ਖੁਸ਼ੀ-ਖੁਸ਼ੀ ਵਿਆਹ ਤੋਂ ਬਾਅਦ ਲਾੜੀ ਨੇ ਜਾਣ ਤੋਂ ਕੀਤਾ ਇਨਕਾਰ, ਫਿਰ ਬਗੈਰ ਲਾੜੀ ਦੇ ਹੀ ਪਰਤ ਗਿਆ ਲਾੜਾ
ਲਾੜਾ ਤੇ ਲਾੜਾ ਵਿਆਹ ਵਾਲੀ ਥਾਂ 'ਤੇ ਪਹੁੰਚੇ ਤਾਂ ਲੜਕੀ ਵਾਲੇ ਪੱਖ ਦੇ ਲੋਕਾਂ ਨੇ ਦਰਵਾਜ਼ੇ 'ਤੇ ਬਾਰਾਤ ਦਾ ਜ਼ੋਰਦਾਰ ਸਵਾਗਤ ਕੀਤਾ। ਲਾੜੀ ਦੇ ਪਿਤਾ, ਪੰਡਿਤ ਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੇ ਮਿਲ ਕੇ ਪੂਜਾ ਕਰਵਾਈ।
ਸੀਤਾਮੜੀ: ਲਾੜੀ ਵੱਲੋਂ ਵਿਆਹ ਤੋਂ ਇਨਕਾਰ ਕਰਨ ਦੀਆਂ ਘਟਨਾਵਾਂ ਬਾਰੇ ਤਾਂ ਤੁਸੀਂ ਬਹੁਤ ਸੁਣਿਆ ਹੋਵੇਗਾ ਪਰ ਖੁਸ਼ੀ-ਖੁਸ਼ੀ ਸਾਰੀਆਂ ਰਸਮਾਂ-ਰਵਾਇਤਾਂ ਨਾਲ ਵਿਆਹ ਹੋਣ ਤੋਂ ਬਾਅਦ ਲਾੜਾ-ਲਾੜੀ ਦੇ ਵੱਖ ਹੋਣ ਦਾ ਇਹ ਮਾਮਲਾ ਬੇਹੱਦ ਹੈਰਾਨ ਕਰਨ ਵਾਲਾ ਹੈ। ਇਹ ਮਾਮਲਾ ਸੀਤਾਮੜੀ ਦੇ ਚੋਰੌਟ ਥਾਣਾ ਖੇਤਰ ਦਾ ਹੈ। ਇਸ ਇਲਾਕੇ ਦੇ ਇੱਕ ਲੜਕੇ ਦਾ 13 ਮਈ ਨੂੰ ਸੁਰਸੰਦ ਥਾਣਾ ਖੇਤਰ 'ਚ ਵਿਆਹ ਹੋਇਆ ਸੀ। 14 ਮਈ ਨੂੰ ਜਦੋਂ ਬਾਰਾਤ ਬਗੈਰ ਲਾੜੀ ਦੇ ਵਾਪਸ ਪਰਤੀ ਤਾਂ ਪਿੰਡ ਜਵਾਰ 'ਚ ਸਨਸਨੀ ਫੈਲ ਗਈ। ਚਰਚਾਵਾਂ ਦਾ ਬਾਜ਼ਾਰ ਗਰਮ ਹੋ ਗਿਆ।
ਪਤਾ ਲੱਗਾ ਹੈ ਕਿ ਜਦੋਂ ਵਿਦਾਈ ਦਾ ਸਮਾਂ ਆਇਆ ਤਾਂ ਲਾੜੀ ਨੇ ਲਾੜੇ ਨਾਲ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਆਖਰ ਅਜਿਹਾ ਕੀ ਹੋ ਗਿਆ ਕਿ ਸਾਰੀਆਂ ਰਸਮਾਂ ਪੂਰੀਆਂ ਹੋਣ ਤੋਂ ਬਾਅਦ ਲਾੜੀ ਨੇ ਵਿਦਾਈ ਸਮੇਂ ਸਹੁਰੇ ਘਰ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਸਵਾਲ ਇਸ ਲਈ ਵੀ ਪਹੇਲੀ ਬਣ ਗਿਆ, ਕਿਉਂਕਿ ਵਿਆਹ ਲੜਕੇ ਤੇ ਲੜਕੀ ਦੀ ਰਜਾਮੰਦੀ ਨਾਲ ਹੋਇਆ। ਇਸ ਦੇ ਬਾਵਜੂਦ ਲਾੜਾ ਬਗੈਰ ਲਾੜੀ ਦੇ ਘਰ ਪਰਤ ਗਿਆ।
ਜਦੋਂ ਲਾੜਾ ਤੇ ਲਾੜਾ ਵਿਆਹ ਵਾਲੀ ਥਾਂ 'ਤੇ ਪਹੁੰਚੇ ਤਾਂ ਲੜਕੀ ਵਾਲੇ ਪੱਖ ਦੇ ਲੋਕਾਂ ਨੇ ਦਰਵਾਜ਼ੇ 'ਤੇ ਬਾਰਾਤ ਦਾ ਜ਼ੋਰਦਾਰ ਸਵਾਗਤ ਕੀਤਾ। ਲਾੜੀ ਦੇ ਪਿਤਾ, ਪੰਡਿਤ ਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੇ ਮਿਲ ਕੇ ਪੂਜਾ ਕਰਵਾਈ। ਗਣੇਸ਼ ਪੂਜਾ ਤੋਂ ਬਾਅਦ ਲੜਕੀ ਦੇ ਘਰ ਹੋਰ ਰਸਮਾਂ ਹੋਈਆਂ। ਰਸਮਾਂ ਤੋਂ ਬਾਅਦ ਲਾੜੇ ਨੂੰ ਤੋਹਫ਼ੇ ਦਿੱਤੇ ਗਏ। ਜੈਮਾਲਾ 'ਚ ਲਾੜੀ ਨੇ ਖੁਸ਼ੀ-ਖੁਸ਼ੀ ਲਾੜੇ ਨੂੰ ਮਾਲਾ ਪਹਿਨਾਈ। ਜੈਮਾਲਾ ਤੋਂ ਬਾਅਦ ਲਾੜੇ ਵਾਲੇ ਲਾੜੇ ਨੂੰ ਵਿਆਹ ਦੇ ਮੰਡਪ 'ਚ ਲੈ ਗਏ।
ਪੰਡਿਤ ਨੇ ਸੱਤ ਫੇਰੇ ਲਗਵਾਏ, ਸਿੰਦੂਰ ਦਾਨ ਤੇ ਕੋਹਬਰ ਤੱਕ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ ਹੋਈਆਂ ਤੇ ਇਸ ਤਰ੍ਹਾਂ ਵਿਆਹ ਰੀਤੀ-ਰਿਵਾਜਾਂ ਅਨੁਸਾਰ ਸੰਪੰਨ ਹੋਇਆ। ਸਵੇਰੇ ਵਿਦਾਇਗੀ ਦੀ ਰਸਮ ਸ਼ੁਰੂ ਹੋਈ। ਇਸ ਦੌਰਾਨ ਲਾੜੀ ਨੇ ਲਾੜੇ ਨਾਲ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਕੋਹਬਰ ਦੀ ਰਸਮ 'ਚ ਲਾੜੇ ਤੇ ਲਾੜੀ ਨੂੰ ਇਕਾਂਤਵਾਸ ਲਈ ਇੱਕ ਕਮਰੇ 'ਚ ਛੱਡਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਲਾੜੀ ਦੀ ਵਿਦਾਈ ਹੁੰਦੀ ਹੈ। ਦਰਅਸਲ, ਲਾੜੇ-ਲਾੜੀ ਦੀ ਪਹਿਲੀ ਮੁਲਾਕਾਤ ਨੂੰ ਕੋਹਬਰ ਕਿਹਾ ਜਾਂਦਾ ਹੈ।
