Ankita Lokhande: ਅੰਕਿਤਾ ਲੋਖੰਡੇ ਤੋਂ ਹਾਲੇ ਤੱਕ ਨਾਰਾਜ਼ ਹੈ ਸੱਸ, ਅਦਾਕਾਰਾ ਨੂੰ ਦਿੱਤੀ ਹਦਾਇਤ, ਬੋਲੀ- 'ਅਜਿਹੇ ਸ਼ੋਅ ਨਹੀਂ ਜਾਣਾ, ਜਿੱਥੇ ਪਰਿਵਾਰ...'
Ankita Lokhande News: ਅੰਕਿਤਾ ਲੋਖੰਡੇ ਬਿੱਗ ਬੌਸ 17 ਨਾਲ ਲਾਈਮਲਾਈਟ ਵਿੱਚ ਆਈ ਸੀ। ਅੰਕਿਤਾ ਦੀ ਸੱਸ ਰੰਜਨਾ ਜੈਨ ਵੀ ਇਸ ਸ਼ੋਅ ਕਾਰਨ ਸੁਰਖੀਆਂ 'ਚ ਰਹੀ। ਰੰਜਨਾ ਨੇ ਅੰਕਿਤਾ ਖਿਲਾਫ ਕੁਝ ਅਜਿਹੇ ਬਿਆਨ ਦਿੱਤੇ ਸਨ, ਜੋ ਖਬਰਾਂ 'ਚ ਬਣੇ ਰਹੇ।
Ankita Lokhande News: ਪਵਿੱਤਰ ਰਿਸ਼ਤਾ ਫੇਮ ਅਦਾਕਾਰਾ ਅੰਕਿਤਾ ਲੋਖੰਡੇ ਸ਼ੋਅ ਬਿੱਗ ਬੌਸ 17 ਵਿੱਚ ਨਜ਼ਰ ਆਈ ਸੀ। ਟੌਪ 5 ਵਿੱਚ ਪਹੁੰਚਣ ਦੇ ਬਾਵਜੂਦ, ਅਦਾਕਾਰਾ ਆਪਣੀ ਸੱਸ ਰੰਜਨਾ ਜੈਨ ਨੂੰ ਪ੍ਰਭਾਵਿਤ ਨਹੀਂ ਕਰ ਸਕੀ। ਸ਼ੋਅ ਦੇ ਫਿਨਾਲੇ ਐਪੀਸੋਡ 'ਚ ਵੀ ਰੰਜਨਾ ਜੈਨ ਨੇ ਅੰਕਿਤਾ ਬਾਰੇ ਕਈ ਅਜਿਹੀਆਂ ਗੱਲਾਂ ਕਹੀਆਂ, ਜਿਸ ਕਾਰਨ ਰੰਜਨਾ ਜੈਨ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਅੰਕਿਤਾ ਲੋਖੰਡੇ ਨੇ ਆਪਣੇ ਪਤੀ ਵਿੱਕੀ ਜੈਨ ਨਾਲ ਬਿੱਗ ਬੌਸ ਵਿੱਚ ਐਂਟਰੀ ਕੀਤੀ ਸੀ। ਇਸ ਸ਼ੋਅ 'ਚ ਦੋਵਾਂ ਵਿਚਾਲੇ ਪਿਆਰ ਤੋਂ ਜ਼ਿਆਦਾ ਝਗੜੇ ਦੇਖਣ ਨੂੰ ਮਿਲੇ। ਹਾਲਾਂਕਿ, ਸ਼ੋਅ ਛੱਡਣ ਤੋਂ ਬਾਅਦ ਅੰਕਿਤਾ ਅਤੇ ਵਿੱਕੀ ਨੇ ਆਪਣੇ ਰਿਸ਼ਤੇ ਨੂੰ ਸੁਲਝਾ ਲਿਆ। ਪਰ ਸ਼ੋਅ ਦੌਰਾਨ ਅੰਕਿਤਾ ਵਿੱਕੀ ਨੂੰ ਮਜ਼ਾਕ ਉਡਾਉਂਦੇ ਹੋਏ ਅਤੇ ਚੱਪਲਾਂ ਸੁੱਟਦੀ ਨਜ਼ਰ ਆਈ। ਅਤੇ ਵਿੱਕੀ ਦੀ ਮਾਂ ਯਾਨੀ ਅੰਕਿਤਾ ਦੀ ਸੱਸ ਰੰਜਨਾ ਲੋਖੰਡੇ ਨੂੰ ਇਹ ਬਿਲਕੁਲ ਪਸੰਦ ਨਹੀਂ ਸੀ।
