Shehnaaz Gill ਨੇ ਰਾਘਵ ਜੁਆਲ ਨਾਲ ਡੇਟਿੰਗ 'ਤੇ ਪਹਿਲੀ ਵਾਰ ਤੋੜੀ ਚੁੱਪੀ, ਆਖ ਦਿੱਤੀ ਇਹ ਵੱਡੀ ਗੱਲ

ਅਦਾਕਾਰਾ ਨੇ ਕਿਹਾ, "ਮੀਡੀਆ ਝੂਠ ਕਿਉਂ ਬੋਲਦਾ ਹੈ? ਮੀਡੀਆ ਹਰ ਵਾਰ ਝੂਠ ਬੋਲਦਾ ਹੈ ਅਤੇ ਕੁਝ ਵੀ ਕਹਿੰਦਾ ਹੈ। ਜੇ ਅਸੀਂ ਕਿਸੇ ਦੇ ਨਾਲ ਖੜ੍ਹੇ ਹਾਂ ਜਾਂ ਕਿਸੇ ਨਾਲ ਹੈਂਗ ਆਊਟ ਕਰਦੇ ਹਾਂ ਤਾਂ ਕੀ ਅਸੀਂ ਰਿਸ਼ਤੇ ਵਿੱਚ ਹਾਂ? ਨਹੀਂ ਨਾ!"

Shehnaaz Gill & Raghav Juyal

Shehnaaz Gill On Dating With Raghav Juyal: 'ਬਿੱਗ ਬੌਸ' (Bigg Boss) ਫੇਮ ਸ਼ਹਿਨਾਜ਼ ਗਿੱਲ ਆਪਣੇ ਬਬਲੀ ਨੇਚਰ ਲਈ ਜਾਣੀ ਜਾਂਦੀ ਹੈ। ਉਹ ਅਕਸਰ ਆਪਣੇ ਮਜ਼ਾਕੀਆ ਵਿਵਹਾਰ ਨਾਲ ਲੋਕਾਂ ਦਾ ਦਿਲ ਜਿੱਤਦੀ ਨਜ਼ਰ ਆਉਂਦੀ ਹੈ। ਉਹ ਆਪਣੇ ਫ਼ਿਲਮੀ ਕਰੀਅਰ ਵਿੱਚ ਵੀ ਅੱਗੇ ਵੱਧ ਰਹੀ ਹੈ। ਹਾਲਾਂਕਿ ਇਸ ਦੌਰਾਨ ਉਹ ਡੇਟਿੰਗ ਨੂੰ ਲੈ ਕੇ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਕੁਝ ਸਮਾਂ ਪਹਿਲਾਂ ਅਜਿਹੀ ਖ਼ਬਰ ਸਾਹਮਣੇ ਆਈ ਸੀ ਕਿ ਉਹ ਟੀਵੀ ਹੋਸਟ ਰਾਘਵ ਜੁਆਲ ਨੂੰ ਡੇਟ ਕਰ ਰਹੀ ਹੈ। ਹੁਣ ਆਖਿਰਕਾਰ ਅਦਾਕਾਰਾ ਨੇ ਇਸ 'ਤੇ ਚੁੱਪੀ ਤੋੜ ਦਿੱਤੀ ਹੈ।

ਦਰਅਸਲ, ਸ਼ਹਿਨਾਜ਼ ਗਿੱਲ ਬੀਤੀ ਰਾਤ ਮਤਲਬ 17 ਅਗਸਤ ਨੂੰ ਆਪਣੇ ਭਰਾ ਸ਼ਹਿਬਾਜ਼ ਬਦੇਸ਼ਾ (Shehbaz Badesha) ਦੇ ਗੀਤ ਲਾਂਚ 'ਤੇ ਪਹੁੰਚੀ ਸੀ। ਇਵੈਂਟ 'ਚ ਸ਼ਹਿਨਾਜ਼ ਬਲੈਕ ਟਾਪ ਅਤੇ ਸ਼ਾਰਟਸ ਦੇ ਨਾਲ-ਲਾਲ ਬਲੇਜ਼ਰ 'ਚ ਸ਼ਾਨਦਾਰ ਲੱਗ ਰਹੀ ਸੀ। ਇਸ ਦੌਰਾਨ ਸ਼ਹਿਨਾਜ਼ ਗਿੱਲ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਰਾਘਵ ਜੁਆਲ ਨਾਲ ਡੇਟਿੰਗ ਕਰਨ ਬਾਰੇ ਵੀ ਗੱਲਬਾਤ ਕੀਤੀ।

ਰਾਘਵ ਜੁਆਲ ਨਾਲ ਡੇਟਿੰਗ 'ਤੇ ਕੀ ਬੋਲੀ ਸ਼ਹਿਨਾਜ਼ ਗਿੱਲ

ਪੰਜਾਬ ਦੀ ਕੈਟਰੀਨਾ ਕੈਫ ਵਜੋਂ ਜਾਣੀ ਜਾਂਦੀ ਸ਼ਹਿਨਾਜ਼ ਗਿੱਲ ਨੇ ਰਾਘਵ ਜੁਆਲ ਨਾਲ ਡੇਟਿੰਗ ਕਰਨ ਦੀਆਂ ਖ਼ਬਰਾਂ ਨੂੰ ਸਿਰਫ਼ ਅਫ਼ਵਾਹ ਦੱਸਿਆ। ਅਦਾਕਾਰਾ ਨੇ ਕਿਹਾ, "ਮੀਡੀਆ ਝੂਠ ਕਿਉਂ ਬੋਲਦਾ ਹੈ? ਮੀਡੀਆ ਹਰ ਵਾਰ ਝੂਠ ਬੋਲਦਾ ਹੈ ਅਤੇ ਕੁਝ ਵੀ ਕਹਿੰਦਾ ਹੈ। ਜੇ ਅਸੀਂ ਕਿਸੇ ਦੇ ਨਾਲ ਖੜ੍ਹੇ ਹਾਂ ਜਾਂ ਕਿਸੇ ਨਾਲ ਹੈਂਗ ਆਊਟ ਕਰਦੇ ਹਾਂ ਤਾਂ ਕੀ ਅਸੀਂ ਰਿਸ਼ਤੇ ਵਿੱਚ ਹਾਂ? ਨਹੀਂ ਨਾ! ਮੀਡੀਆ ਫਜੂਲ ਗੱਲਾਂ ਕਰ ਰਿਹਾ ਹੈ। ਹੁਣ ਮੈਂ ਹਾਈਪਰ ਹੋ ਜਾਵਾਂਗੀ।"

ਰਾਘਵ ਜੁਆਲ ਅਤੇ ਸ਼ਹਿਨਾਜ਼ ਗਿੱਲ ਦੀ ਫ਼ਿਲਮ

ਸ਼ਹਿਨਾਜ਼ ਅਤੇ ਰਾਘਵ ਦੋਵੇਂ ਸਲਮਾਨ ਖ਼ਾਨ (Salman Khan) ਦੀ ਫਿਲਮ 'ਕਭੀ ਈਦ ਕਭੀ ਦੀਵਾਲੀ' (Kabhi Eid Kabhi Diwali) 'ਚ ਨਜ਼ਰ ਆਉਣ ਵਾਲੇ ਹਨ। ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਦੋਵੇਂ ਚੰਗੇ ਦੋਸਤ ਬਣ ਗਏ ਹਨ। ਕੁਝ ਸਮਾਂ ਪਹਿਲਾਂ ਸ਼ਹਿਨਾਜ਼ ਗਿੱਲ ਨੇ ਵੀ ਕੋ-ਸਟਾਰ ਰਾਘਵ ਜੁਆਲ ਅਤੇ ਸਿਧਾਰਥ ਨਿਗਮ ਨਾਲ ਇਕ ਵੀਡੀਓ ਸ਼ੇਅਰ ਕੀਤੀ ਸੀ, ਜਿਸ 'ਚ ਦੋਵੇਂ ਸ਼ੂਟ 'ਤੇ ਜਾਂਦੇ ਹੋਏ ਮਸਤੀ ਕਰਦੇ ਨਜ਼ਰ ਆਏ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਹਿਨਾਜ਼ ਵੀ ਰਾਘਵ ਨਾਲ ਰਿਸ਼ੀਕੇਸ਼ ਗਈ ਸੀ। ਖੈਰ, ਸ਼ਹਿਨਾਜ਼ ਗਿੱਲ ਦੇ ਬਿਆਨ ਤੋਂ ਸਾਫ਼ ਹੈ ਕਿ ਉਹ ਰਾਘਵ ਨੂੰ ਡੇਟ ਨਹੀਂ ਕਰ ਰਹੀ ਹੈ।