![ABP Premium](https://cdn.abplive.com/imagebank/Premium-ad-Icon.png)
Kartik Aryan: ਕਾਰਤਿਕ ਆਰੀਅਨ ‘ਤੇ ਬੁਰੀ ਤਰ੍ਹਾਂ ਭੜਕੇ ਅਕਸ਼ੇ ਕੁਮਾਰ ਦੇ ਫ਼ੈਨਜ਼, ਇਹ ਹੈ ਵਜ੍ਹਾ
Akshay kumar Fans Trolling Kartik Aaryan: ਕਾਰਤਿਕ ਆਰੀਅਨ ਨੇ ਫਿਲਮ 'ਹੇਰਾ ਫੇਰੀ 3' 'ਚ ਅਕਸ਼ੈ ਕੁਮਾਰ ਦੀ ਜਗ੍ਹਾ ਲਈ ਹੈ। ਇਸ ਖਬਰ ਦੇ ਆਉਣ ਤੋਂ ਬਾਅਦ ਅੱਕੀ ਦੇ ਪ੍ਰਸ਼ੰਸਕਾਂ ਦਾ ਗੁੱਸਾ ਭੜਕ ਗਿਆ ਹੈ।
![Kartik Aryan: ਕਾਰਤਿਕ ਆਰੀਅਨ ‘ਤੇ ਬੁਰੀ ਤਰ੍ਹਾਂ ਭੜਕੇ ਅਕਸ਼ੇ ਕੁਮਾਰ ਦੇ ਫ਼ੈਨਜ਼, ਇਹ ਹੈ ਵਜ੍ਹਾ akshay-kumar-fans-are-trolling-kartik-aaryan-and-want-him-to-be-away-from-the-film-hera-pheri-3 Kartik Aryan: ਕਾਰਤਿਕ ਆਰੀਅਨ ‘ਤੇ ਬੁਰੀ ਤਰ੍ਹਾਂ ਭੜਕੇ ਅਕਸ਼ੇ ਕੁਮਾਰ ਦੇ ਫ਼ੈਨਜ਼, ਇਹ ਹੈ ਵਜ੍ਹਾ](https://feeds.abplive.com/onecms/images/uploaded-images/2022/11/12/204d6278328d0ba663f1c572a963b4291668248613657469_original.jpg?impolicy=abp_cdn&imwidth=1200&height=675)
Kartik Aaryan Hera Pheri 3: ਫਿਲਮ 'ਹੇਰਾ ਫੇਰੀ' ਨੇ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤੀ ਹੈ। ਇਸ ਫਿਲਮ 'ਚ ਪਰੇਸ਼ ਰਾਵਲ, ਅਕਸ਼ੈ ਕੁਮਾਰ ਅਤੇ ਸੁਨੀਲ ਸ਼ੈੱਟੀ ਦੀ ਤਿਕੜੀ ਨੂੰ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ ਸੀ। ਹੁਣ ਇਨ੍ਹੀਂ ਦਿਨੀਂ 'ਹੇਰਾ ਫੇਰੀ 3' ਨੂੰ ਲੈ ਕੇ ਕਾਫੀ ਚਰਚਾ ਹੋ ਰਹੀ ਹੈ। ਦੂਜੇ ਪਾਸੇ ਪਰੇਸ਼ ਰਾਵਲ ਨੇ ਸੋਸ਼ਲ ਮੀਡੀਆ 'ਤੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ 'ਹੇਰਾ ਫੇਰੀ 3' 'ਚ ਕਾਰਤਿਕ ਆਰੀਅਨ ਨਜ਼ਰ ਆਉਣਗੇ। ਇਹ ਗੱਲ ਸਾਹਮਣੇ ਆਉਣ ਤੋਂ ਬਾਅਦ ਲੋਕਾਂ ਨੇ ਕਿਆਸ ਲਗਾਉਣਾ ਸ਼ੁਰੂ ਕਰ ਦਿੱਤਾ ਕਿ ਕਾਰਤਿਕ ਅਕਸ਼ੇ ਨੂੰ ਰਿਪਲੇਸ ਕਰਨ ਜਾ ਰਹੇ ਹਨ। ਇਸ ਖਬਰ ਦੇ ਆਉਣ ਤੋਂ ਬਾਅਦ ਅੱਕੀ ਦੇ ਪ੍ਰਸ਼ੰਸਕ ਭੜਕ ਗਏ ਹਨ ਅਤੇ ਉਹ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਕਾਰਤਿਕ ਦੀ ਆਲੋਚਨਾ ਕਰ ਰਹੇ ਹਨ।
