ਵੱਧ ਫੀਸ ਲੈਣ ਵਾਲੇ ਸੈਲੇਬਸ ਬਾਰੇ Nawazuddin ਨੇ ਆਖੀ ਵੱਡੀ ਗੱਲ, ਕਿਹਾ - 'ਬਾਕਸ ਆਫਿਸ ਕਲੈਕਸ਼ਨ 'ਤੇ ਧਿਆਨ ਦੇਣ ਵਾਲੇ ਮੇਰੀ ਨਜ਼ਰ 'ਚ ਭ੍ਰਿਸ਼ਟ'
ਨਵਾਜ਼ੂਦੀਨ ਸਿੱਦੀਕੀ ਨੇ ਕਿਹਾ, "ਕੋਈ ਅਦਾਕਾਰ ਬਾਕਸ ਆਫਿਸ ਦੀ ਗੱਲ ਕਿਉਂ ਕਰੇ? ਹਰ ਫਿਲਮ ਲਈ 100 ਕਰੋੜ ਰੁਪਏ ਲੈਣ ਵਾਲੇ ਸਟਾਰ ਹੀ ਫ਼ਿਲਮ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ।"
Nawazuddin Siddiqui: ਬਾਲੀਵੁੱਡ ਅਦਾਕਾਰ ਨਵਾਜ਼ੂਦੀਨ ਸਿੱਦੀਕੀ ਨੇ ਜ਼ਬਰਦਸਤ ਐਕਟਿੰਗ ਨਾਲ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਜਿਸ ਸਾਦਗੀ ਨਾਲ ਉਹ ਆਪਣਾ ਕਿਰਦਾਰ ਨਿਭਾਉਂਦੇ ਹਨ, ਉਹ ਫੈਨਜ਼ ਦੇ ਦਿਲਾਂ 'ਤੇ ਵੱਖਰੀ ਛਾਪ ਛੱਡਦੀ ਹੈ। ਉਨ੍ਹਾਂ ਨੇ ਫ਼ਿਲਮ 'ਸਰਫਰੋਸ਼' 'ਚ ਛੋਟੀ ਜਿਹੀ ਭੂਮਿਕਾ ਨਾਲ ਫ਼ਿਲਮੀ ਦੁਨੀਆ 'ਚ ਕਦਮ ਰੱਖਿਆ ਸੀ ਅਤੇ ਅੱਜ ਉਨ੍ਹਾਂ ਦੀ ਪਛਾਣ ਬਾਲੀਵੁੱਡ ਦੇ ਬਿਹਤਰੀਨ ਕਲਾਕਾਰਾਂ 'ਚ ਹੁੰਦੀ ਹੈ।
ਐਕਟਰਸ ਨੂੰ ਬਾਕਸ ਆਫਿਸ ਕਲੈਕਸ਼ਨ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ : ਨਵਾਜ਼
ਨਵਾਜ਼ ਨੇ ਹਿੰਦੀ ਸਿਨੇਮਾ ਨੂੰ ਕਈ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। ਉਨ੍ਹਾਂ ਨੇ ਹਰ ਕਿਰਦਾਰ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਇਆ ਹੈ ਅਤੇ ਇਸ ਦੇ ਨਤੀਜੇ ਵਜੋਂ ਉਨ੍ਹਾਂ ਦੇ ਫੈਨਜ਼ ਦੀ ਸੂਚੀ ਕਾਫ਼ੀ ਲੰਬੀ-ਚੌੜੀ ਹੈ। ਨਵਾਜ਼ ਨੇ ਹਾਲ ਹੀ 'ਚ ਇਕ ਇੰਟਰਵਿਊ ਦੌਰਾਨ ਇਕ ਵੱਡੀ ਗੱਲ ਕਹੀ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਐਕਟਰਸ ਨੂੰ ਬਾਕਸ ਆਫਿਸ ਕਲੈਕਸ਼ਨ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਜਿਹੜੇ ਐਕਟਰਸ ਅਜਿਹਾ ਕਰਦੇ ਹਨ, ਉਹ ਭ੍ਰਿਸ਼ਟ ਹੋ ਗਏ ਹਨ।
'100 ਕਰੋੜ ਰੁਪਏ ਲੈਣ ਵਾਲੇ ਐਕਟਰ ਸਿਨੇਮਾ ਨੂੰ ਪਹੁੰਚਾ ਰਹੇ ਹਨ ਨੁਕਸਾਨ'
