Jimmy Naval Tata: ਦੋ ਕਮਰਿਆਂ ਵਾਲੇ ਘਰ 'ਚ ਰਹਿੰਦੇ ਨੇ ਰਤਨ ਟਾਟਾ ਦੇ ਸਕੇ ਭਰਾ, ਜਾਣੋ ਕੀ ਕਰਦੇ ਨੇ ਤੇ ਕਿੰਨੀ ਹੈ ਦੌਲਤ
Ratan Tata Brother: ਟਾਟਾ ਗਰੁੱਪ ਤੇ ਟਾਟਾ ਪਰਿਵਾਰ ਦੀ ਸਾਦਗੀ ਦੀ ਮਿਸਾਲ ਦਿੱਤੀ ਜਾਂਦੀ ਹੈ। ਰਤਨ ਟਾਟਾ ਦੇ ਸਕੇ ਛੋਟੇ ਭਰਾ ਦੇ ਬਾਰੇ ਵਿਚ ਤਾਂ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ।
Ratan Tata Brother: ਰਤਨ ਟਾਟਾ (Ratan Tata) ਦਾ ਨਾਂ ਕੌਣ ਨਹੀਂ ਜਾਣਦਾ ਹੋਵੇਗਾ! ਭਾਰਤ ਦੇ ਸਭ ਤੋਂ ਪੁਰਾਣੇ ਅਤੇ ਸਭ ਤੋਂ ਵੱਡੇ ਕਾਰੋਬਾਰੀ ਘਰਾਣਿਆਂ ਵਿੱਚੋਂ ਇੱਕ ਟਾਟਾ ਸਮੂਹ ਨੂੰ ਬੁਲੰਦੀਆਂ 'ਤੇ ਲਿਜਾਣ ਵਿੱਚ ਵੱਡੀ ਭੂਮਿਕਾ ਨਿਭਾਈ ਹੈ। ਉਹ ਅਜੇ ਵੀ ਟਾਟਾ ਗਰੁੱਪ ਦੇ ਆਨਰੇਰੀ ਚੇਅਰਮੈਨ ਹਨ। ਰਤਨ ਟਾਟਾ ਆਪਣੀ ਸਾਦਗੀ ਲਈ ਵੀ ਜਾਣੇ ਜਾਂਦੇ ਹਨ। ਜਿੱਥੇ ਇੱਕ ਚਮਕਦਾਰ ਲਗਜ਼ਰੀ ਜੀਵਨ ਸ਼ੈਲੀ ਲਈ ਅਮੀਰਾਂ ਵਿੱਚ ਬਹੁਤ ਮੁਕਾਬਲਾ ਹੈ, ਉੱਥੇ ਹੀ ਰਤਨ ਟਾਟਾ ਇੱਕ ਸਾਦਾ ਜੀਵਨ ਜਿਊਣ ਵਿੱਚ ਵਿਸ਼ਵਾਸ ਰੱਖਦੇ ਹਨ।
ਇਹ ਹੈ ਰਤਨ ਟਾਟਾ ਦੇ ਭਰਾ ਦਾ ਨਾਮ
ਇਹ ਕਹਾਣੀ ਸਿਰਫਡ ਰਤਨ ਟਾਟਾ ਦੀ ਹੀ ਨਹੀਂ ਹੈ। ਪੂਰਾ ਟਾਟਾ ਪਰਿਵਾਰ (Tata Family) ਹੀ ਸਾਦਗੀ ਪਸੰਦ ਕਰਦਾ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਰਤਨ ਟਾਟਾ ਦੇ ਸਕੇ ਛੋਟੇ ਭਰਾ ਬਾਰੇ। ਉਹਨਾਂ ਦੀ ਜਾਣਕਾਰੀ ਜਾਣ ਕੇ ਤੁਸੀਂ ਇਕ ਦਮ ਹੈਰਾਨ ਰਹਿ ਜਾਓਗੇ। ਰਤਨ ਟਾਟਾ ਦੇ ਸਕੇ ਭਰਾ ਦਾ ਨਾਮ ਜਿੰਮੀ ਟਾਟਾ (Jimmy Tata)... ਪੂਰਾ ਨਾਮ ਜਿੰਮੀ ਨਵਲ ਟਾਟਾ ਹੈ। ਆਪਣੇ ਵੱਡੇ ਭਰਾ ਤਰ੍ਹਾਂ ਜਿੰਮੀ ਵੀ ਬੇਹੱਦ ਸਾਦਗੀ ਪਸੰਦ ਕਰਦੇ ਹਨ ਤੇ ਲਾਈਮ ਲਾਈਟ ਤੋਂ ਦੂਰ ਰਹਿਣਾ ਪਸੰਦ ਕਰਦੇ ਹਨ।
ਮੁੰਬਈ ਦੇ ਕੋਲਾਬਾ ਵਿੱਚ ਹੈ ਇੱਕ ਛੋਟਾ ਜਿਹਾ ਘਰ
