![ABP Premium](https://cdn.abplive.com/imagebank/Premium-ad-Icon.png)
Punjab News: ਪੰਜਾਬ ਪੁਲਿਸ ਦੇ ASI ਦਾ ਸ਼ਰਮਨਾਕ ਕਾਰਾ; ਧੋਖੇ ਨਾਲ ਕਰਵਾਇਆ ਦੂਜਾ ਵਿਆਹ ਤੇ ਫਿਰ 3 ਵਾਰ ਅਬਾਰਸ਼ਨ!
ASI Fraudulent marriage: ਪੰਜਾਬ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਘਰਿੰਡਾ ਥਾਣੇ 'ਚ ਤਾਇਨਾਤ ਏ.ਐੱਸ.ਆਈ 'ਤੇ ਝੂਠੇ ਵਿਆਹ, ਗਰਭਪਾਤ ਅਤੇ ਕੁੱਟਮਾਰ ਦੇ ਦੋਸ਼ ਲੱਗੇ ਹਨ। ਔਰਤ ਦਾ ਕਹਿਣਾ ਹੈ ਕਿ ਏਐਸਆਈ ਪਹਿਲਾਂ ਹੀ ਵਿਆਹਿਆ ਹੋਇਆ ਸੀ
![Punjab News: ਪੰਜਾਬ ਪੁਲਿਸ ਦੇ ASI ਦਾ ਸ਼ਰਮਨਾਕ ਕਾਰਾ; ਧੋਖੇ ਨਾਲ ਕਰਵਾਇਆ ਦੂਜਾ ਵਿਆਹ ਤੇ ਫਿਰ 3 ਵਾਰ ਅਬਾਰਸ਼ਨ! Punjab police Marry Without Divorcing First Wife and abort 3 times second wife Punjab News: ਪੰਜਾਬ ਪੁਲਿਸ ਦੇ ASI ਦਾ ਸ਼ਰਮਨਾਕ ਕਾਰਾ; ਧੋਖੇ ਨਾਲ ਕਰਵਾਇਆ ਦੂਜਾ ਵਿਆਹ ਤੇ ਫਿਰ 3 ਵਾਰ ਅਬਾਰਸ਼ਨ!](https://feeds.abplive.com/onecms/images/uploaded-images/2024/03/25/1043de5ea9c6c4cabbffe6fc1446a08f1711337773714785_original.jpg?impolicy=abp_cdn&imwidth=1200&height=675)
ASI Fraudulent marriage: ਪੰਜਾਬ ਦੇ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਘਰਿੰਡਾ ਥਾਣੇ 'ਚ ਤਾਇਨਾਤ ਏ.ਐੱਸ.