(Source: ECI/ABP News/ABP Majha)
EPFO News: EPFO ਨੇ ਮਾਰਚ 'ਚ 15.32 ਲੱਖ ਮੈਂਬਰ ਜੋੜੇ, ਫਰਵਰੀ ਦੇ ਮੁਕਾਬਲੇ 19 ਫੀਸਦੀ ਜ਼ਿਆਦਾ
EPFO News: ਮਾਰਚ 2022 ਵਿੱਚ EPFO ਵਿੱਚ 15.32 ਲੱਖ ਮੈਂਬਰਾਂ ਦਾ ਸ਼ੁੱਧ ਵਾਧਾ ਹੋਇਆ ਹੈ। ਕਿਰਤ ਮੰਤਰਾਲੇ ਦੇ ਬਿਆਨ ਮੁਤਾਬਕ, ਮਹੀਨਾਵਾਰ ਆਧਾਰ 'ਤੇ ਫਰਵਰੀ 2022 ਦੇ ਮੁਕਾਬਲੇ ਮਾਰਚ 2022 ਵਿੱਚ ਮੈਂਬਰਾਂ ਦੀ ਗਿਣਤੀ ਵਿੱਚ 2.47 ਲੱਖ ਦਾ ਵਾਧਾ ਹੋਇਆ ਹੈ।
EPFO News: ਰਿਟਾਇਰਮੈਂਟ ਫੰਡ ਪ੍ਰਬੰਧਨ ਸੰਸਥਾ EPFO ਨੇ ਮਾਰਚ 2022 ਵਿੱਚ 15.32 ਲੱਖ ਮੈਂਬਰਾਂ ਨੂੰ ਨੈੱਟ ਵਿੱਚ ਜੋੜਿਆ ਹੈ, ਜੋ ਕਿ ਇਸ ਸਾਲ ਫਰਵਰੀ ਵਿੱਚ 12.85 ਲੱਖ ਮੈਂਬਰਾਂ ਨਾਲੋਂ 19 ਫੀਸਦੀ ਵੱਧ ਹੈ।
ਫਰਵਰੀ ਦੇ ਮੁਕਾਬਲੇ ਮਾਰਚ 2022 ਵਿੱਚ ਮੈਂਬਰਾਂ ਦੀ ਗਿਣਤੀ ਵਿੱਚ 2.47 ਲੱਖ ਦਾ ਵਾਧਾ
ਕਿਰਤ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਆਰਜ਼ੀ ਈਪੀਐਫਓ ਪੇਰੋਲ ਡੇਟਾ ਮੁਤਾਬਕ ਮਾਰਚ 2022 ਵਿੱਚ 15.32 ਲੱਖ ਮੈਂਬਰਾਂ ਦਾ ਸ਼ੁੱਧ ਵਾਧਾ ਹੋਇਆ ਹੈ। ਬਿਆਨ ਮੁਤਾਬਕ ਮਹੀਨਾਵਾਰ ਆਧਾਰ 'ਤੇ ਫਰਵਰੀ 2022 ਦੇ ਮੁਕਾਬਲੇ ਮਾਰਚ 2022 'ਚ ਮੈਂਬਰਾਂ ਦੀ ਗਿਣਤੀ 2.47 ਲੱਖ ਜ਼ਿਆਦਾ ਵਧੀ ਹੈ। ਮਾਰਚ ਦੌਰਾਨ ਸ਼ਾਮਲ ਕੀਤੇ ਗਏ ਕੁੱਲ 15.32 ਲੱਖ ਮੈਂਬਰਾਂ ਵਿੱਚੋਂ, ਲਗਭਗ 9.68 ਲੱਖ ਨਵੇਂ ਮੈਂਬਰਾਂ ਨੂੰ ਪਹਿਲੀ ਵਾਰ ਈਪੀਐਫ ਅਤੇ ਐਮਪੀ ਐਕਟ, 1952 ਦੇ ਪ੍ਰਬੰਧਾਂ ਤਹਿਤ ਸ਼ਾਮਲ ਕੀਤਾ ਗਿਆ ਹੈ।
