![ABP Premium](https://cdn.abplive.com/imagebank/Premium-ad-Icon.png)
Nepal Bans Indian Spice: ਵੱਧ ਰਹੀਆਂ MDH-Everest ਦੀਆਂ ਮੁਸ਼ਕਲਾਂ! ਹੁਣ ਨੇਪਾਲ ਨੇ ਵੀ ਮਸਾਲਿਆਂ 'ਤੇ ਲਗਾਇਆ ਬੈਨ
MDH-Everest Banned: ਮਸ਼ਹੂਰ ਭਾਰਤੀ ਮਸਾਲੇ MDH-Everest ਦੀਆਂ ਮੁਸ਼ਕਲਾਂ ਖਤਮ ਹੋਣ ਦਾ ਨਾਮ ਨਹੀਂ ਲੈ ਰਹੀਆਂ ਹਨ। ਹੁਣ ਇੱਕ ਹੋਰ ਦੇਸ਼ ਨੇ ਇਨ੍ਹਾਂ ਭਾਰਤੀ ਮਸਾਲਿਆਂ ਉੱਤੇ ਰੋਕ ਲਗਾ ਦਿੱਤੀ ਹੈ। ਆਓ ਜਾਣਦੇ ਹਾਂ ਇਸ ਗੁਆਂਢੀ ਦੇਸ਼ ਬਾਰੇ...
![Nepal Bans Indian Spice: ਵੱਧ ਰਹੀਆਂ MDH-Everest ਦੀਆਂ ਮੁਸ਼ਕਲਾਂ! ਹੁਣ ਨੇਪਾਲ ਨੇ ਵੀ ਮਸਾਲਿਆਂ 'ਤੇ ਲਗਾਇਆ ਬੈਨ Nepal Bans Indian Spice: Increasing MDH-Everest difficulties! Now Nepal also imposed a ban on spices Nepal Bans Indian Spice: ਵੱਧ ਰਹੀਆਂ MDH-Everest ਦੀਆਂ ਮੁਸ਼ਕਲਾਂ! ਹੁਣ ਨੇਪਾਲ ਨੇ ਵੀ ਮਸਾਲਿਆਂ 'ਤੇ ਲਗਾਇਆ ਬੈਨ](https://feeds.abplive.com/onecms/images/uploaded-images/2024/05/17/9f17269a1e1738a8b1b026f74a7f11851715940705306700_original.jpg?impolicy=abp_cdn&imwidth=1200&height=675)
MDH-Everest Banned: ਭਾਰਤੀ ਮਸਾਲਿਆਂ ਨੂੰ ਲੈ ਕੇ ਪਿਛਲੇ ਮਹੀਨੇ ਸ਼ੁਰੂ ਹੋਇਆ ਵਿਵਾਦ ਰੁਕਦਾ ਦਾ ਨਾਮ ਨਹੀਂ ਲੈ ਰਿਹਾ ਹੈ। ਹਾਲ ਵਿੱਚ ਇਸ ਵਿਵਾਦ 'ਚ ਨਿਊਜ਼ੀਲੈਂਡ ਦੀ ਐਂਟਰੀ ਹੋਈ, ਪਰ ਹੁਣ ਖਬਰ ਆ ਰਹੀ ਹੈ ਕਿ ਸਿੰਗਾਪੁਰ ਅਤੇ ਹਾਂਗਕਾਂਗ ਤੋਂ ਬਾਅਦ ਹੁਣ ਨੇਪਾਲ 'ਚ ਵੀ ਭਾਰਤੀ ਮਸਾਲਿਆਂ ਦੇ ਬ੍ਰਾਂਡ ਐਵਰੈਸਟ ਅਤੇ MDH ਦੀ ਵਿਕਰੀ, ਆਯਾਤ ਅਤੇ ਵਰਤੋਂ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਏਐਨਆਈ ਦੀ ਰਿਪੋਰਟ ਮੁਤਾਬਕ ਨੇਪਾਲ ਨੇ ਇਹ ਫੈਸਲਾ ਇਨ੍ਹਾਂ ਦੋਵਾਂ ਕੰਪਨੀਆਂ ਦੇ ਮਸਾਲਿਆਂ ਵਿੱਚ ਕੈਮੀਕਲ ਐਥੀਲੀਨ ਆਕਸਾਈਡ ਹੋਣ ਦੇ ਸ਼ੱਕ ਦੇ ਵਿਚਕਾਰ ਲਿਆ ਹੈ। ਨੇਪਾਲ ਦੇ ਫੂਡ ਟੈਕਨਾਲੋਜੀ ਅਤੇ ਕੁਆਲਿਟੀ ਕੰਟਰੋਲ ਵਿਭਾਗ ਨੇ ਦੋਵਾਂ ਬ੍ਰਾਂਡਾਂ ਦੇ ਮਸਾਲਿਆਂ 'ਚ ਇਸ ਕੈਮੀਕਲ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਨੇਪਾਲ ਨੇ ਇਹ ਗੱਲ ਕਹੀ
