ ਅਦਾਲਤ ਨੇ ਦੋਸ਼ੀ ਪਤੀ ਨੂੰ ਜੇਲ੍ਹ ਭੇਜਣ ਅਤੇ ਪਤਨੀ ਨੂੰ ਗੁਜ਼ਾਰੇ ਭੱਤਾ ਦੀ ਬਕਾਇਆ ਰਾਸ਼ੀ (55 ਹਜ਼ਾਰ ਰੁਪਏ) ਦੇਣ ਦਾ ਹੁਕਮ ਸੁਣਾਇਆ। ਇਸ ’ਤੇ ਮੁਲਜ਼ਮਾਂ ਦੇ ਰਿਸ਼ਤੇਦਾਰਾਂ ਨੇ ਪੈਸੇ ਜਮ੍ਹਾ ਵੀ ਕਰਵਾ ਦਿੱਤੇ ਪਰ 55 ਹਜ਼ਾਰ ਰੁਪਏ ਦੀ ਰਕਮ ਦੇਖ ਕੇ ਸਾਰੇ ਹੈਰਾਨ ਰਹਿ ਗਏ।

 

ਜੀ ਹਾਂ, ਪਤੀ ਨੇ ਪਰਿਵਾਰਕ ਝਗੜੇ ਕਾਰਨ ਗੁਜ਼ਾਰੇ ਭੱਤਾ ਦੀ 55,000 ਰੁਪਏ ਦੀ ਰਕਮ  'ਚ 7 ਬੋਰੀਆਂ 'ਚ ਭਰ ਕੇ ਜਮ੍ਹਾਂ ਕਰਵਾ ਦਿੱਤੀ। ਹੁਣ ਤੁਸੀਂ ਸੋਚ ਰਹੇ ਹੋਵੋਗੇ ਕਿ 7 ਬੋਰੀਆਂ 'ਚ 55 ਹਜ਼ਾਰ ਰੁਪਏ ਲਿਆਉਣ ਦੀ ਕੀ ਲੋੜ ਸੀ? ਤਾਂ ਦੱਸ ਦੇਈਏ ਕਿ ਪਤੀ ਨੇ 55 ਹਜ਼ਾਰ ਰੁਪਏ ਸਿੱਕਿਆਂ 'ਚ ਜਮ੍ਹਾ ਕਰਵਾਏ ਅਤੇ ਇਨ੍ਹਾਂ ਸਿੱਕਿਆਂ ਦਾ ਵਜ਼ਨ ਕਰੀਬ 280 ਕਿਲੋ ਸੀ। ਇਸੇ ਲਈ ਉਨ੍ਹਾਂ ਨੂੰ ਬੋਰੀਆਂ ਵਿੱਚ ਪੈਕ ਕਰਕੇ ਅਦਾਲਤ ਵਿੱਚ ਲਿਆਂਦਾ ਗਿਆ। ਜਦੋਂ ਬੋਰੀਆਂ 'ਚੋਂ ਸਿੱਕਿਆਂ ਦੀ ਗੂੰਜ ਸੁਣਾਈ ਦਿੱਤੀ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ। ਸਾਰੇ ਥੈਲੇ 1, 2, 5 ਅਤੇ 10 ਰੁਪਏ ਦੇ ਸਿੱਕਿਆਂ ਨਾਲ ਭਰੇ ਹੋਏ ਸਨ। ਇਸ ਤੋਂ ਬਾਅਦ ਅਦਾਲਤ ਨੇ ਸਿੱਕਿਆਂ ਨੂੰ ਸੁਰੱਖਿਅਤ ਰੱਖਣ ਦੇ ਨਿਰਦੇਸ਼ ਦਿੱਤੇ।

 

ਕੀ ਹੈ ਪੂਰਾ ਮਾਮਲਾ?

