![ABP Premium](https://cdn.abplive.com/imagebank/Premium-ad-Icon.png)
Viral News: 7 ਪਤੀ ਤੇ 3 ਬੱਚਿਆਂ ਵਾਲੀ 'ਕੁਆਰੀ' ਲਾੜੀ, ਪੁਲਿਸ ਨੇ ਵੀ ਔਰਤ ਦੀਆਂ ਗੱਲਾਂ ਸੁਣ ਫੜ ਲਿਆ ਮੱਥਾ!
Viral News: ਰਾਜਸਥਾਨ ਦੇ ਚੁਰੂ 'ਚ ਪੁਲਿਸ ਨੇ ਛੇ ਨੌਜਵਾਨਾਂ ਨਾਲ ਵਿਆਹ ਕਰਵਾ ਕੇ ਧੋਖਾਧੜੀ ਕਰਨ ਵਾਲੀ 'ਕੁਆਰੀ' ਲਾੜੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਔਰਤ ਦਾ ਵਿਆਹ ਕੁਝ ਸਾਲ ਪਹਿਲਾਂ ਇਕ ਵਿਅਕਤੀ ਨਾਲ ਹੋਇਆ ਸੀ। ਉਸ ਦੇ ਤਿੰਨ ਬੱਚੇ ਵੀ ਸਨ।
![Viral News: 7 ਪਤੀ ਤੇ 3 ਬੱਚਿਆਂ ਵਾਲੀ 'ਕੁਆਰੀ' ਲਾੜੀ, ਪੁਲਿਸ ਨੇ ਵੀ ਔਰਤ ਦੀਆਂ ਗੱਲਾਂ ਸੁਣ ਫੜ ਲਿਆ ਮੱਥਾ! The 'virgin' bride with 7 husbands and 3 children, the police also caught the woman's words! Viral News: 7 ਪਤੀ ਤੇ 3 ਬੱਚਿਆਂ ਵਾਲੀ 'ਕੁਆਰੀ' ਲਾੜੀ, ਪੁਲਿਸ ਨੇ ਵੀ ਔਰਤ ਦੀਆਂ ਗੱਲਾਂ ਸੁਣ ਫੜ ਲਿਆ ਮੱਥਾ!](https://feeds.abplive.com/onecms/images/uploaded-images/2024/06/20/add2349f2eba1751b6aa82e99dedae951718864458664996_original.jpg?impolicy=abp_cdn&imwidth=1200&height=675)
ਔਰਤ ਦਾ ਵਿਆਹ ਕੁਝ ਸਾਲ ਪਹਿਲਾਂ ਇੱਕ ਵਿਅਕਤੀ ਨਾਲ ਹੋਇਆ ਸੀ। ਉਸ ਦੇ ਤਿੰਨ ਬੱਚੇ ਵੀ ਸਨ ਪਰ ਬਾਅਦ ਵਿੱਚ ਉਸ ਨੇ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ। ਇਸ ਤੋਂ ਬਾਅਦ ਔਰਤ ਲੁਟੇਰੀ ਦੁਲਹਨ ਬਣ ਗਈ। ਉਹ ਖੁਦ ਨੂੰ ਕੁਆਰੀ ਦੱਸ ਨੌਜਵਾਨਾਂ ਨੂੰ ਝਾਂਸੇ 'ਚ ਲੈ ਕੇ ਉਨ੍ਹਾਂ ਨਾਲ ਵਿਆਹ ਕਰ ਲੈਂਦੀ। 10 ਤੋਂ 15 ਦਿਨ ਉਨ੍ਹਾਂ ਨਾਲ ਰਹਿੰਦੀ ਤੇ ਫਿਰ ਰਾਤੋ ਰਾਤ ਪੈਸੇ-ਗਹਿਣੇ ਲੈ ਕੇ ਭੱਜ ਜਾਂਦੀ।
ਔਰਤ ਦੇ ਕੁੱਲ 7 ਵਿਆਹ ਕਰਵਾਏ। ਜਦੋਂ ਉਹ ਅੱਠਵੀਂ ਵਾਰ ਵਿਆਹ ਕਰਨ ਜਾ ਰਹੀ ਸੀ ਤਾਂ ਉਸ ਨੂੰ ਪੁਲਿਸ ਨੇ ਫੜ ਲਿਆ। ਥਾਣੇ ਜਾ ਕੇ ਉਸ ਨੇ ਸਾਰੀ ਕਹਾਣੀ ਪੁਲਿਸ ਨੂੰ ਦੱਸੀ। ਔਰਤ ਦੀ ਕਹਾਣੀ ਸੁਣ ਕੇ ਪੁਲਿਸ ਵਾਲੇ ਵੀ ਹੈਰਾਨ ਰਹਿ ਗਏ। ਉਸ ਨੇ ਦੱਸਿਆ ਕਿ ਉਹ ਰਤਨਗੜ੍ਹ ਦੀ ਰਹਿਣ ਵਾਲੀ ਹੈ। ਆਪਣੇ ਪਹਿਲੇ ਪਤੀ ਤੋਂ ਤਲਾਕ ਤੋਂ ਬਾਅਦ ਉਸ ਨੇ ਇਕ-ਇਕ ਕਰਕੇ 7 ਨੌਜਵਾਨਾਂ ਨਾਲ ਵਿਆਹ ਕਰਵਾਇਆ। ਫਿਰ ਉਹ ਉਨ੍ਹਾਂ ਨੂੰ ਲੁੱਟ ਕੇ ਭੱਜ ਗਈ। ਉਸ ਦਾ ਆਪਣਾ ਗੈਂਗ ਵੀ ਹੈ। ਗਰੋਹ ਦੇ ਨਾਲ-ਨਾਲ ਉਹ ਕਈ ਟਰੱਕ ਡਰਾਈਵਰਾਂ ਨੂੰ ਵੀ ਲੁੱਟ ਚੁੱਕੀ ਹੈ।
