Viral Video: ਕਹਿਰ ਦੀ ਗਰਮੀ ਨੇ ਡਰਾਈਵਰ ਨੂੰ ਕੀਤਾ ਬੇਹਾਲ, ਚੱਲਦੇ ਟਰੱਕ 'ਚ ਲੱਗਾ ਨਹਾਉਣ, ਦੇਖ ਕੇ ਲੋਕਾਂ ਦੇ ਉੱਡੇ ਹੋਸ਼ !
ਇੰਸਟਾਗ੍ਰਾਮ ਅਕਾਊਂਟ ਤੇ ਅਕਸਰ ਹੈਰਾਨੀਜਨਕ ਵੀਡੀਓ ਪੋਸਟ ਕੀਤੇ ਜਾਂਦੇ ਹਨ। ਹਾਲ ਹੀ 'ਚ ਇਕ ਅਜਿਹੀ ਹੀ ਵੀਡੀਓ ਸ਼ੇਅਰ ਕੀਤੀ ਗਈ ਹੈ ਜਿਸ 'ਚ ਇਕ ਟਰੱਕ ਡਰਾਈਵਰ ਆਪਣਾ ਟਰੱਕ ਸੜਕ 'ਤੇ ਚਲਾ ਰਿਹਾ ਹੈ ਤੇ ਉਹ ਅੰਦਰ ਬੈਠਾ ਇਸ਼ਨਾਨ ਵੀ ਕਰ ਰਿਹਾ ਹੈ।
ਅਪ੍ਰੈਲ ਖ਼ਤਮ ਹੋਣ ਵਾਲਾ ਹੈ ਅਤੇ ਭਾਰਤ ਵਿਚ ਗਰਮੀ ਨੇ ਤਬਾਹੀ ਮਚਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਗਰਮ ਹਵਾਵਾਂ ਦੇ ਝੱਖੜ ਅਤੇ ਵਧਦਾ ਤਾਪਮਾਨ ਸਭ ਨੂੰ ਪਰੇਸ਼ਾਨ ਕਰ ਰਿਹਾ ਹੈ। ਗਰਮੀ ਤੋਂ ਬਚਣ ਲਈ ਲੋਕ ਦਿਨ ਵਿੱਚ ਦੋ ਵਾਰ ਇਸ਼ਨਾਨ ਕਰਨ ਲੱਗੇ ਹਨ। AC ਦਫਤਰਾਂ ਵਿੱਚ ਬੈਠ ਕੇ ਆਪਣਾ ਕੰਮ ਕਰਨ ਵਾਲਿਆਂ ਲਈ ਤਾਂ ਗੱਲ ਤਾਂ ਸੌਖੀ ਹੈ, ਪਰ ਜ਼ਰਾ ਸੋਚੋ ਕਿ ਜਿਹੜੇ ਟਰੱਕ ਡਰਾਈਵਰ ਹਨ, ਉਨ੍ਹਾਂ ਦਾ ਕੀ ਹਾਲ ਹੋਵੇਗਾ? ਉਨ੍ਹਾਂ ਲਈ ਵੱਖ-ਵੱਖ ਸ਼ਹਿਰਾਂ ਵਿਚ ਜਾਣਾ, ਗਰਮੀ ਅਤੇ ਨਮੀ ਨੂੰ ਸਹਿਣਾ, ਪਰ ਅੰਦਰ ਏ.ਸੀ ਜਾਂ ਕੂਲਰ ਤੋਂ ਬਿਨਾਂ ਸੜਕਾਂ 'ਤੇ ਗੱਡੀ ਚਲਾਉਣਾ ਬਹੁਤ ਮੁਸ਼ਕਲ ਹੋਇਆ ਹੋਵੇਗਾ। ਪਰ ਇੱਕ ਟਰੱਕ ਡਰਾਈਵਰ ਨੇ ਗਰਮੀ ਤੋਂ ਬਚਣ ਦਾ ਅਜੀਬ ਹੱਲ ਲੱਭ ਲਿਆ। ਇਹ ਡਰਾਈਵਰ ਚੱਲਦੇ ਟਰੱਕ ਵਿੱਚ ਹੀ ਨਹਾਉਣ ਲੱਗਾ। ਉਸ ਦੀ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਇੰਸਟਾਗ੍ਰਾਮ ਅਕਾਊਂਟ @shaikshaikshavalibasha 'ਤੇ ਅਕਸਰ ਹੈਰਾਨੀਜਨਕ ਵੀਡੀਓ ਪੋਸਟ ਕੀਤੇ ਜਾਂਦੇ ਹਨ। ਹਾਲ ਹੀ ਵਿੱਚ ਇਕ ਅਜਿਹੀ ਵੀਡੀਓ ਸ਼ੇਅਰ ਕੀਤੀ ਗਈ ਹੈ, ਜਿਸ ਵਿੱਚ ਇਕ ਟਰੱਕ ਡਰਾਈਵਰ ਆਪਣਾ ਟਰੱਕ ਸੜਕ 'ਤੇ ਚਲਾ ਰਿਹਾ ਹੈ ਤੇ ਇਸ ਦੌਰਾਨ ਉਹ ਅੰਦਰ ਬੈਠਾ ਇਸ਼ਨਾਨ ਵੀ ਕਰ ਰਿਹਾ ਹੈ। ਟਰੱਕ ਡਰਾਈਵਰਾਂ ਕੋਲ ਨਾ ਤਾਂ ਕਾਰ ਵਾਂਗ ਏ.ਸੀ. ਦੀ ਸਹੂਲਤ ਹੁੰਦੀ ਹੈ ਅਤੇ ਨਾ ਹੀ ਅੰਦਰ ਕੂਲਰ ਹੁੰਦਾ ਹੈ, ਇਸ ਲਈ ਇਹ ਸੱਚ ਹੈ ਕਿ ਦਿਨ ਵੇਲੇ ਸਫ਼ਰ ਕਰਦੇ ਸਮੇਂ ਉਨ੍ਹਾਂ ਨੂੰ ਬੇਹੱਦ ਗਰਮੀ ਮਹਿਸੂਸ ਹੁੰਦੀ ਹੈ, ਪਰ ਇਸ ਤਰ੍ਹਾਂ ਟਰੱਕ ਦੇ ਅੰਦਰ ਬੈਠ ਕੇ ਇਸ਼ਨਾਨ ਕਰਨਾ ਠੀਕ ਨਹੀਂ।
