Stock Market Record: ਸ਼ੇਅਰ ਬਜ਼ਾਰ ਦੀ ਹੋਈ ਧਮਾਕੇਦਾਰ ਸ਼ੁਰੂਆਤ, ਸੈਂਸੇਕਸ-ਨਿਫਟੀ ਆਲਟਾਈਮ ਹਾਈ 'ਤੇ ਪਹੁੰਚੇ
Stock Market Record: ਸਟਾਕ ਮਾਰਕੀਟ ਵਿੱਚ ਬੀਐਸਈ ਸੈਂਸੈਕਸ ਨੇ ਅੱਜ ਸ਼ੁਰੂ ਹੁੰਦਿਆਂ ਹੀ ਬੜ੍ਹਤ ਬਣਾ ਲਈ ਹੈ ਅਤੇ ਬੈਂਕ ਨਿਫਟੀ ਵੀ ਬਾਜ਼ਾਰ ਖੁੱਲ੍ਹਦਿਆਂ ਹੀ ਆਪਣੇ ਰਿਕਾਰਡ ਉੱਚ ਪੱਧਰ ਦੇ ਬਹੁਤ ਨੇੜੇ ਪਹੁੰਚ ਗਿਆ।
Stock Market Record: ਸ਼ੇਅਰ ਬਾਜ਼ਾਰ ਅੱਜ ਰਿਕਾਰਡ ਹਾਈ 'ਤੇ ਖੁੱਲ੍ਹਿਆ ਹੈ ਅਤੇ ਸੈਂਸੈਕਸ ਸਭ ਤੋਂ ਉੱਚੇ ਪੱਧਰ 'ਤੇ ਖੁੱਲ੍ਹਿਆ ਹੈ। ਬੀ.ਐੱਸ.ਈ. ਦਾ ਸੈਂਸੈਕਸ 307.22 ਅੰਕ ਜਾਂ 0.41 ਫੀਸਦੀ ਦੇ ਵਾਧੇ ਨਾਲ 74,555.44 'ਤੇ ਖੁੱਲ੍ਹਿਆ ਹੈ। NSE ਦਾ ਨਿਫਟੀ 64.65 ਅੰਕ ਜਾਂ 0.29 ਫੀਸਦੀ ਦੇ ਵਾਧੇ ਨਾਲ 22,578.35 ਦੇ ਪੱਧਰ 'ਤੇ ਖੁੱਲ੍ਹਿਆ ਹੈ। ਬੀਐਸਈ ਦਾ ਮਾਰਕੀਟ ਕੈਪੀਟਲਾਈਜੇਸ਼ਨ ਪਹਿਲੀ ਵਾਰ 400 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਿਆ ਹੈ ਅਤੇ ਇਸਦਾ ਐਮਕੈਪ 400.88 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
ਅੱਜ BSE ਦਾ ਸੈਂਸੈਕਸ ਪਹਿਲੀ ਵਾਰ 74600 ਦੇ ਲੈਵਲ ਨੂੰ ਪਾਰ ਕਰਕੇ 74,673.84 ਦੇ ਨਵੇਂ ਇਤਿਹਾਸਕ ਸਿਖਰ ਨੂੰ ਛੂਹ ਗਿਆ ਹੈ। ਜਦਕਿ NSE ਦਾ ਨਿਫਟੀ ਪਹਿਲੀ ਵਾਰ 22,623.90 ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਅੱਜ ਦੇ ਪੱਧਰ ਦੋਵੇਂ ਸੂਚਕਾਂਕ ਦੇ ਸਭ ਤੋਂ ਉੱਚੇ ਪੱਧਰ ਹਨ।
ਇਹ ਵੀ ਪੜ੍ਹੋ: Petrol Diesel Price: ਅੱਜ ਫਿਰ ਬਦਲੇ ਪੈਟਰੋਲ-ਡੀਜ਼ਲ ਦੇ ਰੇਟ, ਇਨ੍ਹਾਂ ਸੂਬਿਆਂ 'ਚ ਹੋਇਆ ਮਹਿੰਗਾ
ਬੈਂਕ ਨਿਫਟੀ ਵਿੱਚ ਅੱਜ ਧਮਾਕੇਦਾਰ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਇਹ ਆਪਣੇ ਆਲਟਾਈਮ ਲੈਵਲ ‘ਤੇ ਵਧਿਆ ਗਿਆ ਹੈ। ਬੈਂਕ ਨਿਫਟੀ ਦਾ ਸਭ ਤੋਂ ਉੱਚਾ ਪੱਧਰ 48,636.45 ਹੈ ਅਤੇ ਅੱਜ ਦੇ ਕਾਰੋਬਾਰ ਵਿੱਚ ਇਸ ਨੇ 48,629.05 ਦਾ ਹਾਈ ਬਣਾ ਲਿਆ ਹੈ। ਭਾਵ ਇਹ ਆਪਣੇ ਇਤਿਹਾਸਕ ਸਿਖਰ ਤੋਂ ਸਿਰਫ਼ 7 ਅੰਕ ਦੂਰ ਰਿਹਾ। ਇਹ ਸੰਭਵ ਹੈ ਕਿ ਇਹ ਦਿਨ ਦੇ ਵਪਾਰ ਵਿੱਚ ਇੱਕ ਨਵਾਂ ਰਿਕਾਰਡ ਬਣਾ ਸਕਦਾ ਹੈ।
ਪ੍ਰੀ ਓਪਨਿੰਗ ਵਿੱਚ ਕਿਵੇਂ ਦਾ ਰਿਹਾ ਬਜ਼ਾਰ
ਪ੍ਰੀ-ਓਪਨਿੰਗ 'ਚ ਬੀ.ਐੱਸ.ਈ. ਦਾ ਸੈਂਸੈਕਸ 357 ਅੰਕਾਂ ਦੀ ਤੇਜ਼ੀ ਨਾਲ 0.48 ਫੀਸਦੀ ਦੇ ਵਾਧੇ ਨਾਲ 774605 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ। NSE ਦਾ ਨਿਫਟੀ 67.75 ਅੰਕ ਜਾਂ 0.30 ਫੀਸਦੀ ਦੇ ਵਾਧੇ ਨਾਲ 22581 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਸ਼ੁਰੂਆਤੀ ਕਾਰੋਬਾਰ 'ਚ ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਿਆ ਚਾਰ ਪੈਸੇ ਵਧ ਕੇ 83.27 'ਤੇ ਪਹੁੰਚ ਗਿਆ ਸੀ ਅਤੇ ਇਸ 'ਚ ਤੇਜ਼ੀ ਦਾ ਰੁਖ ਦੇਖਿਆ ਜਾ ਰਿਹਾ ਸੀ।
ਇਹ ਵੀ ਪੜ੍ਹੋ: Gold Silver Record High: ਸੋਨੇ ਨੇ ਤੋੜੇ ਸਾਰੇ ਰਿਕਾਰਡ, ਪਹਿਲੀ ਵਾਰ 71 ਹਜ਼ਾਰ ਤੋਂ ਪਾਰ ਹੋਇਆ ਸੋਨਾ, ਚਾਂਦੀ ਹੋਈ ਇੰਨੀ ਮਹਿੰਗੀ
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
and tablets
