ਚੰਡੀਗੜ੍ਹ ਦੇ ਕਲੱਬ ਦਾ ਹੈਰਾਨ ਕਰਨ ਵਾਲਾ ਮਾਮਲਾ, ਇੱਕ ਟੈਬਲ ਦੇ ਸੱਤ ਮਹਿਮਾਨ ਤੇ ਬਿੱਲ ਆਇਆ20 ਲੱਖ ਰੁਪਏ, ਜਾਣੋ ਕੀ ਹੈ ਮਾਜਰਾ

ਚੰਡੀਗੜ੍ਹ ਦੇ ਇੱਕ ਵੱਡੇ ਕਲੱਬ ਵਿੱਚ ਇੱਕ ਐਨਆਰਆਈ ਨੂੰ ਇੱਕ ਟੇਬਲ ਲਈ ਵੀਹ ਲੱਖ ਰੁਪਏ ਦਾ ਬਿੱਲ ਥਮਾਉਣ ਦੇ ਮਾਮਲੇ ਵਿੱਚ ਸ਼ੁੱਕਰਵਾਰ ਨੂੰ ਸੁਣਵਾਈ ਹੋਈ। ਵਧੀਕ ਆਬਕਾਰੀ ਅਤੇ ਕਰ ਕਮਿਸ਼ਨਰ ਦੇ ਸਾਹਮਣੇ ਕਲੱਬ ਦੇ ਮਾਲਕ ਨੇ ਮੰਨਿਆ ਕਿ ਉਸ ਨੇ ਨਿਯਮਾਂ ਦੇ ਵਿਰੁੱਧ ਰਾਤ 2 ਵਜੇ ਤੱਕ ਕਲੱਬ ਖੋਲ੍ਹਿਆ ਹੋਇਆ ਸੀ।

ਚੰਡੀਗੜ੍ਹ: ਸੂਬੇ ਦੀ ਰਾਜਥਾਨੀ ਚੰਡੀਗੜ੍ਹ ਦੇ ਇੱਕ ਕਲੱਬ ਵਿੱਚ ਇੱਕ ਪਾਰਟੀ ਵਿੱਚ ਪ੍ਰਵਾਸੀ ਭਾਰਤੀ ਨੂੰ ਅਦਾ ਕੀਤੇ 20 ਲੱਖ ਰੁਪਏ ਦੇ ਬਿੱਲ ਦੇ ਮਾਮਲੇ ਵਿੱਚ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਹੋਏ। ਵੀਰਵਾਰ ਨੂੰ ਆਬਕਾਰੀ ਤੇ ਕਰ ਵਿਭਾਗ ਨੇ ਕਲੱਬ ਮਾਲਕਾਂ ਨੂੰ ਇਸ ਬਾਰੇ ਨੋਟਿਸ ਭੇਜਿਆ। ਸ਼ੁੱਕਰਵਾਰ ਨੂੰ ਵਧੀਕ ਆਬਕਾਰੀ ਅਤੇ ਕਰ ਕਮਿਸ਼ਨਰ (ਏਈਟੀਸੀ) ਆਰ ਕੇ ਪੋਪਲੀ ਸਾਹਮਣੇ ਸੁਣਵਾਈ ਹੋਈ ਤਾਂ ਉਦੋਂ ਪਲੇਬੁਆਏ ਕਲੱਬ ਦੇ ਮਾਲਕ ਨੇ ਬਹੁਤ ਸਾਰੀਆਂ ਗੱਲਾਂ ਕਬੂਲ ਕੀਤੀਆਂ। ਮਾਲਕ ਨੇ ਮੰਨਿਆ ਕਿ ਉਸਨੇ 27 ਨਵੰਬਰ ਨੂੰ ਰਾਤ 2 ਵਜੇ ਤੱਕ ਕਲੱਬ ਖੋਲ੍ਹਿਆ ਅਤੇ ਉੱਥੇ ਪਾਰਟੀ ਚੱਲ ਰਹੀ ਸੀ। ਉਸਨੇ ਇਹ ਵੀ ਮੰਨਿਆ ਕਿ ਮਹਿਮਾਨ ਨੂੰ ਰਾਤ ਦੇ ਇੱਕ ਵਜੇ ਬਾਅਦ ਵੀ ਕਲੱਬ ਵਿੱਚ ਸ਼ਰਾਬ ਸਰਵ ਕੀਤੀ ਗਈ ਜਦੋਂ ਕਿ ਆਬਕਾਰੀ ਵਿਭਾਗ ਦੇ ਨਿਯਮਾਂ ਮੁਤਾਬਕ ਉਸ ਸਮੇਂ ਤੱਕ ਸ਼ਹਿਰ ਵਿੱਚ ਕੋਈ ਡਿਸਕੋ ਅਤੇ ਨਾਈਟ ਕਲੱਬ ਨਹੀਂ ਖੁੱਲ੍ਹਣੇ ਚਾਹੀਦੇ। ਰਾਤ 12 ਵਜੇ ਤੋਂ ਬਾਅਦ ਕਿਸੇ ਵੀ ਮਹਿਮਾਨ ਨੂੰ ਕਲੱਬ ਵਿੱਚ ਲਿਕਰ ਸਰਵ ਨਹੀਂ ਕੀਤੀ ਜਾ ਸਕਦੀ। ਏਈਟੀਸੀ ਨੇ ਕਿਹਾ, ਕਨੂੰਨੀ ਰਾਏ ਤੋਂ ਬਾਅਦ ਕਲੱਬ 'ਤੇ ਕਾਰਵਾਈ ਵਧੀਕ ਆਬਕਾਰੀ ਅਤੇ ਕਰ ਕਮਿਸ਼ਨਰ ਆਰ ਕੇ ਪੋਪਲੀ ਨੇ ਕਿਹਾ ਕਿ ਪਲੇਬੁਆਏ ਕਲੱਬ ਨੇ ਨੋਟਿਸ ਦਾ ਜਵਾਬ ਦਿੱਤਾ ਹੈ। ਇਸ ਬਾਰੇ ਵਿਭਾਗ ਤੋਂ ਕਾਨੂੰਨੀ ਸਲਾਹ ਲੈਣ ਤੋਂ ਬਾਅਦ ਕਾਰਵਾਈ ਕੀਤੀ ਜਾਵੇਗੀ। WHO ਨੂੰ ਸਾਲ ਬਾਅਦ ਆਈ ਯਾਦ, ਕੋਰੋਨਾ ਦੀ ਸ਼ੁਰੂਆਤ ਦਾ ਪਤਾ ਕਰ ਲਈ ਜਨਵਰੀ 'ਚ ਚੀਨ ਜਾਵੇਗੀ ਮਾਹਰਾਂ ਦੀ ਟੀਮ ਪਲੇਬੁਆਏ ਕਲੱਬ ਨੇ ਡੀਸੀ ਦੁਆਰਾ ਜਾਰੀ ਕੀਤੀ ਧਾਰਾ -144 ਦੀ ਵੀ ਉਲੰਘਣਾ ਕੀਤੀ ਹੈ। ਇਸ 'ਤੇ ਪੁਲਿਸ ਨੇ ਕਲੱਬ ਦੇ ਛੇ ਮਾਲਕਾਂ 'ਤੇ ਧਾਰਾ 188 ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। ਪੂਰਾ ਮਾਮਲਾ ਕੀ ਹੈ, ਜਾਣੋ 27 ਨਵੰਬਰ ਦੀ ਰਾਤ ਨੂੰ ਇੰਡਸਟਰੀਅਲ ਏਰੀਆ ਫੇਜ਼ -1 ਵਿੱਚ ਪਲੇਅਬੁਆਏ ਕਲੱਬ ਵਿਖੇ ਇੱਕ ਟੇਬਲ ਦਾ ਬਿੱਲ 20 ਲੱਖ ਰੁਪਏ ਆਇਆ। ਇਸ ਬਿੱਲ ਵਿਚ ਐਨਆਰਆਈ ਮਹਿਮਾਨ ਨੇ 17 ਲੱਖ ਰੁਪਏ ਦੀ ਮਹਿੰਗੀ ਸ਼ਰਾਬ ਮੰਗਵਾਈ ਸੀ। ਉਸ ਰਾਤ 2 ਵਜੇ ਤੱਕ ਕਲੱਬ ਵਿੱਚ ਧਮਾਕੇਦਾਰ ​​ਪਾਰਟੀ ਹੋਈ ਸੀ। ਇਸ ਪਾਰਟੀ ਨੂੰ ਮਹਿੰਗੀ ਵਾਈਨ ਅਤੇ ਸ਼ੈਂਪੇਨ ਸਰਵ ਕੀਤੀ ਗਈ। ਦੇਰ ਰਾਤ ਪੁਲਿਸ ਨੇ ਛਾਪੇਮਾਰੀ ਕਰਕੇ ਕਲੱਬ ਨੂੰ ਬੰਦ ਕਰ ਦਿੱਤਾ। ਪੁਲਿਸ ਦੀ ਜਾਂਚ ਵਿਚ ਇਹ ਗੱਲ ਸਾਹਮਣੇ ਆਈ ਕਿ ਇੱਕ ਟੇਬਲ ਦਾ ਬਿੱਲ 20 ਲੱਖ ਰੁਪਏ ਦਾ ਆਇਆ ਹੈ। ਇਸ ਮਾਮਲੇ ਵਿੱਚ ਚੰਡੀਗੜ੍ਹ ਆਬਕਾਰੀ ਅਤੇ ਕਰ ਵਿਭਾਗ ਨੇ ਵੀ ਕਲੱਬ ਮਾਲਕਾਂ ਨੂੰ ਨੋਟਿਸ ਦੇ ਕੇ ਜਵਾਬ ਮੰਗੇ। Yamuna expressway Road accident: ਯਮੁਨਾ ਐਕਸਪ੍ਰੈਸ 'ਤੇ ਬੇਕਾਬੂ ਡੰਪਰ ਦੀ ਰੋਡਵੇਜ਼ ਬੱਸ ਨਾਲ ਭਿਆਨਕ ਟੱਕਰ, ਕਈ ਜ਼ਖ਼ਮੀਆਂ ਚੋਂ 5 ਦੀ ਹਾਲਤ ਗੰਭੀਰ ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904