ਲੁਧਿਆਣਾ 'ਚ GST ਦਾ ਵੱਡਾ ਐਕਸ਼ਨ, 200 ਕਰੋੜ ਦੀ ਫਰਜ਼ੀ ਬਿਲਿੰਗ ਕਰਨਾ ਵਾਲਾ ਦਬੋਚਿਆ, ਜਾਣੋ ਪੂਰਾ ਮਾਮਲਾ
Ludhiana News: ਲੁਧਿਆਣਾ ਵਿੱਚ ਡਾਇਰੈਕਟੋਰੇਟ ਜਨਰਲ ਆਫ ਜੀਐਸਟੀ ਇੰਟੈਲੀਜੈਂਸ (DGGI) ਦੇ ਜ਼ੋਨਲ ਦਫਤਰ ਨੇ ਇਸ ਮਾਮਲੇ ਵਿੱਚ ਮਾਸਟਰ ਮਾਈਂਡ ਸਤਵੀਰ ਸਿੰਘ ਸ਼ੇਖੋਂ ਨੂੰ ਗ੍ਰਿਫਤਾਰ ਕੀਤਾ ਹੈ।
Ludhiana News: ਲੁਧਿਆਣਾ ਵਿੱਚ ਡਾਇਰੈਕਟੋਰੇਟ ਜਨਰਲ ਆਫ ਜੀਐਸਟੀ ਇੰਟੈਲੀਜੈਂਸ (DGGI) ਦੇ ਜ਼ੋਨਲ ਦਫਤਰ ਨੇ ਇਸ ਮਾਮਲੇ ਵਿੱਚ ਮਾਸਟਰ ਮਾਈਂਡ ਸਤਵੀਰ ਸਿੰਘ ਸ਼ੇਖੋਂ ਨੂੰ ਗ੍ਰਿਫਤਾਰ ਕੀਤਾ ਹੈ।
ਜਿਸ ਨੇ ਮੈਸਰਜ਼ ਬਟਾਲਾ ਮੈਟਲ ਇੰਡਸਟਰੀਜ਼, ਐਚ.ਐਸ. ਸਟੀਲ ਇੰਡਸਟਰੀਜ਼ ਅਤੇ ਸਿਟੀਜ਼ਨ ਇੰਡਸਟਰੀਜ਼ ਦੁਆਰਾ ਪ੍ਰਬੰਧਿਤ ਫਰਮਾਂ ਰਾਹੀਂ 200.05 ਕਰੋੜ ਰੁਪਏ ਦੀ ਜਾਅਲੀ ਬਿਲਿੰਗ ਕੀਤੀ ਅਤੇ ਫਿਰ ਮਾਲ ਭੇਜੇ ਬਿਨਾਂ 30.52 ਕਰੋੜ ਰੁਪਏ ਦਾ ਰਿਫੰਡ ਲਿਆ। ਮੈਸਰਜ਼ ਬਟਾਲਾ ਮੈਟਲ ਇੰਡਸਟਰੀਜ਼ ਐਮਐਸ ਸਕ੍ਰੈਪ, ਐਚਆਰ ਕੋਇਲਜ਼ ਅਤੇ ਈਆਰਡਬਲਯੂ ਪਾਈਪਾਂ ਦੀ ਵਪਾਰਕ ਅਤੇ ਨਿਰਮਾਣ ਕੰਪਨੀ ਬਣਾ ਕੇ ਸ਼ੋਅ ਕੀਤੀ ਸੀ।
ਇਹ ਵੀ ਪੜ੍ਹੋ: ਗੱਡੀਆਂ 'ਤੇ ਲਿਖਿਆ ਕੁਝ ਅਜਿਹਾ ਤਾਂ ਕੱਟ ਸਕਦਾ ਚਲਾਨ, ਸ਼ਾਇਰੀ ਲਿਖਣ ਵਾਲੇ ਹੋ ਜਾਓ ਸਾਵਧਾਨ
