Arman Malik: ਅਰਮਾਨ ਮਲਿਕ ਦੀਆਂ ਦੋਵੇਂ ਪਤਨੀਆਂ ਦੀ ਗੋਦ ਭਰਾਈ ਦੇ ਦਿਨ ਹੋਈ ਸੀ ਜ਼ਬਰਦਸਤ ਲੜਾਈ, ਵੀਡੀਓ ਆਇਆ ਸਾਹਮਣੇ

Arman Malik Wives Baby Shower: ਅਰਮਾਨ ਮਲਿਕ ਦੀਆਂ ਦੋਵੇਂ ਪਤਨੀਆਂ ਗਰਭਵਤੀ ਹਨ ਅਤੇ ਜਲਦ ਹੀ ਉਨ੍ਹਾਂ ਦੇ ਘਰ ਖੁਸ਼ਖਬਰੀ ਆਉਣ ਵਾਲੀ ਹੈ ਪਰ ਹਾਲ ਹੀ 'ਚ ਹੋਏ ਬੇਬੀ ਸ਼ਾਵਰ ਸਮਾਰੋਹ 'ਚ ਕਾਫੀ ਹੰਗਾਮਾ ਹੋਇਆ ਸੀ।

ਅਰਮਾਨ ਮਲਿਕ ਦੀਆਂ ਦੋਵੇਂ ਪਤਨੀਆਂ ਦੀ ਗੋਦ ਭਰਾਈ ਦੇ ਦਿਨ ਹੋਈ ਸੀ ਜ਼ਬਰਦਸਤ ਲੜਾਈ, ਵੀਡੀਓ ਆਇਆ ਸਾਹਮਣੇ

Arman Malik Wives Fighting: ਆਮ ਤੌਰ 'ਤੇ ਮਰਦ ਸ਼ਿਕਾਇਤ ਕਰਦੇ ਹਨ ਕਿ ਉਹ ਪਤਨੀ ਨੂੰ ਸੰਭਾਲਣ ਵਿੱਚ ਅਸਮਰੱਥ ਹਨ। ਪਰ ਯੂਟਿਊਬਰ ਅਰਮਾਨ ਮਲਿਕ ਨੂੰ ਦੇਖੋ, ਜੋ ਇੱਕ ਛੱਤ ਹੇਠ ਦੋ ਪਤਨੀਆਂ ਨਾਲ ਐਸ਼ੋ-ਆਰਾਮ ਨਾਲ ਰਹਿੰਦਾ ਹੈ। ਇਸ ਦੇ ਨਾਲ ਹੀ ਦੋਵੇਂ ਪਤਨੀਆਂ ਗਰਭਵਤੀ ਹਨ ਅਤੇ ਜਲਦ ਹੀ ਉਨ੍ਹਾਂ ਦੇ ਘਰ ਖੁਸ਼ਖਬਰੀ ਆਉਣ ਵਾਲੀ ਹੈ ਪਰ ਹਾਲ ਹੀ 'ਚ ਹੋਏ ਬੇਬੀ ਸ਼ਾਵਰ ਸਮਾਰੋਹ 'ਚ ਕਾਫੀ ਹੰਗਾਮਾ ਹੋਇਆ ਸੀ। ਸਮਾਰੋਹ ਤੋਂ ਪਹਿਲਾਂ ਅਰਮਾਨ ਦੀਆਂ ਦੋ ਪਤਨੀਆਂ ਕ੍ਰਿਤਿਕਾ ਅਤੇ ਪਾਇਲ ਆਪਸ ਵਿੱਚ ਭਿੜ ਗਈਆਂ ਅਤੇ ਫਿਰ ਦੋਵਾਂ ਨੇ ਇੱਕ ਦੂਜੇ ਉੱਤੇ ਆਪਣਾ ਗੁੱਸਾ ਕੱਢਿਆ। ਦੱਸ ਦਈਏ ਕਿ ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਜ਼ਿਆਦਾ ਵਾਇਰਲ ਹੋ ਰਹੀ ਹੈ।

