ਕੌਣ ਹੈ ਰੇਸ਼ਮਾ ਕੇਵਲਰਮਾਨੀ? ਟਾਈਮ ਮੈਗਜੀਨ ਦੀ ਟਾਪ 100 ਦੀ ਲਿਸਟ ‘ਚ ਸ਼ਾਮਲ ਹੋਈ ਇਕਲੌਤੀ ਭਾਰਤੀ
ਟਾਈਮ ਮੈਗਜ਼ੀਨ ਨੇ 2025 ਲਈ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ। ਇਨ੍ਹਾਂ ਵਿੱਚ ਭਾਰਤੀ ਮੂਲ ਦੀ ਰੇਸ਼ਮਾ ਕੇਵਲਰਮਾਨੀ (Reshma Kewalramani) ਵੀ ਸ਼ਾਮਲ ਹੈ।
TIME 100 List: ਟਾਈਮ ਮੈਗਜ਼ੀਨ ਨੇ ਸਾਲ 2025 ਵਿੱਚ ਦੁਨੀਆ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ। ਇਸ ਵਿੱਚ ਭਾਰਤੀ ਮੂਲ ਦੀ ਰੇਸ਼ਮਾ ਕੇਵਲਰਮਾਨੀ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਰੇਸ਼ਮਾ ਅਮਰੀਕੀ ਬਾਇਓਟੈਕਨਾਲੋਜੀ ਕੰਪਨੀ ਵਰਟੈਕਸ ਫਾਰਮਾਸਿਊਟੀਕਲਸ ਦੀ CEO ਹੈ। ਤੁਹਾਨੂੰ ਦੱਸ ਦਈਏ ਕਿ ਉਹ ਇਸ ਸਾਲ ਇਸ ਸੂਚੀ ਵਿੱਚ ਸ਼ਾਮਲ ਹੋਣ ਵਾਲੀ ਇਕਲੌਤੀ ਭਾਰਤੀ ਹੈ।
ਕੌਣ ਹੈ ਰੇਸ਼ਮਾ ਕੇਵਲਰਮਾਨੀ?
ਮੁੰਬਈ ਵਿੱਚ ਜੰਮੀ ਰੇਸ਼ਮਾ ਮਹਿਜ਼ 11 ਸਾਲ ਦੀ ਉਮਰ ਵਿੱਚ ਆਪਣੇ ਪਰਿਵਾਰ ਨਾਲ ਅਮਰੀਕਾ ਚਲੀ ਗਈ ਸੀ। ਉਹ ਇਸ ਸਮੇਂ ਬੋਸਟਨ ਵਿੱਚ ਰਹਿੰਦੀ ਹੈ। ਉਨ੍ਹਾਂ ਦੇ ਦੋ ਜੁੜਵਾਂ ਪੁੱਤਰ ਵੀ ਹਨ। ਰੇਸ਼ਮਾ ਨੇ 1998 ਵਿੱਚ ਬੋਸਟਨ ਯੂਨੀਵਰਸਿਟੀ ਤੋਂ ਲਿਬਰਲ ਆਰਟਸ/ਮੈਡੀਕਲ ਐਜੂਕੇਸ਼ਨ ਪ੍ਰੋਗਰਾਮ ਪੂਰਾ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਮੈਸਾਚੂਸੇਟਸ ਜਨਰਲ ਹਸਪਤਾਲ ਵਿੱਚ ਫੈਲੋਸ਼ਿਪ ਮਿਲੀ।
ਇਸ ਤੋਂ ਬਾਅਦ, 2015 ਵਿੱਚ, ਉਨ੍ਹਾਂ ਨੇ ਹਾਰਵਰਡ ਬਿਜ਼ਨਸ ਸਕੂਲ ਤੋਂ ਜਨਰਲ ਮੈਨੇਜਮੈਂਟ ਵਿੱਚ ਡਿਗਰੀ ਪ੍ਰਾਪਤ ਕੀਤੀ। ਇੱਕ ਡਾਕਟਰ ਦੇ ਤੌਰ 'ਤੇ ਉਨ੍ਹਾਂ ਨੇ ਮੈਸਾਚੂਸੇਟਸ ਜਨਰਲ ਹਸਪਤਾਲ, ਬ੍ਰਿੰਘਮ ਅਤੇ ਵੂਮੈਂਸ ਹਸਪਤਾਲ ਅਤੇ ਮੈਸਾਚੂਸੇਟਸ ਆਈ ਐਂਡ ਈਅਰ ਇਨਫਰਮਰੀ ਅਤੇ ਐਮਆਈਟੀ ਸਮੇਤ ਕਈ ਵੱਡੇ ਹਸਪਤਾਲਾਂ ਵਿੱਚ ਕੰਮ ਕੀਤਾ ਹੈ। ਫਿਰ ਉਨ੍ਹਾਂ ਨੇ ਬਾਇਓਫਾਰਮਾ ਸੈਕਟਰ ਵਿੱਚ ਪੈਰ ਧਰਿਆ ਅਤੇ 12 ਸਾਲਾਂ ਤੋਂ ਵੱਧ ਸਮੇਂ ਲਈ ਐਮਾਜ਼ਾਨ ਲਈ ਕੰਮ ਕੀਤਾ।
