ਡੈਬਿਊ ਤੋਂ ਪਹਿਲਾਂ ਹੀ ਅੰਕਿਤਾ ਨੇ ਮਚਾਇਆ ਤਹਿਲਕਾ

ਮੁੰਬਈ: ਟੀਵੀ ਐਕਟਰ ਅੰਕਿਤਾ ਲੋਖੰਡੇ ਜਲਦੀ ਹੀ ਕੰਗਨਾ ਰਨੌਤ ਨਾਲ ਫ਼ਿਲਮ ‘ਮਣੀਕਰਨੀਕਾ’ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕਰਨ ਵਾਲੀ ਹੈ। ਆਪਣੀ ਇਸ ਫ਼ਿਲਮ ਨੂੰ ਲੈ ਕੇ ਅੰਕਿਤਾ ਕਾਫੀ ਉਤਸ਼ਾਹਤ ਵੀ ਹੈ। ਹੋਵੇ ਵੀ ਕਿਉਂ ਨਾ ਅੰਕਿਤਾ ਦੀ ਇਹ ਪਹਿਲੀ ਫ਼ਿਲਮ ਜੋ ਹੈ। ਉਂਝ ਅੰਕਿਤਾ ਸੋਸ਼ਲ ਮੀਡੀਆ ਇੰਸਟਾਗ੍ਰਾਮ ‘ਤੇ ਕਾਫੀ ਐਕਟਿਵ ਵੀ ਹੈ ਤੇ ਆਏ ਦਿਨ ਉਹ ਆਪਣੀਆਂ ਕੁਝ ਗਲੈਮਰਸ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ। ਅੰਕਿਤਾ ਫ਼ਿਲਮ ਦੀ ਸ਼ੂਟਿੰਗ ਦੇ ਨਾਲ ਹੀ ਕਾਫੀ ਗਲੈਮਰਸ ਫੋਟੋਸ਼ੂਟ ਵੀ ਕਰਵਾ ਰਹੀ ਹੈ ਜਿਨ੍ਹਾਂ ਵਿੱਚੋਂ ਉਸ ਦਾ ਇੱਕ ਫੋਟੋਸ਼ੂਟ ਸਾਹਮਣੇ ਆਇਆ ਹੈ। ਇਸ ਨੂੰ ਵੀ ਅੰਕਿਤਾ ਨੇ ਹੀ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਕੁਝ ਘੰਟੇ ਪਹਿਲਾਂ ਸ਼ੇਅਰ ਕੀਤੀਆਂ ਤਸਵੀਰਾਂ ਨੂੰ 30 ਹਜ਼ਾਰ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ। ਅੰਕਿਤਾ ਦਾ ਲੁੱਕ ਵੀ ਫੈਨਸ ‘ਚ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਨ੍ਹਾਂ ਤਸਵੀਰਾਂ ‘ਚ ਅੰਕਿਤਾ ਵਾਈਟ ਡ੍ਰੈਸ ਦੇ ਨਾਲ ਸਿਰਫ ਇੰਨਰਵੀਅਰ ‘ਚ ਨਜ਼ਰ ਆ ਰਹੀ ਹੈ। ‘ਮਣੀਕਰਨੀਕਾ’ ‘ਚ ਅੰਕਿਤਾ ‘ਝਲਕਾਰੀ ਬਾਈ’ ਦੇ ਰੋਲ ‘ਚ ਨਜ਼ਰ ਆਵੇਗੀ। ਝਲਕਾਰੀ ਬਾਈ ਰਾਣੀ ਲਕਸ਼ਮੀ ਬਾਈ ਦੀ ਸੈਨਾ ‘ਚ ਸ਼ਾਮਲ ਸੀ। ਇਸ ਤੋਂ ਪਹਿਲਾਂ ਹੀ ਅੰਕਿਤਾ ਦਾ ਗਲੈਮਰਸ ਅੰਦਾਜ਼ ਲੋਕਾਂ ਦਾ ਦਿਲ ਜਿੱਤ ਰਿਹਾ ਹੈ। ਇਸ ਤੋਂ ਬਾਅਦ ਖ਼ਬਰਾਂ ਨੇ ਕਿ ਅੰਕਿਤਾ ਜਲਦੀ ਹੀ ਸੰਜੇ ਦੱਤ ਦੀ ਫ਼ਿਲਮ ‘ਚ ਵੀ ਪੁਲਿਸ ਦਾ ਰੋਲ ਅਦਾ ਕਰ ਸਕਦੀ ਹੈ। ਇਸ ਤੋਂ ਪਹਿਲਾਂ ਅੰਕਿਤਾ ਟੀਵੀ ਸੀਰੀਅਲ ‘ਪਵਿਤਰ ਰਿਸ਼ਤਾ’ ‘ਚ ਨਜ਼ਰ ਆ ਚੁੱਕੀ ਹੈ।