NEET ਵਿਦਿਆਰਥੀ ਦੇ ਕਤਲ ਮਾਮਲੇ 'ਚ ਵੱਡੀ ਕਾਰਵਾਈ; ਇਸ ਥਾਣੇ ਦੀ ਚੌਕੀ ਦੇ ਸਾਰੇ ਪੁਲਿਸ ਮੁਲਾਜ਼ਮ ਸਸਪੈਂਡ
ਗੋਰਖਪੁਰ ਵਿੱਚ ਪਸ਼ੂ ਤਸਕਰਾਂ ਕਰਨ ਵਾਲਿਆਂ ਵੱਲੋਂ ਇੱਕ ਨੌਜਵਾਨ ਦੀ ਹੱਤਿਆ ਦੇ ਮਾਮਲੇ ਵਿੱਚ ਹੁਣ ਵੱਡੀ ਕਾਰਵਾਈ ਹੋਈ ਹੈ। ਇਸ ਘਟਨਾ ਵਿੱਚ ਲਾਪਰਵਾਹੀ ਕਰਨ ਕਾਰਨ ਪਿਪਰਾਈਚ ਥਾਣੇ ਦੀ ਸਥਾਨਕ ਚੌਕੀ ਦੇ ਸਾਰੇ ਪੁਲਿਸ ਕਰਮਚਾਰੀ ਸਸਪੈਂਡ ਕਰ ਦਿੱਤੇ ਗਏ..
ਗੋਰਖਪੁਰ ਵਿੱਚ ਪਸ਼ੂ ਤਸਕਰਾਂ ਕਰਨ ਵਾਲਿਆਂ ਵੱਲੋਂ ਇੱਕ ਨੌਜਵਾਨ ਦੀ ਹੱਤਿਆ ਦੇ ਮਾਮਲੇ ਵਿੱਚ ਹੁਣ ਵੱਡੀ ਕਾਰਵਾਈ ਹੋਈ ਹੈ। ਇਸ ਘਟਨਾ ਵਿੱਚ ਲਾਪਰਵਾਹੀ ਕਰਨ ਕਾਰਨ ਪਿਪਰਾਈਚ ਥਾਣੇ ਦੀ ਸਥਾਨਕ ਚੌਕੀ ਦੇ ਸਾਰੇ ਪੁਲਿਸ ਕਰਮਚਾਰੀ ਸਸਪੈਂਡ ਕਰ ਦਿੱਤੇ ਗਏ ਹਨ। ਐਸ.ਐੱਸ.ਪੀ. ਗੋਰਖਪੁਰ ਨੇ ਜੰਗਲ ਦੂਸ਼ਣ ਚੌਕੀ ਵਿੱਚ ਤਾਇਨਾਤ ਸਾਰੇ ਪੁਲਿਸ ਅਧਿਕਾਰੀਆਂ ਨੂੰ ਸਸਪੈਂਡ ਕਰ ਦਿੱਤਾ ਹੈ। ਗੋਰਖਪੁਰ ਵਿੱਚ ਗਉ ਤਸਕਰਾਂ ਵੱਲੋਂ ਨੌਜਵਾਨ ਦੀ ਬੇਰਹਮੀ ਨਾਲ ਕੀਤੀ ਗਈ ਹੱਤਿਆ ਤੋਂ ਬਾਅਦ ਏ.ਡੀ.ਜੀ. ਲਾਅ ਐਂਡ ਆਰਡਰ ਅਮਿਤਾਭ ਯਸ਼ ਗੋਰਖਪੁਰ ਪਹੁੰਚੇ।
ਏ.ਡੀ.ਜੀ. ਲਾਅ ਐਂਡ ਆਰਡਰ ਅਮਿਤਾਭ ਯਸ਼ ਨੇ ਗੋਰਖਪੁਰ ਵਿੱਚ ਆਪਰੇਸ਼ਨ ਗੋ-ਕੁਸ਼ੀ ਦੀ ਕਮਾਨ ਸੰਭਾਲੀ ਅਤੇ ਐਸ.ਟੀ.ਐਫ. ਦੀ ਗੋਰਖਪੁਰ ਯੂਨਿਟ ਦੇ ਨਾਲ ਗੋਰਖਪੁਰ ਪੁਲਿਸ ਦੀਆਂ ਪੰਜ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ। ਇਸ ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਗੋ-ਕੁਸ਼ੀ ਗੈਂਗ ਦੇ ਬਦਮਾਸ਼ਾਂ ਦੀ ਧੜਪਕੜ ਤੇਜ਼ ਕਰ ਦਿੱਤੀ ਗਈ ਹੈ।
