Aarti Singh: ਗੋਵਿੰਦਾ ਦੀ ਭਾਣਜੀ 'ਬਿੱਗ ਬੌਸ 13' ਫੇਮ ਆਰਤੀ ਸਿੰਘ ਜਲਦ ਕਰੇਗੀ ਵਿਆਹ, ਜਾਣੋ ਕੌਣ ਬਣੇਗਾ ਆਰਤੀ ਦਾ ਲਾੜਾ?
Aarti Singh Wedding: ਬਾਲੀਵੁੱਡ ਅਤੇ ਟੀਵੀ ਜਗਤ ਦੀਆਂ ਕਈ ਮਸ਼ਹੂਰ ਹਸਤੀਆਂ ਵਿਆਹ ਦੀਆਂ ਤਿਆਰੀਆਂ ਕਰ ਰਹੀਆਂ ਹਨ। ਟੀਵੀ ਅਦਾਕਾਰਾ ਆਰਤੀ ਸਿੰਘ ਦੇ ਆਪਣੇ ਬੁਆਏਫ੍ਰੈਂਡ ਨਾਲ ਜਲਦੀ ਹੀ ਵਿਆਹ ਕਰਨ ਦੀਆਂ ਅਫਵਾਹਾਂ ਵੀ ਫੈਲ ਰਹੀਆਂ ਹਨ।
Aarti Singh Wedding: ਆਰਤੀ ਸਿੰਘ ਉਹ ਨਾਮ ਹੈ, ਜੋ ਕਿਸੇ ਜਾਣ ਪਛਾਣ ਦਾ ਮੋਹਤਾਜ ਨਹੀਂ ਹੈ। ਉਸ 'ਤੇ ਸਿਰਫ ਗੋਵਿੰਦਾ ਦੀ ਭਾਣਜੀ ਹੋਣ ਦਾ ਟੈਗ ਹੀ ਨਹੀਂ ਹੈ, ਬਲਕਿ ਉਸ ਨੇ ਟੀਵੀ ਤੇ ਫਿਲਮ ਇੰਡਸਟਰੀ 'ਚ ਆਪਣੇ ਦਮ 'ਤੇ ਪਛਾਣ ਬਣਾਈ ਹੈ। ਉਹ ਬਿੱਗ ਬੌਸ 13 ਤੋਂ ਪੂਰੇ ਦੇਸ਼ ਦ ੀ ਚਹੇਤੀ ਬਣੀ ਸੀ। ਹੁਣ ਆਰਤੀ ਸਿੰਘ ਦਾ ਨਾਮ ਸੁਰਖੀਆਂ 'ਚ ਹੈ। ਕ੍ਰਿਸ਼ਨਾ ਅਭਿਸ਼ੇਕ ਦੀ ਭੈਣ ਅਤੇ ਅਦਾਕਾਰਾ ਆਰਤੀ ਦੇ ਵਿਆਹ ਦਾ ਫੈਨਜ਼ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹੁਣ ਅਜਿਹਾ ਲੱਗ ਰਿਹਾ ਹੈ ਕਿ ਪ੍ਰਸ਼ੰਸਕਾਂ ਦਾ ਇੰਤਜ਼ਾਰ ਖਤਮ ਹੋਣ ਵਾਲਾ ਹੈ। ਦਰਅਸਲ, ਖਬਰਾਂ ਆ ਰਹੀਆਂ ਹਨ ਕਿ ਆਰਤੀ ਸਿੰਘ ਇਸ ਸਾਲ ਆਪਣੇ ਬੁਆਏਫ੍ਰੈਂਡ ਦੀਪਕ ਚੌਹਾਨ ਨਾਲ ਵਿਆਹ ਕਰਨ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਇਹ ਜੋੜੀ ਕਦੋਂ ਸੱਤ ਫੇਰੇ ਲਵੇਗੀ।
ਇਹ ਵੀ ਪੜ੍ਹੋ: ਇਸ ਪੰਜਾਬੀ ਗਾਇਕਾ ਦਾ ਬੰਟੀ ਬੈਂਸ ਨਾਲ ਜੁੜਿਆ ਸੀ ਨਾਂ, ਖੂਬ ਰਹੀ ਸੀ ਵਿਵਾਦਾਂ 'ਚ, ਕੀ ਤੁਸੀਂ ਪਛਾਣਿਆ?
ਆਰਤੀ ਸਿੰਘ ਕਰਵਾਉਣ ਜਾ ਰਹੀ ਵਿਆਹ!
