![ABP Premium](https://cdn.abplive.com/imagebank/Premium-ad-Icon.png)
Jalandhar News: ਪਹਿਲੇ ਪਤੀ ਦੇ ਦੋ ਬੱਚਿਆਂ ਨੂੰ ਨਾਲ ਰੱਖਣ ਦੇ ਝਗੜੇ ਕਰਕੇ ਲਾਈ ਪੂਰੇ ਪਰਿਵਾਰ ਨੂੰ ਅੱਗ, ਖ਼ੌਫਨਾਕ ਘਟਨਾ ਬਾਰੇ ਨਵਾਂ ਖੁਲਾਸਾ
ਜ਼ਿਲ੍ਹਾ ਜਲੰਧਰ ਦੇ ਸਤਲੁਜ ਦਰਿਆ ਵਾਲੇ ਪੁਲ ਨਾਲ ਲੱਗਦੇ ਪਿੰਡ ਬੀਟਲਾਂ ’ਚ ਪਤਨੀ, ਉਸ ਦੇ ਪਹਿਲੇ ਪਤੀ ਤੋਂ ਦੋਹਾਂ ਬੱਚਿਆਂ ਤੇ ਸੱਸ-ਸਹੁਰੇ ਨੂੰ ਅੱਗ ਲਾਉਣ ਦੇ ਮਾਮਲੇ ਵਿੱਚ ਨਵਾਂ ਖੁਲਾਸਾ ਹੋਇਆ ਹੈ। ਪਤੀ ਕਾਲੂ ਰਾਮ ਆਪਣੀ ਪਤਨੀ ਪਰਮਜੀਤ ਕੌਰ ਦੇ
![Jalandhar News: ਪਹਿਲੇ ਪਤੀ ਦੇ ਦੋ ਬੱਚਿਆਂ ਨੂੰ ਨਾਲ ਰੱਖਣ ਦੇ ਝਗੜੇ ਕਰਕੇ ਲਾਈ ਪੂਰੇ ਪਰਿਵਾਰ ਨੂੰ ਅੱਗ, ਖ਼ੌਫਨਾਕ ਘਟਨਾ ਬਾਰੇ ਨਵਾਂ ਖੁਲਾਸਾ The whole family was set on fire due to the dispute of keeping the two children of the first husband, a new revelation about the horrible incident. Jalandhar News: ਪਹਿਲੇ ਪਤੀ ਦੇ ਦੋ ਬੱਚਿਆਂ ਨੂੰ ਨਾਲ ਰੱਖਣ ਦੇ ਝਗੜੇ ਕਰਕੇ ਲਾਈ ਪੂਰੇ ਪਰਿਵਾਰ ਨੂੰ ਅੱਗ, ਖ਼ੌਫਨਾਕ ਘਟਨਾ ਬਾਰੇ ਨਵਾਂ ਖੁਲਾਸਾ](https://feeds.abplive.com/onecms/images/uploaded-images/2022/10/19/7ffd07bc697887c52385116d9216f1d11666151623667498_original.jpg?impolicy=abp_cdn&imwidth=1200&height=675)
Jalandhar News : ਜ਼ਿਲ੍ਹਾ ਜਲੰਧਰ ਦੇ ਸਤਲੁਜ ਦਰਿਆ ਵਾਲੇ ਪੁਲ ਨਾਲ ਲੱਗਦੇ ਪਿੰਡ ਬੀਟਲਾਂ ’ਚ ਪਤਨੀ, ਉਸ ਦੇ ਪਹਿਲੇ ਪਤੀ ਤੋਂ ਦੋਹਾਂ ਬੱਚਿਆਂ ਤੇ ਸੱਸ-ਸਹੁਰੇ ਨੂੰ ਅੱਗ ਲਾਉਣ ਦੇ ਮਾਮਲੇ ਵਿੱਚ ਨਵਾਂ ਖੁਲਾਸਾ ਹੋਇਆ ਹੈ। ਪਤੀ ਕਾਲੂ ਰਾਮ ਆਪਣੀ ਪਤਨੀ ਪਰਮਜੀਤ ਕੌਰ ਦੇ ਬੱਚਿਆਂ ਨੂੰ ਨਹੀਂ ਰੱਖਣਾ ਚਾਹੁੰਦਾ ਸੀ। ਇਸੇ ਗੱਲ ਨੂੰ ਲੈ ਕੇ ਦੋਵਾਂ ਵਿਚਾਲੇ ਤਕਰਾਰ ਚੱਲ ਰਹੀ ਸੀ।