ਪਾਇਲ ਅਤੇ ਕ੍ਰਿਤਿਕਾ ਵਿਚਕਾਰ ਲੜਾਈ
ਅਰਮਾਨ ਮਲਿਕ ਆਪਣੇ ਘਰ 'ਚ ਹੋਣ ਵਾਲੀ ਹਰ ਘਟਨਾ 'ਤੇ ਵਲੌਗ ਸ਼ੇਅਰ ਕਰਦੇ ਹਨ, ਜਦਕਿ ਮਲਿਕ ਦੇ ਬੇਟੇ ਚਿਰਾਯੂ ਮਲਿਕ ਦਾ ਆਪਣਾ ਯੂਟਿਊਬ ਚੈਨਲ ਵੀ ਹੈ। ਚਿਰਾਯੂ ਨੇ ਆਪਣੀਆਂ ਦੋ ਮਾਵਾਂ ਵਿਚਕਾਰ ਹਾਲ ਹੀ ਵਿੱਚ ਹੋਈ ਲੜਾਈ ਦਾ ਵੀਡੀਓ ਸਾਂਝਾ ਕੀਤਾ ਹੈ। ਦਰਅਸਲ, ਬੇਬੀ ਸ਼ਾਵਰ ਦੀ ਰਸਮ ਲਈ ਖਾਸ ਤੌਰ 'ਤੇ ਤਿਆਰ ਕੀਤੇ ਗਏ ਪਾਇਲ, ਕ੍ਰਿਤਿਕਾ ਅਤੇ ਅਰਮਾਨ ਨੇ ਇਕ ਖਾਸ ਫੋਟੋਸ਼ੂਟ ਕਰਵਾਉਣਾ ਸੀ, ਪਰ ਕ੍ਰਿਤਿਕਾ ਨੇ ਤਿਆਰ ਹੋਣ 'ਚ ਕਾਫੀ ਸਮਾਂ ਲੈ ਲਿਆ, ਜਿਸ ਕਾਰਨ ਪਾਇਲ ਨੇ ਗੁੱਸੇ 'ਚ ਆ ਕੇ ਸਾਰਿਆਂ ਦੇ ਸਾਹਮਣੇ ਗੋਲੂ ਯਾਨੀ ਕ੍ਰਿਤਿਕਾ ਨੂੰ ਮਾਰਿਆ ਤੇ ਨਾਲ ਹੀ ਖੂਬ ਖਰੀਆਂ ਖੋਟੀਆਂ ਸੁਣਾਈਆਂ। ਇਸ ਤੋਂ ਬਾਅਦ ਕ੍ਰਿਤੀਕਾ ਨੇ ਵੀ ਪਾਇਲ 'ਤੇ ਪਲਟਵਾਰ ਕੀਤਾ। ਇਸ ਦੇ ਨਾਲ ਹੀ ਹੱਦ ਹੋ ਗਈ ਜਦੋਂ ਪਾਇਲ ਨੇ ਗੁੱਸੇ 'ਚ ਲਹਿੰਗਾ ਦੀ ਚੁੰਨੀ ਉਤਾਰ ਕੇ ਸੁੱਟ ਦਿੱਤੀ ਅਤੇ ਫੋਟੋਸ਼ੂਟ ਤੋਂ ਇਨਕਾਰ ਕਰ ਦਿੱਤਾ।

ਹਾਂ.... ਇਹ ਸਭ ਮਜ਼ਾਕ ਸੀ। ਵੀਡੀਓ ਦੇ ਅੰਤ 'ਚ ਪਤਾ ਚੱਲਦਾ ਹੈ ਕਿ ਦੋਵਾਂ ਨੇ ਇਸ ਵੀਡੀਓ ਨੂੰ ਖਾਸ ਪ੍ਰਸ਼ੰਸਕਾਂ ਲਈ ਬਣਾਇਆ ਹੈ। ਦਰਅਸਲ, ਉਨ੍ਹਾਂ ਦੇ ਪ੍ਰਸ਼ੰਸਕ ਮਿਰਚ ਮਸਾਲਾ ਵੀਡੀਓ ਦੇਖਣਾ ਪਸੰਦ ਕਰਦੇ ਹਨ। ਇਹੀ ਕਾਰਨ ਹੈ ਕਿ ਦੋਵਾਂ ਨੇ ਵੀਡੀਓ ਬਣਾਇਆ ਹੈ। ਉਂਝ ਇਸ ਤੋਂ ਪਹਿਲਾਂ ਅਰਮਾਨ ਮਲਿਕ ਦੇ ਤੀਜੇ ਵਿਆਹ ਦਾ ਪ੍ਰੈਂਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਸੀ, ਜਿਸ 'ਚ ਉਹ ਆਪਣੀ ਤੀਜੀ ਲਾੜੀ ਦੇ ਨਾਲ ਦੋ ਪਤਨੀਆਂ ਦੇ ਸਾਹਮਣੇ ਪਹੁੰਚਿਆ ਸੀ ਅਤੇ ਘਰ 'ਚ ਕਾਫੀ ਡਰਾਮਾ ਹੋਇਆ ਸੀ।