Best Mileage Cars: ਇਹ ਹਨ ਦੇਸ਼ ਦੀਆਂ ਸਭ ਤੋਂ ਵਧੀਆ ਮਾਈਲੇਜ ਦੇਣ ਵਾਲੀਆਂ ਕਾਰਾਂ
ਜੇਕਰ ਤੁਸੀਂ ਵੀ ਆਪਣੀ ਕਾਰ ਦੀ ਮਾਈਲੇਜ ਨੂੰ ਲੈ ਕੇ ਚਿੰਤਤ ਹੋ ਅਤੇ ਨਵੀਂ ਕਾਰ ਦੀ ਤਲਾਸ਼ ਕਰ ਰਹੇ ਹੋ ਜਿਸ ਦਾ ਮਾਈਲੇਜ ਵਧੀਆ ਹੋਵੇ, ਤਾਂ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੀਆਂ ਕਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਤੋਂ ਤੁਸੀਂ ਕੋਈ ਵਿਕਲਪ ਚੁਣ ਸਕਦੇ ਹੋ।
Mileage Cars: ਹਰ ਕੋਈ ਨਵੀਂ ਕਾਰ ਖਰੀਦਦੇ ਸਮੇਂ ਮਾਈਲੇਜ ਨੂੰ ਇੱਕ ਮਹੱਤਵਪੂਰਨ ਨੁਕਤੇ ਵਜੋਂ ਧਿਆਨ ਵਿਚ ਰੱਖਦਾ ਹੈ ਅਤੇ ਹਰ ਕੋਈ ਚਾਹੁੰਦਾ ਹੈ ਕਿ ਉਹ ਆਪਣੀ ਕਾਰ ਤੋਂ ਵੱਧ ਤੋਂ ਵੱਧ ਮਾਈਲੇਜ ਪ੍ਰਾਪਤ ਕਰੇ। ਅਜਿਹੇ 'ਚ ਜੇਕਰ ਤੁਸੀਂ ਵੀ ਨਵੀਂ ਕਾਰ ਖਰੀਦਣਾ ਚਾਹੁੰਦੇ ਹੋ ਅਤੇ ਚੰਗੀ ਮਾਈਲੇਜ ਵਾਲੀ ਕਾਰ ਦੀ ਤਲਾਸ਼ ਕਰ ਰਹੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਅਜਿਹੀਆਂ ਹੀ ਕੁਝ ਕਾਰਾਂ ਬਾਰੇ ਦੱਸਣ ਜਾ ਰਹੇ ਹਾਂ।
ਮਾਰੂਤੀ ਸੁਜ਼ੂਕੀ ਗ੍ਰੈਂਡ ਵਿਟਾਰਾ
ਮਾਰੂਤੀ ਦੀ ਇਸ ਕਾਰ 'ਚ ਹਾਈਬ੍ਰਿਡ ਤਕਨੀਕ ਦੀ ਵਰਤੋਂ ਕੀਤੀ ਗਈ ਹੈ, ਜਿਸ ਕਾਰਨ ਕੰਪਨੀ ਮੁਤਾਬਕ ਇਹ ਕਾਰ 27 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦੇਣ 'ਚ ਸਮਰੱਥ ਹੈ। ਹਾਈਬ੍ਰਿਡ ਹੋਣ ਕਾਰਨ ਕਾਰ ਘੱਟ ਸਪੀਡ 'ਚ ਈਵੀ ਦੀ ਤਰ੍ਹਾਂ ਚੱਲਣ ਲੱਗਦੀ ਹੈ, ਜਿਸ ਨਾਲ ਈਂਧਨ ਦੀ ਖਪਤ ਕਾਫੀ ਘੱਟ ਹੋ ਜਾਂਦੀ ਹੈ।
ਟਾਟਾ ਅਲਟਰੋਜ਼
ਟਾਟਾ ਮੋਟਰਜ਼ ਦੀ ਪ੍ਰੀਮੀਅਮ ਹੈਚਬੈਕ ਕਾਰ ਹੈ। ਜੋ ਕਿ ਆਪਣੀ ਮਾਈਲੇਜ ਅਤੇ ਸੁਰੱਖਿਆ ਲਈ ਦੇਸ਼ ਵਿੱਚ ਬਹੁਤ ਮਸ਼ਹੂਰ ਹੈ। ਇਸ ਕਾਰ ਨੂੰ ਭਾਰਤ ਵਿੱਚ ਸਭ ਤੋਂ ਵੱਧ ਮਾਈਲੇਜ ਦੇਣ ਵਾਲੀਆਂ ਕਾਰਾਂ ਵਿੱਚ ਗਿਣਿਆ ਜਾਂਦਾ ਹੈ। ਟਾਟਾ ਮੋਟਰਜ਼ ਨੇ Altroz ਲਈ 26 kmpl ਦੀ ਮਾਈਲੇਜ ਦਾ ਦਾਅਵਾ ਕੀਤਾ ਹੈ।
ਟੋਇਟਾ ਅਰਬਨ ਕਰੂਜ਼ਰ ਹਾਈਰਾਈਡਰ
Toyota Urban Cruiser HyRider SUV ਹਾਈਬ੍ਰਿਡ ਪਾਵਰਟ੍ਰੇਨ ਨਾਲ ਲੈਸ ਹੈ, ਜਿਸ ਕਾਰਨ ਕਾਰ 27 ਕਿਲੋਮੀਟਰ ਪ੍ਰਤੀ ਲੀਟਰ ਤੋਂ ਜ਼ਿਆਦਾ ਦੀ ਮਾਈਲੇਜ ਦਿੰਦੀ ਹੈ। ਲੋਕ ਇਸ ਕਾਰ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
Hyundai Grand i10 NIOS
ਹੁੰਡਈ ਦੀ ਗ੍ਰੈਂਡ ਆਈ 10 ਨੂੰ ਆਪਣੀ ਚੰਗੀ ਮਾਈਲੇਜ ਲਈ ਵੀ ਜਾਣਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਇਸ ਕਾਰ 'ਚ ਸ਼ਾਨਦਾਰ ਲੁੱਕ ਵੀ ਦੇਖਣ ਨੂੰ ਮਿਲੀ ਹੈ। ਹੈਚਬੈਕ ਸੈਗਮੈਂਟ ਵਿੱਚ ਆਉਂਦੇ ਹੋਏ, Hyundai ਦੀ Grand i10 NIOS ਵਰਤਮਾਨ ਵਿੱਚ 26.2 kmpl ਦੀ ਮਾਈਲੇਜ ਦਿੰਦੀ ਹੈ।
ਮਾਰੂਤੀ ਸੁਜ਼ੂਕੀ ਸੇਲੇਰੀਓ
ਮਾਰੂਤੀ ਸੇਲੇਰੀਓ ਦੇਸ਼ ਵਿੱਚ ਸਭ ਤੋਂ ਵੱਧ ਈਂਧਨ ਕੁਸ਼ਲ ਕਾਰਾਂ ਵਿੱਚੋਂ ਇੱਕ ਹੈ। ਇਸ ਕਾਰ ਦਾ ਵੱਧ ਤੋਂ ਵੱਧ ਮਾਈਲੇਜ ਇਸ ਦੇ AMT ਟਰਾਂਸਮਿਸ਼ਨ ਤੋਂ ਪ੍ਰਾਪਤ ਹੁੰਦਾ ਹੈ। ਇਸ ਕਾਰ ਦੀ ਮਾਈਲੇਜ 26.68 ਕਿਲੋਮੀਟਰ ਪ੍ਰਤੀ ਲੀਟਰ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
