ਬਹੁਤ ਵਧੀਆ Cibil Score, ਫਿਰ ਵੀ ਨਹੀਂ ਮਿਲ ਰਿਹਾ Loan, ਤਾਂ ਕਰ ਲਓ ਆਹ ਕੰਮ; ਨਹੀਂ ਆਵੇਗੀ ਮੁਸ਼ਕਿਲ
Credit Score: ਜਦੋਂ ਲੋਨ ਲੈਣ ਦੀ ਗੱਲ ਆਉਂਦੀ ਹੈ ਤਾਂ ਸਭ ਤੋਂ ਪਹਿਲਾਂ Cibil Score ਦਾ ਖਿਆਲ ਆਉਂਦਾ ਹੈ। ਜੇਕਰ ਇਸ ਸਹੀ ਨਾ ਹੋਵੇ ਤਾਂ ਲੋਨ ਮਿਲਣਾ ਮੁਸ਼ਕਿਲ ਹੋ ਜਾਂਦਾ ਹੈ।
Credit Score: ਬੈਂਕ ਤੋਂ ਲੋਨ ਲੈਣ ਲਈ CIBIL ਸਕੋਰ ਦਾ ਸਹੀ ਹੋਣਾ ਬਹੁਤ ਜ਼ਰੂਰੀ ਹੈ। ਇਸ ਤੋਂ ਬਿਨਾਂ, ਤੁਹਾਨੂੰ ਲੋਨ ਲੈਣ ਵਿੱਚ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ, ਤੁਸੀਂ CIBIL ਸਕੋਰ ਤੋਂ ਬਿਨਾਂ ਲੋਨ ਲੈ ਸਕਦੇ ਹੋ। ਇਸ ਵਿੱਚ ਬੈਂਕ ਤੁਹਾਡੇ ਬੈਕਗ੍ਰਾਊਂਡ ਅਤੇ ਪੇਮੈਂਟ ਹਿਸਟਰੀ ਦੀ ਜਾਂਚ ਕਰਦਾ ਹੈ। ਹਾਲਾਂਕਿ, ਇੱਕ ਚੰਗਾ CIBIL ਸਕੋਰ ਹੋਣ ਨਾਲ ਲੋਨ ਆਸਾਨੀ ਨਾਲ ਮਿਲ ਜਾਂਦਾ ਹੈ।
CIBIL ਸਕੋਰ ਨੂੰ ਕ੍ਰੈਡਿਟ ਸਕੋਰ ਵੀ ਕਿਹਾ ਜਾਂਦਾ ਹੈ। ਇਹ 300 ਅਤੇ 900 ਦੇ ਵਿਚਕਾਰ ਇੱਕ ਤਿੰਨ-ਅੰਕਾਂ ਦਾ ਨੰਬਰ ਹੁੰਦਾ ਹੈ ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਤੁਸੀਂ ਕਦੇ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕੀਤੀ ਹੈ ਜਾਂ ਲੋਨ ਲਿਆ ਹੈ। ਜੇਕਰ ਤੁਸੀਂ ਅਜਿਹਾ ਕੀਤਾ ਹੈ, ਤਾਂ ਤੁਸੀਂ ਲੋਨ ਦੀ ਰਕਮ, EMI, ਜਾਂ ਭੁਗਤਾਨਾਂ ਨੂੰ ਕਿੰਨੀ ਜ਼ਿੰਮੇਵਾਰੀ ਨਾਲ ਵਾਪਸ ਕੀਤਾ ਹੈ।
ਆਮ ਤੌਰ 'ਤੇ, 300 ਦੇ ਸਕੋਰ ਨੂੰ ਸਭ ਤੋਂ ਮਾੜਾ ਮੰਨਿਆ ਜਾਂਦਾ ਹੈ, ਅਤੇ 900 ਦੇ ਸਕੋਰ ਨੂੰ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਇੱਕ ਹਾਈ ਸਕੋਰ ਹੋਵੇ ਤਾਂ ਛੇਤੀ ਹੀ ਲੋਨ ਮਿਲ ਜਾਂਦਾ ਹੈ। ਹਾਲਾਂਕਿ, ਕਈ ਵਾਰ CIBIL ਸਕੋਰ ਵਧੀਆ ਵੀ ਹੁੰਦਾ ਹੈ ਤਾਂ ਵੀ ਲੋਨ ਰਿਜੈਕਟ ਕਰ ਦਿੱਤਾ ਜਾਂਦਾ ਹੈ। ਉਦਾਹਰਣ ਵਜੋਂ, 750 ਦੇ CIBIL ਸਕੋਰ ਨੂੰ ਚੰਗਾ ਮੰਨਿਆ ਜਾਵੇਗਾ। ਹਾਲਾਂਕਿ, ਕਈ ਵਾਰ 750 ਦੇ CIBIL ਸਕੋਰ ਦੇ ਨਾਲ ਵੀ ਲੋਨ ਨਹੀਂ ਮਿਲਦਾ ਹੈ। ਆਓ ਜਾਣਦੇ ਹਾਂ ਇਸ ਦੇ ਪਿੱਛੇ ਕਾਰਨ।