2017 ਵਿੱਚ ਵਰਟੈਕਸ ਵਿੱਚ ਹੋਈ ਸ਼ਾਮਲ
ਰੇਸ਼ਮਾ 2017 ਵਿੱਚ ਵਰਟੈਕਸ ਵਿੱਚ ਸ਼ਾਮਲ ਹੋਈ। 2018 ਵਿੱਚ, ਉਹ ਇੱਥੇ ਚੀਫ ਮੈਡੀਕਲ ਅਫਸਰ ਬਣੀ। 2020 ਵਿੱਚ ਕੰਪਨੀ ਨੇ ਉਨ੍ਹਾਂ ਨੂੰ ਸੀਈਓ ਬਣਾਇਆ। ਫਿਲਹਾਲ, ਉਹ ਵਰਟੈਕਸ ਦੇ ਡਾਇਰੈਕਟਰ ਬੋਰਡ ਦੇ ਮੈਂਬਰ ਵੀ ਹਨ। ਕੰਪਨੀ ਨੇ ਰੇਸ਼ਮਾ ਦੀ ਅਗਵਾਈ ਹੇਠ ਸਫਲਤਾ ਪ੍ਰਾਪਤ ਕੀਤੀ ਹੈ।
ਕੰਪਨੀ ਨੇ ਦੋ ਨਵੇਂ ਇਲਾਜ ਵੀ ਵਿਕਸਤ ਕੀਤੇ ਹਨ, ਜਿਨ੍ਹਾਂ ਵਿੱਚ ਟ੍ਰਿਫੈਕਟਾ ਵੀ ਸ਼ਾਮਲ ਹੈ। ਇਹ ਸਿਸਟਿਕ ਫਾਈਬਰੋਸਿਸ ਨਾਮਕ ਇੱਕ ਗੰਭੀਰ ਜੈਨੇਟਿਕ ਬਿਮਾਰੀ ਦਾ ਇਲਾਜ ਕਰਦੀ ਹੈ। ਕੰਪਨੀ ਨੇ VX-147 ਵੀ ਵਿਕਸਤ ਕੀਤਾ ਹੈ। ਇਹ ਦਵਾਈ ਇਸ ਵੇਲੇ ਟੈਸਟਿੰਗ ਫੇਜ਼ ਵਿੱਚ ਹੈ। ਇਹ ਇੱਕ ਕਿਸਮ ਦੀ ਗੁਰਦੇ ਦੀ ਬਿਮਾਰੀ ਲਈ ਪ੍ਰਭਾਵਸ਼ਾਲੀ ਹੈ। ਪਹਿਲੀ ਵਾਰ, ਅਮਰੀਕੀ ਦਵਾਈ ਏਜੰਸੀ FDA ਨੇ ਕੰਪਨੀ ਦੀ CRISPR ਤਕਨਾਲੌਜੀ 'ਤੇ ਅਧਾਰਤ ਇੱਕ ਥੈਰੇਪੀ ਨੂੰ ਮਨਜ਼ੂਰੀ ਦਿੱਤੀ ਹੈ, ਜੋ 'ਸਿਕਲ ਸੈੱਲ' ਨਾਮਕ ਇੱਕ ਗੰਭੀਰ ਬਿਮਾਰੀ ਦਾ ਇਲਾਜ ਕਰਦੀ ਹੈ।
ਲਿਸਟ 'ਚ ਆਹ ਵੀ ਸ਼ਾਮਲ
ਤੁਹਾਨੂੰ ਦੱਸ ਦਈਏ ਕਿ ਟਾਈਮ ਨੇ 2025 ਵਿੱਚ 100 ਸਭ ਤੋਂ ਪ੍ਰਭਾਵਸ਼ਾਲੀ ਸੂਚੀ ਵਿੱਚ 32 ਦੇਸ਼ਾਂ ਦੇ ਲੋਕਾਂ ਨੂੰ ਸ਼ਾਮਲ ਕੀਤਾ ਹੈ। ਇਨ੍ਹਾਂ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੋਂ ਲੈ ਕੇ ਮਾਰਕ ਜ਼ੁਕਰਬਰਗ, ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ, ਬੰਗਲਾਦੇਸ਼ ਦੇ ਪ੍ਰਧਾਨ ਮੰਤਰੀ ਮੁਹੰਮਦ ਯੂਨਸ ਤੱਕ ਕਈ ਲੋਕਾਂ ਦੇ ਨਾਮ ਸ਼ਾਮਲ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