View this post on Instagram
ਆਦਮੀ ਟਰੱਕ ਦੇ ਅੰਦਰ ਨਹਾਉਣ ਲੱਗਾ
ਵਾਇਰਲ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਵਿਅਕਤੀ ਨੇ ਆਪਣੀ ਸੀਟ ਦੇ ਕੋਲ ਪਾਣੀ ਨਾਲ ਭਰਿਆ ਘੜਾ ਰੱਖਿਆ ਹੋਇਆ ਹੈ। ਜੱਗ ਦੀ ਮਦਦ ਨਾਲ ਉਹ ਉਸ ਵਿਚੋਂ ਪਾਣੀ ਕੱਢ ਰਿਹਾ ਹੈ ਅਤੇ ਆਪਣੇ ਆਪ 'ਤੇ ਪਾਣੀ ਪਾ ਕੇ ਠੰਢਾ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਟਰੱਕ ਨੂੰ ਤੇਜ਼ ਰਫ਼ਤਾਰ ਨਾਲ ਚਲਾਇਆ ਜਾ ਰਿਹਾ ਹੈ। ਹਾਲਾਂਕਿ, ਸੜਕ ਸਾਫ਼ ਹੈ, ਕੋਈ ਵੀ ਵਾਹਨ ਅੱਗੇ ਦਿਖਾਈ ਨਹੀਂ ਦਿੰਦਾ। ਫਿਰ ਵੀ, ਇਹ ਆਪਣੇ ਆਪ ਵਿੱਚ ਕਾਫ਼ੀ ਖ਼ਤਰਨਾਕ ਹੈ, ਕਿਉਂਕਿ ਸੰਤੁਲਨ ਗੁਆਉਣ ਕਾਰਨ ਟਰੱਕ ਦੀ ਦਿਸ਼ਾ ਬਦਲ ਸਕਦੀ ਹੈ ਅਤੇ ਇਹ ਡਿਵਾਈਡਰ ਨਾਲ ਟਕਰਾ ਸਕਦਾ ਹੈ।
ਵੀਡੀਓ ਵਾਇਰਲ ਹੋ ਰਿਹਾ ਹੈ
ਇਸ ਵੀਡੀਓ ਨੂੰ 1 ਕਰੋੜ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ, ਜਦਕਿ ਕਈ ਲੋਕਾਂ ਨੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇੱਕ ਨੇ ਕਿਹਾ ਕਿ ਇਹ ਇੱਕ ਬਾਥਰੂਮ ਵਰਗਾ ਲੱਗਦਾ ਹੈ, ਇੱਕ ਲਾਰੀ ਨਹੀਂ। ਇੱਕ ਨੇ ਕਿਹਾ ਕਿ ਵਿਅਕਤੀ ਨੂੰ ਫੰਗਲ ਇਨਫੈਕਸ਼ਨ ਹੋ ਸਕਦੀ ਹੈ। ਇਕ ਨੇ ਕਿਹਾ ਕਿ ਦੱਖਣੀ ਭਾਰਤੀ ਡਰਾਈਵਰ ਰਾਜਸਥਾਨ ਵਿਚ ਦਾਖਲ ਹੋਣ 'ਤੇ ਇਸੇ ਤਰ੍ਹਾਂ ਦੀ ਗਰਮੀ ਮਹਿਸੂਸ ਕਰਨਗੇ। ਇੱਕ ਨੇ ਕਿਹਾ, "ਜਲਦੀ ਹੀ ਸੜਕ 'ਤੇ ਇੱਕ ਨਵਾਂ ਸਾਈਨ ਬੋਰਡ ਲਗਾਇਆ ਜਾਵੇਗਾ, ਜਿਸ 'ਤੇ ਲਿਖਿਆ ਹੋਵੇਗਾ- 'ਡਰਾਈਵਿੰਗ ਕਰਦੇ ਸਮੇਂ ਨਹਾਉਣਾ ਮਨਾਹੀ ਹੈ!"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
and tablets
