ਔਰਤਾਂ ਦੀ Personal Details ਚੋਰੀ ਕਰ ਕੇ ਇਸਲਾਮਿਕ ਦੇਸ਼ਾਂ 'ਚ ਭੇਜਣ ਦੀ ਧਮਕੀ, ਕੰਪਨੀ ਨੂੰ ਹੀ ਦੋਸ਼ੀ ਕਰਨ ਲੱਗਾ ਬਲੈਕਮੇਲ
Rajasthan Blackmailing Case: ਐਸਓਜੀ ਨੇ ਔਰਤਾਂ ਦਾ ਨਿੱਜੀ ਡਾਟਾ ਚੋਰੀ ਕਰਕੇ ਇਸਲਾਮਿਕ ਦੇਸ਼ਾਂ ਵਿੱਚ ਵੇਚਣ ਦੀ ਧਮਕੀ ਦੇਣ ਵਾਲੇ ਮੁਲਜ਼ਮ ਨੂੰ ਰਾਜਸਥਾਨ ਤੋਂ ਗ੍ਰਿਫ਼ਤਾਰ ਕੀਤਾ ਹੈ।
Blackmailing Case: ਐਸਓਜੀ ਨੇ ਰਾਜਸਥਾਨ (Rajasthan) ਦੇ ਇੱਕ ਹੈਕਰ ਨੂੰ ਗ੍ਰਿਫਤਾਰ ਕੀਤਾ ਹੈ ਜੋ ਆਨਲਾਈਨ ਲੇਡੀਜ਼ ਅੰਡਰ ਗਾਰਮੈਂਟਸ ਸਪਲਾਈ ਕਰਨ ਵਾਲੀ ਇੱਕ ਕੰਪਨੀ ਤੋਂ 15 ਲੱਖ ਔਰਤਾਂ ਦਾ ਨਿੱਜੀ ਡਾਟਾ ਚੋਰੀ ਕਰਨ ਦੀ ਧਮਕੀ ਦਿੰਦਾ ਸੀ ਅਤੇ ਕੰਪਨੀ ਨੂੰ ਬਲੈਕਮੇਲ ਕਰਦਾ ਸੀ ਤੇ ਇਸਲਾਮਿਕ ਦੇਸ਼ਾਂ ਵਿੱਚ ਵੇਚਣ ਦੀ ਧਮਕੀ ਦਿੰਦਾ ਸੀ। ਫੜਿਆ ਗਿਆ ਮੁਲਜ਼ਮ ਸੰਜੇ ਸੋਨੀ (Sanjay Soni) ਉਦੈਪੁਰ (Udaipur) ਦਾ ਰਹਿਣ ਵਾਲਾ ਹੈ।
ਮੁਲਜ਼ਮ ਨੇ ਕੁਝ ਹੋਰ ਹੈਕਰਾਂ ਨਾਲ ਮਿਲ ਕੇ ਗਾਰਮੈਂਟਸ ਕੰਪਨੀ ਨਾਲ ਜੁੜੀਆਂ ਔਰਤਾਂ ਦੇ ਨਿੱਜੀ ਵੇਰਵੇ ਜਿਵੇਂ ਕਿ ਉਨ੍ਹਾਂ ਦੇ ਨਾਂ, ਮੋਬਾਈਲ ਨੰਬਰ, ਈ-ਮੇਲ ਆਈਡੀ, ਜਨਮ ਮਿਤੀ ਅਤੇ ਸਾਈਜ਼ ਆਦਿ ਚੋਰੀ ਕਰ ਲਏ। ਉਸ ਤੋਂ ਬਾਅਦ ਉਦੈਪੁਰ 'ਚ ਬੈਠੇ ਮੁਲਜ਼ਮਾਂ ਨੇ ਕੰਪਨੀ ਨੂੰ ਬਲੈਕਮੇਲ ਕੀਤਾ ਅਤੇ ਪੈਸੇ ਵੀ ਲਏ ਸੀ।
ਮੁਲਜ਼ਮ ਨੇ ਈ-ਮੇਲ ਰਾਹੀਂ ਡਾਟਾ ਕੀਤਾ ਚੋਰੀ
ਏਡੀਜੀ ਐਸਓਜੀ ਅਸ਼ੋਕ ਰਾਠੌੜ ਦੀ ਨਿਗਰਾਨੀ ਵਿੱਚ ਪੂਰੇ ਮਾਮਲੇ ਵਿੱਚ ਕਾਰਵਾਈ ਕੀਤੀ ਗਈ ਹੈ। ਇਸ ਸਬੰਧੀ ਅੰਡਰ ਗਾਰਮੈਂਟਸ ਕੰਪਨੀ ਦੇ ਅਹੁਦੇਦਾਰ ਉਮੇਸ਼ ਵਿਜੇ ਨੇ ਐਸਓਜੀ ਵਿੱਚ ਦੱਸਿਆ ਕਿ ਉਸ ਦੀ ਕੰਪਨੀ ਨਾਲ 92 ਲੱਖ ਗਾਹਕ ਜੁੜੇ ਹੋਏ ਹਨ। 24 ਅਪ੍ਰੈਲ ਨੂੰ ਇਕ ਹੈਕਰ ਨੇ ਉਸ ਦੀ ਕੰਪਨੀ ਨੂੰ ਈ-ਮੇਲ ਕੀਤਾ ਕਿ ਤੁਹਾਡਾ ਸਰਵਰ ਹੈਕ ਕਰਕੇ 15 ਲੱਖ ਲੋਕਾਂ ਦਾ ਡਾਟਾ ਚੋਰੀ ਕਰ ਲਿਆ ਗਿਆ ਹੈ। ਇਸ ਤੋਂ ਬਾਅਦ 16 ਮਈ ਨੂੰ ਇੱਕ ਟਵਿਟਰ ਹੈਂਡਲ ਨੇ ਟਵੀਟ ਕੀਤਾ ਕਿ 15 ਲੱਖ ਹਿੰਦੂ ਕੁੜੀਆਂ ਦਾ ਡਾਟਾ ਇਸਲਾਮਿਕ ਦੇਸ਼ਾਂ ਨੂੰ ਭੇਜਿਆ ਜਾ ਰਿਹਾ ਹੈ।
