Bank Holidays in July 2021: ਜੁਲਾਈ ਮਹੀਨੇ ਵਿੱਚ 15 ਦਿਨ ਬੰਦ ਰਹਿਣਗੇ ਬੈਂਕ, ਵੇਖੋ ਲਿਸਟ
Bank Holidays: ਰਿਜ਼ਰਵ ਬੈਂਕ ਆਫ਼ ਇੰਡੀਆ (ਆਰਬੀਆਈ) ਮੁਤਾਬਕ ਜੁਲਾਈ ਦੇ ਮਹੀਨੇ ਵਿਚ ਹਫਤਾਵਾਰੀ ਛੁੱਟੀਆਂ ਅਤੇ ਵੱਖ-ਵੱਖ ਤਿਉਹਾਰਾਂ ਕਾਰਨ 15 ਦਿਨ ਛੁੱਟੀਆਂ ਰਹਿਣਗੀਆਂ। ਜੁਲਾਈ ਵਿਚ ਰੱਥ ਯਾਤਰਾ, ਭਾਨੂ ਜੈਅੰਤੀ, ਬਕਰੀਦ ਅਤੇ ਕੇਰ ਪੂਜਾ ਵਰਗੇ ਤਿਉਹਾਰ ਹਨ।
ਨਵੀਂ ਦਿੱਲੀ: ਅੱਜ ਕੱਲ੍ਹ ਜ਼ਿਆਦਾਤਰ ਬੈਂਕ ਦਾ ਕੰਮ ਐਪ ਅਤੇ ਇੰਟਰਨੈਟ ਬੈਂਕਿੰਗ ਰਾਹੀਂ ਕੀਤਾ ਜਾ ਰਿਹਾ ਹੈ। ਪਰ ਅਜੇ ਵੀ ਬਹੁਤ ਸਾਰੇ ਅਜਿਹੇ ਕੰਮ ਹਨ, ਜਿਨ੍ਹਾਂ ਲਈ ਬੈਂਕ ਜਾਣਾ ਜ਼ਰੂਰੀ ਹੈ। ਜੇ ਤੁਹਾਨੂੰ ਵੀ ਕਿਸੇ ਮਹੱਤਵਪੂਰਨ ਕੰਮ ਲਈ ਜੁਲਾਈ ਮਹੀਨੇ ਵਿੱਚ ਬੈਂਕ ਜਾਣਾ ਪਏਗਾ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਦਰਅਸਲ, ਅਗਲੇ ਮਹੀਨੇ ਯਾਨੀ ਸਾਲ ਦੇ 7ਵੇਂ ਮਹੀਨੇ ਜੁਲਾਈ ਵਿਚ ਬੈਂਕ ਸਿਰਫ 15 ਦਿਨਾਂ ਲਈ ਖੁੱਲ੍ਹੇ ਰਹਿਣਗੇ ਅਤੇ 15 ਦਿਨ ਛੁੱਟੀਆਂ ਹਨ।
ਅਜਿਹੀ ਸਥਿਤੀ ਵਿੱਚ ਜੇ ਤੁਸੀਂ ਬੈਂਕ ਜਾਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਬੈਂਕ ਛੁੱਟੀਆਂ ਦੀ ਲਿਸਟ ਵੇਖ ਲੈਣੀ ਚਾਹੀਦੀ ਹੈ। ਜੇ ਤੁਹਾਡੇ ਕੋਲ ਪਹਿਲਾਂ ਤੋਂ ਜਾਣਕਾਰੀ ਹੈ ਤਾਂ ਤੁਹਾਡਾ ਸਮਾਂ ਅਤੇ ਪੈਸਾ ਬਰਬਾਦ ਨਹੀਂ ਹੋਵੇਗਾ। ਰਿਜ਼ਰਵ ਬੈਂਕ ਆਫ਼ ਇੰਡੀਆ (ਆਰਬੀਆਈ) ਮੁਤਾਬਕ ਜੁਲਾਈ ਮਹੀਨੇ ਵਿੱਚ ਬੈਂਕਾਂ ਵਿੱਚ ਹਫ਼ਤਾਵਾਰੀ ਛੁੱਟੀਆਂ ਅਤੇ ਵੱਖ ਵੱਖ ਤਿਉਹਾਰਾਂ ਕਾਰਨ 15 ਦਿਨਾਂ ਦੀਆਂ ਛੁੱਟੀਆਂ ਹਨ। ਜੁਲਾਈ ਵਿਚ ਰੱਥ ਯਾਤਰਾ, ਭਾਨੂ ਜੈਅੰਤੀ, ਬਕਰੀਦ ਅਤੇ ਕੇਰ ਪੂਜਾ ਵਰਗੇ ਤਿਉਹਾਰ ਹਨ। ਇਸਦੇ ਕਾਰਨ, ਤਿਉਹਾਰ ਵਾਲੇ ਦਿਨ ਬੈਂਕ ਵਿੱਚ ਕੋਈ ਕੰਮ ਨਹੀਂ ਹੋਵੇਗਾ।
4 ਜੁਲਾਈ ਨੂੰ ਪਹਿਲੀ ਛੁੱਟੀ
