Viral News: ਕਪਲ ਨੂੰ ਬੁਲਾ ਰਿਹਾ ਇਹ ਖੂਬਸੂਰਤ ਟਾਪੂ, ਰਿਹਾਇਸ਼ ਅਤੇ ਖਾਣਾ ਸਭ ਮੁਫਤ, ਪਰ ਇੱਕ ਸ਼ਰਤ

Social Media: ਆਇਰਲੈਂਡ ਦਾ ਇੱਕ ਖੂਬਸੂਰਤ ਟਾਪੂ ਲੋਕਾਂ ਨੂੰ ਘੁੰਮਣ ਲਈ ਸੱਦਾ ਦੇ ਰਿਹਾ ਹੈ। ਤੁਸੀਂ ਬੱਸ ਉੱਥੇ ਜਾਣਾ ਹੈ, ਬਾਕੀ ਸਾਰਾ ਪ੍ਰਬੰਧ ਉੱਥੇ ਹੀ ਹੋਵੇਗਾ। ਕਿਸੇ ਕਿਸਮ ਦੀ ਕੋਈ ਸਮੱਸਿਆ ਨਹੀਂ ਹੋਵੇਗੀ। ਤੁਸੀਂ ਚਾਹੋ ਤਾਂ ਕਿਸੇ ਸਾਥੀ...

Viral News

Viral News: ਸੈਰ ਕਰਨ ਦੇ ਸ਼ੌਕੀਨ ਲੋਕ ਮੌਕੇ ਲੱਭਦੇ ਰਹਿੰਦੇ ਹਨ। ਬੈਗ ਨੂੰ ਹਮੇਸ਼ਾ ਪੈਕ ਕਰਕੇ ਰੱਖਦੇ ਹਨ ਕੀ ਕਿਤੇ ਕੋਈ ਮੌਕਾ ਮਿਲ ਜਾਏ ਅਤੇ ਬਸ ਨਿਕਲ ਜਾਓ। ਪਰ ਜ਼ਰਾ ਸੋਚੋ ਕਿ ਜੇਕਰ ਤੁਹਾਨੂੰ ਵਿਦੇਸ਼ ਜਾਣ ਦਾ ਮੌਕਾ ਮਿਲਦਾ ਹੈ ਅਤੇ ਉਹ ਵੀ ਮੁਫ਼ਤ ਰਿਹਾਇਸ਼ ਅਤੇ ਭੋਜਨ ਨਾਲ? ਹਾਂ, ਤੁਸੀਂ ਇਸ ਨੂੰ ਸਹੀ ਪੜ੍ਹ ਰਹੇ ਹੋ। ਆਇਰਲੈਂਡ ਦਾ ਇੱਕ ਖੂਬਸੂਰਤ ਟਾਪੂ ਲੋਕਾਂ ਨੂੰ ਘੁੰਮਣ ਲਈ ਸੱਦਾ ਦੇ ਰਿਹਾ ਹੈ। ਤੁਸੀਂ ਬੱਸ ਉੱਥੇ ਜਾਣਾ ਹੈ, ਬਾਕੀ ਸਾਰਾ ਪ੍ਰਬੰਧ ਉੱਥੇ ਹੀ ਹੋਵੇਗਾ। ਕਿਸੇ ਕਿਸਮ ਦੀ ਕੋਈ ਸਮੱਸਿਆ ਨਹੀਂ ਹੋਵੇਗੀ। ਤੁਸੀਂ ਚਾਹੋ ਤਾਂ ਕਿਸੇ ਸਾਥੀ ਨੂੰ ਵੀ ਨਾਲ ਲੈ ਜਾ ਸਕਦੇ ਹੋ। ਪਰ ਇੱਕ ਸ਼ਰਤ ਹੈ...