ਹਾਸਲ ਜਾਣਕਾਰੀ ਅਨੁਸਾਰ ਪਿੰਡ ਬੀਟਲਾਂ ਦੀ ਪਰਮਜੀਤ ਕੌਰ ਦੇ ਪਹਿਲੇ ਪਤੀ ਦੀ ਮੌਤ ਤੋਂ ਬਾਅਦ ਉਸ ਦਾ ਦੂਜਾ ਵਿਆਹ ਇੱਕ ਸਾਲ ਪਹਿਲਾ ਪਿੰਡ ਖੁਰਸ਼ੈਦਪੁਰਾ ਦੇ ਕਾਲੂ ਰਾਮ ਨਾਲ ਹੋਇਆ ਸੀ। ਕਾਲੂ ਰਾਮ ਦੋਵੇਂ ਬੱਚਿਆਂ ਨੂੰ ਆਪਣੇ ਨਾਲ ਨਹੀਂ ਰੱਖਣਾ ਚਾਹੁੰਦਾ ਸੀ ਪਰ ਪਰਮਜੀਤ ਕੌਰ ਬੱਚਿਆਂ ਨੂੰ ਨਾਲ ਰੱਖਣਾ ਚਾਹੁੰਦੀ ਸੀ। ਇਸੇ ਝਗੜੇ ਤੋਂ ਪ੍ਰੇਸ਼ਾਨ ਹੋ ਕੇ ਪਰਮਜੀਤ ਕੌਰ ਕੁਝ ਦਿਨ ਪਹਿਲਾਂ ਪੇਕੇ ਘਰ ਚਲੀ ਗਈ ਸੀ।
ਇਸ ਤੋਂ ਖਫਾ ਕਾਲੂ ਰਾਮ ਨੇ ਮੰਗਲਵਾਰ ਨੂੰ ਜ਼ਿਲ੍ਹਾ ਜਲੰਧਰ ਦੇ ਸਤਲੁਜ ਦਰਿਆ ਵਾਲੇ ਪੁਲ ਨਾਲ ਲੱਗਦੇ ਪਿੰਡ ਬੀਟਲਾਂ ’ਚ ਪੇਕੇ ਘਰ ਆਈ ਪਤਨੀ, ਉਸ ਦੇ ਪਹਿਲੇ ਪਤੀ ਤੋਂ ਦੋਹਾਂ ਬੱਚਿਆਂ ਤੇ ਸੱਸ-ਸਹੁਰੇ ਨੂੰ ਆਪਣੇ ਸਾਥੀ ਨਾਲ ਮਿਲ ਕੇ ਪੈਟਰੋਲ ਛਿੜਕ ਕੇ ਜਿਊਂਦੇ ਸਾੜ ਦਿੱਤਾ। ਮ੍ਰਿਤਕਾਂ ਵਿੱਚ ਮੁਲਜ਼ਮ ਦੀ 28 ਸਾਲਾ ਪਤਨੀ ਪਰਮਜੀਤ ਕੌਰ, ਉਸ ਦੀ 7 ਸਾਲਾ ਧੀ ਅਰਸ਼ਦੀਪ ਕੌਰ, 5 ਸਾਲਾ ਪੁੱਤ ਗੁਰਮੋਹਲ ਸਿੰਘ ਤੋਂ ਇਲਾਵਾ ਸਹੁਰਾ ਸੁਰਜਨ ਸਿੰਘ ਤੇ ਸੱਸ ਜੋਗਿੰਦਰੋ ਬਾਈ ਸ਼ਾਮਲ ਸਨ।
ਪਤਾ ਲੱਗਾ ਹੈ ਕਿ ਕਾਲੂ ਰਾਮ ਆਪਣੇ ਇੱਕ ਸਾਥੀ ਨਾਲ ਇੱਕ ਕੈਨੀ ’ਚ ਪੈਟਰੋਲ ਲਿਆਇਆ ਤੇ ਪੈਟਰੋਲ ਛਿੜਕ ਕੇ ਬਾਹਰੋਂ ਕਮਰਾ ਬੰਦ ਕਰਕੇ ਅੱਗ ਲਾ ਦਿੱਤੀ ਤੇ ਫਰਾਰ ਹੋ ਗਿਆ। ਕਮਰੇ ’ਚ ਬੰਦ ਦੋ ਬੱਚਿਆਂ ਸਣੇ ਪੰਜੇ ਜੀਅ ਬੁਰੀ ਤਰ੍ਹਾਂ ਝੁਲਸ ਗਏ। ਇਹ ਵੀ ਪਤਾ ਲੱਗਾ ਹੈ ਕਿ ਮਰਨ ਤੋਂ ਪਹਿਲਾਂ ਪਰਮਜੀਤ ਕੌਰ ਨੇ ਦੱਸਿਆ ਕਿ ਉਸ ਦਾ ਪਤੀ ਤੇ ਇੱਕ ਹੋਰ ਵਿਅਕਤੀ ਨਾਲ ਬੀਤੀ ਰਾਤ ਉਨ੍ਹਾਂ ਦੇ ਘਰ ਆਏ ਸਨ ਤੇ ਕਾਲੂ ਰਾਮ ਨੇ ਉਨ੍ਹਾਂ ਨੂੰ ਮਾਰਨ ਦੀ ਧਮਕੀ ਦਿੱਤੀ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)