ਮੋਮੋਜ਼ ਖਾਣ ਵਾਲੇ ਹੋ ਜਾਣ ਸਾਵਧਾਨ! ਇਸ ਸ਼ਹਿਰ 'ਚ ਇੱਕ ਪਰਿਵਾਰ ਦੇ 4 ਮੈਂਬਰ ਪੁੱਜੇ ਹਸਪਤਾਲ
ਬਹੁਤ ਸਾਰੇ ਲੋਕ ਮੋਮੋਜ਼ ਲਵ ਹੁੰਦੇ ਹਨ, ਉਹ ਜਦੋਂ ਵੀ ਕਿਤੇ ਮੋਮੋਜ਼ ਦੇਖਦੇ ਹਨ ਤਾਂ ਆਪਣੇ ਆਪ ਨੂੰ ਖਾਣ ਤੋਂ ਰੋਕ ਨਹੀਂ ਪਾਉਂਦੇ ਹਨ। ਪਰ ਇਹ ਆਦਤ ਸਿਹਤ ਲਈ ਕਈ ਵਾਰੀ ਭਾਰੀ ਪੈ ਸਕਦੀ ਹੈ। ਹਾਲ ਦੇ ਵਿੱਚ ਇੱਕ ਪਰਿਵਾਰ ਦੇ ਚਾਰ ਮੈਂਬਰ ਹਸਪਤਾਲ..
ਗ੍ਰੇਟਰ ਨੋਇਡਾ ਦੇ ਜੂ-2 ਇਲਾਕੇ 'ਚ ਰਹਿਣ ਵਾਲੇ ਇੱਕ ਪਰਿਵਾਰ ਦੇ 4 ਮੈਂਬਰਾਂ ਦੀ ਮੋਮੋਜ਼ ਖਾਣ (eat momos) ਕਾਰਨ ਤਬੀਅਤ ਖਰਾਬ ਹੋ ਗਈ। ਪਰਿਵਾਰਕ ਮੈਂਬਰਾਂ ਨੇ ਤੁਰੰਤ ਚੌਕਸੀ ਵਖਾਓਂਦੇ ਹੋਏ ਉਨ੍ਹਾਂ ਨੂੰ ਹਸਪਤਾਲ 'ਚ ਦਾਖਲ ਕਰਵਾਇਆ, ਜਿੱਥੇ ਫਿਲਹਾਲ ਸਭ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ। ਜਲਦੀ ਹੀ ਉਨ੍ਹਾਂ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲਣ ਦੀ ਸੰਭਾਵਨਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਸੈਕਟਰ ਅਲਫਾ ਵਨ ਦੀ ਕਮਰਸ਼ੀਅਲ ਬੇਲਟ 'ਚੋਂ ਇੱਕ ਫੂਡ ਸਟਾਲ ਤੋਂ ਮੋਮੋਜ਼ ਖਰੀਦੇ ਸਨ। ਪੀੜਤ ਵੱਲੋਂ ਇਸ ਦੀ ਸ਼ਿਕਾਇਤ ਖਾਦ ਪੜਤਾਲ ਵਿਭਾਗ ਨੂੰ ਕੀਤੀ ਗਈ ਹੈ।
ਮੋਮੋਜ਼ ਖਾਂਦੇ ਹੀ ਉਲਟੀ-ਦਸਤ ਕਾਰਨ ਬਿਗੜੀ ਤਬੀਅਤ
ਜਾਣਕਾਰੀ ਅਨੁਸਾਰ, ਵਿਨੈ ਕਸਾਨਾ ਆਪਣੇ ਪਰਿਵਾਰ ਨਾਲ ਸੈਕਟਰ ਜੂ-2 'ਚ ਰਹਿੰਦੇ ਹਨ। ਉਨ੍ਹਾਂ ਦੱਸਿਆ ਕਿ 25 ਮਈ ਦੀ ਸ਼ਾਮ ਨੂੰ ਉਨ੍ਹਾਂ ਨੇ ਅਲਫਾ ਵਨ ਕਮਰਸ਼ੀਅਲ ਬੇਲਟ 'ਚੋਂ ਇੱਕ ਫੂਡ ਸਟਾਲ ਤੋਂ ਮੋਮੋਜ਼ ਖਰੀਦੇ ਸਨ। ਮੋਮੋਜ਼ ਖਾਣ ਤੋਂ ਬਾਅਦ ਉਨ੍ਹਾਂ ਦੀ ਤਬੀਅਤ ਖਰਾਬ ਹੋ ਗਈ। ਥੋੜੀ ਦੇਰ ਬਾਅਦ ਉਨ੍ਹਾਂ ਦੀ ਮਾਂ ਮੁਨੀਤਾ ਕਸਾਨਾ ਅਤੇ ਹੋਰ ਦੋ ਮੈਂਬਰ ਪਾਰੁਲ ਕਸਾਨਾ ਅਤੇ ਦੀਪਿਕਾ ਕਸਾਨਾ ਦੀ ਵੀ ਤਬੀਅਤ ਵਿਗੜ ਗਈ। ਸਭ ਨੂੰ ਉਲਟੀ ਅਤੇ ਦਸਤ ਦੀ ਸਮੱਸਿਆ ਹੋ ਗਈ। 26 ਮਈ ਦੀ ਸਵੇਰ ਉਨ੍ਹਾਂ ਸਭ ਨੂੰ ਕੈਲਾਸ਼ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਜਿੱਥੇ ਹਾਲੇ ਵੀ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ। ਮੋਮੋਜ਼ ਖਾਣ ਕਾਰਨ ਉਨ੍ਹਾਂ ਦੇ ਪੇਟ 'ਚ ਇੰਫੈਕਸ਼ਨ ਹੋ ਗਿਆ।
