ਗੰਗਾ 'ਚ ਪ੍ਰਵਾਹ ਕੀਤੀਆਂ ਧਰਮਿੰਦਰ ਦੀਆਂ ਅਸਥੀਆਂ, ਪੈਪਸ 'ਤੇ ਭੜਕੇ ਸੰਨੀ ਦਿਓਲ, ਕਿਹਾ- ਕਿੰਨੇ ਪੈਸੇ ਚਾਹੀਦੇ...
ਮਸ਼ਹੂਰ ਅਦਾਕਾਰ ਧਰਮਿੰਦਰ ਦਾ 24 ਨਵੰਬਰ ਨੂੰ ਦੇਹਾਂਤ ਹੋ ਗਿਆ ਸੀ, ਉਨ੍ਹਾਂ ਨੇ ਆਪਣੇ ਘਰ ਵਿੱਚ ਆਖਰੀ ਸਾਹ ਲਏ। ਹੁਣ ਬੁੱਧਵਾਰ ਨੂੰ ਧਰਮਿੰਦਰ ਦੀਆਂ ਅਸਥੀਆਂ ਗੰਗਾ ਵਿੱਚ ਪ੍ਰਵਾਹ ਕੀਤੀਆਂ ਗਈਆਂ।
ਮਸ਼ਹੂਰ ਅਦਾਕਾਰ ਧਰਮਿੰਦਰ ਦਾ 24 ਨਵੰਬਰ ਨੂੰ ਦੇਹਾਂਤ ਹੋ ਗਿਆ ਸੀ, ਉਨ੍ਹਾਂ ਨੇ ਆਪਣੇ ਘਰ ਵਿੱਚ ਆਖਰੀ ਸਾਹ ਲਏ। ਹੁਣ ਬੁੱਧਵਾਰ ਨੂੰ ਧਰਮਿੰਦਰ ਦੀਆਂ ਅਸਥੀਆਂ ਗੰਗਾ ਵਿੱਚ ਪ੍ਰਵਾਹ ਕੀਤੀਆਂ ਗਈਆਂ। ਪਿਤਾ ਦੀ ਮੌਤ ਤੋਂ ਬਾਅਦ ਪਰਿਵਾਰ ਵਿੱਚ ਸੋਗ ਦਾ ਮਾਹੌਲ ਹੈ, ਉੱਥੇ ਹੀ ਦਿਓਲ ਫੈਮਿਲੀ ਨੂੰ ਧਰਮਿੰਦਰ ਦੀ ਅਸਥੀਆਂ ਪ੍ਰਵਾਹ ਕਰਨ ਦੌਰਾਨ ਹਰਿਦੁਆਰ ਵਿੱਚ ਦੇਖਿਆ ਗਿਆ। ਇਸ ਦੌਰਾਨ ਸਨੀ ਦਿਓਲ, ਬਾਬੀ ਦਿਓਲ ਦੇ ਨਾਲ ਪਰਿਵਾਰ ਦੇ ਬਾਕੀ ਮੈਂਬਰ ਵੀ ਮੌਜੂਦ ਸਨ। ਧਰਮਿੰਦਰ ਦੀਆਂ ਅਸਥੀਆਂ ਸਨੀ ਦਿਓਲ ਦੇ ਮੁੰਡੇ ਕਰਨ ਦਿਓਲ ਨੇ ਪ੍ਰਵਾਹ ਕੀਤੀਆਂ।
ਇਸ ਤੋਂ ਬਾਅਦ, ਉਹ ਹੋਟਲ ਚਲੇ ਗਏ ਅਤੇ ਉੱਥੋਂ ਹਵਾਈ ਅੱਡੇ ਲਈ ਰਵਾਨਾ ਹੋ ਗਏ। ਇਸ ਦੌਰਾਨ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਸਨ। ਧਿਆਨ ਦੇਣ ਯੋਗ ਹੈ ਕਿ ਦਿਓਲ ਪਰਿਵਾਰ ਮੰਗਲਵਾਰ ਨੂੰ ਹਰਿਦੁਆਰ ਪਹੁੰਚਿਆ ਸੀ। ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸਾਹਮਣੇ ਆਇਆ ਹੈ ਜਿਸ ਵਿੱਚ ਸੰਨੀ ਦਿਓਲ ਹੋਟਲ ਦੀ ਬਾਲਕੋਨੀ ਵਿੱਚ ਚਾਹ ਪੀਂਦੇ ਦਿਖਾਈ ਦੇ ਰਹੇ ਹਨ।