ਬਾਲੀਵੁੱਡ ਤੋਂ ਲੈ ਕੇ ਟੀਵੀ ਜਗਤ ਦੇ ਕਈ ਸੈਲੇਬਸ ਇਸ ਸਾਲ ਵਿਆਹ ਕਰਨ ਜਾ ਰਹੇ ਹਨ। ਕਾਮੇਡੀਅਨ ਕ੍ਰਿਸ਼ਨਾ ਅਭਿਸ਼ੇਕ ਦੀ ਭੈਣ ਅਤੇ ਅਭਿਨੇਤਰੀ ਆਰਤੀ ਸਿੰਘ ਦਾ ਨਾਂ ਵੀ ਇਸ ਸੂਚੀ 'ਚ ਜੁੜਦਾ ਨਜ਼ਰ ਆ ਰਿਹਾ ਹੈ। ਦਰਅਸਲ, ਜਲਦ ਹੀ ਅਦਾਕਾਰਾ ਦੇ ਆਪਣੇ ਬੁਆਏਫ੍ਰੈਂਡ ਦੀਪਕ ਨਾਲ ਵਿਆਹ ਦੀਆਂ ਖਬਰਾਂ ਸੁਰਖੀਆਂ 'ਚ ਹਨ। ਹਿੰਦੁਸਤਾਨ ਟਾਈਮਜ਼ ਦੀ ਇੱਕ ਰਿਪੋਰਟ ਮੁਤਾਬਕ ਟੀਵੀ ਅਦਾਕਾਰਾ ਆਰਤੀ ਸਿੰਘ ਆਪਣੇ ਬੁਆਏਫ੍ਰੈਂਡ ਦੀਪਕ ਚੌਹਾਨ ਨਾਲ ਅਪ੍ਰੈਲ ਜਾਂ ਮਈ ਮਹੀਨੇ ਵਿੱਚ ਵਿਆਹ ਕਰ ਸਕਦੀ ਹੈ। ਖਬਰਾਂ ਹਨ ਕਿ ਅਭਿਨੇਤਰੀ ਆਪਣੇ ਵਿਆਹ ਦੇ ਸਥਾਨ ਦੀ ਖੋਜ ਕਰ ਰਹੀ ਹੈ ਅਤੇ ਡੈਸਟੀਨੇਸ਼ਨ ਵੈਡਿੰਗ ਦੀ ਬਜਾਏ ਮੁੰਬਈ ਵਿੱਚ ਸ਼ਾਨਦਾਰ ਵਿਆਹ ਕਰਨ ਬਾਰੇ ਸੋਚ ਰਹੀ ਹੈ।
View this post on Instagram
ਆਰਤੀ ਸਿੰਘ ਕਰੇਗੀ ਬੈਚਲਰ ਪਾਰਟੀ!
ਖਬਰਾਂ ਮੁਤਾਬਕ ਆਰਤੀ ਸਿੰਘ ਸ਼ਾਨਦਾਰ ਵਿਆਹ ਕਰਵਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਉਹ ਆਪਣੇ ਵਿਆਹ ਦੇ ਹਰ ਪਲ ਦਾ ਆਨੰਦ ਲੈਣਾ ਚਾਹੁੰਦੀ ਹੈ ਅਤੇ ਉਸ ਦੇ ਵਿਆਹ ਦੀ ਯੋਜਨਾ ਵਿੱਚ ਇੱਕ ਬੈਚਲਰ ਪਾਰਟੀ ਵੀ ਸ਼ਾਮਲ ਹੈ। ਰਿਪੋਰਟ ਮੁਤਾਬਕ ਅਦਾਕਾਰਾ ਦੇ ਵਿਆਹ 'ਚ ਟੀਵੀ ਤੋਂ ਲੈ ਕੇ ਬਾਲੀਵੁੱਡ ਇੰਡਸਟਰੀ ਦੀਆਂ ਕਈ ਮਸ਼ਹੂਰ ਹਸਤੀਆਂ ਦੇ ਆਉਣ ਦੀ ਉਮੀਦ ਹੈ।
ਆਰਤੀ ਸਿੰਘ ਵਰਕ ਫਰੰਟ
ਆਰਤੀ ਸਿੰਘ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਅਭਿਨੇਤਰੀ ਕਈ ਟੀਵੀ ਸੀਰੀਅਲਾਂ ਵਿੱਚ ਕੰਮ ਕਰ ਚੁੱਕੀ ਹੈ। ਉਹ 'ਸਸੁਰਾਲ ਸਿਮਰ ਕਾ' ਤੋਂ 'ਉਡਾਨ' ਵਰਗੇ ਸੀਰੀਅਲਾਂ 'ਚ ਨਜ਼ਰ ਆ ਚੁੱਕੀ ਹੈ। ਆਰਤੀ ਸਿੰਘ ਨੂੰ ਸਲਮਾਨ ਖਾਨ ਦੇ ਸਭ ਤੋਂ ਵਿਵਾਦਿਤ ਸ਼ੋਅ 'ਬਿੱਗ ਬੌਸ 13' ਵਿੱਚ ਵੀ ਦੇਖਿਆ ਗਿਆ ਸੀ ਅਤੇ ਉਸਨੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਅਦਾਕਾਰਾ ਨੇ ਕਈ ਸਾਲਾਂ ਬਾਅਦ ਟੀਵੀ ਸ਼ੋਅ 'ਸ਼ਰਵਣੀ' ਨਾਲ ਇੱਕ ਵਾਰ ਫਿਰ ਵਾਪਸੀ ਕੀਤੀ ਹੈ। ਇਸ ਸੀਰੀਅਲ 'ਚ ਉਹ ਨੈਗੇਟਿਵ ਰੋਲ 'ਚ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ: ਪੂਨਮ ਪਾਂਡੇ ਦੀ ਮੌਤ ਤੋਂ ਬਾਅਦ ਉਸ ਦੀ ਆਖਰੀ ਪੋਸਟ ਵਾਇਰਲ, ਵੀਡੀਓ 'ਚ ਇਸ ਹਾਲ 'ਚ ਨਜ਼ਰ ਆਈ ਸੀ ਅਦਾਕਾਰਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
