80 ਸਾਲਾ ਔਰਤ ਦੀ ਸਾਲਾਨਾ ਕਮਾਈ ਮਹਿਜ਼ 14 ਹਜ਼ਾਰ ਰੁਪਏ, ਫਿਰ ਵੀ ਸਵਿਸ ਬੈਂਕ 'ਚ ਨੇ 200 ਕਰੋੜ, ਜਾਣੋ ਪੂਰਾ ਮਾਮਲਾ

ਮਿਲੀ ਜਾਣਕਾਰੀ ਮੁਤਾਬਕ ਰੇਨੂੰ ਥਰਾਨੀ ਦਾ ਕਥਿਤ ਖਾਤਾ ਐਚਐਸਬੀਸੀ ਜਿਨੀਵਾ ਵਿੱਚ ਹੈ। ਸਵਿਸ ਬੈਂਕ ਵਿੱਚ ਥਰਾਨੀ ਫੈਮਲੀ ਟਰੱਸਟ ਦੇ ਨਾਂ ਇਸ ਬੈਂਕ ਦਾ ਸਿਰਫ ਵਿਵੇਕਸ਼ੀਲ ਲਾਭਪਾਤਰੀ ਹੈ। ਜੁਲਾਈ 2004 ਵਿੱਚ ਕੇਮੈਨ ਆਈਲੈਂਡਜ਼ ਦੇ ਜੀਡਬਲਿਊ ਇਨਵੈਸਟਮੈਂਟ ਦੇ ਨਾਂ ਖਾਤਾ ਖੋਲ੍ਹਿਆ ਗਿਆ ਸੀ, ਜਿਸ ਨੇ ਫੰਡ ਨੂੰ ਫੈਮਲੀ ਟਰੱਸਟ ਨੂੰ ਪ੍ਰਸ਼ਾਸਕ (ਪ੍ਰਬੰਧਕ) ਦੇ ਤੌਰ 'ਤੇ ਭੇਜਿਆ ਸੀ।

ਸੰਕੇਤਕ ਤਸਵੀਰ

ਨਵੀਂ ਦਿਲੀ: ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿਸ 'ਚ ਇੱਕ 80 ਸਾਲਾ ਬਜ਼ੁਰਗ ਔਰਤ ਦੇ ਸਵਿਸ ਬੈਂਕ ਖਾਤੇ ਵਿੱਚ 196 ਕਰੋੜ ਰੁਪਏ ਦੇ ਕਾਲੇ ਧਨ ਬਾਰੇ ਜਾਣਕਾਰੀ ਸਾਹਮਣੇ ਆਈ ਹੈ। ਜਦਕਿ ਇਸ ਬਾਰੇ ਔਰਤ ਦਾ ਦਾਅਵਾ ਹੈ ਕਿ ਉਸ ਦੀ ਮਹੀਨਾਵਾਰ ਆਮਦਨੀ ਸਿਰਫ 14 ਹਜ਼ਾਰ ਰੁਪਏ ਹੈ। ਉਧਰ ਇੱਕ ਰਿਪੋਰਟ ਮੁਤਾਬਕ, ਆਮਦਨ ਟੈਕਸ ਵਿਭਾਗ ਦੇ ਅਪੀਲ ਟ੍ਰਿਬਿਊਨਲ (ਆਈਟੀਟੀ) ਦੀ ਮੁੰਬਈ ਸ਼ਾਖਾ ਨੇ ਔਰਤ ਨੂੰ ਟੈਕਸ ਦੇ ਨਾਲ-ਨਾਲ ਜੁਰਮਾਨਾ ਅਦਾ ਕਰਨ ਦਾ ਆਦੇਸ਼ ਦਿੱਤਾ ਹੈ। ਥਰਾਨੀ ਨੇ ਸਾਲ 2005-06 ਵਿੱਚ ਦਾਇਰ ਆਮਦਨ ਟੈਕਸ ਰਿਟਰਨ ਵਿੱਚ ਇਹ ਜਾਣਕਾਰੀ ਨਹੀਂ ਦਿੱਤੀ। ਇਹ ਕੇਸ 31 ਅਕਤੂਬਰ 2014 'ਚ ਮੁੜ ਖੋਲ੍ਹਿਆ ਗਿਆ। ਥਰਾਨੀ ਨੇ ਇੱਕ ਹਲਫਨਾਮਾ ਵੀ ਦਾਇਰ ਕੀਤਾ ਸੀ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਉਸ ਦਾ ਐਸਬੀਸੀ ਜਿਨੇਵਾ ਵਿੱਚ ਕੋਈ ਬੈਂਕ ਖਾਤਾ ਨਹੀਂ ਹੈ ਤੇ ਨਾ ਹੀ ਉਹ ਜੀਡਬਲਿਊ ਇਨਵੈਸਟਮੈਂਟ ਬੈਂਕ ਵਿੱਚ ਹਿੱਸੇਦਾਰ ਹੈ। ਉਸ ਨੇ ਆਪਣੇ ਆਪ ਨੂੰ ਇੱਕ ਗੈਰ-ਨਿਵਾਸੀ ਦੱਸਿਆ ਤੇ ਦਾਅਵਾ ਕੀਤਾ ਕਿ ਜੇ ਇੰਨੀ ਰਕਮ ਹੈ ਵੀ ਤਾਂ ਉਸ ਰਕਮ 'ਤੇ ਉਸ ਕੇਲੇਂ ਟੈਕਸ ਨਹੀਂ ਲਾਇਆ ਜਾ ਸਕਦਾ। ਸਾਲ 2005-06 'ਚ ਇਨਕਮ ਟੈਕਸ ਰਿਟਰਨ ਵਿੱਚ ਥਰਾਨੀ ਨੇ ਆਪਣੀ ਸਾਲਾਨਾ ਆਮਦਨੀ ਸਿਰਫ 1.7 ਲੱਖ ਰੁਪਏ ਕਰ ਦਿੱਤੀ ਸੀ। ਉਸ ਨੇ ਬੈਂਗਲੁਰੂ ਦਾ ਪਤਾ ਦਿੱਤਾ ਸੀ ਤੇ ਆਪਣੇ ਆਪ ਨੂੰ ਇੱਕ ਭਾਰਤੀ ਟੈਕਸਦਾਤਾ ਦੱਸਿਆ ਸੀ। ਆਈਟੀਏਟੀ ਬੈਂਚ ਨੇ ਕਿਹਾ ਹੈ ਕਿ ਇਹ ਹੋ ਸਕਦਾ ਹੈ ਕਿ ਉਹ ਗ਼ੈਰ-ਰਿਹਾਇਸ਼ੀ ਰੁਤਬੇ ਦੇ ਆਪਣੇ ਪਹਿਲੇ ਸਾਲ ਵਿੱਚ ਸੀ। ਹਾਲਾਂਕਿ, ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਮਹੀਨਾ ਨੇ ਇੰਨੇ ਘੱਟ ਸਮੇਂ ਵਿੱਚ 200 ਕਰੋੜ ਰੁਪਏ ਕਿਵੇਂ ਇਕੱਠੇ ਕੀਤੇ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904