ਮੁਲਜ਼ਮ ਨੇ ਵੀਡੀਓ ਵਾਇਰਲ ਕਰਨ ਦੀ ਦਿੱਤੀ ਧਮਕੀ
25 ਮਈ ਨੂੰ ਹੈਕਰ ਨੇ ਕੰਪਨੀ ਨੂੰ ਦੁਬਾਰਾ ਈ-ਮੇਲ ਭੇਜ ਕੇ ਸਿਸਟਮ ਦੀ ਕਮਜ਼ੋਰੀ ਦੱਸਦਿਆਂ ਪੈਸਿਆਂ ਦੀ ਮੰਗ ਕੀਤੀ। ਅਗਲੇ ਦਿਨ ਕੰਪਨੀ ਵੱਲੋਂ ਭੇਜੀ ਗਈ ਈ-ਮੇਲ ਵੀ ਟਵੀਟ ਕਰ ਦਿੱਤੀ ਗਈ। ਇਸ ਦੌਰਾਨ ਉਕਤ ਟਵਿੱਟਰ ਹੋਲਡਰ ਨੇ ਰੇਲਵੇ ਦੇ ਗਾਹਕਾਂ ਬਾਰੇ ਲਿਖਿਆ ਕਿ ਹਿੰਦੂ ਕੁੜੀਆਂ ਦਾ ਡਾਟਾ ਇਸਲਾਮਿਕ ਦੇਸ਼ਾਂ ਨੂੰ ਭੇਜਿਆ ਜਾ ਰਿਹਾ ਹੈ। ਜਦੋਂ ਰੇਲਵੇ ਨੇ ਆਪਣੇ ਕੋਲ ਡੇਟਾ ਹੋਣ ਤੋਂ ਇਨਕਾਰ ਕੀਤਾ ਤਾਂ ਮੁਲਜ਼ਮ ਨੇ ਵੀਡੀਓ ਬਣਾ ਕੇ ਵਾਇਰਲ ਕਰਨ ਲਈ ਕਿਹਾ।
ਐਸਓਜੀ ਨੇ ਮੁਲਜ਼ਮ ਨੂੰ ਕਰ ਲਿਆ ਗ੍ਰਿਫ਼ਤਾਰ
ਕੰਪਨੀ ਨੇ ਰਿਪੋਰਟ 'ਚ ਦੋਸ਼ ਲਗਾਇਆ ਹੈ ਕਿ ਦੋਸ਼ੀ ਇਹ ਕਹਿ ਕੇ ਫਿਰਕੂ ਸਦਭਾਵਨਾ ਨੂੰ ਵਿਗਾੜਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਗਾਹਕਾਂ ਦਾ ਡਾਟਾ ਹਿੰਦੂ ਕੁੜੀਆਂ ਦਾ ਡਾਟਾ ਦੱਸ ਕੇ ਇਸਲਾਮਿਕ ਦੇਸ਼ਾਂ ਨੂੰ ਭੇਜਿਆ ਜਾ ਰਿਹਾ ਹੈ। ਇੰਸਪੈਕਟਰ ਪੂਨਮ ਚੌਧਰੀ ਉਕਤ ਘਟਨਾ ਦੀ ਜਾਂਚ ਕਰ ਰਹੇ ਹਨ। ਦੋਸ਼ੀ ਹਿੰਦੂ ਔਰਤਾਂ ਨੂੰ ਸੁਚੇਤ ਰਹਿਣ ਦੀ ਸਲਾਹ ਦੇ ਰਿਹਾ ਸੀ ਤਾਂ ਐੱਸਓਜੀ ਦੀ ਟੀਮ ਨੇ ਖਾਤੇ ਦੀ ਜਾਂਚ ਕਰਦੇ ਹੋਏ ਤਕਨੀਕੀ ਆਧਾਰ 'ਤੇ ਦੋਸ਼ੀਆਂ ਦੀ ਪਛਾਣ ਕਰਕੇ ਉਨ੍ਹਾਂ ਨੂੰ ਫੜ ਲਿਆ। ਦੋਸ਼ੀ ਆਪਣੇ ਅਕਾਊਂਟ 'ਤੇ ਰਾਸ਼ਟਰਵਾਦੀ ਦੱਸ ਕੇ ਦਿਨ ਭਰ ਵਿਵਾਦਿਤ ਪੋਸਟਾਂ ਸ਼ੇਅਰ ਕਰਦਾ ਰਿਹਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