ਆਈ 'ਤੇ ਝੂਠੇ ਵਿਆਹ, ਗਰਭਪਾਤ ਅਤੇ ਕੁੱਟਮਾਰ ਦੇ ਦੋਸ਼ ਲੱਗੇ ਹਨ। ਔਰਤ ਦਾ ਕਹਿਣਾ ਹੈ ਕਿ ਏਐਸਆਈ ਪਹਿਲਾਂ ਹੀ ਵਿਆਹਿਆ ਹੋਇਆ ਸੀ, ਫਿਰ ਵੀ ਉਸ ਨੇ ਪੀੜਤਾ ਨਾਲ ਦੋ ਵਾਰ ਵਿਆਹ ਕਰਵਾਉਣ ਦਾ ਨਾਟਕ ਕੀਤਾ। ਇਸ ਕਾਰਨ ਪੀੜਤ ਨੇ ਜ਼ਹਿਰ ਖਾ ਕੇ ਮਰਨ ਦੀ ਕੋਸ਼ਿਸ਼ ਵੀ ਕੀਤੀ। ਜਦੋਂ ਔਰਤ ਇਨਸਾਫ਼ ਲਈ ਥਾਣੇ ਪੁੱਜੀ ਤਾਂ ਮੁਲਜ਼ਮ ਏਐਸਆਈ ਉਥੋਂ ਭੱਜ ਗਿਆ। ਫਿਲਹਾਲ ਔਰਤ ਇਨਸਾਫ ਲਈ ਭਟਕ ਰਹੀ ਹੈ ਅਤੇ ਏ.ਐੱਸ.ਆਈ ਨੂੰ ਮੁਅੱਤਲ ਕਰਕੇ ਉਸ ਖਿਲਾਫ ਕਾਰਵਾਈ ਦੀ ਮੰਗ ਕਰ ਰਹੀ ਹੈ।
ਵਿਆਹ ਥਾਣੇ ਅਤੇ ਗੁਰਦੁਆਰਾ ਸਾਹਿਬ ਵਿੱਚ ਹੋਇਆ
ਜਲੰਧਰ ਨਿਵਾਸੀ ਔਰਤ ਸਿਮਰਨ ਨੇ ਦੱਸਿਆ ਕਿ ਉਸ ਦਾ ਵਿਆਹ ਘਰਿੰਡਾ ਥਾਣੇ ਦੇ ਏਐਸਆਈ ਵਿਕਟਰ ਸਿੰਘ ਨਾਲ ਹੋਇਆ ਹੈ। ਉਹ ਬਾਬਾ ਬਕਾਲਾ, ਅੰਮ੍ਰਿਤਸਰ ਦਾ ਵਸਨੀਕ ਹੈ। ਉਹ ਵਿਆਹ ਤੋਂ ਪਹਿਲਾਂ ਹੀ ਇੱਕ ਦੂਜੇ ਨੂੰ ਪਸੰਦ ਕਰਨ ਲੱਗ ਪਏ ਸਨ। ਇਸ ਕਾਰਨ ਦੋਵਾਂ ਨੇ ਸਰੀਰਕ ਸਬੰਧ ਵੀ ਬਣਾਏ ਸਨ। ਫਿਰ 24 ਅਪ੍ਰੈਲ 2023 ਨੂੰ ਦੋਵਾਂ ਨੇ ਜਲੰਧਰ ਦੇ ਥਾਣੇ 'ਚ ਵਿਆਹ ਕਰਵਾ ਲਿਆ। ਵਿਆਹ ਤੋਂ ਬਾਅਦ 25 ਅਪ੍ਰੈਲ 2023 ਨੂੰ ਆਨੰਦ ਕਾਰਜ ਵੀ ਹੋਏ। ਇਸ ਤੋਂ ਬਾਅਦ ਉਹ 3 ਮਹੀਨੇ ਖਾਸਾ 'ਚ ਵਿਕਟਰ ਨਾਲ ਰਹੀ। ਫਿਰ ਉਹ ਜਲੰਧਰ ਆ ਗਈ। ਉਦੋਂ ਤੋਂ ਵਿਕਟਰ ਉਸ ਦੇ ਨਾਲ ਨਹੀਂ ਹੈ। ਫਿਰ ਉਸ ਨੂੰ ਪਤਾ ਲੱਗਾ ਕਿ ਉਹ ਪਹਿਲਾਂ ਹੀ ਵਿਆਹਿਆ ਹੋਇਆ ਸੀ, ਅਤੇ ਉਸ ਦਾ ਆਪਣੀ ਪਹਿਲੀ ਪਤਨੀ ਤੋਂ ਤਲਾਕ ਵੀ ਨਹੀਂ ਹੋਇਆ ਸੀ।
ਔਰਤ ਨੇ ਦੱਸਿਆ ਕਿ ਵਿਆਹ ਤੋਂ ਪਹਿਲਾਂ ਉਸ ਦੇ ਏਐਸਆਈ ਨਾਲ ਸਰੀਰਕ ਸਬੰਧ ਸਨ, ਜਿਸ ਕਾਰਨ ਉਹ ਤਿੰਨ ਵਾਰ ਗਰਭਵਤੀ ਵੀ ਹੋਈ। ਵਿਕਟਰ ਨੇ ਉਸਦਾ ਤਿੰਨ ਵਾਰ ਗਰਭਪਾਤ ਕਰਵਾ ਦਿੱਤਾ। ਜਦੋਂ ਵੀ ਉਹ ਵਿਆਹ ਦੀ ਗੱਲ ਕਰਦੀ ਸੀ ਤਾਂ ਉਹ ਟਾਲ ਦਿੰਦਾ ਸੀ। ਪੀੜਤਾ ਦਾ ਕਹਿਣਾ ਹੈ ਕਿ ਉਸ ਨੂੰ ਮਾਈਗ੍ਰੇਨ ਹੈ। ਏਐਸਆਈ ਨੇ ਮਾਈਗ੍ਰੇਨ ਦੀ ਦਵਾਈ ਦੇਣ ਤੋਂ ਬਾਅਦ ਹੀ ਉਸ ਨੂੰ ਗਰਭਪਾਤ ਦੀ ਦਵਾਈ ਦਿੱਤੀ।
