RBI Says: ਬਜਾਜ ਫਾਈਨਾਂਸ ਖ਼ਿਲਾਫ਼ RBI ਦੀ ਵੱਡੀ ਕਾਰਵਾਈ, Ecom ਅਤੇ Insta EMI ਕਾਰਡਾਂ ਦੇ ਤਹਿਤ ਲੋਨ ਦੇਣ 'ਤੇ ਲਾਈ ਪਾਬੰਦੀ

RBI Update: ਆਰਬੀਆਈ ਨੇ ਕਿਹਾ, ਬਜਾਜ ਫਾਈਨਾਂਸ ਇਨ੍ਹਾਂ ਕਮੀਆਂ ਨੂੰ ਠੀਕ ਕਰਨ ਤੋਂ ਬਾਅਦ, ਸੁਪਰਵਾਈਜ਼ਰੀ ਪਾਬੰਦੀਆਂ ਦੀ ਸਮੀਖਿਆ ਕੀਤੀ ਜਾਵੇਗੀ ਅਤੇ ਆਰਬੀਆਈ ਆਪਣੀ ਤਸੱਲੀ ਤੋਂ ਬਾਅਦ ਫੈਸਲੇ ਦੀ ਸਮੀਖਿਆ ਕਰੇਗਾ।

RBI Update

RBI On Bajaj Finance: ਦੇਸ਼ ਦੀ ਸਭ ਤੋਂ ਵੱਡੀ NBFC ਬਜਾਜ ਫਾਈਨਾਂਸ ਨੂੰ ਵੱਡਾ ਝਟਕਾ ਲੱਗਾ ਹੈ। ਬੈਂਕਿੰਗ ਖੇਤਰ ਦੇ ਰੈਗੂਲੇਟਰ ਰਿਜ਼ਰਵ ਬੈਂਕ ਆਫ ਇੰਡੀਆ  (Reserve Bank of India) ਨੇ ਬਜਾਜ ਫਾਈਨਾਂਸ ਲਿਮਟਿਡ  (Bajaj Finance Ltd) ਨੂੰ ਦੋ ਉਧਾਰ ਉਤਪਾਦ eCOM ਅਤੇ Insta EMI ਕਾਰਡ (Insta EMI Card) ਦੇ ਤਹਿਤ ਕਰਜ਼ਿਆਂ ਨੂੰ ਮਨਜ਼ੂਰੀ ਅਤੇ ਵੰਡਣ ਨੂੰ ਤੁਰੰਤ ਬੰਦ ਕਰਨ ਲਈ ਕਿਹਾ ਹੈ। ਆਰਬੀਆਈ ਦਾ ਇਹ ਹੁਕਮ ਤੁਰੰਤ ਲਾਗੂ ਹੋ ਗਿਆ ਹੈ।