ਦੱਸਣਾ ਚਾਹੁੰਦੇ ਹਾਂ ਕਿ ਗੋਰਖਪੁਰ ਵਿੱਚ ਪਸ਼ੂ ਤਸਕਰਾਂ ਦੇ ਹਮਲੇ ਵਿੱਚ ਮਾਰੇ ਗਏ 19 ਸਾਲਾ ਦੀਪਕ ਗੁਪਤਾ ਦਾ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ ਹੈ। ਪੁਲਿਸ ਦਾ ਦਾਅਵਾ ਹੈ ਕਿ ਦੀਪਕ ਨੂੰ ਗੋਲੀ ਨਹੀਂ ਲੱਗੀ, ਸਗੋਂ ਉਸਦੀ ਮੌਤ ਸਿਰ 'ਤੇ ਚੋਟ ਲੱਗਣ ਨਾਲ ਹੋਈ ਹੈ। ਹਾਲਾਂਕਿ ABP ਨਾਲ ਗੱਲ ਕਰਦੇ ਹੋਏ ਦੀਪਕ ਦੇ ਪਰਿਵਾਰ ਨੇ ਪੁਲਿਸ ਦੇ ਇਸ ਦਾਅਵੇ ਨੂੰ ਗਲਤ ਕਹਿੰਦੇ ਹੋਏ ਗੋਲੀ ਲੱਗਣ ਦੀ ਗੱਲ 'ਤੇ ਜ਼ੋਰ ਦਿੱਤਾ ਹੈ।
ਦੀਪਕ ਗੁਪਤਾ ਦੇ ਪਰਿਵਾਰ ਦਾ ਦਾਅਵਾ ਹੈ ਕਿ ਪਸ਼ੂ ਤਸਕਰਾਂ ਨੇ ਉਸਦੇ ਮੂੰਹ ਵਿੱਚ ਗੋਲੀ ਮਾਰੀ ਸੀ। ਦੀਪਕ ਦੀ ਮਾਂ ਸੀਮਾ ਗੁਪਤਾ, ਚਾਚਾ ਵਿਜੇਂਦਰ ਗੁਪਤਾ, ਪਿਤਾ ਦੁੁਰਗੇਸ਼ ਗੁਪਤਾ ਅਤੇ ਛੋਟਾ ਭਰਾ ਪ੍ਰਿੰਸ ਗੁਪਤਾ ਨੇ ਵੀ ABP ਨਾਲ ਗੱਲਬਾਤ ਕੀਤੀ। ਦੀਪਕ ਦੀ ਮਾਂ ਦਾ ਕਹਿਣਾ ਹੈ ਕਿ ਉਹ ਪ੍ਰਸ਼ਾਸਨ ਦੀ ਕਾਰਵਾਈ ਨਾਲ ਬਿਲਕੁਲ ਸੰਤੁਸਟ ਨਹੀਂ ਹਨ। ਉਸਨੇ ਦਾਅਵਾ ਕੀਤਾ ਕਿ ਪੁਲਿਸ ਵੱਲੋਂ ਗੋਲੀ ਨਾ ਲੱਗਣ ਦੀ ਗੱਲ ਪੂਰੀ ਤਰ੍ਹਾਂ ਝੂਠੀ ਹੈ।
ਦੀਪਕ ਗੁਪਤਾ ਦੇ ਚਾਚਾ ਵਿਜੇਂਦਰ ਗੁਪਤਾ ਨੇ ਦੱਸਿਆ ਕਿ ਉਹ ਕੱਲ੍ਹ ਰਾਤ ਦੀਪਕ ਨਾਲ ਹੀ ਸਨ। ਦੋ ਗੱਡੀਆਂ ਵਿੱਚ ਆਏ ਪਸ਼ੂ ਤਸਕਰਾਂ ਨੇ ਸ਼ੋਰ ਕਰਨ 'ਤੇ ਉਨ੍ਹਾਂ ਉੱਤੇ ਪਿਸਤੌਲ ਤਾਣ ਦਿੱਤੀ। ਉਹ ਦੌੜਕੇ ਨਹਿਰ ਵੱਲ ਚਲੇ ਗਿਆ। ਤਸਕਰਾਂ ਦੀ ਇੱਕ ਗੱਡੀ ਚਿਕੜ ਵਿੱਚ ਫਸ ਗਈ ਤਾਂ ਉਹ ਦੀਪਕ ਨੂੰ ਲੈ ਕੇ ਦੂਜੀ ਗੱਡੀ ਨਾਲ ਭੱਜ ਗਏ। ਲਗਭਗ ਦੋ ਘੰਟੇ ਬਾਅਦ ਘਟਨਾ ਸਥਾਨ ਤੋਂ ਕਰੀਬ 7 ਕਿਲੋਮੀਟਰ ਦੂਰ ਉਸਦੀ ਲਾਸ਼ ਬਰਾਮਦ ਹੋਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
