Paris Olympics | ਭਾਰਤੀ ਹਾਕੀ ਟੀਮ ਦਾ ਟੁੱਟਿਆ ਗੋਲਡ ਮੈਡਲ ਦਾ ਸੁਪਨਾ,ਜਰਮਨੀ ਹੱਥੋਂ 3-2 ਨਾਲ ਹਾਰੀ ਟੀਮ ਇੰਡੀਆ

Paris Olympics | ਭਾਰਤੀ ਹਾਕੀ ਟੀਮ ਦਾ ਟੁੱਟਿਆ ਗੋਲਡ ਮੈਡਲ ਦਾ ਸੁਪਨਾ,ਜਰਮਨੀ ਹੱਥੋਂ 3-2 ਨਾਲ ਹਾਰੀ ਟੀਮ ਇੰਡੀਆ
ਪੈਰਿਸ ਓਲੰਪਿਕ: ਭਾਰਤ ਸੈਮੀਫਾਈਨਲ 'ਚ ਜਰਮਨੀ ਤੋਂ ਹਾਰਿਆ
ਹੁਣ ਕਾਂਸੀ ਲਈ ਸਪੇਨ ਨਾਲ ਹੋਵੇਗਾ ਮੁਕਾਬਲਾ
ਟੁੱਟਿਆ ਗੋਲਡ ਮੈਡਲ ਦਾ ਸੁਪਨਾ
ਜਰਮਨੀ ਹੱਥੋਂ 3-2 ਨਾਲ ਹਾਰੀ ਟੀਮ ਇੰਡੀਆ
ਹੁਣ ਕਾਂਸੀ ਲਈ ਹੋਵੇਗਾ ਮੁਕਾਬਲਾ
ਪੈਰਿਸ ਓਲੰਪਿਕ 2024 'ਚ ਭਾਰਤੀ ਪੁਰਸ਼ ਹਾਕੀ ਟੀਮ ਨੂੰ ਸੈਮੀਫਾਈਨਲ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ
ਇਸ ਹਾਰ ਨਾਲ ਟੀਮ ਇੰਡੀਆ ਦਾ ਸੋਨ ਤਮਗਾ ਜਿੱਤਣ ਦਾ ਸੁਪਨਾ ਚਕਨਾਚੂਰ ਹੋ ਗਿਆ ਹੈ।
ਮੰਗਲਵਾਰ ਨੂੰ ਖੇਡੇ ਗਏ ਸੈਮੀਫਾਈਨਲ ਮੈਚ 'ਚ ਜਰਮਨੀ ਨੇ ਭਾਰਤ ਨੂੰ 3-2 ਨਾਲ ਹਰਾਇਆ।
ਹਾਲਾਂਕਿ ਭਾਰਤੀ ਟੀਮ ਨੂੰ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਮੈਚ ਸ਼ੁਰੂ ਹੋਣ ਦੇ 7ਵੇਂ ਮਿੰਟ 'ਚ ਹੀ ਪਨੈਲਟੀ ਕਾਰਨਰ ਰਾਹੀਂ ਗੋਲ ਕਰ ਕੇ 1-0 ਦੀ ਬੜ੍ਹਤ ਦਿਵਾ ਦਿੱਤੀ ਸੀ।
ਇਸ ਤੋਂ ਬਾਅਦ 18ਵੇਂ ਮਿੰਟ 'ਚ ਜਰਮਨੀ ਦੇ ਗੋਂਜਾਲੋ ਪਿਲਾਟ ਨੇ ਗੋਲ ਕਰ ਕੇ ਮੁਕਾਬਲਾ 1-1 ਦੀ ਬਰਾਬਰੀ 'ਤੇ ਲਿਆ ਦਿੱਤਾ। ਇਸ ਦੇ 9 ਮਿੰਟ ਬਾਅਦ ਹੀ 27ਵੇਂ ਮਿੰਟ 'ਚ ਕ੍ਰਿਸਟੋਫਰ ਰੁਏਹਰ ਨੇ ਗੋਲ ਕਰ ਕੇ ਜਰਮਨੀ ਨੂੰ 2-1 ਨਾਲ ਅੱਗੇ ਕਰ ਦਿੱਤਾ।
ਇਸ ਤੋਂ ਬਾਅਦ ਤੀਜੇ ਕੁਆਰਟਰ 'ਚ ਭਾਰਤ ਵੱਲੋਂ ਸੁਖਜੀਤ ਸਿੰਘ ਨੇ 36ਵੇਂ ਮਿੰਟ 'ਚ ਪਨੈਲਟੀ ਕਾਰਨਰ ਰਾਹੀਂ ਗੋਲ ਕਰ ਕੇ ਮੁਕਾਬਲਾ 2-2 ਦੀ ਬਰਾਬਰੀ 'ਤੇ ਲਿਆ ਕੇ ਖੜ੍ਹਾ ਕਰ ਦਿੱਤਾ। ਭਾਰਤੀ ਖਿਡਾਰੀਆਂ ਨੇ ਇਸ ਤੋਂ ਬਾਅਦ ਲਗਾਤਾਰ ਇਕ ਤੋਂ ਬਾਅਦ ਇਕ ਹਮਲੇ ਕੀਤੇ, ਪਰ ਉਹ ਗੋਲ ਕਰਨ 'ਚ ਕਾਮਯਾਬ ਨਹੀਂ ਹੋ ਸਕੇ।
ਆਖ਼ਰੀ ਕੁਆਰਟਰ ਦੇ 54ਵੇਂ ਮਿੰਟ 'ਚ ਜਰਮਨੀ ਦੇ ਮਾਰਕੋ ਮਿਲਟਕਾਓ ਨੇ ਗੋਲ ਕਰ ਕੇ ਟੀਮ ਦੀ ਜਿੱਤ ਲਗਭਗ ਤੈਅ ਕਰ ਦਿੱਤੀ। ਆਖ਼ਰੀ ਪਲਾਂ 'ਚ ਦੋਵਾਂ ਟੀਮਾਂ ਨੇ ਗੋਲ ਕਰਨ ਦੀ ਕੋਸ਼ਿਸ਼ ਜਾਰੀ ਰੱਖੀ, ਪਰ ਉਹ ਸਫ਼ਲ ਨਾ ਹੋ ਸਕੀਆਂ। ਅੰਤ ਜਰਮਨੀ ਨੇ ਇਹ ਮੁਕਾਬਲਾ 3-2 ਨਾਲ ਆਪਣੇ ਨਾਂ ਕਰ ਲਿਆ।
ਇਸ ਦੇ ਨਾਲ ਹੀ ਜਰਮਨੀ ਨੇ ਫਾਈਨਲ 'ਚ ਜਗ੍ਹਾ ਬਣਾ ਲਈ ਹੈ, ਜਿੱਥੇ ਉਹ ਗੋਲਡ ਮੈਡਲ ਲਈ ਨੀਦਰਲੈਂਡ ਨਾਲ ਭਿੜੇਗੀ, ਜਦਕਿ ਭਾਰਤੀ ਟੀਮ ਹੁਣ ਕਾਂਸੀ ਤਮਗੇ ਲਈ ਸਪੇਨ ਨਾਲ ਮੁਕਾਬਲਾ ਖੇਡੇਗੀ।