(Source: ECI/ABP News/ABP Majha)
Viral News: ਇੱਕ ਅਜਿਹਾ ਹੋਟਲ ਜਿੱਥੇ ਕਰਮਚਾਰੀ ਗਾਹਕਾਂ ਦੀ ਕਰਦੇ ਨੇ ਬਹੁਤ ਬੇਇੱਜ਼ਤੀ, ਫਿਰ ਵੀ ਲੱਗੀ ਰਹਿੰਦੀ ਭੀੜ!
Social Media: ਲੰਡਨ ਵਿੱਚ ਇੱਕ ਅਜਿਹਾ ਅਜੀਬ ਹੋਟਲ ਹੈ, ਜਿੱਥੇ ਇੱਕ ਰਾਤ ਦਾ ਕਿਰਾਇਆ 20 ਹਜ਼ਾਰ ਰੁਪਏ ਦੇ ਕਰੀਬ ਹੈ ਅਤੇ ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ ਇੱਥੇ ਕੰਮ ਕਰਨ ਵਾਲੇ ਕਰਮਚਾਰੀ ਗਾਹਕਾਂ ਦੀ ਬਹੁਤ ਬੇਇੱਜ਼ਤੀ ਕਰਦੇ ਹਨ।
Viral News: ਜਦੋਂ ਵੀ ਲੋਕ ਕਿਸੇ ਹੋਟਲ ਜਾਂ ਰੈਸਟੋਰੈਂਟ ਵਿੱਚ ਜਾਂਦੇ ਹਨ, ਤਾਂ ਉਹ ਸਪੱਸ਼ਟ ਤੌਰ 'ਤੇ ਉੱਥੋਂ ਦੀ ਸੇਵਾ ਅਤੇ ਸਹੂਲਤਾਂ ਨੂੰ ਦੇਖਦੇ ਹਨ, ਅਤੇ ਇਹ ਵੀ ਦੇਖਦੇ ਹਨ ਕਿ ਸਟਾਫ ਗਾਹਕਾਂ ਪ੍ਰਤੀ ਕਿਵੇਂ ਵਿਵਹਾਰ ਕਰਦਾ ਹੈ ਅਤੇ ਭੋਜਨ ਕਿਵੇਂ ਪਰੋਸਿਆ ਜਾਂਦਾ ਹੈ। ਇਹ ਸਾਰੀਆਂ ਚੀਜ਼ਾਂ ਇੱਕ ਹੋਟਲ ਜਾਂ ਰੈਸਟੋਰੈਂਟ ਨੂੰ ਵਧੀਆ ਬਣਾਉਂਦੀਆਂ ਹਨ ਅਤੇ ਲੋਕ ਉੱਥੇ ਆਉਂਦੇ ਹਨ, ਪਰ ਜ਼ਰਾ ਸੋਚੋ ਜੇਕਰ ਤੁਸੀਂ ਕਿਸੇ ਹੋਟਲ ਵਿੱਚ ਜਾਂਦੇ ਹੋ ਅਤੇ ਉੱਥੇ ਸਹੂਲਤਾਂ ਬਿਲਕੁਲ ਜ਼ੀਰੋ ਹਨ, ਜੇਕਰ ਸਟਾਫ਼ ਤੁਹਾਡੀ ਬੇਇੱਜ਼ਤੀ ਕਰਦਾ ਹੈ ਤਾਂ ਕੀ ਤੁਸੀਂ ਉਸ ਹੋਟਲ ਵਿੱਚ ਦੁਬਾਰਾ ਜਾਣਾ ਚਾਹੋਗੇ? ਬੇਸ਼ੱਕ ਤੁਹਾਡਾ ਜਵਾਬ ਨਾਂਹ ਵਿੱਚ ਹੋਵੇਗਾ ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਲੰਡਨ ਵਿੱਚ ਇੱਕ ਅਜਿਹਾ ਹੀ ਹੋਟਲ ਹੈ, ਜਿੱਥੇ ਸਹੂਲਤਾਂ ਨਹੀਂ ਮਿਲਦੀਆਂ ਅਤੇ ਬੇਇੱਜ਼ਤੀ ਨਾਲ ਪੈਸੇ ਵਸੂਲੇ ਜਾਂਦੇ ਹਨ, ਫਿਰ ਵੀ ਲੋਕ ਉੱਥੇ ਜਾਂਦੇ ਹਨ।
ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਇਸ ਹੋਟਲ 'ਚ ਗਾਹਕਾਂ ਤੋਂ ਪੈਸੇ ਲੈ ਕੇ ਵੀ ਦੁਰਵਿਵਹਾਰ ਕੀਤਾ ਜਾਂਦਾ ਹੈ ਅਤੇ ਹੈਰਾਨੀ ਦੀ ਗੱਲ ਇਹ ਹੈ ਕਿ ਗਾਹਕ ਚੁੱਪਚਾਪ ਉਸ ਅਪਮਾਨ ਨੂੰ ਬਰਦਾਸ਼ਤ ਕਰ ਲੈਂਦੇ ਹਨ। ਇੱਥੇ ਹੋਟਲ ਸਟਾਫ ਨੂੰ ਕੁਝ ਵੀ ਕਹਿਣ ਦਾ ਮਤਲਬ ਹੋਰ ਅਪਮਾਨ ਹੈ। ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਉਹ ਅਜਿਹਾ ਆਪਣੀ ਮਰਜ਼ੀ ਨਾਲ ਕਰਦੇ ਹਨ ਤਾਂ ਤੁਸੀਂ ਗਲਤ ਹੋ। ਕਰਮਚਾਰੀ ਆਪਣੀ ਮਰਜ਼ੀ ਦੇ ਨਾਲ ਲੋਕਾਂ ਦਾ ਅਪਮਾਨ ਨਹੀਂ ਕਰਦੇ, ਸਗੋਂ ਉਨ੍ਹਾਂ ਨੂੰ ਅਪਮਾਨ ਕਰਨ ਲਈ ਤਨਖਾਹ ਵੀ ਮਿਲਦੀ ਹੈ। ਇਹ ਹੋਟਲ ਬਰਨੇਟ, ਲੰਡਨ ਵਿੱਚ ਸਥਿਤ ਹੈ ਅਤੇ ਇਸਨੂੰ 'ਕੈਰੇਂਸ ਹੋਟਲ' ਵਜੋਂ ਜਾਣਿਆ ਜਾਂਦਾ ਹੈ। ਇੱਥੇ ਸਿਰਫ਼ ਇੱਕ ਰਾਤ ਦਾ ਕਿਰਾਇਆ ਕਰੀਬ 20 ਹਜ਼ਾਰ ਰੁਪਏ ਹੈ।
ਇਹ ਵੀ ਪੜ੍ਹੋ: New Criminal Laws: 1 ਜੁਲਾਈ ਤੋਂ ਲਾਗੂ ਹੋਣਗੇ ਤਿੰਨ ਨਵੇਂ ਅਪਰਾਧਿਕ ਕਾਨੂੰਨ, ਨੋਟੀਫਿਕੇਸ਼ਨ ਜਾਰੀ
ਪਹਿਲਾਂ ਇਹ ਹੋਟਲ ਇੱਕ ਰੈਸਟੋਰੈਂਟ ਸੀ ਪਰ ਹੁਣ ਇਸਨੂੰ ਹੋਟਲ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਇੱਥੇ ਆਉਣ ਵਾਲੇ ਗਾਹਕਾਂ ਨੂੰ ਖਾਣੇ ਦੇ ਨਾਲ-ਨਾਲ ਜ਼ਲੀਲ ਕੀਤਾ ਜਾਂਦਾ ਹੈ। ਜੇਕਰ ਮਹਿਮਾਨ ਹੋਟਲ ਸਟਾਫ ਤੋਂ ਪਾਣੀ ਮੰਗਦੇ ਹਨ ਤਾਂ ਉਨ੍ਹਾਂ ਨੂੰ ਖੁਦ ਸਿੰਕ ਤੋਂ ਪਾਣੀ ਲੈਣ ਲਈ ਕਿਹਾ ਜਾਂਦਾ ਹੈ। ਵੇਟਰ ਗਾਹਕਾਂ ਵੱਲ ਖਾਣੇ ਦੀਆਂ ਪਲੇਟਾਂ ਸੁੱਟ ਦਿੰਦੇ ਹਨ ਅਤੇ ਕਈ ਵਾਰ ਉਨ੍ਹਾਂ ਤੋਂ ਬਹੁਤ ਹੀ ਬੇਰਹਿਮੀ ਨਾਲ ਖਾਣਾ ਖੋਹਦੇ ਦੇਖੇ ਜਾਂਦੇ ਹਨ। ਇੱਥੇ ਆਉਣ ਵਾਲੇ ਲੋਕਾਂ ਨੂੰ ਤੌਲੀਏ, ਟਾਇਲਟ ਰੋਲ ਜਾਂ ਮੁੱਢਲੀਆਂ ਸਹੂਲਤਾਂ ਵੀ ਨਹੀਂ ਦਿੱਤੀਆਂ ਜਾਂਦੀਆਂ। ਸਭ ਤੋਂ ਮਜ਼ੇਦਾਰ ਗੱਲ ਇਹ ਹੈ ਕਿ ਹੋਟਲ ਮਾਲਕ ਵੀ ਆਪਣੇ ਆਪ ਨੂੰ ਦੁਨੀਆ ਦੇ ਸਭ ਤੋਂ ਘਟੀਆ ਹੋਟਲ ਵਜੋਂ ਇਸ਼ਤਿਹਾਰ ਦਿੰਦੇ ਹਨ।
ਇਹ ਵੀ ਪੜ੍ਹੋ: WhatsApp: ਵਟਸਐਪ 'ਚ ਆਵੇਗਾ ਇੱਕ ਅਹਿਮ ਫੀਚਰ, ਰਿਪੋਰਟ ਕੀਤੇ ਗਏ ਚੈਨਲਾਂ ਦੀ ਡਿਟੇਲ ਦੇਖ ਸਕਣਗੇ ਯੂਜ਼ਰਸ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
