(Source: ECI/ABP News)
Mass Layoffs: ਕੰਪਨੀ ਨੇ ਕੀਤੀ ਛਾਂਟੀ, ਤਾਂ ਕਰਮਚਾਰੀ ਨੇ CEO ਨੂੰ ਸਿਖਾਇਆ ਅਜਿਹਾ ਸਬਕ ਜੋ ਉਮਰ ਭਰ ਯਾਦ ਰੱਖੇਗਾ
Saarthi AI: ਪਿਛਲੇ ਕੁੱਝ ਸਾਲਾਂ ਦੇ ਵਿੱਚ ਕੰਪਨੀਆਂ ਛਾਂਟੀ ਕਰਨ ਉੱਤੇ ਲੱਗੀਆਂ ਹੋਈਆਂ ਹਨ ਅਜਿਹੇ ਦੇ ਵਿੱਚ ਭਾਰਤੀ ਕੰਪਨੀਆਂ ਵੀ ਪਿੱਛੇ ਨਹੀਂ ਹਨ। ਇੱਕ ਕੰਪਨੀ ਦੇ CEO ਨੂੰ ਛਾਂਟੀ ਕਰਨਾ ਭਾਰੀ ਪੈ ਗਿਆ। ਆਓ ਜਾਣਦੇ ਹਾਂ ਅਜਿਹਾ ਕੀ ਹੋਇਆ...
Saarthi AI: ਅੱਜਕੱਲ੍ਹ, ਪੂਰੀ ਦੁਨੀਆ ਵਿੱਚ ਛਾਂਟੀ ਚੱਲ ਰਹੀ ਹੈ। ਭਾਰਤੀ ਕੰਪਨੀਆਂ ਵੀ ਇਸ ਵਿੱਚ ਪਿੱਛੇ ਨਹੀਂ ਹਨ। ਛਾਂਟੀ ਕੀਤੇ ਕਰਮਚਾਰੀ ਅਕਸਰ ਚੁੱਪਚਾਪ ਆਪਣੇ ਖਾਤਿਆਂ ਦਾ ਨਿਪਟਾਰਾ ਕਰਦੇ ਹਨ, ਘਰ ਜਾਂਦੇ ਹਨ ਅਤੇ ਨਵੀਂ ਨੌਕਰੀ ਦੀ ਭਾਲ ਸ਼ੁਰੂ ਕਰਦੇ ਹਨ। ਪਰ ਇਸ ਵਾਰ ਇੱਕ ਕੰਪਨੀ ਵਿੱਚ ਛਾਂਟੀ ਕੀਤੇ ਇੱਕ ਮੁਲਾਜ਼ਮ ਨੇ ਅਜਿਹਾ ਕੁਝ ਕਰ ਦਿੱਤਾ ਜਿਸ ਕਾਰਨ ਸੀਈਓ ਹੁਣ ਇਧਰ ਉਧਰ ਘੁੰਮ ਰਿਹਾ ਹੈ।
ਇਹ ਘਟਨਾ ਸਾਰਥੀ (Saarthi AI)ਏਆਈ ਦੇ ਸੰਸਥਾਪਕ ਅਤੇ ਸੀਈਓ ਵਿਸ਼ਵ ਨਾਥ ਝਾਅ ਨਾਲ ਵਾਪਰੀ ਹੈ। ਇੱਕ ਕਰਮਚਾਰੀ ਨੇ ਉਸਦਾ ਪਾਸਪੋਰਟ ਚੋਰੀ ਕਰ ਲਿਆ, ਜਿਸ ਵਿੱਚ ਅਮਰੀਕਾ ਦਾ ਵੀਜ਼ਾ ਵੀ ਸੀ।
ਸਾਰਥੀ AI ਦੇ ਸੀਈਓ ਵਿਸ਼ਵ ਨਾਥ ਝਾਅ ਦਾ ਪਾਸਪੋਰਟ ਚੋਰੀ
ਇਹ ਬੈਂਗਲੁਰੂ ਸਟਾਰਟਅੱਪ ਸਾਰਥੀ AI ਲੰਬੇ ਸਮੇਂ ਤੋਂ ਮੁਸੀਬਤ ਵਿੱਚ ਹੈ। ਕੰਪਨੀ ਨੇ ਲਾਭਦਾਇਕ ਬਣਨ ਲਈ ਪਿਛਲੇ ਸਾਲ ਵੱਡੇ ਪੱਧਰ 'ਤੇ ਛਾਂਟੀ ਕੀਤੀ ਸੀ। ਇਸ ਤੋਂ ਇਲਾਵਾ ਮਾਰਚ 2023 ਤੋਂ ਕਈ ਲੋਕਾਂ ਦੀਆਂ ਤਨਖਾਹਾਂ ਬਕਾਇਆ ਪਈਆਂ ਹਨ। ਹੁਣ ਕੰਪਨੀ ਦੇ ਸੀਈਓ ਵਿਸ਼ਵ ਨਾਥ ਝਾਅ ਨੇ ਦਾਅਵਾ ਕੀਤਾ ਹੈ ਕਿ ਇੱਕ ਸਾਬਕਾ ਕਰਮਚਾਰੀ ਨੇ ਉਨ੍ਹਾਂ ਦਾ ਪਾਸਪੋਰਟ ਚੋਰੀ ਕਰ ਲਿਆ ਹੈ। ਜਿਸ ਉੱਤੇ ਉਸ ਦਾ ਅਮਰੀਕੀ ਵੀਜ਼ਾ ਵੀ ਸ਼ਾਮਲ ਸੀ। ਜੁਲਾਈ ਵਿੱਚ, ਉਸਨੇ ਨਿਵੇਸ਼ਕਾਂ ਦੇ ਦਬਾਅ ਵਿੱਚ ਕੁਝ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢ ਦਿੱਤਾ।
ਸੰਕਟ ਵਿੱਚ ਕੰਪਨੀ ਨੂੰ ਬਚਾਉਣ ਲਈ ਪੂੰਜੀ ਜੁਟਾਉਣ ਵਿੱਚ ਅਸਮਰੱਥ
ਤਕਨੀਕੀ ਨਿਊਜ਼ ਵੈੱਬਸਾਈਟ Ntracker ਦੀ ਰਿਪੋਰਟ ਮੁਤਾਬਕ ਵਿਸ਼ਵ ਨਾਥ ਝਾਅ ਨੇ ਕਿਹਾ ਕਿ ਪਾਸਪੋਰਟ ਚੋਰੀ ਕਰਨ ਵਾਲਾ ਵਿਅਕਤੀ ਸੀਨੀਅਰ ਕਰਮਚਾਰੀ ਸੀ। ਇਸ ਕਾਰਨ ਉਨ੍ਹਾਂ ਦੇ ਸਾਹਮਣੇ ਵੱਡੀ ਸਮੱਸਿਆ ਖੜ੍ਹੀ ਹੋ ਗਈ ਹੈ। ਮੁਸੀਬਤ ਵਿੱਚ ਘਿਰੀ ਆਪਣੀ ਕੰਪਨੀ ਨੂੰ ਬਚਾਉਣ ਲਈ ਉਹ ਪੂੰਜੀ ਜੁਟਾਉਣ ਲਈ ਵਿਦੇਸ਼ ਜਾਣ ਦੇ ਸਮਰੱਥ ਨਹੀਂ ਹੈ। ਉਸ ਨੇ ਦੱਸਿਆ ਕਿ ਮੈਨੂੰ ਨਵਾਂ ਪਾਸਪੋਰਟ ਮਿਲ ਗਿਆ ਹੈ ਪਰ ਅਜੇ ਤੱਕ ਅਮਰੀਕਾ ਦਾ ਵੀਜ਼ਾ ਨਹੀਂ ਮਿਲਿਆ। ਇਸ ਵਿੱਚ ਬਹੁਤ ਸਮਾਂ ਲੱਗੇਗਾ।
ਸੀਈਓ ਵਿਸ਼ਵਨਾਥ ਝਾਅ ਨੇ ਕਿਹਾ- ਅਸੀਂ ਕਿਸੇ ਦੀ ਤਨਖਾਹ ਨਹੀਂ ਰੋਕੀ
ਵਿਸ਼ਵ ਨਾਥ ਝਾਅ ਨੇ ਕਿਹਾ ਕਿ ਅਸੀਂ ਕਿਸੇ ਕਰਮਚਾਰੀ ਦੀ ਤਨਖਾਹ ਨਹੀਂ ਰੋਕੀ ਹੈ। ਸਾਡੀ ਕੰਪਨੀ ਨੂੰ ਬਦਨਾਮ ਕਰਨ ਲਈ ਅਜਿਹੇ ਦੋਸ਼ ਲਾਏ ਜਾ ਰਹੇ ਹਨ। ਅਸੀਂ ਕਈ ਬੈਂਕਾਂ ਅਤੇ NBFCs ਨਾਲ ਗੱਲਬਾਤ ਕਰ ਰਹੇ ਹਾਂ। ਜੇਕਰ ਇਹ ਸਫਲ ਹੁੰਦਾ ਹੈ ਤਾਂ ਕੰਪਨੀ ਵਿੱਚ ਦੁਬਾਰਾ ਭਰਤੀ ਸ਼ੁਰੂ ਕੀਤੀ ਜਾਵੇਗੀ।
ਸਾਰਥੀ ਏਆਈ ਵਿੱਚ ਛਾਂਟੀ ਤੋਂ ਬਾਅਦ ਹੁਣ ਸਿਰਫ਼ 40 ਮੁਲਾਜ਼ਮ ਰਹਿ ਗਏ ਹਨ। ਲੋਕਾਂ ਦਾ ਦਾਅਵਾ ਹੈ ਕਿ ਕੰਪਨੀ ਨੇ ਕਰੀਬ 50 ਕਰਮਚਾਰੀਆਂ ਦੇ ਪੈਸੇ ਇੱਕ ਸਾਲ ਤੋਂ ਰੋਕੇ ਹੋਏ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