ਜੁਲਾਈ ਦੇ ਮਹੀਨੇ ਵਿੱਚ ਪਹਿਲੀ ਬੈਂਕ ਛੁੱਟੀ 4 ਨੂੰ ਹੋਵੇਗੀ। ਕਿਉਂਕਿ 4 ਜੁਲਾਈ ਐਤਵਾਰ ਹੈ। ਇਸ ਤੋਂ ਬਾਅਦ ਬੈਂਕ ਸ਼ਨੀਵਾਰ ਅਤੇ ਐਤਵਾਰ ਦੇ ਕਾਰਨ 10 ਅਤੇ 11 ਜੁਲਾਈ ਨੂੰ ਬੰਦ ਰਹਿਣਗੇ। ਰੱਥ ਯਾਤਰਾ ਦਾ ਤਿਉਹਾਰ 12 ਜੁਲਾਈ ਨੂੰ ਹੈ। ਉੜੀਸਾ ਦੇ ਸਭ ਤੋਂ ਮਹੱਤਵਪੂਰਨ ਤਿਉਹਾਰਾਂ ਚੋਂ ਇੱਕ ਰਥ ਯਾਤਰਾ ਦੇ ਦਿਨ ਬੈਂਕਾਂ ਵਿਚ ਛੁੱਟੀ ਰਹੇਗੀ। ਦੂਜੇ ਪਾਸੇ, ਭਾਨੂ ਜੈਅੰਤੀ ਕਾਰਨ ਸਿੱਕਮ ਵਿੱਚ ਬੈਂਕ 13 ਜੁਲਾਈ ਨੂੰ ਬੰਦ ਰਹਿਣਗੇ।
ਦੁਰੁਕਪਾ ਤੇਸਚੀ ਤਿਉਹਾਰ ਦੇ ਕਾਰਨ ਸਿੱਕਮ ਦੇ ਬੈਂਕ 14 ਜੁਲਾਈ ਨੂੰ ਬੰਦ ਰਹਿਣਗੇ। ਰਾਹਿਲਾ ਕਾਰਨ ਉਤਰਾਖੰਡ ਵਿਚ 16 ਜੁਲਾਈ ਨੂੰ ਬੈਂਕ ਬੰਦ ਰਹਿਣਗੇ। 17 ਜੁਲਾਈ ਨੂੰ ਖ਼ਰਚੀ ਪੂਜਾ ਕਾਰਨ ਤ੍ਰਿਪੁਰਾ ਅਤੇ ਮਨੀਪੁਰ ਦੇ ਬੈਂਕਾਂ ਵਿਚ ਛੁੱਟੀ ਹੋਵੇਗੀ। ਦੇਸ਼ ਭਰ ਦੇ ਬੈਂਕ ਬੰਦ ਰਹਿਣਗੇ ਕਿਉਂਕਿ 18 ਜੁਲਾਈ ਐਤਵਾਰ ਹੈ। 19 ਜੁਲਾਈ ਨੂੰ ਗੁਰੂ ਰਿੰਪੋਚੇ ਠੁੰਗਾਕਰ ਦੇ ਪ੍ਰਕਾਸ਼ ਦਿਹਾੜੇ 'ਤੇ ਸਿੱਕਮ ਸੂਬੇ ਦੇ ਬੈਂਕਾਂ 'ਚ ਛੁੱਟੀ ਹੋਵੇਗੀ।
ਇਸ ਤੋਂ ਅੱਗੇ 20 ਜੁਲਾਈ ਨੂੰ ਬਕਰੀਦ ਹੈ। ਇਹ ਦਿਨ ਜੰਮੂ-ਕਸ਼ਮੀਰ ਅਤੇ ਕੇਰਲ ਵਿਚ ਛੁੱਟੀ ਦਾ ਦਿਨ ਹੈ। 21 ਜੁਲਾਈ ਨੂੰ ਬਕਰੀਦ ਦੇਸ਼ ਦੇ ਬਹੁਤੇ ਸੂਬਿਆਂ ਵਿੱਚ ਮਨਾਇਆ ਜਾਵੇਗਾ। ਇਸ ਦੇ ਕਾਰਨ ਤ੍ਰਿਪੁਰਾ, ਗੁਜਰਾਤ, ਕਰਨਾਟਕ, ਮੱਧ ਪ੍ਰਦੇਸ਼, ਤਾਮਿਲਨਾਡੂ, ਪੱਛਮੀ ਬੰਗਾਲ, ਉਤਰਾਖੰਡ, ਅਸਮ, ਤੇਲੰਗਾਨਾ, ਆਂਧਰਾ ਪ੍ਰਦੇਸ਼, ਬਿਹਾਰ, ਛੱਤੀਸਗੜ੍ਹ, ਨਵੀਂ ਦਿੱਲੀ, ਗੋਆ ਅਤੇ ਝਾਰਖੰਡ ਵਰਗੇ ਸੂਬਿਆਂ ਦੇ ਬੈਂਕਾਂ ਵਿੱਚ ਛੁੱਟੀ ਰਹੇਗੀ। ਇਸ ਤੋਂ ਬਾਅਦ ਬੈਂਕ ਹਫਤਾਵਾਰੀ ਛੁੱਟੀ ਕਾਰਨ 24 ਅਤੇ 25 ਜੁਲਾਈ ਨੂੰ ਬੰਦ ਰਹਿਣਗੇ। 31 ਜੁਲਾਈ ਨੂੰ ਤ੍ਰਿਪੁਰਾ ਵਿੱਚ ਕੇਰਾ ਪੂਜਾ ਹੋਣ ਕਾਰਨ ਬੈਂਕ ਵਿੱਚ ਕੋਈ ਕੰਮ ਨਹੀਂ ਹੋਵੇਗਾ।
ਇਹ ਵੀ ਪੜ੍ਹੋ: Punjab Roadways Strike: ਪੰਜਾਬ ਰੋਡਵੇਜ਼ ਅਤੇ ਪੀਆਰਟੀਸੀ ਦੇ ਕੱਚੇ ਕਰਮਚਾਰੀਆਂ ਦੀ ਅੱਜ ਤੋਂ ਤਿੰਨ ਰੋਜ਼ਾ ਹੜਤਾਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