ਨੇਪਾਲ ਦੇ ਫੂਡ ਟੈਕਨਾਲੋਜੀ ਵਿਭਾਗ ਦੇ ਬੁਲਾਰੇ ਮੋਹਨ ਕ੍ਰਿਸ਼ਨ ਮਹਾਰਾਜਨ ਨੇ ਕਿਹਾ ਹੈ ਕਿ ਇਨ੍ਹਾਂ ਦੋ ਮਸਾਲਿਆਂ ਯਾਨੀ ਐਮਡੀਐਚ ਅਤੇ ਐਵਰੈਸਟ ਦੇ ਆਯਾਤ 'ਤੇ ਫਿਲਹਾਲ ਰੋਕ ਲਗਾ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਇਸ ਦੀ ਵਿਕਰੀ 'ਤੇ ਵੀ ਰੋਕ ਲਗਾ ਦਿੱਤੀ ਗਈ ਹੈ। ਸਰਕਾਰ ਨੇ ਇਹ ਕਦਮ ਇਨ੍ਹਾਂ ਮਸਾਲਿਆਂ ਵਿੱਚ ਐਥੀਲੀਨ ਆਕਸਾਈਡ ਨਾਮਕ ਕੀਟਨਾਸ਼ਕ ਪਾਏ ਜਾਣ ਦੀਆਂ ਖ਼ਬਰਾਂ ਤੋਂ ਬਾਅਦ ਚੁੱਕਿਆ ਹੈ। ਫਿਲਹਾਲ ਇਹ ਪਾਬੰਦੀ ਜਾਂਚ ਰਿਪੋਰਟ ਆਉਣ ਤੱਕ ਜਾਰੀ ਰਹੇਗੀ।
ਇਨ੍ਹਾਂ ਦੇਸ਼ਾਂ ਨੇ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ
ਭਾਰਤ ਦੇ ਮਸ਼ਹੂਰ ਮਸਾਲਾ ਬ੍ਰਾਂਡ MDH ਅਤੇ Everest ਭਾਰਤ, ਬ੍ਰਿਟੇਨ, ਨਿਊਜ਼ੀਲੈਂਡ, ਅਮਰੀਕਾ ਅਤੇ ਮੱਧ ਪੂਰਬ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਵੇਚੇ ਜਾਂਦੇ ਹਨ। ਬੁੱਧਵਾਰ ਨੂੰ ਨਿਊਜ਼ੀਲੈਂਡ ਦੇ ਫੂਡ ਸੇਫਟੀ ਰੈਗੂਲੇਟਰ ਨੇ ਭਾਰਤੀ ਮਸਾਲਾ ਬ੍ਰਾਂਡਾਂ ਦੇ ਵੱਖ-ਵੱਖ ਉਤਪਾਦਾਂ ਦੀ ਜਾਂਚ ਸ਼ੁਰੂ ਕਰਨ ਦੀ ਜਾਣਕਾਰੀ ਦਿੱਤੀ।
ਇਸ ਦੇ ਨਾਲ ਹੀ ਅਮਰੀਕਾ ਅਤੇ ਆਸਟ੍ਰੇਲੀਆ ਦੇ ਫੂਡ ਸੇਫਟੀ ਰੈਗੂਲੇਟਰਾਂ ਨੇ ਵੀ ਇਨ੍ਹਾਂ ਦੋਵਾਂ ਬ੍ਰਾਂਡਾਂ ਦੇ ਮਸਾਲਿਆਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਬ੍ਰਿਟੇਨ ਦੀ ਫੂਡ ਸੇਫਟੀ ਏਜੰਸੀ ਨੇ ਵੀ ਵੱਡੀ ਕਾਰਵਾਈ ਕਰਦੇ ਹੋਏ ਭਾਰਤ ਤੋਂ ਆਉਣ ਵਾਲੇ ਮਸਾਲਿਆਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
FSSAI ਸਖਤ ਹੋ ਗਿਆ
ਬਾਹਰੀ ਦੇਸ਼ਾਂ ਦੇ ਨਾਲ-ਨਾਲ ਇਹ ਦੋਵੇਂ ਕੰਪਨੀਆਂ ਘਰੇਲੂ ਪੱਧਰ 'ਤੇ ਵੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਹੀਆਂ ਹਨ। ਘਰੇਲੂ ਭੋਜਨ ਸੁਰੱਖਿਆ ਰੈਗੂਲੇਟਰ FSSAI ਨੇ ਸਖ਼ਤ ਕਾਰਵਾਈ ਕਰਦੇ ਹੋਏ ਦੇਸ਼ ਭਰ ਤੋਂ ਇਨ੍ਹਾਂ ਦੋਵਾਂ ਮਸਾਲਿਆਂ ਦੇ 1500 ਤੋਂ ਵੱਧ ਨਮੂਨੇ ਲਏ ਹਨ। ਸਰਕਾਰ ਨੇ ਕਿਹਾ ਹੈ ਕਿ ਜੇਕਰ ਇਹ ਸੈਂਪਲ ਟੈਸਟ 'ਚ ਅਸਫਲ ਰਹਿੰਦੇ ਹਨ ਤਾਂ ਇਨ੍ਹਾਂ ਕੰਪਨੀਆਂ ਦੇ ਉਤਪਾਦਾਂ ਦਾ ਲਾਇਸੈਂਸ ਰੱਦ (License revoked) ਕੀਤਾ ਜਾ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)