ਕਰਿਸ਼ਮਾ ਕਪੂਰ ਦੀ ਧੀ ਸਮਾਇਰਾ ਵੱਲੋਂ ਪ੍ਰਿਆ ਕਪੂਰ ‘ਤੇ ਵੱਡਾ ਦੋਸ਼, 2 ਮਹੀਨੇ ਤੋਂ ਫੀਸ ਨਾ ਭਰਨ ‘ਤੇ ਅਦਾਲਤ ਵੱਲੋਂ ਫਟਕਾਰ
ਦਿੱਲੀ HC 'ਚ ਕਰਿਸ਼ਮਾ ਕਪੂਰ ਦੇ ਬੱਚਿਆਂ ਤੇ ਪ੍ਰਿਆ ਕਪੂਰ ਦੇ ਵਿਚਕਾਰ ਸੰਜੇ ਕਪੂਰ ਦੀ ਜਾਇਦਾਦ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਦੀ ਸੁਣਵਾਈ ਹੋਈ। ਕਰਿਸ਼ਮਾ ਦੀ ਧੀ ਸਮਾਇਰਾ ਨੇ ਕੋਰਟ ਨੂੰ ਦੱਸਿਆ ਕਿ ਉਸਦੀ ਯੂਨੀਵਰਸਿਟੀ ਦੀ ਫੀਸ ਪਿਛਲੇ ਦੋ ਮਹੀਨਿਆਂ
ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ ਐਕਸ-ਹਸਬੈਂਡ ਸੰਜੈ ਕਪੂਰ ਦੀ ਜਾਇਦਾਦ ਨੂੰ ਲੈ ਕੇ ਪਰਿਵਾਰ ਵਿੱਚ ਵਿਵਾਦ ਲਗਾਤਾਰ ਵਧਦਾ ਜਾ ਰਿਹਾ ਹੈ। 14 ਨਵੰਬਰ ਨੂੰ ਦਿੱਲੀ ਹਾਈ ਕੋਰਟ ਵਿੱਚ ਹੋਈ ਸੁਣਵਾਈ ਦੌਰਾਨ ਸੰਜੇ ਦੀ ਧੀ ਸਮਾਇਰਾ ਕਪੂਰ ਅਤੇ ਉਸਦੀ ਦੂਜੀ ਪਤਨੀ ਪ੍ਰਿਆ ਕਪੂਰ ਆਹਮਣੇ-ਸਾਹਮਣੇ ਆ ਗਏ।
ਸਮਾਇਰਾ ਨੇ ਫੀਸ ਦਾ ਮੁੱਦਾ ਉਠਾਇਆ
ਕੋਰਟ ਵਿੱਚ ਸਮਾਇਰਾ ਨੇ ਦੱਸਿਆ ਕਿ ਉਹ ਅਮਰੀਕਾ ਦੀ ਇਕ ਯੂਨੀਵਰਸਿਟੀ ਵਿੱਚ ਪੜ੍ਹ ਰਹੀ ਹੈ, ਪਰ ਉਸਦੀ ਦੋ ਮਹੀਨੇ ਦੀ ਫੀਸ ਅਜੇ ਤੱਕ ਜਮ੍ਹਾਂ ਨਹੀਂ ਹੋਈ। ਸਮਾਇਰਾ ਨੇ ਇਹ ਵੀ ਕਿਹਾ ਕਿ ਬੱਚਿਆਂ ਦੀ ਪੜ੍ਹਾਈ ਅਤੇ ਰਹਿਣ-ਸਹਿਣ ਦਾ ਖਰਚਾ ਸੰਜੇ ਕਪੂਰ ਦੀ ਜ਼ਿੰਮੇਵਾਰੀ ਸੀ, ਜਿਵੇਂ ਕਿ ਤਲਾਕ ਸਮਝੌਤੇ ਵਿੱਚ ਤੈਅ ਕੀਤਾ ਗਿਆ ਸੀ।
ਪ੍ਰਿਆ ਕਪੂਰ ਦਾ ਜਵਾਬ
ਇਨ੍ਹਾਂ ਦਾਅਵਿਆਂ ‘ਤੇ ਪ੍ਰਿਆ ਕਪੂਰ ਨੇ ਸਮਾਇਰਾ ਦੇ ਸਾਰੇ ਆਰੋਪਾਂ ਨੂੰ ਨਕਾਰ ਦਿੱਤਾ। ਉਸਨੇ ਕਿਹਾ ਕਿ ਸਮਾਇਰਾ ਦੇ ਦਾਅਵੇ ਸੱਚ ਨਹੀਂ ਹਨ ਅਤੇ ਇਸ ਮਾਮਲੇ ਨੂੰ ਬੇਵਜ੍ਹਾ ਸਨਸਨੀਖੇਜ਼ ਢੰਗ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ।