ਤਲਾਸ਼ੀ ਮੁਹਿੰਮ ਦੌਰਾਨ ਸਤਵੀਰ ਸਿੰਘ ਸੇਖੋਂ ਦੇ ਰਿਹਾਇਸ਼ੀ ਅਤੇ ਸਰਕਾਰੀ ਅਹਾਤੇ ਤੋਂ 1 ਸੀਪੀਯੂ ਅਤੇ ਹੋਰ ਅਪਰਾਧਕ ਦਸਤਾਵੇਜ਼ ਜਿਵੇਂ ਚਲਾਨ, ਚੈੱਕ ਬੁੱਕ ਅਤੇ ਵੱਖ-ਵੱਖ ਖਾਤਿਆਂ ਦੀਆਂ ਪਾਸਬੁੱਕਾਂ ਅਤੇ ਡਾਇਰੀਆਂ ਆਦਿ ਜ਼ਬਤ ਕੀਤੇ ਗਏ ਹਨ। ਉਹ ਇਕ ਫਰਮ ਵਿਚ ਹਿੱਸੇਦਾਰ ਸੀ ਅਤੇ ਆਪਣੀ ਪਤਨੀ ਅਤੇ ਡਰਾਈਵਰ ਦੇ ਨਾਂ 'ਤੇ ਹੋਰ ਦੋ ਫਰਮਾਂ ਚਲਾ ਰਿਹਾ ਸੀ। ਇਸ ਤਰ੍ਹਾਂ, ਮਾਸਟਰਮਾਈਂਡ ਦੇ ਤੌਰ 'ਤੇ ਉਸਨੇ CGST ਐਕਟ, 2017 ਦੀਆਂ ਵਿਵਸਥਾਵਾਂ ਦੀ ਉਲੰਘਣਾ ਕਰਦੇ ਹੋਏ 200.05 ਕਰੋੜ ਰੁਪਏ ਦੀ ਜਾਅਲੀ ਬਿਲਿੰਗ ਰਾਹੀਂ ਮਾਲ ਦੀ ਡਿਲੀਵਰੀ ਕੀਤੇ ਬਿਨਾਂ ਲਗਭਗ 30.52 ਕਰੋੜ ਰੁਪਏ ਦੀ ਰਿਫੰਡ ਦੀ ਧੋਖਾਧੜੀ ਕੀਤੀ ਹੈ। ਸਤਵੀਰ ਸਿੰਘ ਸੇਖੋਂ ਨੂੰ ਗ੍ਰਿਫਤਾਰ ਕਰਕੇ ਜੁਡੀਸ਼ੀਅਲ ਰਿਮਾਂਡ 'ਤੇ ਭੇਜ ਦਿੱਤਾ ਗਿਆ ਹੈ।
ਡੀਜੀਜੀਆਈ ਲੁਧਿਆਣਾ ਅਜਿਹੀਆਂ ਨਕਲੀ ਸੰਸਥਾਵਾਂ ਦੀ ਸ਼ਨਾਖਤ ਕਰ ਰਿਹਾ ਹੈ ਅਤੇ ਉਨ੍ਹਾਂ 'ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ ਜੋ ਜਾਅਲੀ ਬਿਲਿੰਗ ਦੀ ਧੋਖਾਧੜੀ ਵਾਲੀ ਗਤੀਵਿਧੀ ਵਿੱਚ ਸ਼ਾਮਲ ਹਨ। ਏਜੰਸੀ ਨੇ ਲੋਕਾਂ ਨੂੰ ਇਹ ਵੀ ਅਪੀਲ ਕੀਤੀ ਹੈ ਕਿ ਉਹ ਕਿਸੇ ਵੀ ਕਿਸਮ ਦੀ ਟੈਕਸ ਚੋਰੀ/ਧੋਖਾਧੜੀ ਬਾਰੇ ਆਪਣੇ ਦਫ਼ਤਰ ਨੂੰ ਈਮੇਲ (DGGSTI.LDZU@GOV.IN), ਲੈਂਡਲਾਈਨ (0161-2453892) ਅਤੇ ਅਧਿਕਾਰਤ ਪਤੇ (51-ਡੀ, ਸਰਾਭਾ ਨਗਰ, ਲੁਧਿਆਣਾ-141001) ਦਿੱਤੀ ਜਾ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