ਬਾਹਰ ਜਾਣ ਵਾਲੇ ਮੈਂਬਰਾਂ ਦੀ ਗਿਣਤੀ ਵਧੀ - ਮੁੜ ਸ਼ਾਮਲ ਹੋਏ
ਫਰਵਰੀ ਦੇ ਮੁਕਾਬਲੇ ਮਾਰਚ 2022 ਵਿੱਚ ਨਵੇਂ ਮੈਂਬਰਾਂ ਦੀ ਗਿਣਤੀ ਵਿੱਚ 81,327 ਦਾ ਵਾਧਾ ਹੋਇਆ ਹੈ। ਦੂਜੇ ਪਾਸੇ ਲਗਪਗ 5.64 ਲੱਖ ਮੈਂਬਰ ਇਸ ਸਕੀਮ ਤੋਂ ਬਾਹਰ ਹੋ ਗਏ ਪਰ EPFO ਅਧੀਨ ਆਉਂਦੇ ਅਦਾਰਿਆਂ ਵਿੱਚ ਮੁੜ ਸ਼ਾਮਲ ਹੋ ਗਏ। ਆਪਣੇ ਖਾਤਿਆਂ ਤੋਂ ਅੰਤਿਮ ਨਿਕਾਸੀ ਦੀ ਚੋਣ ਕਰਨ ਦੀ ਬਜਾਏ, ਇਨ੍ਹਾਂ ਲੋਕਾਂ ਨੇ ਆਪਣੇ ਫੰਡ ਪਿਛਲੇ ਪੀਐਫ ਖਾਤੇ ਵਿੱਚ ਟ੍ਰਾਂਸਫਰ ਕਰ ਦਿੱਤੇ।
ਸਭ ਤੋਂ ਵੱਧ ਸ਼ੁੱਧ ਦਾਖਲਾ 22-25 ਸਾਲ ਦੀ ਉਮਰ ਸਮੂਹ ਵਿੱਚ
ਤਨਖਾਹ ਦੇ ਅੰਕੜਿਆਂ ਦੀ ਉਮਰ-ਅਧਾਰਿਤ ਤੁਲਨਾ ਤੋਂ ਪਤਾ ਚੱਲਦਾ ਹੈ ਕਿ ਮਾਰਚ 2022 ਦੌਰਾਨ ਸਭ ਤੋਂ ਵੱਧ ਸ਼ੁੱਧ ਦਾਖਲਾ 22-25 ਸਾਲ ਦੀ ਉਮਰ ਸਮੂਹ ਵਿੱਚ ਸੀ। ਇਸ ਤੋਂ ਬਾਅਦ 29-35 ਸਾਲ ਦੀ ਉਮਰ ਵਰਗ ਦਾ ਹਿੱਸਾ ਬਣਿਆ।
ਤਨਖਾਹਾਂ ਦੇ ਅੰਕੜਿਆਂ ਦੀ ਤੁਲਨਾ ਸੂਬਿਆਂ ਮੁਤਾਬਕ ਕਰਦੇ ਹੋਏ, ਮਹਾਰਾਸ਼ਟਰ, ਕਰਨਾਟਕ, ਤਾਮਿਲਨਾਡੂ, ਗੁਜਰਾਤ, ਹਰਿਆਣਾ ਅਤੇ ਦਿੱਲੀ ਸਭ ਤੋਂ ਅੱਗੇ ਹਨ। ਮਾਰਚ 2022 ਦੌਰਾਨ ਕੁੱਲ ਨੈੱਟ ਮੈਂਬਰਸ਼ਿਪ ਵਿੱਚ ਔਰਤਾਂ ਦੀ ਭਰਤੀ ਦਾ ਹਿੱਸਾ 22.70 ਫੀਸਦੀ ਹੈ।
ਇਹ ਵੀ ਪੜ੍ਹੋ: Aly Goni-Jasmin Bhasin Wedding: ਅਲੀ ਗੋਨੀ ਗਰਲਫਰੈਂਡ ਜੈਸਮੀਨ ਭਸੀਨ ਨਾਲ ਇਸ ਦਿਨ ਕਰਨ ਜਾ ਰਹੇ ਵਿਆਹ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