ਤੁਹਾਡਾ ਡੈਬਿਊ ਟੂ ਇਨਕਮ ਰੇਸ਼ਿਊ ਇੱਕ ਵੱਡਾ ਫੈਕਟਰ ਹੈ। ਬੈਂਕ ਚਾਹੁੰਦੇ ਹਨ ਕਿ ਤੁਹਾਡੀ ਮਾਸਿਕ ਆਮਦਨ ਦਾ 40% ਤੋਂ ਘੱਟ EMI 'ਤੇ ਖਰਚ ਹੋਵੇ। ਵਿੱਤੀ ਸਲਾਹਕਾਰ ਰਿਤੇਸ਼ ਸੱਭਰਵਾਲ ਦੱਸਦੇ ਹਨ ਕਿ ਜੇਕਰ ਤੁਹਾਡੀ ਤਨਖਾਹ ₹1 ਲੱਖ ਹੈ ਅਤੇ ₹45,000 EMI ਵਿੱਚ ਜਾਂਦੇ ਹਨ, ਤਾਂ ਤੁਹਾਡਾ DTI 45% ਹੋਵੇਗਾ। ਅਜਿਹੀ ਸਥਿਤੀ ਵਿੱਚ, ਭਾਵੇਂ ਤੁਹਾਡਾ CIBIL ਸਕੋਰ 750 ਹੈ, ਬੈਂਕ ਤੁਹਾਨੂੰ ਕਰਜ਼ਾ ਦੇਣ ਤੋਂ ਇਨਕਾਰ ਕਰ ਦੇਵੇਗਾ ਕਿਉਂਕਿ ਇਹ ਤੁਹਾਨੂੰ ਬਹੁਤ ਵੱਡਾ ਕਰਜ਼ਦਾਰ ਮੰਨ ਲਵੇਗਾ। DTI ਜ਼ਿਆਦਾ ਹੋਣ ਦਾ ਮਤਲਬ ਹੈ ਕਿ ਤੁਹਾਨੂੰ ਕਰਜ਼ਾ ਚੁਕਾਉਣ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜਿਸ ਕਾਰਨ ਬੈਂਕ ਸਾਵਧਾਨ ਰਹਿੰਦਾ ਹੈ।
ਥੋੜ੍ਹੇ ਸਮੇਂ ਵਿੱਚ ਕਈ ਵਾਰ ਕ੍ਰੈਡਿਟ ਕਾਰਡ ਜਾਂ ਕਰਜ਼ੇ ਲਈ ਅਰਜ਼ੀ ਦੇਣ ਨਾਲ ਵੀ ਸਥਿਤੀ ਹੋਰ ਵਿਗੜ ਜਾਂਦੀ ਹੈ। ਜੇਕਰ ਤੁਸੀਂ ਤਿੰਨ ਮਹੀਨਿਆਂ ਵਿੱਚ ਤਿੰਨ ਵਾਰ ਤੋਂ ਵੱਧ ਕਰਜ਼ੇ ਦੀ ਲਈ ਅਪਲਾਈ ਕਰਦੇ ਹੋ, ਤਾਂ ਬੈਂਕ ਇਸਨੂੰ ਨਕਾਰਾਤਮਕ ਤੌਰ 'ਤੇ ਦੇਖਦੇ ਹਨ। ਉਹ ਵਿੱਤੀ ਤਣਾਅ ਦੇ ਸੰਕੇਤ ਅਤੇ ਤੁਹਾਡੀ ਵਿੱਤੀ ਸਥਿਤੀ ਲਈ ਸੰਭਾਵੀ ਜੋਖਮ ਦੇਖਦੇ ਹਨ। ਜੋ ਲੋਕ ਅਕਸਰ ਨੌਕਰੀਆਂ ਬਦਲਦੇ ਹਨ, ਉਨ੍ਹਾਂ ਨੂੰ ਵੀ ਅਕਸਰ ਕਰਜ਼ਾ ਪ੍ਰਾਪਤ ਕਰਨ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਇਦਾਂ ਕਰੋ ਸੁਧਾਰ
ਸੱਭਰਵਾਲ ਦਾ ਕਹਿਣਾ ਹੈ ਕਿ ਤੁਸੀਂ ਆਪਣੇ ਕਰਜ਼ੇ-ਤੋਂ-ਆਮਦਨ ਅਨੁਪਾਤ ਨੂੰ 40% ਤੋਂ ਘੱਟ ਰੱਖ ਕੇ, ਲੰਬੇ ਸਮੇਂ ਤੱਕ ਇੱਕੋ ਨੌਕਰੀ ਵਿੱਚ ਰਹਿਣ ਦਾ ਰਿਕਾਰਡ ਬਣਾਕੇ, ਆਪਣੀ ਕ੍ਰੈਡਿਟ ਲਿਮਿਟ ਦੀ 30% ਦੀ ਵਰਤੋਂ ਕਰਕੇ, ਸਮੇਂ-ਸਮੇਂ 'ਤੇ ਲਗਾਤਾਰ ਲੋਨ ਪੈਮੇਂਟ ਕਰਕੇ ਅਤੇ ਵਾਰ-ਵਾਰ ਕਰਜ਼ੇ ਲਈ ਅਰਜ਼ੀ ਨਾ ਦੇ ਕੇ ਕਰਜ਼ਾ ਲੈਣ ਦੀਆਂ ਸੰਭਾਵਨਾਵਾਂ ਵੱਧ ਸਕਦੀਆਂ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