ਨਿਊਯਾਰਕ ਪੋਸਟ ਦੀ ਰਿਪੋਰਟ ਦੇ ਮੁਤਾਬਕ, ਤੁਹਾਨੂੰ ਆਇਰਲੈਂਡ ਦੇ ਸਭ ਤੋਂ ਖੂਬਸੂਰਤ ਗ੍ਰੇਟ ਬਲਾਸਕੇਟ ਆਈਲੈਂਡ 'ਤੇ ਰਹਿਣ ਦਾ ਇਹ ਸੁਨਹਿਰੀ ਮੌਕਾ ਮਿਲ ਸਕਦਾ ਹੈ। ਦਰਅਸਲ, ਲੱਖਾਂ ਲੋਕ ਹਰ ਸਾਲ ਗਰਮੀਆਂ ਦੌਰਾਨ ਇਸ ਟਾਪੂ 'ਤੇ ਆਉਂਦੇ ਹਨ। ਇੱਥੇ ਬੇਅੰਤ ਬੀਚ ਅਤੇ ਸ਼ਾਨਦਾਰ ਦ੍ਰਿਸ਼ ਹਨ। ਪਰ ਇੱਥੇ ਰਹਿਣ ਵਾਲਿਆਂ ਲਈ ਇੱਕ ਸ਼ਰਤ ਹੈ। ਤੁਹਾਨੂੰ ਇੱਥੇ ਸਨਬਾਥ ਲਈ ਨਹੀਂ ਬੁਲਾਇਆ ਜਾ ਰਿਹਾ ਹੈ। ਤੁਹਾਨੂੰ ਟਾਪੂ 'ਤੇ ਆਉਣ ਵਾਲੇ ਲੋਕਾਂ ਦਾ ਸੁਆਗਤ ਕਰਨਾ ਹੋਵੇਗਾ।

ਆਈਲੈਂਡ ਦੁਆਰਾ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਤੁਹਾਨੂੰ ਟਾਪੂ ਦਾ ਕੈਫੇ ਚਲਾਉਣਾ ਪਏਗਾ ਅਤੇ ਨੇੜਲੇ ਚਾਰ ਛੁੱਟੀਆਂ ਵਾਲੇ ਕਾਟੇਜ ਵਿੱਚ ਮਹਿਮਾਨਾਂ ਦੀ ਦੇਖਭਾਲ ਕਰਨੀ ਪਵੇਗੀ। ਰਾਤ ਭਰ ਮਹਿਮਾਨਾਂ ਨੂੰ ਮਿਲਣਾ ਅਤੇ ਲੋੜ ਪੈਣ 'ਤੇ ਉਨ੍ਹਾਂ ਦੀ ਮਦਦ ਕਰਨਾ ਤੁਹਾਡਾ ਫਰਜ਼ ਹੋਵੇਗਾ। ਤੁਹਾਨੂੰ ਚਾਹ ਅਤੇ ਕੌਫੀ ਦੀ ਸੇਵਾ ਕਰਨੀ ਪਵੇਗੀ। ਲੋੜਾਂ ਦਾ ਧਿਆਨ ਰੱਖਣਾ ਹੋਵੇਗਾ। ਖਾਸ ਗੱਲ ਇਹ ਹੈ ਕਿ ਇਸ ਲਈ ਤੁਹਾਨੂੰ ਤਨਖਾਹ ਵੀ ਮਿਲੇਗੀ। ਕਪਲ ਨੂੰ ਕੌਫੀ ਸ਼ਾਪ ਦੇ ਉੱਪਰਲੇ ਅਪਾਰਟਮੈਂਟ ਵਿੱਚ ਠਹਿਰਾਇਆ ਜਾਵੇਗਾ। ਉਥੇ ਹਰ ਤਰ੍ਹਾਂ ਦੀਆਂ ਸਹੂਲਤਾਂ ਉਪਲਬਧ ਹੋਣਗੀਆਂ।

ਇਹ ਵੀ ਪੜ੍ਹੋ: Viral Video: ਕਾਰ ਦੀ ਖਿੜਕੀ ਦੇ ਸ਼ੀਸ਼ੇ 'ਚ ਫਸੀ ਛੋਟੇ ਬੱਚੇ ਦੀ ਗਰਦਨ, ਸੜਕ 'ਤੇ ਜਾ ਰਹੇ ਵਿਅਕਤੀ ਨੇ ਬਚਾਈ ਜਾਨ