ਔਰਤ ਪੁਲਿਸ ਰਿਮਾਂਡ 'ਤੇ
ਇਸ ਲੁਟੇਰੀ ਦੁਲਹਨ ਨੂੰ ਹਾਲ ਹੀ ਵਿੱਚ ਰਤਨਗੜ੍ਹ ਪੁਲਿਸ ਨੇ ਕਾਬੂ ਕੀਤਾ ਹੈ। ਰਤਨਗੜ੍ਹ ਦੇ ਪਿੰਡ ਠਠਾਵਤਾ ਦੇ ਰਹਿਣ ਵਾਲੇ ਭੱਦਰਸਿੰਘ ਨੇ ਰਤਨਗੜ੍ਹ ਥਾਣੇ ਵਿੱਚ ਲੁਟੇਰੀ ਦੁਲਹਨ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ ਸੀ। ਉਸ ਨੇ ਦੱਸਿਆ ਕਿ 8 ਅਪ੍ਰੈਲ 2024 ਨੂੰ ਉਸ ਦਾ ਵਿਆਹ 32 ਸਾਲਾ ਵੀਰਪਾਲ ਵਾਸੀ ਲੂੰਕਰਨਸਰ, ਬੀਕਾਨੇਰ ਨਾਲ ਹੋਇਆ ਸੀ ਜਿਸ ਦੇ ਬਦਲੇ ਉਸ ਨੇ ਪ੍ਰੇਮ ਸਿੰਘ ਤੇ ਹੋਰਾਂ ਨਾਲ ਮਿਲ ਕੇ ਢਾਈ ਲੱਖ ਰੁਪਏ ਵੀ ਲਏ ਸਨ ਪਰ ਵਿਆਹ ਦੇ 20 ਦਿਨ ਬਾਅਦ ਹੀ ਲਾੜੀ ਵੀਰਪਾਲ ਆਪਣੇ ਦੋਸਤਾਂ ਨਾਲ ਭੱਜ ਗਈ।
ਤਿੰਨ ਬੱਚਿਆਂ ਦੀ ਮਾਂ
ਜਾਂਦੇ ਸਮੇਂ ਵੀਰਪਾਲ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਨਕਦੀ ਵੀ ਆਪਣੇ ਨਾਲ ਲੈ ਗਈ। ਮਾਮਲਾ ਦਰਜ ਹੋਣ ਤੋਂ ਬਾਅਦ ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਲੁਟੇਰੀ ਲਾੜੀ ਵੀਰਪਾਲ ਤੇ ਉਸ ਦੇ ਸਾਥੀ ਪ੍ਰੇਮ ਸਿੰਘ ਰਾਜਪੂਤ ਵਾਸੀ ਰਾਜਪੁਰਾ ਕਾਲੂ ਨੂੰ ਗ੍ਰਿਫਤਾਰ ਕਰ ਲਿਆ। ਉਸ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਦੋਵਾਂ ਨੂੰ ਮੁੜ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ ਗਿਆ। ਦੋਵੇਂ ਅਜੇ ਪੁਲਿਸ ਰਿਮਾਂਡ 'ਤੇ ਹਨ। ਇਸ ਦੌਰਾਨ ਲੁਟੇਰੀ ਲਾੜੀ ਨੇ ਪੁਲਿਸ ਨੂੰ ਸਾਰੀ ਗੱਲ ਦੱਸੀ।
ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਵੀਰਪਾਲ ਤਿੰਨ ਬੱਚਿਆਂ ਦੀ ਮਾਂ ਹੈ। ਉਹ ਆਪਣੇ ਪਤੀ ਅਤੇ ਬੱਚਿਆਂ ਨੂੰ ਛੱਡ ਕੇ ਜੁਰਮ ਦੀ ਦੁਨੀਆਂ ਵਿੱਚ ਆ ਗਈ। ਵੀਰਪਾਲ ਹੁਣ ਤੱਕ ਏਲਨਾਬਾਦ, ਨਾਗੌਰ, ਲੁਣਕਰਨ, ਰਾਵਤਸਰ, ਨੇਚਵਾ ਤੇ ਠਠਵਟਾ ਵਿੱਚ ਵਿਆਹ ਕਰਵਾ ਕੇ ਆਪਣੇ ਸਹੁਰਿਆਂ ਨਾਲ ਲੱਖਾਂ ਰੁਪਏ ਦੀ ਠੱਗੀ ਮਾਰ ਚੁੱਕੀ ਹੈ। ਉਹ ਅੱਠਵੀਂ ਵਾਰ ਵੀ ਵਿਆਹ ਕਰਨ ਜਾ ਰਹੀ ਸੀ ਪਰ ਇਸ ਤੋਂ ਪਹਿਲਾਂ ਹੀ ਪੁਲਿਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਇਸ ਤੋਂ ਇਲਾਵਾ ਉਹ ਟਰੱਕ ਡਰਾਈਵਰਾਂ ਨੂੰ ਵੀ ਲੁੱਟ ਚੁੱਕੀ ਹੈ। ਲੁਟੇਰੀ ਲਾੜੀ ਦੇ ਬਾਕੀ ਸਾਥੀਆਂ ਦੀ ਭਾਲ ਜਾਰੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)