ਉਨ੍ਹਾਂ ਕਿਹਾ, "ਕੋਈ ਅਦਾਕਾਰ ਬਾਕਸ ਆਫਿਸ ਦੀ ਗੱਲ ਕਿਉਂ ਕਰੇ? ਹਰ ਫਿਲਮ ਲਈ 100 ਕਰੋੜ ਰੁਪਏ ਲੈਣ ਵਾਲੇ ਸਟਾਰ ਹੀ ਫ਼ਿਲਮ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਛੋਟੇ ਬਜਟ ਜਾਂ ਮਾਮੂਲੀ ਬਜਟ ਦੀਆਂ ਫ਼ਿਲਮਾਂ ਅਸਫਲ ਨਹੀਂ ਹੁੰਦੀਆਂ ਹਨ। ਜੇਕਰ ਬਜਟ ਸੀਮਾ ਤੋਂ ਵੱਧ ਜਾਂਦਾ ਹੈ ਤਾਂ ਉਹ ਫ਼ਲਾਪ ਹੁੰਦੀ ਹੈ। ਅਦਾਕਾਰ, ਨਿਰਦੇਸ਼ਕ, ਕਹਾਣੀ ਲੇਖਕ ਫਲਾਪ ਨਹੀਂ ਹੁੰਦੇ ਹਨ। ਇਹ ਇੱਕ ਫ਼ਿਲਮ ਦਾ ਬਜਟ ਹੈ ਜੋ ਇਸ ਨੂੰ ਹਿੱਟ ਜਾਂ ਫਲਾਪ ਬਣਾਉਂਦਾ ਹੈ।"
ਹਿੱਟ ਜਾਂ ਫਲਾਪ ਤੋਂ ਪ੍ਰੇਸ਼ਾਨ ਨਹੀਂ ਹੋਣਾ ਚਾਹੀਦਾ: ਨਵਾਜ਼ੂਦੀਨ ਸਿੱਦੀਕੀ
ਉਨ੍ਹਾਂ ਕਿਹਾ, "ਸਾਨੂੰ ਫਿਲਮ ਦੇ ਹਿੱਟ ਜਾਂ ਫਲਾਪ ਹੋਣ ਦੀ ਚਿੰਤਾ ਨਹੀਂ ਕਰਨੀ ਚਾਹੀਦੀ। ਸਾਨੂੰ ਬਜਟ ਅਤੇ ਬਾਕਸ ਆਫਿਸ ਬਾਰੇ ਸੋਚੇ ਬਗੈਰ ਜੋਸ਼ ਨਾਲ ਫ਼ਿਲਮਾਂ ਬਣਾਉਣੀਆਂ ਚਾਹੀਦੀਆਂ ਹਨ। ਸਿਨੇਮਾ ਨੂੰ ਪ੍ਰਗਤੀਸ਼ੀਲ ਹੋਣਾ ਚਾਹੀਦਾ ਹੈ।" ਨਵਾਜ਼ ਨੇ ਕਿਹਾ ਕਿ ਮੈਂ ਇਕ ਛੋਟੇ ਜਿਹੇ ਪਿੰਡ ਤੋਂ ਹਾਂ ਅਤੇ ਜਦੋਂ ਮੈਂ ਫ਼ਿਲਮ 'ਏਕ ਡਾਕਟਰ ਕੀ ਮੌਤ' ਦੇਖੀ ਤਾਂ ਮੈਂ ਬਹੁਤ ਪ੍ਰਭਾਵਿਤ ਹੋਇਆ। ਜੇਕਰ ਮੇਰੇ ਵਰਗਾ ਇੱਕ ਸਾਧਾਰਨ ਪਿੰਡ ਦਾ ਬੰਦਾ ਇੱਕ ਫ਼ਿਲਮ ਤੋਂ ਪ੍ਰੇਰਨਾ ਲੈ ਸਕਦਾ ਹੈ ਤਾਂ ਸਿਨੇਮਾ 'ਚ ਬਦਲਾਅ ਦੀਆਂ ਬੇਅੰਤ ਸੰਭਾਵਨਾਵਾਂ ਹਨ।
ਉਨ੍ਹਾਂ ਕਿਹਾ ਕਿ ਰਿਕਸ਼ਾ ਚਾਲਕ ਨੂੰ ਵੀ ਦਰਸ਼ਕ ਬਣ ਕੇ ਕਦੇ ਵੀ ਘੱਟ ਨਹੀਂ ਸਮਝਣਾ ਚਾਹੀਦਾ। ਉਨ੍ਹਾਂ ਕਿਹਾ, "ਆਓ ਅਸੀਂ ਆਪਣੇ ਰਿਕਸ਼ਾ ਚਾਲਕਾਂ, ਆਪਣੇ ਨੌਜਵਾਨਾਂ, ਸਾਡੇ ਦਰਸ਼ਕਾਂ ਨੂੰ ਘੱਟ ਨਾ ਸਮਝੀਏ। ਫ਼ਿਲਮ ਇੰਡਸਟਰੀ 'ਚ ਜੇਕਰ ਕਿਸੇ ਕੋਲ ਚੰਗੀ ਸਕ੍ਰਿਪਟ ਹੈ ਤਾਂ ਨਿਰਮਾਤਾ ਉਸ ਨੂੰ ਲੈਣ ਲਈ ਬਹੁਤ ਸਾਰਾ ਪੈਸਾ ਖਰਚ ਕਰਨ ਲਈ ਤਿਆਰ ਹਨ। ਸਾਨੂੰ ਇੱਕ ਚੰਗੀ ਸਕ੍ਰਿਪਟ ਦੀ ਲੋੜ ਹੈ। ਦਿਮਾਗ ਅਤੇ ਚੰਗੇ ਵਿਚਾਰਾਂ ਵਾਲੇ ਵਿਅਕਤੀ 'ਤੇ ਜ਼ਿਆਦਾ ਭਰੋਸਾ ਕਰਨਾ ਚਾਹੀਦਾ ਹੈ।"
ਵਰਕਫ਼ਰੰਟ ਦੀ ਗੱਲ ਕਰੀਏ ਤਾਂ ਨਵਾਜ਼ੂਦੀਨ ਨੂੰ ਹਾਲ ਹੀ 'ਚ 'ਹੱਡੀ' 'ਚ ਦੇਖਿਆ ਗਿਆ ਸੀ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਅਕਸ਼ਤ ਅਜੈ ਸ਼ਰਮਾ ਨੇ ਕੀਤਾ ਸੀ। ਇਸ ਤੋਂ ਇਲਾਵਾ ਉਹ 'ਟੀਕੂ ਵੈੱਡਸ ਸ਼ੇਰੂ', 'ਜੋਗੀਰਾ ਸਾ ਰਾ ਰਾ' ਅਤੇ 'ਨੂਰਾਨੀ ਚਿਹਰੇ' 'ਚ ਵੀ ਨਜ਼ਰ ਆਏ ਸਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