ਦੱਸਿਆ ਗਿਆ ਕਿ ਪਰਿਵਾਰ ਵਾਲਿਆਂ ਦੀ ਸਹਿਮਤੀ ਬਾਰੇ ਲਾੜਾ-ਲਾੜੀ ਪਹਿਲਾਂ ਹੀ ਜਾਣੂ ਸਨ। ਉਹ ਇੱਕ-ਦੂਜੇ ਨਾਲ ਵੀਡੀਓ ਕਾਲਿੰਗ ਰਾਹੀਂ ਗੱਲਬਾਤ ਕਰਦੇ ਸਨ। ਸ਼ੁੱਕਰਵਾਰ ਨੂੰ ਬੈਂਡ-ਬਾਜੇ ਤੇ 55 ਬਾਰਾਤੀਆਂ ਨਾਲ ਭਿੱਠਾ ਇਲਾਕੇ 'ਚ ਬਾਰਾਤ ਪਹੁੰਚੀ। ਦਰਵਾਜ਼ੇ 'ਤੇ ਢੋਲ ਵੱਜ ਰਹੇ ਸਨ। ਸ਼ਾਨਦਾਰ ਪੰਡਾਲ ਲੱਗਿਆ ਹੋਇਆ ਸੀ। ਬਾਰਾਤੀਆਂ ਨੇ ਬੜੇ ਉਤਸ਼ਾਹ ਨਾਲ ਡਾਂਸ ਕੀਤਾ। ਸੁਆਦੀ ਪਕਵਾਨਾਂ ਦਾ ਆਨੰਦ ਲਿਆ। ਪਿੰਡ ਵਾਸੀਆਂ ਨੇ ਵੀ ਬਾਰਾਤੀਆਂ ਦਾ ਭਰਵਾਂ ਸਵਾਗਤ ਕੀਤਾ।
ਵਿਦਾਇਗੀ ਸਮੇਂ ਕੁੜੀ ਕਹਿਣ ਲੱਗੀ ਕਿ ਮੈਂ ਇਸ ਮੁੰਡੇ ਨਾਲ ਨਹੀਂ ਜਾਵਾਂਗੀ। ਕੁੜੀ ਵਾਲਿਆਂ ਨੇ ਲਾੜੇ ਨੂੰ ਜਨਵਾਸਾ 'ਤੇ ਭੇਜ ਦਿੱਤਾ ਤੇ ਲਾੜੀ ਦੀ ਵਿਦਾਇਗੀ ਨਾ ਕਰਨ ਦੀ ਗੱਲ ਕਹੀ। ਲਾੜੀ ਪੱਖ ਦਾ ਦੋਸ਼ ਹੈ ਕਿ ਲਾੜਾ ਮੰਦਬੁੱਧੀ ਹੈ। ਧੀ ਉਸ ਨਾਲ ਜਾਣ ਤੋਂ ਇਨਕਾਰ ਕਰ ਰਹੀ ਹੈ। ਦੂਜੇ ਪਾਸੇ ਲਾੜੇ ਵਾਲਿਆਂ ਦਾ ਕਹਿਣਾ ਹੈ ਕਿ ਲੜਕਾ ਕਈ ਸਾਲਾਂ ਤੋਂ ਜੈਪੁਰ 'ਚ ਰਹਿ ਕੇ ਵਧੀਆ ਨੌਕਰੀ ਕਰ ਰਿਹਾ ਹੈ। ਮੰਦਬੁੱਧੀ ਹੋਣ ਦਾ ਦੋਸ਼ ਬੇਬੁਨਿਆਦ ਹੈ। ਉਹ ਸੁਭਾਅ ਤੋਂ ਸ਼ਾਂਤ ਹੈ। ਲੜਕਾ 5 ਭਰਾਵਾਂ ਵਿੱਚੋਂ ਦੂਜੇ ਨੰਬਰ 'ਤੇ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