ਕਾਰੋਬਾਰੀ ਹਰਸ਼ ਗੋਇਨਕਾ ਨੇ ਕੁਝ ਸਮਾਂ ਪਹਿਲਾਂ ਟਵਿੱਟਰ 'ਤੇ ਰਤਨ ਟਾਟਾ ਦੇ ਛੋਟੇ ਭਰਾ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਸੀ। ਉਸ ਨੇ ਦੱਸਿਆ ਕਿ ਜਿੰਮੀ ਟਾਟਾ ਮੁੰਬਈ ਦੇ ਕੋਲਾਬਾ ਵਿੱਚ 2 ਕਮਰਿਆਂ ਦੇ ਇੱਕ ਛੋਟੇ ਜਿਹੇ ਘਰ ਵਿੱਚ ਰਹਿੰਦਾ ਹੈ। ਉਹ ਆਪਣੇ 2BHK ਫਲੈਟ ਵਿੱਚ ਚਮਕ-ਦਮਕ ਤੋਂ ਦੂਰ ਰਹਿੰਦੇ ਹਨ। ਗੋਇਨਕਾ ਨੇ ਇਹ ਵੀ ਦੱਸਿਆ ਸੀ ਕਿ ਜਿੰਮੀ ਟਾਟਾ ਮਹਾਨ ਸਕੁਐਸ਼ ਖਿਡਾਰੀ ਹਨ।
ਜੀਅ ਰਹੇ ਆਮ ਭਾਰਤੀ ਦਾ ਜੀਵਨ
ਇਸ ਦੇ ਨਾਲ ਹੀ ਫਾਈਨੈਂਸ਼ੀਅਲ ਐਕਸਪ੍ਰੈਸ ਦੀ ਇਕ ਖਬਰ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਜਿੰਮੀ ਟਾਟਾ ਨਾ ਸਿਰਫ 2 ਕਮਰਿਆਂ ਵਾਲੇ ਘਰ 'ਚ ਰਹਿੰਦੇ ਹਨ, ਸਗੋਂ ਉਹ ਸਮਾਰਟਫੋਨ ਅਤੇ ਸਮਾਰਟ ਡਿਵਾਈਸ ਦੇ ਦੌਰ 'ਚ ਮੋਬਾਇਲ ਫੋਨ ਤੋਂ ਵੀ ਦੂਰ ਰਹਿੰਦੇ ਹਨ। ਇੱਕ ਆਮ ਲੋਕਾਂ ਵਾਂਗ ਉਹ ਰੋਜ਼ਾਨਾ ਅਖ਼ਬਾਰ ਪੜ੍ਹਦੇ ਹਨ। ਉਹ ਕਿਤਾਬਾਂ ਪੜ੍ਹਨ ਦਾ ਵੀ ਸ਼ੌਕੀਨ ਰੱਖਦੇ ਹਨ। ਕੁੱਲ ਮਿਲਾ ਕੇ ਇਹ ਸਿੱਟਾ ਨਿਕਲਦਾ ਹੈ ਕਿ ਟਾਟਾ ਪਰਿਵਾਰ ਤੋਂ ਹੋਣ ਦੇ ਬਾਵਜੂਦ ਜਿੰਮੀ ਟਾਟਾ ਉਹੀ ਜੀਵਨ ਬਤੀਤ ਕਰ ਰਹੇ ਹਨ, ਜਿਸ ਤਰ੍ਹਾਂ ਦਾ ਇੱਕ ਆਮ ਭਾਰਤੀ ਪਰਿਵਾਰ ਰਹਿੰਦਾ ਹੈ।
ਇਨ੍ਹਾਂ ਟਾਟਾ ਕੰਪਨੀਆਂ ਦੇ ਸ਼ੇਅਰਧਾਰਕ
ਇਸ ਪੂਰੇ ਮਾਮਲੇ 'ਚ ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਜਿੰਮੀ ਟਾਟਾ ਕਿਸੇ ਮਜਬੂਰੀ 'ਚ ਇੰਨੀ ਸਾਦੀ ਜ਼ਿੰਦਗੀ ਨਹੀਂ ਬਤੀਤ ਕਰ ਰਹੇ ਹਨ। ਉਹ ਅਰਬਾਂ ਦੀ ਦੌਲਤ ਦਾ ਮਾਲਕ ਹੈ। ਉਸ ਨੂੰ ਬਹੁਤ ਸਾਰੀ ਦੌਲਤ ਵਿਰਾਸਤ ਵਿਚ ਮਿਲੀ ਹੈ। ਉਸ ਕੋਲ ਟਾਟਾ ਗਰੁੱਪ ਦੀਆਂ ਟਾਟਾ ਮੋਟਰਜ਼ (Tata Motors), ਟਾਟਾ ਸਟੀਲ(Tata Steel), ਟਾਟਾ ਸੰਨਜ਼, ਟੀ.ਸੀ.ਐੱਸ., ਟਾਟਾ ਪਾਵਰ, ਇੰਡੀਅਨ ਹੋਟਲਜ਼ ਅਤੇ ਟਾਟਾ ਕੈਮੀਕਲਜ਼ (Tata Chemicals)ਵਰਗੀਆਂ ਕੰਪਨੀਆਂ ਦੇ ਚੰਗੇ ਸ਼ੇਅਰ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