ਉੱਥੇ ਹੀ ਸੰਨੀ ਦਿਓਲ ਦਾ ਇੱਕ ਹੋਰ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ ਉਹ ਪਾਪਰਾਜ਼ੀ 'ਤੇ ਭੜਕਦੇ ਹੋਏ ਨਜ਼ਰ ਆ ਰਹੇ ਹਨ। ਉਹ ਉਨ੍ਹਾਂ 'ਤੇ ਗੁੱਸੇ ਹੋ ਰਹੇ ਹਨ। ਉਹ ਗੁੱਸੇ ਨਾਲ ਉਨ੍ਹਾਂ ਕੋਲ ਆਉਂਦੇ ਹਨ। ਸੰਨੀ ਕਹਿੰਦਾ ਹੈ, "ਕੀ ਤੁਸੀਂ ਆਪਣੀ ਸ਼ਰਮ ਵੇਚ ਦਿੱਤੀ ਹੈ? ਤੁਹਾਨੂੰ ਪੈਸੇ ਚਾਹੀਦੇ ਹਨ। ਤੁਹਾਨੂੰ ਕਿੰਨੇ ਪੈਸੇ ਚਾਹੀਦੇ ਹਨ?" ਇਹ ਵੀਡੀਓ ਹਰ ਕੀ ਪੌੜੀ ਦਾ ਦੱਸਿਆ ਜਾ ਰਿਹਾ ਹੈ। ਸੰਨੀ ਗੁੱਸੇ ਵਿੱਚ ਪਾਪਰਾਜ਼ੀ ਤੋਂ ਕੈਮਰਾ ਖੋਹਦੇ ਹੋਏ ਵੀ ਦਿਖਾਈ ਦੇ ਰਹੇ ਹਨ।
#SunnyDeol's fiery message to the paparazzi😡 A powerful moment that shows where his priorities lie🙏
— Mr Prabh Deol (@Movie_flix1) December 3, 2025
Have you guys sold your shame?
" पैसे चाहिए तेरे को कितने पैसे चाहिए "
Sunny's anger is totally justified, Some time celebrities just need to be human 😞
Respect the family… pic.twitter.com/q9mUZmVDIP
ਇੱਥੇ ਤੁਹਾਨੂੰ ਦੱਸ ਦਈਏ ਕਿ ਸੰਨੀ ਦਿਓਲ ਪਹਿਲਾਂ ਵੀ ਪਾਪਰਾਜ਼ੀ 'ਤੇ ਭੜਕ ਚੁੱਕੇ ਹਨ। ਉਸ ਵੇਲੇ ਉਹ ਉਸਦੇ ਘਰ ਦੇ ਬਾਹਰ ਬੈਠੇ ਹੋਏ ਸਨ, ਜਦੋਂ ਕਿ ਧਰਮਿੰਦਰ ਗੰਭੀਰ ਬਿਮਾਰ ਨਾਲ ਜੂਝ ਰਹੇ ਸੀ। ਸੰਨੀ ਨੇ ਗੁੱਸੇ ਵਿੱਚ ਉਨ੍ਹਾਂ ਨੂੰ ਕਿਹਾ, "ਤੁਹਾਨੂੰ ਸ਼ਰਮ ਆਉਣੀ ਚਾਹੀਦੀ ਹੈ। ਕੀ ਤੁਹਾਡੇ ਘਰ ਵਿੱਚ ਮਾਪੇ ਨਹੀਂ ਹਨ? ਤੁਹਾਡੇ ਬੱਚੇ ਹਨ। ਅਤੇ ਤੁਸੀਂ ਇੱਥੇ ਸਿਰਫ਼ ਵੀਡੀਓ ਬਣਾ ਰਹੇ ਹੋ।" ਇਸ ਤੋਂ ਬਾਅਦ, ਪਾਪਰਾਜ਼ੀ ਉਨ੍ਹਾਂ ਦੇ ਘਰ ਦੇ ਬਾਹਰੋਂ ਹੱਟ ਗਏ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
