![ABP Premium](https://cdn.abplive.com/imagebank/Premium-ad-Icon.png)
ਕੁੱਤੇ ਦੇ ਕੱਟਣ 'ਤੇ ਵਿਅਕਤੀ ਪਹੁੰਚਿਆ ਸਿਹਤ ਕੇਂਦਰ, ਐਂਟੀ ਰੈਬੀਜ਼ ਦੀ ਥਾਂ ਲਾਇਆ ਇਹ ਟੀਕਾ
ਇੱਕ ਸਿਹਤ ਕਰਮਚਾਰੀ ਨੇ ਗਲਤੀ ਨਾਲ ਇੱਕ ਵਿਅਕਤੀ ਨੂੰ ਕੋਰੋਨਾ ਦਾ ਟੀਕਾ ਲਾ ਦਿੱਤਾ ਜੋ ਐਂਟੀ-ਰੇਬੀਜ਼ ਟੀਕਾ ਲਵਾਉਣ ਆਇਆ ਸੀ। ਮਾਮਲੇ ਦੀ ਜਾਂਚ ਲਈ ਤਿੰਨ ਮੈਂਬਰੀ ਟੀਮ ਬਣਾਈ ਗਈ ਹੈ।
![ਕੁੱਤੇ ਦੇ ਕੱਟਣ 'ਤੇ ਵਿਅਕਤੀ ਪਹੁੰਚਿਆ ਸਿਹਤ ਕੇਂਦਰ, ਐਂਟੀ ਰੈਬੀਜ਼ ਦੀ ਥਾਂ ਲਾਇਆ ਇਹ ਟੀਕਾ dog bites the person reached the health center, instead of anti rabies health worker gave corona vaccine ਕੁੱਤੇ ਦੇ ਕੱਟਣ 'ਤੇ ਵਿਅਕਤੀ ਪਹੁੰਚਿਆ ਸਿਹਤ ਕੇਂਦਰ, ਐਂਟੀ ਰੈਬੀਜ਼ ਦੀ ਥਾਂ ਲਾਇਆ ਇਹ ਟੀਕਾ](https://feeds.abplive.com/onecms/images/uploaded-images/2021/10/18/a58d32c8669fbb310c0b81bdb0363bd4_original.jpg?impolicy=abp_cdn&imwidth=1200&height=675)
ਪਲਾਮੂ: ਝਾਰਖੰਡ ਦੇ ਪਲਾਮੂ ਜ਼ਿਲ੍ਹੇ 'ਚ ਸਿਹਤ ਕਰਮਚਾਰੀ ਦੀ ਲਾਪ੍ਰਵਾਹੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਸ਼ਨੀਵਾਰ ਨੂੰ ਨੌਦੀਹਾ ਪਿੰਡ ਦੇ ਇੱਕ ਵਿਅਕਤੀ ਨੂੰ ਕੁੱਤੇ ਨੇ ਵੱਢ ਲਿਆ ਸੀ, ਜਿਸ ਤੋਂ ਬਾਅਦ ਉਹ ਪਾਟਨ ਬਲਾਕ ਹੈੱਡਕੁਆਰਟਰ ਹੈਲਥ ਸੈਂਟਰ 'ਚ ਐਂਟੀ ਰੈਬੀਜ਼ ਵੈਕਸੀਨ ਲਈ ਆਇਆ ਸੀ। ਸਿਹਤ ਕਰਮਚਾਰੀ ਨੇ ਗਲਤੀ ਨਾਲ ਉਸ ਨੂੰ ਕੋਰੋਨਾ ਦਾ ਟੀਕਾ ਲਾ ਦਿੱਤਾ।
ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ 50 ਸਾਲਾ ਰਾਜੂ ਨੂੰ ਪਹਿਲਾਂ ਹੀ ਕੋਰੋਨਾ ਦੇ ਦੋਵੇਂ ਟੀਕੇ ਮਿਲ ਚੁੱਕੇ ਹਨ। ਇਸ ਵਾਰ ਸਿਹਤ ਕਰਮਚਾਰੀ ਦੀ ਲਾਪ੍ਰਵਾਹੀ ਕਾਰਨ ਉਸ ਨੂੰ ਮੁੜ ਕੋਰੋਨਾ ਦਾ ਟੀਕਾ ਲਾਇਆ ਗਿਆ ਜਦੋਂਕਿ ਉਹ ਐਂਟੀ ਰੈਬੀਜ਼ ਦਾ ਟੀਕਾ ਲਵਾਉਣ ਆਇਆ ਸੀ।
ਇਸ ਸਬੰਧੀ ਪਲਾਮੂ ਖੇਤਰ ਦੇ ਚੀਫ਼ ਮੈਡੀਕਲ ਅਫ਼ਸਰ (ਸਿਵਲ ਸਰਜਨ) ਡਾ. ਅਨਿਲ ਕੁਮਾਰ ਨੇ ਦੱਸਿਆ ਕਿ ਮਾਮਲਾ ਅਣਗਹਿਲੀ ਦਾ ਹੈ। ਉਨ੍ਹਾਂ ਕਿਹਾ, ‘ਇਸ ਦੀ ਜਾਂਚ ਲਈ ਡਾਕਟਰ ਐਮਪੀ ਸਿੰਘ ਦੀ ਅਗਵਾਈ ਹੇਠ ਤਿੰਨ ਮੈਂਬਰੀ ਟੀਮ ਬਣਾਈ ਗਈ ਹੈ। ਇਹ ਟੀਮ ਜਾਂਚ ਲਈ ਪਾਟਨ ਜਾਵੇਗੀ। ਇਸ ਟੀਮ ਵਿੱਚ ਡਾ. ਅਨੂਪ ਕੁਮਾਰ ਦੇ ਨਾਲ-ਨਾਲ ਜ਼ਿਲ੍ਹਾ ਪ੍ਰੋਗਰਾਮ ਮੈਨੇਜਰ (ਡੀਪੀਐਮ) ਦੀਪਕ ਕੁਮਾਰ ਵੀ ਸ਼ਾਮਲ ਹਨ।
ਡਾ. ਅਨਿਲ ਕੁਮਾਰ ਨੇ ਕਿਹਾ ਕਿ ਜਾਂਚ ਰਿਪੋਰਟ ਆਉਣ ਤੋਂ ਬਾਅਦ ਹੀ ਉਕਤ ਸਿਹਤ ਕਰਮਚਾਰੀ ਵਿਰੁੱਧ ਅਨੁਸ਼ਾਸਨੀ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਹੁਣ ਤੱਕ ਮਰੀਜ਼ ਦੀ ਹਾਲਤ ਨਾਰਮਲ ਹੈ।
ਇਹ ਵੀ ਪੜ੍ਹੋ: Apple Cider Vinegar: ਐਪਲ ਸਾਈਡਰ ਵਿਨੇਗਰ ਦੇ ਹੁੰਦੇ ਹੈਰਾਨੀਜਨਕ ਫਾਇਦੇ, ਜਾਣ ਹੋ ਜਾਓਗੇ ਹੈਰਾਨ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)