'ਕਿਵੇਂ ਚੱਲ ਰਿਹਾ ਹੈ ਵਿਆਹ?' ਸਲਮਾਨ ਖਾਨ ਨੇ ਰੁਬੀਨਾ ਨੂੰ ਵਿਆਹੁਤਾ ਜੀਵਨ 'ਤੇ ਪੁੱਛਿਆ ਸਵਾਲ, ਤਾਂ ਮਿਲਿਆ ਇਹ ਜਵਾਬ

Salman Khan On Rubina Dilaik Married Life: ਮਸ਼ਹੂਰ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 16' ਦੀ ਮੇਜ਼ਬਾਨੀ ਕਰ ਰਹੇ ਸਲਮਾਨ ਖਾਨ ਨੇ ਹਾਲ ਹੀ 'ਚ 'ਝਲਕ ਦਿਖਲਾ ਜਾ 10' 'ਚ ਆਪਣੇ ਡਾਂਸ ਨਾਲ ਸਾਰਿਆਂ ਨੂੰ ਕਾਇਲ ਕਰਨ ਵਾਲੀ ਰੁਬੀਨਾ ਦਿਲਾਇਕ ਨੂੰ ਵਧਾਈ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਵਿਆਹੁਤਾ ਜ਼ਿੰਦਗੀ 'ਤੇ ਸਵਾਲ ਕੀਤੇ।

'ਕਿਵੇਂ ਚੱਲ ਰਿਹਾ ਹੈ ਵਿਆਹ?' ਸਲਮਾਨ ਖਾਨ ਨੇ ਰੁਬੀਨਾ ਨੂੰ ਵਿਆਹੁਤਾ ਜੀਵਨ 'ਤੇ ਪੁੱਛਿਆ ਸਵਾਲ, ਤਾਂ ਮਿਲਿਆ ਇਹ ਜਵਾਬ

Salman Khan On Rubina Dilaik Married Life: ਮਸ਼ਹੂਰ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 16' ਦੀ ਮੇਜ਼ਬਾਨੀ ਕਰ ਰਹੇ ਸਲਮਾਨ ਖਾਨ ਨੇ ਹਾਲ ਹੀ 'ਚ 'ਝਲਕ ਦਿਖਲਾ ਜਾ 10' 'ਚ ਆਪਣੇ ਡਾਂਸ ਨਾਲ ਸਾਰਿਆਂ ਨੂੰ ਕਾਇਲ ਕਰਨ ਵਾਲੀ ਰੁਬੀਨਾ ਦਿਲਾਇਕ (Rubina Dilaik) ਨੂੰ ਵਧਾਈ ਦਿੱਤੀ ਹੈ ਅਤੇ ਉਨ੍ਹਾਂ ਦੀ ਵਿਆਹੁਤਾ ਜ਼ਿੰਦਗੀ 'ਤੇ ਸਵਾਲ ਕੀਤੇ। ਕਲਰਜ਼ ਟੀਵੀ 'ਤੇ ਪ੍ਰਸਾਰਿਤ ਹੋਣ ਵਾਲੇ 'ਬਿੱਗ ਬੌਸ 16' ਅਤੇ 'ਝਲਕ ਦਿਖਲਾ ਜਾ 10' (Jhalak Dikhhla Jaa)  ਦਰਸ਼ਕਾਂ ਦੀ ਪ੍ਰਮੁੱਖ ਤਰਜੀਹ ਵਾਲੇ ਸੀਰੀਅਲਾਂ ਵਿੱਚੋਂ ਇੱਕ ਹਨ। ਦੋਵੇਂ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕਰਦੇ ਹਨ।