 
ਦਸ਼ਰਥ ਕੁਮਾਵਤ ਦਾ ਵਿਆਹ 12 ਸਾਲ ਪਹਿਲਾਂ ਸੀਮਾ ਕੁਮਾਵਤ ਨਾਲ ਹੋਇਆ ਸੀ ਪਰ ਪਿਛਲੇ ਪੰਜ ਸਾਲਾਂ ਤੋਂ ਦੋਵਾਂ ਵਿਚਾਲੇ ਝਗੜਾ ਚੱਲ ਰਿਹਾ ਹੈ। ਸੀਮਾ ਨੇ ਆਪਣੇ ਪਤੀ ਖਿਲਾਫ ਦਾਜ ਲਈ ਪਰੇਸ਼ਾਨ ਕਰਨ ਦਾ ਮਾਮਲਾ ਦਰਜ ਕਰਵਾਇਆ ਹੈ ਅਤੇ ਇਸ ਮਾਮਲੇ 'ਚ ਮੁਕੱਦਮਾ ਚੱਲ ਰਿਹਾ ਹੈ ਪਰ ਪਤੀ 'ਤੇ 2.25 ਲੱਖ ਰੁਪਏ ਦਾ ਗੁਜ਼ਾਰਾ ਭੱਤਾ ਬਕਾਇਆ ਚੱਲ ਰਿਹਾ ਹੈ। ਅਜਿਹੇ 'ਚ ਬਕਾਇਆ ਰਾਸ਼ੀ ਨਾ ਦੇਣ 'ਤੇ ਥਾਣਾ ਹਰਮਾੜਾ ਦੀ ਪੁਲਸ ਨੇ ਉਸ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ 'ਚ ਪੇਸ਼ ਕੀਤਾ। ਜਿੱਥੋਂ ਅਦਾਲਤ ਨੇ ਉਸ ਨੂੰ ਬਕਾਇਆ ਰਾਸ਼ੀ ਦੀ ਪਹਿਲੀ ਕਿਸ਼ਤ ਦੀ ਅਦਾਇਗੀ ਸਮੇਤ ਜੇਲ੍ਹ ਭੇਜ ਦਿੱਤਾ। ਦਸ਼ਰਥ ਕੁਮਾਵਤ ਦੇ ਜੇਲ੍ਹ ਵਿੱਚ ਹੋਣ ਕਾਰਨ ਉਸ ਦੇ ਪਰਿਵਾਰ ਨੇ 55 ਹਜ਼ਾਰ ਰੁਪਏ ਸਿੱਕਿਆਂ ਵਿੱਚ ਜਮ੍ਹਾਂ ਕਰਵਾ ਦਿੱਤੇ। ਹਾਲਾਂਕਿ 55 ਹਜ਼ਾਰ ਤੋਂ ਇਲਾਵਾ ਅਜੇ ਵੀ 1.70 ਲੱਖ ਰੁਪਏ ਦਾ ਭੱਤਾ ਬਾਕੀ ਹੈ।

 

ਇੱਥੇ 55,000 ਰੁਪਏ ਦੇ ਸਿੱਕੇ ਦੇਣ 'ਤੇ ਪਤਨੀ ਸੀਮਾ ਕੁਮਾਵਤ ਦੇ ਵਕੀਲ ਰਾਮਪ੍ਰਕਾਸ਼ ਕੁਮਾਵਤ ਦਾ ਕਹਿਣਾ ਹੈ ਕਿ ਅਜਿਹਾ ਉਨ੍ਹਾਂ ਨੂੰ ਪ੍ਰੇਸ਼ਾਨ ਕਰਨ ਲਈ ਕੀਤਾ ਜਾ ਰਿਹਾ ਹੈ, ਜੋ ਕਿ ਅਣਮਨੁੱਖੀਤਾ ਹੈ। ਦੂਜੇ ਪਾਸੇ ਪਤੀ ਦੀ ਤਰਫੋਂ ਵਕੀਲ ਰਮਨ ਗੁਪਤਾ ਨੇ 55,000 ਰੁਪਏ ਦੇ ਸਿੱਕੇ ਭਾਰਤੀ ਕਰੰਸੀ ਦੇ ਜਾਇਜ਼ ਹੋਣ ਦੀ ਗੱਲ ਕਹਿ ਕੇ ਰਕਮ ਸਵੀਕਾਰ ਕਰਨ ਦੀ ਅਪੀਲ ਕੀਤੀ।

 

ਇੰਨੇ ਸਿੱਕਿਆਂ ਨੂੰ ਦੇਖ ਕੇ ਅਦਾਲਤ ਨੇ ਇਹ ਵੀ ਕਿਹਾ ਕਿ ਇਸ ਰਕਮ ਨੂੰ ਗਿਣਨ 'ਚ 10 ਦਿਨ ਲੱਗਣਗੇ। ਹੁਣ ਇੰਨੇ ਸਿੱਕੇ ਕਿਵੇਂ ਅਤੇ ਕਦੋਂ ਗਿਣੀਏ? ਇਸ ਦੇ ਲਈ ਅਦਾਲਤ ਨੇ ਪਤੀ ਨੂੰ ਹੁਕਮ ਦਿੱਤਾ ਕਿ ਇਨ੍ਹਾਂ ਸਾਰੇ ਸਿੱਕਿਆਂ ਨੂੰ 1-1 ਹਜ਼ਾਰ ਰੁਪਏ ਦੀਆਂ ਥੈਲੀਆਂ ਬਣਾ ਕੇ ਗਿਣਤੀ ਕਰਵਾਉਣ। ਸਿੱਕਿਆਂ ਦੀ ਸਹੀ ਗਿਣਤੀ ਲਈ 26 ਜੂਨ ਦੀ ਤਰੀਕ ਵੀ ਤੈਅ ਕੀਤੀ ਗਈ ਹੈ।