'ਟਾਈਗਰ ਜ਼ਿੰਦਾ ਹੈ' ਨੇ ਤੋੜਿਆ 'ਦੰਗਲ' ਦਾ ਰਿਕਾਰਡ, ਤਿੰਨ ਦਿਨਾਂ 'ਚ 100 ਕਰੋੜ ਕਮਾਏ

ਨਵੀਂ ਦਿੱਲੀ: ਕ੍ਰਿਸਮਸ ਮੌਕੇ ਰਿਲੀਜ਼ ਹੋਈ ਫਿਲਮ 'ਟਾਈਗਰ ਜ਼ਿੰਦਾ ਹੈ' ਨੇ ਤਿੰਨ ਦਿਨਾਂ ਵਿੱਚ ਹੀ 100 ਕਰੋੜ ਕਲੱਬ ਵਿੱਚ ਐਂਟਰੀ ਕਰ ਲਈ ਹੈ। ਪਿਛਲੇ ਸਾਲ ਕ੍ਰਿਸਮਸ ਮੌਕੇ ਰਿਲੀਜ਼ ਹੋਈ ਆਮਿਰ ਦੀ 'ਦੰਗਲ' ਦੇ ਰਿਕਾਰਡ ਨੂੰ ਤੋੜਦੇ ਹੋਏ ਸਲਮਾਨ ਦੀ ਫਿਲਮ ਅੱਗੇ ਨਿਕਲ ਗਈ ਹੈ। ਇਸ ਐਤਵਾਰ ਨੂੰ ਫਿਲਮ ਨੇ 44.50 ਕਰੋੜ ਰੁਪਏ ਕਲੈਕਸ਼ਨ ਕੀਤਾ ਸੀ। ਇਹ ਉਮੀਦ ਤੋਂ ਕਾਫੀ ਜ਼ਿਆਦਾ ਰਿਹਾ। ਇਸ ਫਿਲਮ ਨੇ ਪਹਿਲੇ ਦਿਨ ਹੀ ਜ਼ਬਰਦਸਤ ਓਪਨਿੰਗ ਕੀਤੀ ਸੀ। ਤਿੰਨ ਦਿਨਾਂ ਵਿੱਚ 100 ਕਰੋੜ ਰੁਪਏ ਕਮਾ ਲਏ। ਆਮਿਰ ਖਾਨ ਵੀ ਇਸ ਰਿਕਾਰਡ ਤੋਂ ਪਿੱਛੇ ਰਹਿ ਗਏ ਹਨ। ਪਿਛਲੇ ਸਾਲ ਰਿਲੀਜ਼ ਆਮਿਰ ਦੀ ਦੰਗਲ ਨੇ ਤੀਜੇ ਦਿਨ 41.29 ਕਰੋੜ ਰੁਪਏ ਦਾ ਕਲੈਕਸ਼ਨ ਕੀਤਾ ਸੀ। 'ਟਾਈਗਰ ਜ਼ਿੰਦਾ ਹੈ' ਇਸ ਨੂੰ ਤੋੜਦੀ ਹੋਈ ਅੱਗੇ ਨਿਕਲ ਗਈ ਸੀ। ਉਮੀਦ ਹੈ ਕਿ ਫਿਲਮ ਇਸ ਹਫਤੇ ਵਿੱਚ ਚੰਗਾ ਕਾਰੋਬਾਰ ਕਰਕੇ 300 ਕਰੋੜ ਤੱਕ ਜਾ ਸਕਦੀ ਹੈ।