'ਝਲਕ ਦਿਖਲਾ ਜਾ 10' ਦਾ ਫਿਨਾਲੇ ਜਲਦ ਹੀ ਹੋਣ ਵਾਲਾ ਹੈ। ਵੀਕੈਂਡ ਕਾ ਵਾਰ ਵਿੱਚ, ਸਲਮਾਨ ਖਾਨ ਨੇ ਇੱਕ ਵੀਡੀਓ ਕਾਲ ਰਾਹੀਂ ਝਲਕ ਦੇ ਫਾਈਨਲਿਸਟਾਂ ਨੂੰ ਵਧਾਈ ਦਿੱਤੀ। ਇਸ ਦੌਰਾਨ ਉਹ ਬਿੱਗ ਬੌਸ ਦੀ ਸਾਬਕਾ ਪ੍ਰਤੀਯੋਗੀ ਰੁਬੀਨਾ ਦਿਲਾਇਕ ਨਾਲ ਗੱਲਬਾਤ ਕਰਦੇ ਹੋਏ ਅਤੇ ਉਨ੍ਹਾਂ ਦੇ ਵਿਆਹੁਤਾ ਜੀਵਨ ਨਾਲ ਜੁੜੇ ਸਵਾਲ ਵੀ ਪੁੱਛੇ ਗਏ। ਇਸ ਦਾ ਲੇਟੈਸਟ ਪ੍ਰੋਮੋ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤਾ ਗਿਆ ਹੈ।

ਰੁਬੀਨਾ ਦੇ ਵਿਆਹ 'ਤੇ ਸਲਮਾਨ ਖਾਨ ਦੇ ਸਵਾਲ

ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸਲਮਾਨ ਖਾਨ ਨੇ ਸਾਰੇ ਮੁਕਾਬਲੇਬਾਜ਼ਾਂ ਨਾਲ ਗੱਲ ਕੀਤੀ ਅਤੇ ਗੁੰਜਨ ਨੂੰ ਪਿਆਰ ਦਿੱਤਾ। ਸਲਮਾਨ ਨੇ ਉਨ੍ਹਾਂ ਦਾ ਹੁੱਕ ਸਟੈਪ ਵੀ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਰੁਬੀਨਾ ਨਾਲ ਗੱਲ ਕੀਤੀ ਅਤੇ ਕਿਹਾ, ''ਦਿਲਾਇਕ, ਸਾਡੀ ਬਿੱਗ ਬੌਸ ਦੇ ਜੇਤੂ ਰਹੀ ਚੁੱਕੀ ਹੈ। ਤੁਹਾਡਾ ਵਿਆਹ ਕਿਵੇਂ ਚੱਲ ਰਿਹਾ ਹੈ?" ਰੁਬੀਨਾ ਨੇ ਆਪਣੇ ਇਸ਼ਾਰੇ ਰਾਹੀਂ ਸਲਮਾਨ ਖਾਨ ਨੂੰ ਕਿਹਾ ਕਿ ਇਹ ਬਹੁਤ ਵਧੀਆ ਚੱਲ ਰਿਹਾ ਹੈ।

ਰੁਬੀਨਾ ਦਿਲਾਇਕ ਨੇ ਵਿਆਹ ਨੂੰ ਲੈ ਕੇ ਇਹ ਖੁਲਾਸਾ ਕੀਤਾ ਸੀ

ਰੁਬੀਨਾ ਦਿਲਾਇਕ 'ਬਿੱਗ ਬੌਸ 14' 'ਚ ਪਤੀ ਅਭਿਨਵ ਸ਼ੁਕਲਾ ਨਾਲ ਨਜ਼ਰ ਆ ਚੁੱਕੀ ਹੈ। ਇੱਥੇ ਅਦਾਕਾਰਾ ਨੇ ਖੁਲਾਸਾ ਕੀਤਾ ਕਿ ਸ਼ੋਅ ਵਿੱਚ ਆਉਣ ਤੋਂ ਪਹਿਲਾਂ ਉਹ ਅਤੇ ਅਭਿਨਵ ਵੱਖ ਹੋਣ ਬਾਰੇ ਸੋਚ ਰਹੇ ਸਨ। ਹਾਲਾਂਕਿ, ਜਦੋਂ ਉਨ੍ਹਾਂ ਨੂੰ ਬਿੱਗ ਬੌਸ ਦਾ ਆਫਰ ਮਿਲਿਆ ਤਾਂ ਦੋਵਾਂ ਨੇ ਆਪਣੇ ਵਿਆਹ ਨੂੰ ਇੱਕ ਹੋਰ ਮੌਕਾ ਦਿੱਤਾ ਅਤੇ ਇਹ ਸਫਲ ਰਿਹਾ। ਅਦਾਕਾਰਾ ਖੁੱਲ੍ਹ ਕੇ ਕਹਿੰਦੀ ਹੈ ਕਿ ਬਿੱਗ ਬੌਸ ਵਿੱਚ ਐਂਟਰੀ ਹੋਣ ਕਾਰਨ ਉਨ੍ਹਾਂ ਦਾ ਵਿਆਹ ਬਚ ਗਿਆ ਹੈ।