ਮੋਮੋਜ਼ ਵੇਚਣ ਵਾਲਾ ਹੋਇਆ ਫਰਾਰ
ਇਸ ਮਾਮਲੇ 'ਚ ਵੀਰਵਾਰ ਨੂੰ ਪੀੜਤ ਪਰਿਵਾਰ ਵੱਲੋਂ ਕਲੇਕਟਰੇਟ ਦਫ਼ਤਰ 'ਚ ਖਾਦ ਵਿਭਾਗ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ। ਜਿਸ 'ਤੇ ਸ਼ਾਮ ਨੂੰ ਖਾਦ ਸੁਰੱਖਿਆ ਅਧਿਕਾਰੀ ਨੇ ਆਪਣੀ ਟੀਮ ਸਮੇਤ ਮੌਕੇ 'ਤੇ ਪਹੁੰਚ ਕੇ ਜਾਂਚ ਕੀਤੀ। ਉਨ੍ਹਾਂ ਦੱਸਿਆ ਕਿ ਚਾਰੇ ਪੀੜਤ ਹਾਲੇ ਵੀ ਹਸਪਤਾਲ 'ਚ ਦਾਖਲ ਹਨ ਅਤੇ ਉਨ੍ਹਾਂ ਨਾਲ ਗੱਲਬਾਤ ਕੀਤੀ ਗਈ ਹੈ। ਹੁਣ ਉਨ੍ਹਾਂ ਦੀ ਤਬੀਅਤ ਬਿਹਤਰ ਹੈ। ਮੋਮੋਜ਼ ਵੇਚਣ ਵਾਲਾ ਵਿਅਕਤੀ ਫਿਲਹਾਲ ਫਰਾਰ ਹੈ। ਜਦੋਂ ਤੋਂ ਇਹ ਮਾਮਲਾ ਸਾਹਮਣੇ ਆਇਆ ਹੈ, ਉਹ ਸਟਾਲ ਲਗਾਣ ਨਹੀਂ ਆਇਆ। ਉਸਦੀ ਭਾਲ ਜਾਰੀ ਹੈ।
ਡਾਕਟਰਾਂ ਨੂੰ ਸ਼ੱਕ ਹੈ ਕਿ ਮੋਮੋਜ਼ ਵਿੱਚ ਕੋਈ ਹਾਨੀਕਾਰਕ ਕੇਮਿਕਲ ਮਿਲਾਇਆ ਗਿਆ ਸੀ। ਇਸ ਬਾਰੇ ਵਿਭਾਗ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਜੇ ਅਜਿਹਾ ਹੁੰਦਾ ਤਾਂ ਹੋਰ ਲੋਕਾਂ ਦੇ ਵੀ ਬਿਮਾਰ ਹੋਣ ਦਾ ਖਤਰਾ ਬਣ ਸਕਦਾ ਸੀ। ਮੋਮੋਜ਼ ਵੇਚਣ ਵਾਲੇ ਵਿਅਕਤੀ ਦੀ ਪਛਾਣ ਕਰਕੇ ਉਸ ਵੱਲੋਂ ਤਿਆਰ ਫੂਡ ਤੋਂ ਨਮੂਨੇ ਲਏ ਜਾਣਗੇ। ਨਮੂਨਿਆਂ ਦੀ ਜਾਂਚ ਰਿਪੋਰਟ ਆਉਣ ਤੋਂ ਬਾਅਦ ਹੀ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।
ਗ੍ਰੇਟਰ ਨੋਏਡਾ 'ਚ ਮੋਮੋਜ਼ ਖਾਣ ਦੇ ਸ਼ੌਕੀਨ ਲੋਕਾਂ ਦੀ ਗਿਣਤੀ ਕਾਫ਼ੀ ਜ਼ਿਆਦਾ ਹੈ। ਇਸੀ ਕਾਰਨ ਹਰ ਮਾਰਕੀਟ 'ਚ ਮੋਮੋਜ਼ ਵੇਚਣ ਵਾਲੇ ਮਿਲ ਜਾਂਦੇ ਹਨ। ਦੁਕਾਨਾਂ ਦੇ ਨਾਲ ਨਾਲ ਸੜਕਾਂ ਕੰਢੇ ਵੀ ਸਟਾਲ ਲੱਗ ਰਹੇ ਹਨ, ਪਰ ਲੋਕਾਂ ਦੀ ਇਹ ਖਾਣ ਦੀ ਚਾਹਤ ਹੁਣ ਸਿਹਤ 'ਤੇ ਭਾਰੀ ਪੈ ਰਹੀ ਹੈ। ਪਿਛਲੇ ਸਾਲ ਵੀ ਗ੍ਰੇਨੋ ਵੈਸਟ ਅਤੇ ਗ੍ਰੇਟਰ ਨੋਏਡਾ 'ਚ ਮੋਮੋਜ਼ ਖਾਣ ਕਰਕੇ 30 ਤੋਂ ਵੱਧ ਲੋਕ ਬਿਮਾਰ ਹੋ ਗਏ ਸਨ। ਵਿਭਾਗ ਵੱਲੋਂ ਜਾਂਚ ਵੀ ਕਰਵਾਈ ਗਈ ਸੀ, ਪਰ ਕੁਝ ਨਤੀਜਾ ਨਹੀਂ ਨਿਕਲਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
