ਵਿਆਹ ਵਾਲੇ ਦਿਨ ਹੀ ਲਾੜੀ ਨੇ ਦਿੱਤਾ ਬੱਚੇ ਨੂੰ ਜਨਮ, ਵਾਪਸ ਪਰਤੀ ਬਾਰਾਤ!
Pregnant Bridal: ਸਕਾਟਲੈਂਡ ਦੇ ਸਟਰਲਿੰਗਸ਼ਾਇਰ ਤੋਂ ਹਾਲ ਹੀ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆ ਰਹੀ ਹੈ, ਜਿਸ ਵਿੱਚ ਵਿਆਹ ਵਾਲੇ ਦਿਨ ਹੀ ਲਾੜੀ ਨੇ ਬੱਚੇ ਨੂੰ ਜਨਮ ਦਿੱਤਾ ਹੈ।ਜਿਸ ਤੋਂ ਬਾਅਦ ਵਿਆਹ ਰੱਦ ਕਰਨਾ ਪਿਆ।
Pregnant Bridal: ਸਕਾਟਲੈਂਡ ਦੇ ਸਟਰਲਿੰਗਸ਼ਾਇਰ ਤੋਂ ਹਾਲ ਹੀ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆ ਰਹੀ ਹੈ, ਜਿਸ ਵਿੱਚ ਵਿਆਹ ਵਾਲੇ ਦਿਨ ਹੀ ਲਾੜੀ ਨੇ ਬੱਚੇ ਨੂੰ ਜਨਮ ਦਿੱਤਾ ਹੈ। ਇਸ ਤੋਂ ਬਾਅਦ ਵਿਆਹ ਰੱਦ ਕਰਨਾ ਪਿਆ ਤੇ ਜੋੜੇ ਨੂੰ ਕਾਫੀ ਪ੍ਰੇਸ਼ਾਨੀ ਝੱਲਣੀ ਪਈ। ਮਹਿਮਾਨਾਂ ਨੂੰ ਵੀ ਵਾਪਸ ਪਰਤਣਾ ਪਿਆ। ਦਰਅਸਲ, ਲਾੜੀ ਪਹਿਲਾਂ ਹੀ ਗਰਭਵਤੀ ਸੀ ਤੇ ਡਿਲੀਵਰੀ ਡੇਟ 1 ਮਹੀਨੇ ਬਾਅਦ ਸੀ ਪਰ ਔਰਤ ਨੇ ਸਮੇਂ ਤੋਂ ਪਹਿਲਾਂ ਹੀ ਬੱਚੇ ਨੂੰ ਜਨਮ ਦਿੱਤਾ।
ਹੇਅਰ ਡ੍ਰੈਸਰ ਰੇਬੇਕਾ ਮੈਕਮਿਲਨ ਤੇ ਨਿਕ ਚੀਥਮ ਦੇ ਵਿਆਹ ਲਈ ਗਾਰਟਮੋਰ ਵਿਲੇਜ ਹਾਲ ਵਿਖੇ 200 ਮਹਿਮਾਨਾਂ ਦੇ ਇਕੱਠੇ ਹੋਣ ਦੀ ਉਮੀਦ ਸੀ ਪਰ ਵਿਆਹ ਤੋਂ ਕੁਝ ਘੰਟੇ ਪਹਿਲਾਂ ਹੀ ਰੇਬੇਕਾ ਨੂੰ ਜਣੇਪੇ ਦਾ ਦਰਦ ਸ਼ੁਰੂ ਹੋ ਗਿਆ। 32 ਸਾਲਾ ਰੇਬੇਕਾ ਨੇ ਕਿਹਾ - ਸਾਰੀਆਂ ਲਾੜੀਆਂ ਚਾਹੁੰਦੀਆਂ ਹਨ ਕਿ ਵਿਆਹ ਦਾ ਦਿਨ ਉਨ੍ਹਾਂ ਲਈ ਯਾਦਗਾਰ ਰਹੇ। ਬੇਟੇ ਰੋਰੀ ਚੀਥਮ ਨੇ ਇਸ ਦਿਨ ਨੂੰ ਸਾਡੇ ਲਈ ਯਾਦਗਾਰ ਬਣਾ ਦਿੱਤਾ। ਅਸੀਂ ਵਿਆਹ ਤਾਂ ਨਹੀਂ ਕਰ ਸਕੇ ਪਰ ਸਾਨੂੰ ਬਹੁਤ ਸੋਹਣਾ ਪੁੱਤਰ ਮਿਲ ਗਿਆ।
ਰੇਬੇਕਾ ਨੇ ਜੁਲਾਈ 2021 ਵਿੱਚ 36 ਸਾਲਾ ਨਿਕ ਨਾਲ ਮੰਗਣੀ ਕੀਤੀ ਸੀ। ਦੋਵਾਂ ਨੇ ਇਹ ਫੈਸਲਾ ਆਨਲਾਈਨ ਮਿਲਣ ਤੋਂ ਬਾਅਦ 5 ਸਾਲ ਤੱਕ ਇਕ-ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਲਿਆ। ਦੋਵਾਂ ਦਾ ਵਿਆਹ 21 ਮਈ ਨੂੰ ਹੋਣਾ ਸੀ। ਇਸ ਦੇ ਲਈ ਉਨ੍ਹਾਂ ਪੂਰੀ ਤਿਆਰੀ ਕਰ ਲਈ ਸੀ। ਜਦੋਂ ਰੇਬੇਕਾ ਨੂੰ ਪਤਾ ਚੱਲਦਾ ਹੈ ਕਿ ਉਹ ਗਰਭਵਤੀ ਹੈ ਅਤੇ ਬੱਚੇ ਦਾ ਜਨਮ 20 ਜੂਨ ਨੂੰ ਹੋਵੇਗਾ।
ਇਸ ਲਈ ਉਨ੍ਹਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਰੇਬੇਕਾ ਨੇ ਕਿਹਾ- ਅਸੀਂ ਵਿਆਹ ਦੀ ਤਰੀਕ ਨੂੰ ਅੱਗੇ ਵਧਾਉਣਾ ਚਾਹੁੰਦੇ ਸੀ, ਪਰ ਕੋਰੋਨਾ ਮਹਾਮਾਰੀ ਤੋਂ ਬਾਅਦ ਸਾਨੂੰ ਅਹਿਸਾਸ ਹੋਇਆ ਕਿ ਜ਼ਿੰਦਗੀ ਬਹੁਤ ਛੋਟੀ ਹੈ। ਇਸ ਲਈ ਸਾਨੂੰ ਵਿਆਹ ਕਰਵਾ ਲੈਣਾ ਚਾਹੀਦਾ ਹੈ। ਵਿਆਹ ਵਾਲੇ ਦਿਨ ਹੀ ਬੱਚੇ ਦੇ ਜਨਮ ਹੋਣ ਕਾਰਨ ਜੋੜੇ ਨੂੰ ਵੱਡਾ ਨੁਕਸਾਨ ਉਠਾਉਣਾ ਪਿਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
