(Source: ECI/ABP News)
Tax On Online Gaming : ਆਨਲਾਈਨ ਗੇਮਿੰਗ 'ਚ 100 ਰੁਪਏ ਤੱਕ ਜਿੱਤਣ 'ਤੇ ਨਹੀਂ ਕੱਟੇਗਾ TDS, ਜਾਣੋ ਕੀ ਹੈ ਨਵਾਂ ਟੈਕਸ ਨਿਯਮ
Online Gaming: ਇਕ ਜੁਲਾਈ 2023 ਆਨਲਾਈਨ ਗੇਮਿੰਗ ਪਲੇਟਫਾਰਮ ਤੋਂ ਕਮਾਈ 'ਤੇ ਟੀਡੀਐੱਸ ਦੇਣਾ ਹੋਵੇਗਾ।
TDS On Online Gaming Platforms: ਆਨਲਾਈਨ ਗੇਮਿੰਗ ਪਲੇਟਫਾਰਮਾਂ (Online Gaming Platforms) ਤੋਂ ਹੋਣ ਵਾਲੀ ਆਮਦਨ ਹੁਣ ਇਨਕਮ ਟੈਕਸ ਵਿਭਾਗ ( Income Tax Department) ਦੇ ਰਡਾਰ ਦੇ ਅਧੀਨ ਆ ਗਈ ਹੈ, ਜੋ 1 ਜੁਲਾਈ, 2023 ਤੋਂ ਲਾਗੂ ਹੋਣ ਜਾ ਰਹੀ ਹੈ। ਸੀਬੀਡੀਟੀ (Central Board of Direct Taxes) ਨੇ ਇਸ ਸਬੰਧ ਵਿੱਚ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ, ਜਿਸ ਵਿੱਚ ਔਨਲਾਈਨ ਗੇਮਿੰਗ ਰਾਹੀਂ 100 ਰੁਪਏ ਜਾਂ ਇਸ ਤੋਂ ਵੱਧ ਦੀ ਕਮਾਈ 'ਤੇ ਟੀਡੀਐਸ (Tax Deducted at Source ) ਦਾ ਭੁਗਤਾਨ ਕਰਨਾ ਹੋਵੇਗਾ। ਜੇ ਔਨਲਾਈਨ ਗੇਮਿੰਗ ਵਿੱਚ ਬੋਨਸ, ਰੈਫਰਲ ਬੋਨਸ ਜਾਂ ਕਿਸੇ ਪ੍ਰਕਾਰ ਦੇ ਪ੍ਰੋਤਸਾਹਨ ਤੋਂ ਆਮਦਨ ਹੁੰਦੀ ਹੈ, ਤਾਂ ਇਹ ਵੀ ਟੈਕਸਯੋਗ ਰਕਮ ਵਿੱਚ ਗਿਣਿਆ ਜਾਵੇਗਾ ਜਿਸ 'ਤੇ TDS ਦਾ ਭੁਗਤਾਨ ਕਰਨਾ ਹੋਵੇਗਾ।
ਕੀ ਹਨ ਦਿਸ਼ਾ-ਨਿਰਦੇਸ਼
ਸੀਬੀਡੀਟੀ ਦੇ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ, ਜੇ ਕੋਈ ਖਿਡਾਰੀ ਔਨਲਾਈਨ ਗੇਮਿੰਗ ਵਿੱਚ 100 ਰੁਪਏ ਤੋਂ ਘੱਟ ਜਿੱਤਦਾ ਹੈ, ਤਾਂ ਔਨਲਾਈਨ ਗੇਮਿੰਗ ਪਲੇਟਫਾਰਮ ਨੂੰ ਟੀਡੀਐਸ ਕੱਟਣ ਦੀ ਲੋੜ ਨਹੀਂ ਹੋਵੇਗੀ। ਇਸ ਸਰਕੂਲਰ ਮੁਤਾਬਕ ਜੇ ਆਨਲਾਈਨ ਗੇਮਿੰਗ ਕੰਪਨੀ ਵੱਲੋਂ ਬੋਨਸ, ਰੈਫਰਲ ਬੋਨਸ, ਇੰਸੈਂਟਿਵ ਦਿੱਤਾ ਜਾਂਦਾ ਹੈ ਤਾਂ ਇਨਕਮ ਟੈਕਸ ਕਾਨੂੰਨ ਦੇ ਮੁਤਾਬਕ ਇਸ ਨੂੰ ਟੈਕਸਯੋਗ ਇਨਕਮ ਡਿਪਾਜ਼ਿਟ 'ਚ ਵੀ ਜੋੜ ਦਿੱਤਾ ਜਾਵੇਗਾ। ਕੁਝ ਡਿਪਾਜ਼ਿਟ ਸਿੱਕੇ, ਕੂਪਨ, ਵਾਊਚਰ ਅਤੇ ਕਾਊਂਟਰ ਦੇ ਰੂਪ ਵਿੱਚ ਹੋ ਸਕਦੇ ਹਨ, ਉਹਨਾਂ ਨੂੰ ਟੈਕਸਯੋਗ ਡਿਪਾਜ਼ਿਟ ਮੰਨਿਆ ਜਾਵੇਗਾ।
ਸਰਕੂਲਰ 'ਚ ਸੀਬੀਡੀਟੀ ਨੇ ਕਿਹਾ ਹੈ ਕਿ ਆਨਲਾਈਨ ਗੇਮਿੰਗ ਕੰਪਨੀਆਂ ਜਿਨ੍ਹਾਂ ਨੇ ਅਪ੍ਰੈਲ ਮਹੀਨੇ ਦਾ ਟੈਕਸ ਜਮ੍ਹਾ ਨਹੀਂ ਕਰਵਾਇਆ ਹੈ, ਉਹ ਮਈ ਦੀ ਟੈਕਸ ਰਾਸ਼ੀ 7 ਜੂਨ ਤੱਕ ਜਮ੍ਹਾ ਕਰਵਾ ਸਕਦੇ ਹਨ। ਇਸ ਤਰੀਕ ਤੋਂ ਬਾਅਦ ਜਮ੍ਹਾ ਕਰਵਾਉਣ 'ਤੇ ਜੁਰਮਾਨਾ ਭਰਨਾ ਪਵੇਗਾ। ਨਾਲ ਹੀ, ਇਸ ਤੋਂ ਹੋਣ ਵਾਲੀ ਆਮਦਨ ਨੂੰ 2023-24 ਲਈ ਆਮਦਨ ਕਰ ਘੋਸ਼ਣਾ ਪੱਤਰ ਵਿੱਚ ਘੋਸ਼ਿਤ ਕਰਨਾ ਹੋਵੇਗਾ।
ਸੀਬੀਡੀਟੀ ਨੇ ਆਪਣੇ ਨਿਯਮ 133 ਵਿੱਚ ਕਿਹਾ ਹੈ ਕਿ ਭਾਵੇਂ ਕੋਈ ਉਪਭੋਗਤਾ ਖਾਤਾ ਕਿਸੇ ਔਨਲਾਈਨ ਗੇਮਿੰਗ ਕੰਪਨੀ ਵਿੱਚ ਕਿਸੇ ਵੀ ਨਾਮ ਨਾਲ ਰਜਿਸਟਰਡ ਹੋਵੇ, ਜੇਕਰ ਕੋਈ ਟੈਕਸਯੋਗ ਜਮ੍ਹਾਂ, ਗੈਰ-ਟੈਕਸਯੋਗ ਜਮ੍ਹਾਂ, ਜੇਕਰ ਜਿੱਤੀ ਰਕਮ ਕ੍ਰੈਡਿਟ ਕੀਤੀ ਜਾਂਦੀ ਹੈ ਜਾਂ ਕਢਵਾਈ ਜਾਂਦੀ ਹੈ ਤਾਂ ਨਿਯਮ ਉਸ 'ਤੇ ਲਾਗੂ ਹੋਣਗੇ। ਜੇ ਕਿਸੇ ਉਪਭੋਗਤਾ ਦੇ ਕਈ ਖਾਤੇ ਹਨ ਤਾਂ ਉਸ ਦੇ ਹਰੇਕ ਖਾਤੇ ਦੀ ਕੁੱਲ ਰਕਮ ਜਿੱਤਣ ਲਈ ਕੀਤੀ ਜਾਵੇਗੀ। ਉਪਭੋਗਤਾ ਖਾਤੇ ਵਿੱਚ ਜਮ੍ਹਾ, ਨਿਕਾਸੀ ਜਾਂ ਬਕਾਇਆ ਸਾਰੇ ਇਸ ਦਾਇਰੇ ਵਿੱਚ ਆਉਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
