ਲੋਕਾਂ ਨੂੰ ਇੱਕ ਨਹੀਂ ਮਿਲਦੀ ! ਇਸ ਕੁੜੀ ਨੂੰ ਇਕੱਠੀਆਂ ਮਿਲੀ ਗਈਆਂ 3 ਸਰਕਾਰੀ ਨੌਕਰੀਆਂ, ਜਾਣੋ ਕਿਵੇਂ ਹੋਇਆ ਇਹ ‘ਕਰਿਸ਼ਮਾ’ ?
ਇੱਕ ਪਿੰਡ ਦੀ ਲੜਕੀ ਨੇ ਤਿੰਨ ਸਰਕਾਰੀ ਨੌਕਰੀਆਂ ਹਾਸਲ ਕੀਤੀਆਂ ਹਨ, ਜਿਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਉਸ ਨੇ ਆਪਣੀ ਸਖ਼ਤ ਮਿਹਨਤ ਨਾਲ ਇਹ ਉਪਲਬਧੀ ਹਾਸਲ ਕੀਤੀ। ਸੰਮਾਕਾ ਦਾ ਅਗਲਾ ਟੀਚਾ ਭਾਰਤੀ ਪ੍ਰਸ਼ਾਸਨਿਕ ਸੇਵਾ (IAS) ਅਧਿਕਾਰੀ ਬਣਨਾ ਹੈ।
ਤੇਲੰਗਾਨਾ ਦੇ ਇੱਕ ਪਿੰਡ ਦੀ ਲੜਕੀ ਨੇ ਤਿੰਨ ਸਰਕਾਰੀ ਨੌਕਰੀਆਂ ਹਾਸਲ ਕੀਤੀਆਂ ਹਨ, ਜਿਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਉਸ ਨੇ ਆਪਣੀ ਸਖ਼ਤ ਮਿਹਨਤ ਨਾਲ ਇਹ ਉਪਲਬਧੀ ਹਾਸਲ ਕੀਤੀ। ਸੰਮਾਕਾ ਦਾ ਅਗਲਾ ਟੀਚਾ ਭਾਰਤੀ ਪ੍ਰਸ਼ਾਸਨਿਕ ਸੇਵਾ (IAS) ਅਧਿਕਾਰੀ ਬਣਨਾ ਹੈ। ਇਸ ਬੁਲੰਦ ਟੀਚੇ ਨੂੰ ਲੈ ਕੇ ਉਸ ਦੇ ਯਤਨ ਜਾਰੀ ਹਨ।
ਉਸ ਨੇ ਕਿਹਾ, 'ਮੈਂ ਘਰ ਵਿੱਚ ਰਹਿ ਕੇ ਤਿਆਰੀ ਕਰਕੇ ਇਹ ਤਿੰਨ ਨੌਕਰੀਆਂ ਹਾਸਲ ਕੀਤੀਆਂ ਹਨ। ਮੈਂ ਕਿਸੇ ਸੰਸਥਾ ਤੋਂ ਕੋਚਿੰਗ ਵੀ ਨਹੀਂ ਲਈ। ਬਹੁਤ ਸਾਰੇ ਲੋਕ ਸੋਚਦੇ ਹਨ ਕਿ ਸਰਕਾਰੀ ਨੌਕਰੀ ਪ੍ਰਾਪਤ ਕਰਨ ਲਈ ਕੋਚਿੰਗ ਜ਼ਰੂਰੀ ਹੈ ਪਰ, ਅਜਿਹਾ ਨਹੀਂ ਹੈ। ਪੜ੍ਹਾਈ ਮਹੱਤਵਪੂਰਨ ਹੈ ਤੇ ਤੁਸੀਂ ਘਰ ਰਹਿ ਕੇ ਵੀ ਚੰਗੀ ਤਰ੍ਹਾਂ ਤਿਆਰੀ ਕਰ ਸਕਦੇ ਹੋ।