ਸੁਣਵਾਈ ਦੌਰਾਨ ਜੱਜ ਨੇ ਇਸ ਸਾਰੇ ਵਿਵਾਦ ‘ਤੇ ਨਾਰਾਜ਼ਗੀ ਜਤਾਈ ਅਤੇ ਕਿਹਾ ਕਿ ਅਦਾਲਤ ਵਿੱਚ ਇਸ ਤਰ੍ਹਾਂ ਦੇ ਮਾਮਲਿਆਂ ਨੂੰ “ਮੈਲੋਡ੍ਰਾਮੈਟਿਕ” ਨਹੀਂ ਬਣਾਉਣਾ ਚਾਹੀਦਾ। ਜੱਜ ਨੇ ਸਪੱਸ਼ਟ ਕੀਤਾ ਕਿ ਇਸ ਮਾਮਲੇ ਵਿੱਚ ਲੰਬੀ ਬਹਿਸ ਦੀ ਲੋੜ ਨਹੀਂ ਹੈ ਅਤੇ ਭਵਿੱਖ ਵਿੱਚ ਇਸ ਤਰ੍ਹਾਂ ਦੇ ਦਾਅਵੇ ਦੁਬਾਰਾ ਨਹੀਂ ਆਉਣੇ ਚਾਹੀਦੇ।
ਸੰਜੇ ਕਪੂਰ ਦਾ ਦੇਹਾਂਤ ਅਤੇ ਬਾਅਦ ਦੇ ਹਾਲਾਤ
ਸੰਜੇ ਕਪੂਰ ਦਾ 12 ਜੂਨ ਨੂੰ ਲੰਡਨ ਵਿੱਚ ਦਿਲ ਦੇ ਦੌਰੇ ਨਾਲ ਦੇਹਾਂਤ ਹੋ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪੋਲੋ ਖੇਡਦੇ ਸਮੇਂ ਇੱਕ ਮੱਧੂ-ਮੱਖੀ ਅਣਜਾਣੇ ‘ਚ ਨਿਗਲਣ ਕਾਰਨ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ। ਉਸਦੇ ਬਾਅਦ ਬੱਚਿਆਂ - ਸਮਾਇਰਾ ਅਤੇ ਕਿਯਾਨ - ਨੇ ਪ੍ਰਿਆ ਕਪੂਰ ਖ਼ਿਲਾਫ਼ ਵਸੀਅਤ ਵਿੱਚ ਸੰਭਾਵੀ ਗੜਬੜ ਅਤੇ ਧੋਖਾਧੜੀ ਦੇ ਦੋਸ਼ ਲਗਾਂਦੇ ਹੋਏ ਅਦਾਲਤ ‘ਚ ਯਾਚਿਕਾ ਦਾਇਰ ਕੀਤੀ ਸੀ।
ਹੁਣ ਕੋਰਟ ਇਹ ਫੈਸਲਾ ਕਰੇਗੀ ਕਿ ਪ੍ਰਿਆ ਕਪੂਰ ਨੂੰ ਸੰਜੇ ਕਪੂਰ ਦੀ ਜਾਇਦਾਦ ਦੇ ਸੰਜਾਲਨ ਅਤੇ ਵਿਕਰੀ ਤੋਂ ਰੋਕਿਆ ਜਾਣਾ ਚਾਹੀਦਾ ਹੈ ਜਾਂ ਨਹੀਂ। ਕਪੂਰ ਪਰਿਵਾਰ ਦਾ ਇਹ ਜਾਇਦਾਦੀ ਵਿਵਾਦ ਬਾਲੀਵੁੱਡ ਦੀ ਚਮਕ-ਧਮਕ ਦੇ ਵਿਚਕਾਰ ਇੱਕ ਵੱਡਾ ਕਾਨੂੰਨੀ ਡਰਾਮਾ ਬਣ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
