Maruti Brezza ਜਾਂ Tata Nexon, ਕਿਸ ‘ਚ ਹੈ ਤੁਹਾਡਾ ਫਾਇਦਾ ? ਸੁਰੱਖਿਆ ਤੇ ਮਾਈਲੇਜ ‘ਚ ਕੌਣ ਕਿਸ ਤੋਂ ਅੱਗੇ ?
Maruti Brezza VS Tata Nexon: Maruti Brezza ਅਤੇ Tata Nexon ਦੋਵੇਂ ਭਾਰਤੀ ਬਾਜ਼ਾਰ ਵਿੱਚ ਸਭ ਤੋਂ ਪ੍ਰਸਿੱਧ ਕਾਰਾਂ ਦੀ ਸੂਚੀ ਵਿੱਚ ਸ਼ਾਮਲ ਹਨ। ਇੱਥੇ ਜਾਣੋ ਇਨ੍ਹਾਂ ਦੋਵਾਂ ਵਾਹਨਾਂ ਦੀ ਮਾਈਲੇਜ ਅਤੇ ਸੁਰੱਖਿਆ ਵਿਸ਼ੇਸ਼ਤਾਵਾਂ ਬਾਰੇ।
Maruti Suzuki VS Tata Motors: ਭਾਰਤ ਵਿੱਚ ਮਾਰੂਤੀ ਸੁਜ਼ੂਕੀ ਦੀਆਂ ਗੱਡੀਆਂ ਬਿਹਤਰ ਮਾਈਲੇਜ ਦੇਣ ਲਈ ਜਾਣੀਆਂ ਜਾਂਦੀਆਂ ਹਨ। ਜਦੋਂ ਕਿ ਟਾਟਾ ਮੋਟਰਸ ਆਪਣੇ ਵਾਹਨਾਂ ਵਿੱਚ ਸੁਰੱਖਿਆ ਦੀ ਗਾਰੰਟੀ ਦਿੰਦੀ ਹੈ। ਵਾਹਨਾਂ ਦੇ ਇਹ ਦੋਵੇਂ ਬ੍ਰਾਂਡ ਬਾਜ਼ਾਰ 'ਚ ਕਾਫੀ ਮਸ਼ਹੂਰ ਹਨ। ਲੋਕ ਇਹ ਦੋਵੇਂ ਗੱਡੀਆਂ ਮਾਰੂਤੀ ਬ੍ਰੇਜ਼ਾ ਅਤੇ ਟਾਟਾ ਨੈਕਸਨ ਨੂੰ ਪਸੰਦ ਕਰਦੇ ਹਨ। ਇਹ ਦੋਵੇਂ ਕਾਰਾਂ 10 ਲੱਖ ਰੁਪਏ ਦੀ ਰੇਂਜ ਵਿੱਚ ਆਉਂਦੀਆਂ ਹਨ। ਆਓ ਜਾਣਦੇ ਹਾਂ ਭਾਰਤ ਦੀਆਂ ਇਨ੍ਹਾਂ ਦੋ ਮਸ਼ਹੂਰ ਗੱਡੀਆਂ ਬਾਰੇ।
ਮਾਰੂਤੀ ਬ੍ਰੇਜ਼ਾ ਤੇ ਟਾਟਾ ਨੈਕਸਨ
ਇਨ੍ਹਾਂ ਦੋਵਾਂ ਕਾਰਾਂ ਮਾਰੂਤੀ ਬ੍ਰੇਜ਼ਾ ਤੇ ਟਾਟਾ ਨੈਕਸਨ 'ਚ ਕਾਫੀ ਸਮਾਨਤਾਵਾਂ ਹਨ। ਇਨ੍ਹਾਂ ਦੋਵਾਂ ਗੱਡੀਆਂ ਦੀ ਲੋਕਪ੍ਰਿਅਤਾ ਦੇ ਨਾਲ-ਨਾਲ ਕੁਝ ਫੀਚਰਸ ਵੀ ਸਮਾਨ ਹਨ।
ਮਾਰੂਤੀ ਬ੍ਰੇਜ਼ਾ ਤੇ ਟਾਟਾ ਨੈਕਸਨ ਦੋਵੇਂ ਹੀ 5-ਸੀਟਰ ਕਾਰਾਂ ਹਨ।
ਇਨ੍ਹਾਂ ਦੋਵਾਂ ਵਾਹਨਾਂ ਦੀ ਲੰਬਾਈ 4 ਮੀਟਰ ਦੀ ਰੇਂਜ ਵਿੱਚ ਹੈ।
ਇਨ੍ਹਾਂ ਦੋਵੇਂ ਮਸ਼ਹੂਰ ਕਾਰਾਂ 'ਚ ਇਲੈਕਟ੍ਰਿਕ ਸਨਰੂਫ ਦੀ ਵਿਸ਼ੇਸ਼ਤਾ ਹੈ।
ਮਾਰੂਤੀ ਬ੍ਰੇਜ਼ਾ ਤੇ ਟਾਟਾ ਨੇਕਸੋਨ ਦੋਵਾਂ ਵਾਹਨਾਂ ਦੀ ਸ਼ੁਰੂਆਤੀ ਕੀਮਤ 10 ਲੱਖ ਰੁਪਏ ਤੋਂ ਘੱਟ ਹੈ।
ਮਾਰੂਤੀ ਬ੍ਰੇਜ਼ਾ ਬਨਾਮ ਟਾਟਾ ਨੈਕਸਨ
ਮਾਰੂਤੀ ਬ੍ਰੇਜ਼ਾ ਤੇ ਟਾਟਾ ਨੈਕਸਨ ਵਿੱਚ ਕੁਝ ਸਮਾਨਤਾਵਾਂ ਦੇ ਨਾਲ-ਨਾਲ ਬਹੁਤ ਸਾਰੇ ਅੰਤਰ ਵੀ ਹਨ। ਸਭ ਤੋਂ ਵੱਡਾ ਫਰਕ ਇਨ੍ਹਾਂ ਦੋਵਾਂ ਵਾਹਨਾਂ ਦੀ ਪਾਵਰਟ੍ਰੇਨ ਵਿੱਚ ਹੈ। ਇਸ ਤੋਂ ਇਲਾਵਾ ਸੁਰੱਖਿਆ ਵਿਸ਼ੇਸ਼ਤਾਵਾਂ ਵੀ ਵੱਖਰੀਆਂ ਹਨ।
ਮਾਰੂਤੀ ਬ੍ਰੇਜ਼ਾ ਇੱਕ ਹਾਈਬ੍ਰਿਡ ਕਾਰ ਹੈ। ਇਹ ਕਾਰ K15 C ਪੈਟਰੋਲ + CNG (ਬਾਈ-ਫਿਊਲ) ਇੰਜਣ ਦੇ ਨਾਲ ਆਉਂਦੀ ਹੈ, ਤਾਂ ਜੋ ਇਸਨੂੰ ਪੈਟਰੋਲ ਤੇ CNG ਮੋਡ ਦੋਵਾਂ ਵਿੱਚ ਚਲਾਇਆ ਜਾ ਸਕੇ। ਇਸ 'ਚ ਲਗਾਇਆ ਗਿਆ ਇੰਜਣ ਪੈਟਰੋਲ ਮੋਡ 'ਚ 6,000 rpm 'ਤੇ 100.6 PS ਦੀ ਪਾਵਰ ਦਿੰਦਾ ਹੈ ਤੇ 4,400 rpm 'ਤੇ 136 Nm ਦਾ ਟਾਰਕ ਜਨਰੇਟ ਕਰਦਾ ਹੈ।
ਜਦੋਂ ਕਿ CNG ਮੋਡ ਵਿੱਚ ਇਹ 5,500 rpm 'ਤੇ 87.8 PS ਦੀ ਪਾਵਰ ਅਤੇ 4,200 rpm 'ਤੇ 121.5 Nm ਦਾ ਟਾਰਕ ਪ੍ਰਾਪਤ ਕਰਦਾ ਹੈ। ਮਾਰੂਤੀ ਦੀ ਇਹ ਕਾਰ 25.51 km/kg ਦੀ ਮਾਈਲੇਜ ਦਿੰਦੀ ਹੈ।
Tata Nexon ਕੋਈ ਹਾਈਬ੍ਰਿਡ ਕਾਰ ਨਹੀਂ ਹੈ ਪਰ ਇਹ ਕਾਰ ਪੈਟਰੋਲ, ਡੀਜ਼ਲ ਅਤੇ CNG ਪਾਵਰਟ੍ਰੇਨ ਦੇ ਵਿਕਲਪ ਦੇ ਨਾਲ ਆਉਂਦੀ ਹੈ। ਟਾਟਾ ਦੀ ਇਸ ਕਾਰ ਵਿੱਚ 1.2-ਲੀਟਰ ਟਰਬੋਚਾਰਜਡ ਰੇਵੋਟ੍ਰੋਨ ਇੰਜਣ ਹੈ। ਇਹ ਇੰਜਣ 5,500 rpm 'ਤੇ 88.2 PS ਦੀ ਪਾਵਰ ਦਿੰਦਾ ਹੈ ਤੇ 1,750 ਤੋਂ 4,000 rpm 'ਤੇ 170 Nm ਦਾ ਟਾਰਕ ਜਨਰੇਟ ਕਰਦਾ ਹੈ। Tata Nexon 17 ਤੋਂ 24 kmpl ਦੀ ਮਾਈਲੇਜ ਦਿੰਦੀ ਹੈ।
Tata Nexon ਨੂੰ ਗਲੋਬਲ NCAP ਤੋਂ ਕਰੈਸ਼ ਟੈਸਟ ਵਿੱਚ 5-ਸਟਾਰ ਸੇਫਟੀ ਰੇਟਿੰਗ ਮਿਲੀ ਹੈ। ਜਦੋਂ ਕਿ ਮਾਰੂਤੀ ਬ੍ਰੇਜ਼ਾ ਕੋਲ 4-ਸਟਾਰ ਸੇਫਟੀ ਰੇਟਿੰਗ ਹੈ। Tata Nexon ਕੋਲ 382 ਲੀਟਰ ਦੀ ਬੂਟ-ਸਪੇਸ ਹੈ। ਜਦੋਂ ਕਿ ਬ੍ਰੇਜ਼ਾ ਦੀ ਬੂਟ ਸਪੇਸ 328 ਲੀਟਰ ਹੈ।
Tata Nexon ਦੇ ਭਾਰਤੀ ਬਾਜ਼ਾਰ 'ਚ ਕੁੱਲ 100 ਵੇਰੀਐਂਟ ਹਨ। ਟਾਟਾ ਦੀ ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 7.99 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 15.50 ਲੱਖ ਰੁਪਏ ਤੱਕ ਜਾਂਦੀ ਹੈ। ਜਦਕਿ ਮਾਰੂਤੀ ਬ੍ਰੇਜ਼ਾ ਦੀ ਕੀਮਤ 8.34 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 14.14 ਲੱਖ ਰੁਪਏ ਤੱਕ ਜਾਂਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