ਔਰਤ ਦਾ ਦੋਸ਼ ਹੈ ਕਿ ਇਕ ਵਾਰ ਉਸ ਨੂੰ ਹਸਪਤਾਲ ਲਿਜਾ ਕੇ ਟੀਕਾ ਲਗਾਵਾ ਦਿੱਤਾ, ਜਿਸ ਤੋਂ ਬਾਅਦ 3 ਦਿਨਾਂ ਬਾਅਦ ਉਸ ਨੂੰ ਰਿਪੋਰਟ ਮਿਲੀ ਜਿਸ ਵਿਚ ਲਿਖਿਆ ਗਿਆ ਸੀ ਕਿ ਉਸ ਦਾ ਅਧੂਰਾ ਗਰਭਪਾਤ ਹੋ ਗਿਆ ਹੈ। ਜਦੋਂ ਔਰਤ ਨੇ ਇਸ ਸਬੰਧੀ ਜਲੰਧਰ ਥਾਣੇ ਵਿੱਚ ਸ਼ਿਕਾਇਤ ਕੀਤੀ ਤਾਂ ਇਸ ਤੋਂ ਬਚਣ ਲਈ ਵਿਕਟਰ ਨੇ ਥਾਣੇ ਵਿੱਚ ਹੀ ਉਸ ਨਾਲ ਵਿਆਹ ਕਰਵਾ ਲਿਆ।
ਪੀੜਤਾ ਨੇ ਦੱਸਿਆ ਕਿ ਜਦੋਂ ਉਹ 3 ਮਹੀਨੇ ਇਕੱਠੇ ਰਹਿਣ ਤੋਂ ਬਾਅਦ ਵੱਖ ਹੋ ਗਏ ਤਾਂ ਵਿਕਟਰ ਨੇ ਕੁਝ ਦਿਨ ਪਹਿਲਾਂ ਕੁਝ ਆਦਮੀਆਂ ਨੂੰ ਉਸ ਦੇ ਘਰ ਭੇਜਿਆ। ਉਨ੍ਹਾਂ ਨੇ ਉਸ ਨਾਲ ਕੁੱਟਮਾਰ ਕੀਤੀ। ਫਿਰ ਵਿਕਟਰ ਨੇ ਖੁਦ ਆ ਕੇ ਉਸ ਨੂੰ ਕੁੱਟਿਆ। ਵਿਕਟਰ ਨੇ ਉਸਨੂੰ ਜ਼ਹਿਰ ਦੇ ਦਿੱਤਾ ਅਤੇ ਉਸਨੂੰ ਮਰਨ ਲਈ ਕਿਹਾ। ਇਸ ਤੋਂ ਦੁਖੀ ਹੋ ਕੇ ਪੀੜਤਾ ਨੇ ਗੋਲੀਆਂ ਖਾ ਲਈਆਂ।
ਉਸ ਦੇ ਗੁਆਂਢੀ ਉਸ ਨੂੰ ਸਿਵਲ ਹਸਪਤਾਲ ਲੈ ਗਏ, ਜਿਸ ਨਾਲ ਉਸ ਦੀ ਜਾਨ ਬਚ ਗਈ। ਔਰਤ ਨੇ ਦੱਸਿਆ ਕਿ ਏਐਸਆਈ ਨੇ ਉਸ ਦੇ ਚਰਿੱਤਰ ਨੂੰ ਵੀ ਸੱਟ ਮਾਰੀ ਹੈ। ਔਰਤ ਦਾ ਕਹਿਣਾ ਹੈ ਕਿ ਏਐਸਆਈ ਵੱਲੋਂ ਉਸ ਦੀਆਂ ਫੋਟੋਆਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਕੇ ਉਸ ਵਿਰੁੱਧ ਅਸ਼ਲੀਲ ਗੱਲਾਂ ਲਿਖੀਆਂ ਗਈਆਂ।
ਔਰਤ ਅਨੁਸਾਰ ਐਸਐਸਪੀ ਦਿਹਾਤੀ ਨੇ ਇਸ ਮਾਮਲੇ ਵਿੱਚ ਉਸ ਨੂੰ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਹੈ, ਜਦੋਂਕਿ ਹੇਠਲਾ ਸਟਾਫ਼ ਉਸ ਦਾ ਸਾਥ ਨਹੀਂ ਦੇ ਰਿਹਾ। ਉਹ ਮੁਲਜ਼ਮ ਵਿਕਟਰ ਖ਼ਿਲਾਫ਼ ਐਫਆਈਆਰ ਦਰਜ ਕਰਨ ਅਤੇ ਉਸ ਨੂੰ ਮੁਅੱਤਲ ਕਰਨ ਦੀ ਮੰਗ ਕਰ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)