Amazon 'ਤੇ 31 ਮਈ ਤੋਂ ਬਾਅਦ ਸਾਮਾਨ ਆਰਡਰ ਕਰਨਾ ਹੋ ਜਾਵੇਗਾ ਮਹਿੰਗਾ, ਜੇ ਤੁਸੀਂ ਆਨਲਾਈਨ 'Cart' 'ਚ ਕੁੱਝ ਕੀਤਾ ਹੈ ਐਡ ਤਾਂ ਤੁਰੰਤ ਕਰੋ Order
Amazon: ਇਕ ਰਿਪੋਰਟ ਮੁਤਾਬਕ 31 ਮਈ ਤੋਂ ਬਾਅਦ ਐਮਾਜ਼ਾਨ ਤੋਂ ਸਾਮਾਨ ਆਰਡਰ ਕਰਨਾ ਪਹਿਲਾਂ ਨਾਲੋਂ ਮਹਿੰਗਾ ਹੋ ਸਕਦਾ ਹੈ। ਕੰਪਨੀ ਵੇਚਣ ਦੀਆਂ ਨੀਤੀਆਂ ਨੂੰ ਬਦਲਣ ਵਾਲੀ ਹੈ।
Amazon Shopping to be Expensive: ਜੇ ਤੁਸੀਂ ਈ-ਕਾਮਰਸ ਵੈੱਬਸਾਈਟ ਐਮਾਜ਼ਾਨ 'ਚ 'Cart' 'ਚ ਕੁਝ ਐਡ ਕੀਤਾ ਹੈ ਤਾਂ ਤੁਰੰਤ ਆਰਡਰ ਕਰੋ ਕਿਉਂਕਿ 31 ਮਈ ਤੋਂ ਬਾਅਦ ਇਸ ਪਲੇਟਫਾਰਮ ਤੋਂ ਸਾਮਾਨ ਆਰਡਰ ਕਰਨਾ ਪਹਿਲਾਂ ਨਾਲੋਂ ਮਹਿੰਗਾ ਹੋ ਜਾਵੇਗਾ। ਈਟੀ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਐਮਾਜ਼ਾਨ ਆਪਣੀ ਵਿਕਰੇਤਾ ਫੀਸ ਅਤੇ ਕਮਿਸ਼ਨ ਚਾਰਜ ਵਿੱਚ ਬਦਲਾਅ ਕਰਨ ਵਾਲਾ ਹੈ, ਜਿਸ ਤੋਂ ਬਾਅਦ ਉਤਪਾਦਾਂ ਦੀਆਂ ਕੀਮਤਾਂ ਪਹਿਲਾਂ ਨਾਲੋਂ ਵੱਧ ਸਕਦੀਆਂ ਹਨ। ਦੱਸ ਦਈਏ, ਈ-ਕਾਮਰਸ ਕੰਪਨੀ ਕਮਿਸ਼ਨ ਦੇ ਜ਼ਰੀਏ ਹੀ ਆਪਣਾ ਪੈਸਾ ਕਮਾਉਂਦੀ ਹੈ। ਵਿਕਰੇਤਾ ਇਸ ਪਲੇਟਫਾਰਮ ਰਾਹੀਂ ਸਾਮਾਨ ਵੇਚਦੇ ਹਨ ਅਤੇ ਕੰਪਨੀ ਇਸ ਦੇ ਬਦਲੇ ਪੈਸੇ ਵਸੂਲਦੀ ਹੈ।
ਦਰਅਸਲ, ਕੰਪਨੀ ਨੇ ਇਹ ਕਦਮ ਆਪਣੀ ਸਾਲਾਨਾ ਪ੍ਰਕਿਰਿਆ ਦੇ ਤਹਿਤ ਚੁੱਕਿਆ ਹੈ ਅਤੇ 31 ਮਈ ਤੋਂ ਬਾਅਦ ਪਲੇਟਫਾਰਮ 'ਤੇ ਨਵੇਂ ਨਿਯਮ ਲਾਗੂ ਹੋਣਗੇ, ਜਿਸ ਦੇ ਨਤੀਜੇ ਵਜੋਂ ਉਤਪਾਦ ਪਹਿਲਾਂ ਨਾਲੋਂ ਮਹਿੰਗੇ ਹੋ ਸਕਦੇ ਹਨ। ਰਿਪੋਰਟਾਂ ਦੇ ਅਨੁਸਾਰ, ਕੰਪਨੀ ਕੱਪੜੇ, beauty, medicine, grocery ਆਦਿ ਦੀਆਂ ਸ਼੍ਰੇਣੀਆਂ ਵਿੱਚ ਵਿਕਰੇਤਾ ਫੀਸ ਵਧਾਉਣ ਜਾ ਰਹੀ ਹੈ। ਕੰਪਨੀ ਦੇ ਬੁਲਾਰੇ ਨੇ ਕਿਹਾ, ਵਿਕਰੇਤਾ ਫੀਸ ਵਿੱਚ ਵਾਧਾ ਬਾਜ਼ਾਰ ਦੇ ਬਦਲਦੇ ਮਾਹੌਲ ਅਤੇ ਮੈਕਰੋ-ਆਰਥਿਕ ਕਾਰਨਾਂ ਕਰਕੇ ਹੋਇਆ ਹੈ।
ਪ੍ਰਤੀਸ਼ਤ ਤਬਦੀਲੀ
