Neuralink ਦੀ ਚਿੱਪ ਦਿਮਾਗ ਵਿੱਚ ਲਾ ਕੇ ਨਾਲ ਵੀਡੀਓ ਗੇਮ ਖੇਡ ਰਿਹਾ ਦਿਵਿਆਂਗ ਸ਼ਖ਼ਸ, ਐਲੋਨ ਮਸਕ ਨੇ ਦੱਸਿਆ 'ਟੈਲੀਪੈਥੀ', ਵੇਖੋ ਵੀਡੀਓ
Elon Musk's Neuralink Chip Patient: ਐਲੋਨ ਮਸਕ ਨੇ ਦਿਮਾਗ ਨਾਲ ਵੀਡੀਓ ਗੇਮ ਖੇਡਣ ਵਾਲੇ ਦਿਵਿਆਂਗ ਵਿਅਕਤੀ ਦੀ ਕਲਿੱਪਿੰਗ 'ਤੇ ਪ੍ਰਤੀਕਿਰਿਆ ਦਿੱਤੀ, ਕਿਹਾ 'ਨਿਊਰਲਿੰਕ ਨੇ ਟੈਲੀਪੈਥੀ ਦਾ ਪ੍ਰਦਰਸ਼ਨ ਕੀਤਾ।'
Elon Musk's Neuralink: ਲੰਬੇ ਸਮੇਂ ਤੱਕ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਦਾ ਖਿਤਾਬ ਆਪਣੇ ਕੋਲ ਰੱਖਣ ਵਾਲੇ ਐਲੋਨ ਮਸਕ (elon musk) ਦੇ ਅਭਿਲਾਸ਼ੀ ਨਿਊਰਲਿੰਕ ਪ੍ਰੋਜੈਕਟ (Neuralink's ambitious projects) ਦੇ ਕਈ ਨਤੀਜੇ ਇਸ ਸਮੇਂ ਦੁਨੀਆ ਨੂੰ ਹੈਰਾਨ ਕਰ ਰਹੇ ਹਨ। ਬੀਤੀ ਰਾਤ ਐਲੋਨ ਮਸਕ ਨੇ ਇੱਕ ਦਿਵਿਆਂਗ ਵਿਅਕਤੀ ਦੇ ਆਪਣੇ ਦਿਮਾਗ ਨਾਲ ਵੀਡੀਓ ਗੇਮ ਖੇਡਣ ਦੀ ਵੀਡੀਓ ਦਾ ਜਵਾਬ ਦਿੰਦੇ ਹੋਏ ਕਿਹਾ, 'ਨਿਊਰਲਿੰਕ ਨੇ ਟੈਲੀਪੈਥੀ ਦਾ ਪ੍ਰਦਰਸ਼ਨ ਕੀਤਾ'। ਉਹਨਾਂ ਆਪਣੇ ਦਿਮਾਗ ਨਾਲ ਵੀਡੀਓ ਗੇਮਾਂ ਅਤੇ ਸ਼ਤਰੰਜ ਖੇਡਣ ਲਈ ਨਿਊਰਲਿੰਕ ਬ੍ਰੇਨ ਇਮਪਲਾਂਟ (Neuralink brain implant) ਦੀ ਵਰਤੋਂ ਕਰਦੇ ਹੋਏ ਕਵਾਡ੍ਰੀਪਲੇਜਿਕ ਮਰੀਜ਼ ਨੋਲੈਂਡ ਆਰਬੌਗ ਦਾ ਇੱਕ ਵੀਡੀਓ ਸਾਂਝਾ ਕੀਤਾ, ਜੋ ਦਿਮਾਗ-ਕੰਪਿਊਟਰ ਇੰਟਰਫੇਸ ਤਕਨਾਲੋਜੀ (Brain-Computer Interface Technology) 'ਤੇ ਚਾਨਣਾ ਪਾਉਂਦਾ ਹੈ।
ਐਲੋਨ ਮਸਕ ਨੇ ਲਾਈਵ ਸਟ੍ਰੀਮ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਇਸ ਨੂੰ ਟੈਲੀਪੈਥੀ ਕਿਹਾ
ਨੋਲੈਂਡ ਦੀ ਗੇਮਿੰਗ ਦੀ ਲਾਈਵ ਸਟ੍ਰੀਮ ਬਾਰੇ ਵੇਰਵੇ ਸਾਂਝੇ ਕਰਦੇ ਹੋਏ, ਐਲੋਨ ਮਸਕ ਨੇ ਲਿਖਿਆ, "@Neuralink ਦੀ ਲਾਈਵਸਟ੍ਰੀਮ 'ਟੈਲੀਪੈਥੀ' ਨੂੰ ਦਰਸਾਉਂਦੀ ਹੈ - ਇੱਕ ਕੰਪਿਊਟਰ ਨੂੰ ਨਿਯੰਤਰਿਤ ਕਰਨਾ ਅਤੇ ਸਿਰਫ਼ ਸੋਚ ਕੇ ਵੀਡੀਓ ਗੇਮ ਖੇਡਣਾ..."