ਰਿਪੋਰਟ ਮੁਤਾਬਕ ਇਹ ਪ੍ਰੋਗਰਾਮ ਅਪ੍ਰੈਲ ਤੋਂ ਅਕਤੂਬਰ 2024 ਤੱਕ ਚੱਲੇਗਾ। ਜੂਨ, ਜੁਲਾਈ ਅਤੇ ਅਗਸਤ ਵਿੱਚ, ਜਦੋਂ ਸੈਲਾਨੀਆਂ ਦੀ ਗਿਣਤੀ ਬਹੁਤ ਜ਼ਿਆਦਾ ਹੁੰਦੀ ਹੈ, ਤਾਂ ਤੁਹਾਡੀ ਮਦਦ ਲਈ ਹੋਰ ਲੋਕ ਵੀ ਦਿੱਤੇ ਜਾਣਗੇ। ਤੁਹਾਨੂੰ ਉਨ੍ਹਾਂ ਨਾਲ ਆਪਣਾ ਕਮਰਾ ਵੀ ਸਾਂਝਾ ਕਰਨਾ ਪੈ ਸਕਦਾ ਹੈ। ਟਾਪੂ ਦੀ ਵੈੱਬਸਾਈਟ ਦੇ ਮੁਤਾਬਕ, ਨੌਕਰੀ ਦੀ ਤਲਾਸ਼ ਕਰਨ ਵਾਲਿਆਂ ਲਈ ਮਿਹਨਤੀ, ਜ਼ਿੰਮੇਵਾਰ ਅਤੇ ਭਰੋਸੇਮੰਦ ਹੋਣਾ ਬਹੁਤ ਜ਼ਰੂਰੀ ਹੈ। ਜਿਨ੍ਹਾਂ ਕੋਲ ਇਨ੍ਹਾਂ ਚੀਜ਼ਾਂ ਦਾ ਤਜਰਬਾ ਹੈ, ਉਨ੍ਹਾਂ ਨੂੰ ਤਰਜੀਹ ਦਿੱਤੀ ਜਾਵੇਗੀ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਦੋਵਾਂ ਨੂੰ ਅੰਗਰੇਜ਼ੀ ਵਿੱਚ ਗੱਲ ਕਰਨੀ ਪਤਾ ਹੋਣੀ ਚਾਹੀਦੀ ਹੈ। ਇੱਕ ਸ਼ਰਤ ਇਹ ਵੀ ਹੈ ਕਿ ਇਸ ਦੌਰਾਨ ਤੁਹਾਨੂੰ ਕੋਈ ਛੁੱਟੀ ਨਹੀਂ ਮਿਲੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਗ੍ਰੇਟ ਬਲਾਸਟ ਆਈਲੈਂਡ ਹੀ ਅਜਿਹਾ ਆਫਰ ਦੇਣ ਵਾਲਾ ਨਹੀਂ ਹੈ। ਇਟਲੀ ਵਿੱਚ ਕੈਲਾਬ੍ਰੀਆ ਵੀ ਕੁਝ ਅਜਿਹਾ ਹੀ ਪੇਸ਼ ਕਰ ਰਿਹਾ ਹੈ। ਇਸ ਦੀ ਇਕੋ ਸ਼ਰਤ ਇਹ ਹੈ ਕਿ ਨੌਕਰੀ ਦੀ ਮੰਗ ਕਰਨ ਵਾਲਿਆਂ ਦੀ ਉਮਰ 40 ਸਾਲ ਤੋਂ ਘੱਟ ਹੋਣੀ ਚਾਹੀਦੀ ਹੈ।

ਇਹ ਵੀ ਪੜ੍ਹੋ: Viral Video: ਜਿੰਮ 'ਚ ਵਰਕਆਊਟ ਕਰ ਰਹੀ 80 ਸਾਲ ਦੀ ਬਜ਼ੁਰਗ ਔਰਤ ਦੀ ਤਾਕਤ ਦੇਖ ਲੋਕ ਹੈਰਾਨ, ਜਾਣੋ ਕੀ ਫਿਟਨੈੱਸ ਦਾ ਰਾਜ਼