ANI ਨਾਲ ਗੱਲ ਕਰਦੇ ਹੋਏ ਸੰਮਾਕਾ ਨੇ ਕਿਹਾ, 'ਮੇਰੀ ਮਾਂ ਦਾ ਨਾਮ ਭੋਗੀ ਰਮਨਾ ਤੇ ਮੇਰੇ ਪਿਤਾ ਦਾ ਨਾਮ ਭੋਗੀ ਸਤਯਮ ਹੈ। ਮੇਰੇ ਪਿਤਾ ਇੱਕ ਵਰਕਰ ਹਨ ਤੇ ਮੇਰੀ ਮਾਂ ਆਂਗਣਵਾੜੀ ਵਿੱਚ ਪੜ੍ਹਾਉਂਦੀ ਹੈ। ਮੈਨੂੰ ਤੇਲੰਗਾਨਾ ਸਟੇਟ ਪਬਲਿਕ ਸਰਵਿਸ ਕਮਿਸ਼ਨ (TGPSC) ਤੋਂ ਅੰਗਰੇਜ਼ੀ ਜੂਨੀਅਰ ਲੈਕਚਰਾਰ ਵਜੋਂ ਚੁਣਿਆ ਗਿਆ ਸੀ। ਤੇਲੰਗਾਨਾ ਰਾਜ ਪੁਲਿਸ ਭਰਤੀ ਬੋਰਡ ਦੁਆਰਾ ਆਯੋਜਿਤ ਪ੍ਰੀਖਿਆ ਪਾਸ ਕਰਨ ਤੋਂ ਬਾਅਦ ਮੈਨੂੰ ਸਿਵਲ ਪੁਲਿਸ ਕਾਂਸਟੇਬਲ ਵਜੋਂ ਚੁਣਿਆ ਗਿਆ ਸੀ। TGPSC ਦੀ ਗਰੁੱਪ IV ਦੀ ਪ੍ਰੀਖਿਆ ਪਾਸ ਕਰਨ ਤੋਂ ਬਾਅਦ, ਮੈਨੂੰ ਜੂਨੀਅਰ ਸਹਾਇਕ ਵਜੋਂ ਵੀ ਚੁਣਿਆ ਗਿਆ।
ਸੰਮਾਕਾ ਨੇ ਦੱਸਿਆ ਕਿ ਉਸ ਨੇ ਆਪਣੀ ਸਕੂਲੀ ਪੜ੍ਹਾਈ ਸਰਕਾਰੀ ਸਕੂਲ ਤੋਂ ਪੂਰੀ ਕੀਤੀ ਹੈ। ਉਸਨੇ ਆਪਣੀ ਇੰਟਰਮੀਡੀਏਟ ਤੇ ਅੰਡਰ ਗਰੈਜੂਏਟ ਦੀ ਪੜ੍ਹਾਈ ਪਿੰਡ ਦੇ ਨੇੜੇ ਸਥਿਤ ਇੱਕ ਪ੍ਰਾਈਵੇਟ ਕਾਲਜ ਤੋਂ ਪੂਰੀ ਕੀਤੀ। ਉਸਨੇ ਓਸਮਾਨੀਆ ਯੂਨੀਵਰਸਿਟੀ ਤੋਂ ਅੰਗਰੇਜ਼ੀ ਵਿੱਚ ਆਪਣੀ ਪੋਸਟ ਗ੍ਰੈਜੂਏਸ਼ਨ ਦੀ ਡਿਗਰੀ ਪ੍ਰਾਪਤ ਕੀਤੀ। ਸੰਮਾਕਾ ਨੇ ਕਿਹਾ, 'ਡਿਗਰੀ ਪੂਰੀ ਕਰਨ ਤੋਂ ਬਾਅਦ ਮੈਂ ਆਪਣੇ ਪਿੰਡ ਵਾਪਸ ਆ ਗਈ। ਮੈਂ ਦਾਦੀ ਦੇ ਘਰ ਆਪਣੇ ਲਈ ਇੱਕ ਵੱਖਰਾ ਕਮਰਾ ਚੁਣਿਆ। ਇਸ ਕਮਰੇ ਵਿੱਚ ਰਹਿੰਦਿਆਂ ਮੈਂ ਆਪਣੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ। ਮੇਰੀ ਮਿਹਨਤ ਰੰਗ ਲਿਆਈ ਹੈ ਤੇ ਮੈਂ ਇਸ ਤੋਂ ਬਹੁਤ ਖੁਸ਼ ਹਾਂ ਪਰ, ਮੇਰੀ ਮੰਜ਼ਿਲ ਅਜੇ ਦੂਰ ਹੈ ਜਿਸ ਲਈ ਮੈਂ ਸਖ਼ਤ ਮਿਹਨਤ ਕਰ ਰਹੀ ਹਾਂ। ਮੇਰੀ ਤਿਆਰੀ ਆਈਏਐਸ ਅਫਸਰ ਬਣਨ ਤੋਂ ਬਾਅਦ ਹੀ ਪੂਰੀ ਹੋਵੇਗੀ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