ਅੰਕਿਤਾ ਤੋਂ ਨਾਰਾਜ਼ ਸੀ ਸੱਸ
ਉਸ ਨੇ ਸ਼ੋਅ 'ਚ ਆ ਕੇ ਅੰਕਿਤਾ ਨੂੰ ਇਸ ਗੱਲ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ। ਉਸ ਨੇ ਇਹ ਵੀ ਕਿਹਾ ਸੀ ਕਿ ਜਦੋਂ ਅਜਿਹਾ ਹੋਇਆ ਤਾਂ ਵਿੱਕੀ ਦੇ ਪਿਤਾ ਨੇ ਤੇਰੀ ਮਾਂ ਨੂੰ ਫੋਨ ਕਰਕੇ ਪੁੱਛਿਆ ਸੀ ਕਿ ਕੀ ਤੂੰ ਵੀ ਆਪਣੇ ਪਤੀ ਨੂੰ ਇਸ ਤਰ੍ਹਾਂ ਮਾਰਦੀ ਸੀ। ਅੰਕਿਤਾ ਨੂੰ ਇਹ ਗੱਲ ਪਸੰਦ ਨਹੀਂ ਆਈ ਅਤੇ ਉਸ ਨੇ ਆਪਣੀ ਸੱਸ ਨੂੰ ਰੋਕਦਿਆਂ ਕਿਹਾ ਕਿ ਤੁਸੀਂ ਜੋ ਵੀ ਕਹਿਣਾ ਚਾਹੁੰਦੇ ਹੋ, ਮੈਨੂੰ ਕਹਿ ਸਕਦੇ ਹੋ ਅਤੇ ਮੇਰੇ ਮਾਤਾ-ਪਿਤਾ ਨੂੰ ਕੁੱਝ ਨਹੀਂ ਕਹਿਣਾ।
ਫਿਰ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਵਿੱਕੀ ਦੀ ਮਾਂ ਨੇ ਅੰਕਿਤਾ ਖਿਲਾਫ ਕਈ ਗੱਲਾਂ ਕਹੀਆਂ। ਉਨ੍ਹਾਂ ਨੇ ਇੱਥੋਂ ਤੱਕ ਕਿਹਾ ਕਿ ਉਹ ਅੰਕਿਤਾ ਅਤੇ ਵਿੱਕੀ ਦੇ ਵਿਆਹ ਤੋਂ ਖੁਸ਼ ਨਹੀਂ ਹਨ।
ਇਸ ਤੋਂ ਬਾਅਦ ਜਦੋਂ ਰੰਜਨਾ ਨੇ ਬਿੱਗ ਬੌਸ ਦੇ ਫਿਨਾਲੇ 'ਚ ਐਂਟਰੀ ਕੀਤੀ ਤਾਂ ਸਲਮਾਨ ਖਾਨ ਨੇ ਉਨ੍ਹਾਂ ਨੂੰ ਕਈ ਸਵਾਲ ਪੁੱਛੇ। ਨਾਲ ਹੀ ਸਲਮਾਨ ਨੇ ਦੋਹਾਂ ਦੇ ਰਿਸ਼ਤੇ ਨੂੰ ਸੁਧਾਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਕਿਹਾ ਕਿ ਤੁਸੀਂ ਦੋਵੇਂ ਕੁਝ ਵਾਅਦੇ ਕਰ ਲਓ। ਇਸ ਲਈ ਅੰਕਿਤਾ ਦਾ ਕਹਿਣਾ ਹੈ ਕਿ ਉਹ ਵਾਅਦਾ ਕਰਦੀ ਹੈ ਕਿ ਉਹ ਆਪਣੇ ਪਰਿਵਾਰ ਦੀ ਦੇਖਭਾਲ ਕਰੇਗੀ ਅਤੇ ਵਿੱਕੀ ਦੇ ਨਾਲ ਰਹੇਗੀ। ਜਦੋਂ ਕਿ ਰੰਜਨਾ ਜੈਨ ਅੰਕਿਤਾ ਨੂੰ ਇਹ ਵਾਅਦਾ ਕਰਨ ਲਈ ਕਹਿੰਦੀ ਹੈ ਕਿ ਉਹ ਦੁਬਾਰਾ ਕਦੇ ਵੀ ਅਜਿਹੇ ਸ਼ੋਅ ਵਿੱਚ ਨਹੀਂ ਜਾਵੇਗੀ ਜਿਸ ਨਾਲ ਪਰਿਵਾਰ ਦਾ ਨਾਮ ਬਦਨਾਮ ਹੋਵੇ।
'ਪਰਿਵਾਰ ਦੀ ਇੱਜ਼ਤ ਮਿੱਟੀ 'ਚ ਮਿਲਾ ਦਿੱਤੀ'
ਰੰਜਨਾ ਨੇ ਕਿਹਾ ਸੀ- ਉਹ ਅਜਿਹੇ ਸ਼ੋਅ 'ਚ ਹਿੱਸਾ ਨਹੀਂ ਲਵੇਗੀ, ਜਿੱਥੇ ਪਰਿਵਾਰ ਦੀ ਇੱਜ਼ਤ ਖਰਾਬ ਹੋਵੇ। ਇਸ ਦੇ ਜਵਾਬ 'ਚ ਅੰਕਿਤਾ ਨੇ ਕਿਹਾ ਕਿ ਉਸ ਨੂੰ ਮਾਣ ਹੈ ਕਿ ਉਹ ਇਸ ਇੰਡਸਟਰੀ ਦਾ ਹਿੱਸਾ ਹੈ। ਅੰਕਿਤਾ ਨੇ ਕਿਹਾ- ਮੈਂ ਇਸ ਇੰਡਸਟਰੀ ਦਾ ਹਿੱਸਾ ਹਾਂ ਮਾਂ ਅਤੇ ਮੈਨੂੰ ਇਸ 'ਤੇ ਮਾਣ ਹੈ।
ਇਸ ਤੋਂ ਇਲਾਵਾ ਸਲਮਾਨ ਖਾਨ ਨੇ ਵਿੱਕੀ ਦੀ ਮਾਂ ਨਾਲ ਮਜ਼ਾਕ ਕਰਦੇ ਹੋਏ ਕਿਹਾ ਕਿ ਜੇਕਰ ਵਿੱਕੀ ਅਤੇ ਅੰਕਿਤਾ ਵਿਚਾਲੇ ਅਜਿਹਾ ਕੁਝ ਹੁੰਦਾ ਹੈ, ਤਲਾਕ ਹੋ ਜਾਂਦਾ ਹੈ ਤਾਂ ਤੁਹਾਨੂੰ ਕੀ ਲੱਗਦਾ ਹੈ ਕਿ ਇਸ ਪਿੱਛੇ ਕੀ ਕਾਰਨ ਹੋਵੇਗਾ? ਇਸ 'ਤੇ ਰੰਜਨਾ ਕਹਿੰਦੀ ਹੈ- ਨਹੀਂ ਸਰ। ਫਿਰ ਸਾਰੇ ਹੱਸਣ ਲੱਗ ਪੈਂਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