ਨਿਊਰਲਿੰਕ ਦੇ ਸੀਈਓ ਐਲੋਨ ਮਸਕ ਨੇ ਕੰਪਨੀ ਦੇ ਪਹਿਲੇ ਬ੍ਰੇਨ ਇਮਪਲਾਂਟ ਮਰੀਜ਼ ਦੀ ਲਾਈਵ ਸਟ੍ਰੀਮ 'ਤੇ ਪ੍ਰਤੀਕਿਰਿਆ ਦਿੱਤੀ, ਦਿਵਿਆਂਗ ਆਦਮੀ ਜੋ ਸਿਰਫ਼ ਆਪਣੇ ਦਿਮਾਗ ਦੀ ਵਰਤੋਂ ਕਰਕੇ ਵੀਡੀਓ ਗੇਮਾਂ ਅਤੇ ਔਨਲਾਈਨ ਸ਼ਤਰੰਜ ਖੇਡ ਰਿਹਾ ਹੈ। ਨਿਊਰਲਿੰਕ ਦੇ ਅਧਿਕਾਰਕ ਐਕਸ ਪ੍ਰਫਾਈਲ 'ਤੇ ਸ਼ੇਅਰ ਕੀਤੇ ਗਏ ਵੀਡੀਓ 'ਚ 29 ਸਾਲ ਦੇ noland arbaugh ਆਪਣੋ ਸਾਹਮਣੇ ਰੱਖੇ ਗਏ ਕੰਪਿਊਟਰ ਵਿੱਚ ਸਤਰੰਜ ਤੇ ਗੇਮ ਸਿਵਿਲਲਾਈਜੇਸ਼ਨ VI ਖੇਡਣ ਲਈ ਆਪਣੇ ਦਿਮਾਗ ਦਾ ਇਸਤੇਮਾਲ ਕਰਦੇ ਹੋਏ ਨਜ਼ਰ ਆ ਰਿਹਾ ਹੈ। ਸਿਵਿਲਲਾਈਜੇਸ਼ਨ VI ਖੇਡਦੇ ਸਮੇਂ ਮਰੀਜ਼ ਨੇ ਕਿਹਾ, "ਮੈਂ ਇਹ ਗੇਮ ਖੇਡਣੀ ਛੱਡ ਦਿੱਤੀ ਸੀ।"
ਵੇਖੋ ਵੀਡੀਓ
Livestream of @Neuralink demonstrating “Telepathy” – controlling a computer and playing video games just by thinking https://t.co/0kHJdayfYy
— Elon Musk (@elonmusk) March 20, 2024
ਮੋਢਿਆਂ ਤੋਂ ਹੇਠਾਂ ਤੋਂ ਲਕਵਾਗਰਸਤ ਹੈ ਨੋਲੈਂਡ
ਆਪਣੀ ਸੱਟ ਬਾਰੇ ਜਾਣਕਾਰੀ ਦਿੰਦੇ ਹੋਏ ਨੋਲੈਂਡ ਨੇ ਵੀਡੀਓ 'ਚ ਕਿਹਾ, ''ਲਗਭਗ 8 ਸਾਲ ਪਹਿਲਾਂ ਮੈਂ ਇੱਕ ਭਿਆਨਕ ਗੋਤਾਖੋਰੀ ਦੁਰਘਟਨਾ ਦਾ ਸ਼ਿਕਾਰ ਹੋਇਆ ਸੀ ਅਤੇ ਮੇਰੇ C4 ਅਤੇ C5 ਨੂੰ ਡਿਸਲੋਕੇਟ ਕਰ ਦਿੱਤਾ ਗਿਆ ਸੀ, ਇਸ ਲਈ ਮੈਂ ਪੂਰੀ ਤਰ੍ਹਾਂ ਕੁਆਡ੍ਰੀਪਲੇਜਿਕ ਹੋ ਗਿਆ ਹਾਂ। ਮੈਂ ਮੋਢਿਆਂ ਤੋਂ ਹੇਠਾਂ ਤੋਂ ਲਕਵਾਗਰਸਤ ਹਾਂ ਅਤੇ ਮੈਨੂੰ ਮੇਰੇ ਮੋਢਿਆਂ ਤੋਂ ਹੇਠਲੇ ਅੰਗਾਂ ਵਿੱਚ ਕੋਈ ਭਾਵਨਾ ਜਾਂ ਹਿਲਜੁਲ ਮਹਿਸੂਸ ਨਹੀਂ ਹੁੰਦੀ ਸੀ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