 

ਝਲਕ ਦਿਖਲਾ ਜਾ 10 ਦੇ ਫਾਈਨਲਿਸਟ

'ਝਲਕ ਦਿਖਲਾ ਜਾ 10' ਦੇ ਫਿਨਾਲੇ 'ਚ ਰੁਬੀਨਾ ਦਿਲਾਇਕ, ਗਸ਼ਮੀਰ ਮਹਾਜਨੀ, ਫੈਜ਼ਲ ਸ਼ੇਖ, ਗੁੰਜਨ ਸਿਨਹਾ, ਨਿਸ਼ਾਂਤ ਭੱਟ ਅਤੇ ਸਰਿਤੀ ਝਾਅ ਸ਼ਾਮਲ ਹਨ। ਸਾਰੇ ਮੁਕਾਬਲੇਬਾਜ਼ਾਂ ਨੇ ਆਪਣੇ-ਆਪਣੇ ਅੰਦਾਜ਼ ਵਿੱਚ ਦਰਸ਼ਕਾਂ ਅਤੇ ਜੱਜਾਂ ਦਾ ਦਿਲ ਜਿੱਤ ਲਿਆ। ਇਹ ਤਾਂ ਅੱਜ ਯਾਨੀ 27 ਨਵੰਬਰ 2022 ਨੂੰ ਹੀ ਪਤਾ ਲੱਗੇਗਾ ਕਿ ਕਿਹੜਾ ਪ੍ਰਤੀਯੋਗੀ ਇਸ ਸੀਜ਼ਨ ਦੀ ਟਰਾਫੀ ਜਿੱਤ ਸਕੇਗਾ।

ਕੌਣ ਹੋ ਸਕਦਾ ਹੈ ਜੇਤੂ ?

ਅਜਿਹੇ 'ਚ 'ਝਲਕ ਦਿਖਲਾ ਜਾ 10' ਦੇ ਗਸ਼ਮੀਰ ਮਹਾਜਨੀ ਅਤੇ ਰੁਬੀਨਾ ਦਿਲਾਇਕ 'ਚੋਂ ਇੱਕ ਮੁਕਾਬਲੇਬਾਜ਼ ਨੂੰ ਵਿਜੇਤਾ ਕਿਹਾ ਜਾ ਰਿਹਾ ਹੈ। ਹਾਲਾਂਕਿ ਸੋਸ਼ਲ ਮੀਡੀਆ 'ਤੇ ਅਜਿਹੀਆਂ ਖਬਰਾਂ ਆ ਰਹੀਆਂ ਹਨ ਕਿ ਗੁੰਜਨ ਸਿਨਹਾ ਨੇ ਸੀਜ਼ਨ ਦੀ ਟਰਾਫੀ ਜਿੱਤ ਲਈ ਹੈ। ਇਨ੍ਹਾਂ ਖਬਰਾਂ 'ਤੇ ਪ੍ਰਸ਼ੰਸਕ ਕਾਫੀ ਨਾਰਾਜ਼ ਹਨ, ਕਿਉਂਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਰੁਬੀਨਾ ਦਿਲਾਇਕ ਨੂੰ 60 ਫੀਸਦੀ ਵੋਟ ਮਿਲੇ ਹਨ। ਫਿਲਹਾਲ ਇਹ ਤਾਂ ਫਾਈਨਲ 'ਚ ਹੀ ਪਤਾ ਲੱਗੇਗਾ ਕਿ ਕੌਣ ਜੇਤੂ ਹੋਵੇਗਾ।