ਈਟੀ ਦੀ ਰਿਪੋਰਟ ਦੇ ਅਨੁਸਾਰ, ਦਵਾਈ ਸ਼੍ਰੇਣੀ ਵਿੱਚ 500 ਰੁਪਏ ਤੱਕ ਦੇ ਉਤਪਾਦਾਂ ਲਈ ਵਿਕਰੇਤਾ ਫੀਸ 5.5 ਤੋਂ 12 ਪ੍ਰਤੀਸ਼ਤ ਤੱਕ ਵਧ ਗਈ ਹੈ, ਜਦੋਂ ਕਿ 500 ਰੁਪਏ ਤੋਂ ਵੱਧ ਦੀਆਂ ਵਸਤਾਂ ਲਈ ਫੀਸ 15 ਪ੍ਰਤੀਸ਼ਤ ਹੋ ਗਈ ਹੈ। ਕੱਪੜਿਆਂ 'ਚ 1,000 ਤੋਂ ਜ਼ਿਆਦਾ ਦੇ ਉਤਪਾਦਾਂ 'ਤੇ ਫੀਸ 19 ਤੋਂ ਵਧਾ ਕੇ 22.5 ਫੀਸਦੀ ਕਰ ਦਿੱਤੀ ਗਈ ਹੈ। ਇਸੇ ਤਰ੍ਹਾਂ ਸੁੰਦਰਤਾ ਉਤਪਾਦਾਂ 'ਤੇ ਕਮਿਸ਼ਨ ਨੂੰ ਵਧਾ ਕੇ 8.5 ਫੀਸਦੀ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਕੰਪਨੀ ਨੇ ਘਰੇਲੂ ਤੌਰ 'ਤੇ ਟਰਾਂਸਪੋਰਟ ਕੀਤੇ ਜਾਣ ਵਾਲੇ ਉਤਪਾਦਾਂ 'ਤੇ ਡਿਲੀਵਰੀ ਚਾਰਜ 20 ਤੋਂ 30 ਫੀਸਦੀ ਤੱਕ ਵਧਾ ਦਿੱਤਾ ਹੈ।
ਕੰਪਨੀ ਨੇ 500 ਤੋਂ ਵੱਧ ਲੋਕਾਂ ਨੂੰ ਨੌਕਰੀ 'ਚੋਂ ਕੱਢਿਆ
ਈ-ਕਾਮਰਸ ਕੰਪਨੀ ਨੇ ਹਾਲ ਹੀ 'ਚ 500 ਤੋਂ ਵੱਧ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ। ਕੰਪਨੀ ਵਿੱਚ ਛਾਂਟੀ ਦੀ ਪ੍ਰਕਿਰਿਆ ਚੱਲ ਰਹੀ ਹੈ ਅਤੇ ਐਮਾਜ਼ਾਨ ਵੈੱਬ ਸਰਵਿਸਿਜ਼, ਐਚਆਰ ਅਤੇ ਸਪੋਰਟ ਸਟਾਫ ਤੋਂ ਕਰਮਚਾਰੀਆਂ ਨੂੰ ਕੱਢਿਆ ਜਾ ਰਿਹਾ ਹੈ। ਛਾਂਟੀ ਦੀ ਇਹ ਪ੍ਰਕਿਰਿਆ ਉਨ੍ਹਾਂ 9,000 ਨੌਕਰੀਆਂ ਵਿੱਚ ਕਟੌਤੀ ਵਿੱਚੋਂ ਇੱਕ ਹੈ ਜਿਸਦਾ ਕੰਪਨੀ ਨੇ ਮਾਰਚ 2023 ਵਿੱਚ ਐਲਾਨ ਕੀਤਾ ਸੀ। ਮਾਰਚ ਵਿੱਚ, ਕੰਪਨੀ ਨੇ ਘੋਸ਼ਣਾ ਕੀਤੀ ਕਿ ਉਹ ਆਪਣੀਆਂ ਕਲਾਉਡ ਸੇਵਾਵਾਂ, ਇਸ਼ਤਿਹਾਰਬਾਜ਼ੀ ਅਤੇ ਟਵਿਚ ਯੂਨਿਟਾਂ ਤੋਂ ਲਗਭਗ 9,000 ਨੌਕਰੀਆਂ ਵਿੱਚ ਕਟੌਤੀ ਕਰਨ ਜਾ ਰਹੀ ਹੈ। ਇਹ ਜਾਣਕਾਰੀ ਸੀਈਓ ਐਂਡੀ ਜੱਸੀ ਨੇ 18,000 ਕਰਮਚਾਰੀਆਂ ਦੀ ਛੁੱਟੀ ਕੀਤੇ ਜਾਣ ਤੋਂ ਕੁਝ ਹਫ਼ਤਿਆਂ ਬਾਅਦ ਕਰਮਚਾਰੀਆਂ ਨੂੰ ਇੱਕ ਮੈਮੋ ਦੇ ਰਾਹੀਂ ਦਿੱਤੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
