Watch: ਨਿਊਯਾਰਕ ਸ਼ਹਿਰ 'ਚ ਮਿਲਦੀ ਹੈ ਦੁਨੀਆਂ ਦੀ ਸਭ ਤੋਂ ਮਹਿੰਗੀ ਆਈਸਕ੍ਰੀਮ, ਕੀਮਤ ਜਾਣ ਕੇ ਉੱਡ ਜਾਣਗੇ ਹੋਸ਼
ਹਾਲ ਹੀ 'ਚ ਜੂਲੀਅਸ ਬੇਅਰ ਦੀ ਗਲੋਬਲ ਵੈਲਥ ਐਂਡ ਲਾਈਫਸਟਾਈਲ ਰਿਪੋਰਟ 2022 (Julius Baer’s Global Wealth and Lifestyle Report) ਦੇ ਅਨੁਸਾਰ ਇਹ ਦੱਸਿਆ ਗਿਆ ਹੈ ਕਿ ਨਿਊਯਾਰਕ (New York) ਦੁਨੀਆਂ ਦੇ 10 ਸਭ ਤੋਂ ਮਹਿੰਗੇ ਸ਼ਹਿਰਾਂ ਵਿੱਚੋਂ ਇੱਕ ਹੈ।
Trending News: ਹਾਲ ਹੀ 'ਚ ਜੂਲੀਅਸ ਬੇਅਰ ਦੀ ਗਲੋਬਲ ਵੈਲਥ ਐਂਡ ਲਾਈਫਸਟਾਈਲ ਰਿਪੋਰਟ 2022 (Julius Baer’s Global Wealth and Lifestyle Report) ਦੇ ਅਨੁਸਾਰ ਇਹ ਦੱਸਿਆ ਗਿਆ ਹੈ ਕਿ ਨਿਊਯਾਰਕ (New York) ਦੁਨੀਆਂ ਦੇ 10 ਸਭ ਤੋਂ ਮਹਿੰਗੇ ਸ਼ਹਿਰਾਂ ਵਿੱਚੋਂ ਇੱਕ ਹੈ। ਇਸ ਦੇ ਨਾਲ ਹੀ ਬਿਜ਼ਨਸ ਇਨਸਾਈਡਰ (Business Insider) ਦੇ ਅਨੁਸਾਰ ਇਹ ਦੱਸਿਆ ਗਿਆ ਹੈ ਕਿ ਨਿਊਯਾਰਕ ਦੁਨੀਆਂ ਦਾ ਇਕਲੌਤਾ ਦੇਸ਼ ਹੈ ਜਿੱਥੇ ਸਭ ਤੋਂ ਵੱਧ ਅਰਬਪਤੀ ਰਹਿੰਦੇ ਹਨ।
ਅਜਿਹੇ 'ਚ ਇਹ ਸ਼ਹਿਰ ਰਹਿਣ-ਸਹਿਣ ਅਤੇ ਖਾਣ-ਪੀਣ ਲਈ ਸਭ ਤੋਂ ਮਹਿੰਗਾ ਹੈ, ਜਿਸ ਦਾ ਕਿਸੇ ਵੀ ਆਮ ਵਿਅਕਤੀ ਦੀ ਜੇਬ 'ਤੇ ਭਾਰੀ ਅਸਰ ਪੈ ਸਕਦਾ ਹੈ। ਫਿਲਹਾਲ ਫੋਰਬਸ ਦੀ ਇੱਕ ਰਿਪੋਰਟ ਦੇ ਅਨੁਸਾਰ ਇਹ ਦੱਸਿਆ ਗਿਆ ਹੈ ਕਿ ਨਿਊਯਾਰਕ ਦੇ 2 ਰੈਸਟੋਰੈਂਟ ਦੁਨੀਆ ਦੇ ਟਾਪ-5 ਸਭ ਤੋਂ ਮਹਿੰਗੇ ਰੈਸਟੋਰੈਂਟਾਂ 'ਚ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਦੇ ਮੁਤਾਬਕ ਦੁਨੀਆਂ ਦੀ ਸਭ ਤੋਂ ਮਹਿੰਗੀ ਮਠਿਆਈ ਅਮਰੀਕਾ ਦੇ ਸਭ ਤੋਂ ਵੱਧ ਆਬਾਦੀ ਵਾਲੇ ਇਸੇ ਸ਼ਹਿਰ 'ਚ ਪਾਈ ਜਾਂਦੀ ਹੈ।