ਡਿਜੀਟਲ ਉਧਾਰ ਦਿਸ਼ਾ ਨਿਰਦੇਸ਼ਾਂ ਦੀ ਉਲੰਘਣਾ ਦਾ ਮਾਮਲਾ

ਇਹ ਹੁਕਮ ਜਾਰੀ ਕਰਦਿਆਂ ਭਾਰਤੀ ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਕੰਪਨੀ ਵੱਲੋਂ ਆਰਬੀਆਈ ਦੇ ਡਿਜੀਟਲ ਉਧਾਰ ਦਿਸ਼ਾ-ਨਿਰਦੇਸ਼ਾਂ (Digital lending guidelines) ਦੀ ਪਾਲਣਾ ਨਾ ਕਰਨ ਕਾਰਨ ਇਹ ਹੁਕਮ ਜਾਰੀ ਕੀਤਾ ਗਿਆ ਹੈ। ਆਰਬੀਆਈ ਨੇ ਆਪਣੇ ਬਿਆਨ ਵਿੱਚ ਕਿਹਾ, ਇਹ ਕਾਰਵਾਈ ਇਸ ਲਈ ਜ਼ਰੂਰੀ ਹੋ ਗਈ ਕਿਉਂਕਿ ਕੰਪਨੀ ਭਾਰਤੀ ਰਿਜ਼ਰਵ ਬੈਂਕ ਦੇ ਡਿਜੀਟਲ ਲੋਨ ਦਿਸ਼ਾ-ਨਿਰਦੇਸ਼ਾਂ ਦੇ ਮੌਜੂਦਾ ਪ੍ਰਬੰਧਾਂ ਦੀ ਪਾਲਣਾ ਨਹੀਂ ਕਰ ਰਹੀ ਸੀ। ਇਹ ਕਾਰਵਾਈ ਖਾਸ ਤੌਰ 'ਤੇ ਇਨ੍ਹਾਂ ਦੋ ਲੋਨ ਉਤਪਾਦਾਂ ਦੇ ਤਹਿਤ ਕਰਜ਼ਦਾਰਾਂ ਨੂੰ ਮੁੱਖ ਤੱਥ ਬਿਆਨ ਜਾਰੀ  (Key Fact Statements) ਨਾ ਕਰਨ ਅਤੇ ਹੋਰ ਡਿਜੀਟਲ ਕਰਜ਼ਿਆਂ ਨੂੰ ਮਨਜ਼ੂਰੀ ਦੇਣ ਵੇਲੇ ਮੁੱਖ ਤੱਥ ਬਿਆਨਾਂ ਵਿੱਚ ਕਮੀਆਂ ਕਾਰਨ ਜ਼ਰੂਰੀ ਸੀ।

 

Action against Bajaj Finance Ltd. under Section 45L(1)(b) of the Reserve Bank of India Act, 1934https://t.co/o5qMfckCZi

— ReserveBankOfIndia (@RBI) November 15, 2023

 

ਆਰਬੀਆਈ ਐਕਟ ਤਹਿਤ ਕਾਰਵਾਈ

ਰਿਜ਼ਰਵ ਬੈਂਕ ਆਫ ਇੰਡੀਆ ਐਕਟ 1934 ਦੇ ਤਹਿਤ ਦਿੱਤੀਆਂ ਸ਼ਕਤੀਆਂ ਦੇ ਤਹਿਤ ਆਰਬੀਆਈ ਨੇ ਬਜਾਜ ਫਾਈਨੈਂਸ ਨੂੰ ਇਹ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਹਨ। ਆਰਬੀਆਈ ਨੇ ਕਿਹਾ ਕਿ ਇਨ੍ਹਾਂ ਕਮੀਆਂ ਨੂੰ ਠੀਕ ਕੀਤੇ ਜਾਣ ਤੋਂ ਬਾਅਦ ਸੁਪਰਵਾਈਜ਼ਰੀ ਪਾਬੰਦੀਆਂ ਦੀ ਸਮੀਖਿਆ ਕੀਤੀ ਜਾਵੇਗੀ ਅਤੇ ਆਰਬੀਆਈ ਆਪਣੀ ਤਸੱਲੀ ਤੋਂ ਬਾਅਦ ਫੈਸਲੇ ਦੀ ਸਮੀਖਿਆ ਕਰੇਗਾ।

 

ਬਜਾਜ ਫਾਈਨਾਂਸ ਦੇ ਸਟਾਕ 'ਚ ਗਿਰਾਵਟ

RBI ਦਾ ਇਹ ਹੁਕਮ ਸ਼ੇਅਰ ਬਾਜ਼ਾਰ ਦੇ ਬੰਦ ਹੋਣ ਤੋਂ ਬਾਅਦ ਆਇਆ ਹੈ ਪਰ ਅੱਜ ਦੇ ਕਾਰੋਬਾਰੀ ਸੈਸ਼ਨ 'ਚ ਬਜਾਜ ਫਾਈਨਾਂਸ ਦੇ ਸਟਾਕ 'ਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਸਟਾਕ 1.86 ਫੀਸਦੀ ਜਾਂ 136.55 ਰੁਪਏ ਦੀ ਗਿਰਾਵਟ ਨਾਲ 7,224.30 ਰੁਪਏ 'ਤੇ ਬੰਦ ਹੋਇਆ।