ਕਾਰਤਿਕ ਆਰੀਅਨ 'ਤੇ ਭੜਕੇ ਅਕਸ਼ੇ ਕੁਮਾਰ ਦੇ ਪ੍ਰਸ਼ੰਸਕ
ਤੁਹਾਨੂੰ ਦੱਸ ਦੇਈਏ ਕਿ ਇੱਕ ਦਿਨ ਪਹਿਲਾਂ ਇੱਕ ਪ੍ਰਸ਼ੰਸਕ ਨੇ ਪਰੇਸ਼ ਰਾਵਲ ਨੂੰ ਪੁੱਛਿਆ, '@SirPareshRawal ਸਰ ਕੀ ਇਹ ਸੱਚ ਹੈ ਕਿ ਕਾਰਤਿਕ ਆਰੀਅਨ 'ਹੇਰਾ ਫੇਰੀ 3' ਕਰ ਰਹੇ ਹਨ?' ਇਸ 'ਤੇ ਦਿੱਗਜ ਅਦਾਕਾਰ ਨੇ ਜਵਾਬ ਦਿੱਤਾ, 'ਹਾਂ ਇਹ ਸੱਚ ਹੈ।' ਹੁਣ ਇਸ ਗੱਲ ਨੇ ਅਕਸ਼ੈ ਕੁਮਾਰ ਦੇ ਸਾਰੇ ਪ੍ਰਸ਼ੰਸਕਾਂ ਨੂੰ ਪਰੇਸ਼ਾਨ ਕਰ ਦਿੱਤਾ ਹੈ।
ਹੇਰਾ ਫੇਰੀ 3 ਵਿੱਚ ਨਜ਼ਰ ਆਉਣਗੇ ਕਾਰਤਿਕ ਆਰੀਅਨ
ਕੁਝ ਦਿਨ ਪਹਿਲਾਂ ਅਜਿਹੀਆਂ ਖਬਰਾਂ ਆਈਆਂ ਸਨ ਕਿ ਅਕਸ਼ੇ ਕੁਮਾਰ 'ਹੇਰਾ ਫੇਰੀ', 'ਆਵਾਰਾ ਪਾਗਲ ਦੀਵਾਨਾ' ਅਤੇ 'ਵੈਲਕਮ' ਫ੍ਰੈਂਚਾਇਜ਼ੀਜ਼ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ ਅਤੇ ਹੁਣ ਕਾਰਤਿਕ ਦੇ 'ਹੇਰਾ ਫੇਰੀ 3' ਦਾ ਹਿੱਸਾ ਬਣਨ ਦੀ ਖਬਰ ਜ਼ਰੂਰ ਸਾਹਮਣੇ ਆਈ ਹੈ। ਅੱਕੀ ਦੇ ਪ੍ਰਸ਼ੰਸਕ ਹੈਰਾਨ ਅਤੇ ਗੁੱਸੇ ਵਿੱਚ ਹਨ। ਅਕਸ਼ੇ ਕੁਮਾਰ ਦੇ ਇੱਕ ਪ੍ਰਸ਼ੰਸਕ ਨੇ ਟਵੀਟ ਕੀਤਾ, "ਸੁਣੋ ਕਾਰਤਿਕ ਆਰੀਅਨ, ਹੇਰਾ ਫੇਰੀ ਵੱਲ ਅੱਖ ਚੁੱਕ ਕੇ ਵੀ ਨਹੀਂ ਦੇਖਣਾ। ਹੇਰਾ ਫੇਰੀ ਸਿਰਫ਼ ਅਕਸ਼ੇ ਕੁਮਾਰ ਦੀ ਹੈ। ਤੂੰ ਆਪਣੇ ਦਮ ‘ਤੇ ਆਪਣੀ ਪਹਿਚਾਣ ਬਣਾ। ਸਾਡੇ ਅਕਸ਼ੇ ਸਰ ਦੀਆਂ ਸਾਰੀਆਂ ਫ਼ਿਲਮਾਂ ਦਾ ਸੀਕੁਅਲ ਬਣਾ ਕੇ ਤੂੰ ਉਨ੍ਹਾਂ ਫ਼ਿਲਮਾਂ ਨੂੰ ਖਰਾਬ ਕਰ ਰਿਹਾ ਹੈਂ।"
ਤੁਹਾਨੂੰ ਦੱਸ ਦੇਈਏ ਕਿ ਕਾਰਤਿਕ ਆਰੀਅਨ ਇਸ ਸਾਲ 'ਭੂਲ ਭੁਲਾਇਆ 2' 'ਚ ਨਜ਼ਰ ਆਏ ਸਨ ਜੋ ਬਾਕਸ ਆਫਿਸ 'ਤੇ ਸੁਪਰਹਿੱਟ ਰਹੀ ਸੀ। 'ਭੂਲ ਭੁਲਾਈਆ' ਦੇ ਪਹਿਲੇ ਭਾਗ 'ਚ ਅਕਸ਼ੈ ਕੁਮਾਰ ਨੇ ਕੰਮ ਕੀਤਾ ਸੀ ਅਤੇ ਸਭ ਨੇ ਸੋਚਿਆ ਸੀ ਕਿ ਸ਼ਾਇਦ ਅਕਸ਼ੈ ਸੀਕਵਲ 'ਚ ਵੀ ਨਜ਼ਰ ਆਉਣਗੇ। ਹੁਣ ਇਸ ਫਿਲਮ ਤੋਂ ਬਾਅਦ 'ਹੇਰਾ ਫੇਰੀ 3' 'ਚ ਕਾਰਤਿਕ ਆਰੀਅਨ ਦੀ ਐਂਟਰੀ ਅਕਸ਼ੈ ਕੁਮਾਰ ਦੇ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ ਕਰੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)