ਨਿਊਯਾਰਕ ਦੇ Serendipity 3 ਰੈਸਟੋਰੈਂਟ 'ਚ ਦੁਨੀਆਂ ਦੀ ਸਭ ਤੋਂ ਮਹਿੰਗੀ ਆਈਸਕ੍ਰੀਮ ਪਰੋਸੀ ਜਾਂਦੀ ਹੈ, ਜਿਸ ਦਾ ਖਰਚਾ ਕਿਸੇ ਵੀ ਆਮ ਆਦਮੀ ਦੀ ਪਹੁੰਚ ਤੋਂ ਬਾਹਰ ਹੈ। ਇਸ ਰੈਸਟੋਰੈਂਟ 'ਚ ਪਾਈ ਜਾਣ ਵਾਲੀ ਫਰੋਜ਼ਨ ਹਾਉਤੇ ਚਾਕਲੇਟ 25 ਹਜ਼ਾਰ ਡਾਲਰ 'ਚ ਵਿਕਦੀ ਹੈ, ਜੋਕਿ ਭਾਰਤੀ ਰੁਪਏ ਵਿੱਚ 19 ਲੱਖ 53 ਹਜ਼ਾਰ ਤੋਂ ਵੱਧ ਹੈ।
ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡਸ ਦੇ ਮੁਤਾਬਕ ਇੰਨੀ ਮਹਿੰਗੀ ਆਈਸਕ੍ਰੀਮ 28 ਕੋਕੋ ਦੇ ਮਿਸ਼ਰਣ ਤੋਂ ਬਣੀ ਹੈ, ਜਿਸ 'ਚ ਦੁਨੀਆਂ ਦੇ 14 ਸਭ ਤੋਂ ਮਹਿੰਗੇ ਕੋਕੋ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਆਈਸਕ੍ਰੀਮ ਦੇ ਉੱਪਰ 5 ਗ੍ਰਾਮ ਖਾਣ ਵਾਲੇ 23 ਕੈਰੇਟ ਸੋਨੇ ਦੀ ਇੱਕ ਪਰਤ ਲਗਾਈ ਜਾਂਦੀ ਹੈ।
ਖਾਣ ਵਾਲੇ ਸੋਨੇ (Edible Gold) ਦੇ ਨਾਲ ਇਸ 'ਤੇ ਇਕ ਕੈਰੇਟ ਹੀਰੇ ਦੀ ਪਰਤ ਵੀ ਲਗਾਈ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਸ ਆਈਸਕ੍ਰੀਮ ਨੂੰ ਖਾਣ ਲਈ ਸੋਨੇ ਅਤੇ ਹੀਰੇ ਦੇ ਚਮਚਿਆਂ ਨਾਲ ਪਰੋਸਿਆ ਜਾਂਦਾ ਹੈ, ਜਿਸ ਨੂੰ ਖਾਣ ਤੋਂ ਬਾਅਦ ਘਰ ਲਿਜਾਇਆ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਨਿਊਯਾਰਕ ਦੇ Serendipity 3 ਰੈਸਟੋਰੈਂਟ 'ਚ ਦੁਨੀਆਂ ਦੇ ਸਭ ਤੋਂ ਮਹਿੰਗੇ ਫਰੈਂਚ ਫਰਾਈਜ਼ ਵੀ ਪਰੋਸੇ ਜਾਂਦੇ ਹਨ, ਜਿਸ ਦੀ ਕੀਮਤ 15,000 ਰੁਪਏ ਹੈ, ਜੋ ਕਿ ਦੁਨੀਆਂ ਭਰ ਤੋਂ ਲਿਆਂਦੇ ਮਸਾਲਿਆਂ ਤੋਂ ਤਿਆਰ ਕੀਤਾ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
