Sona On Shehnaaz Gill: ਸ਼ਹਿਨਾਜ਼ ਗਿੱਲ 'ਤੇ ਫਿਰ ਸੋਨਾ ਮੋਹਪਾਤਰਾ ਨੇ ਸਾਧਿਆ ਨਿਸ਼ਾਨਾ, ਟੈਲੇਂਟ 'ਤੇ ਚੁੱਕੇ ਸਵਾਲ, ਆਖ ਦਿੱਤੀ ਇੰਨੀ ਵੱਡੀ ਗੱਲ
ਸ਼ਹਿਨਾਜ਼ ਗਿੱਲ ਲਈ ਲਿਖਿਆ, "ਜੈਕਲੀਨ ਵਰਗੀ ਇੱਕ ਹੋਰ ਸਟਾਰਲੇਟ ਲਈ ਖੜ੍ਹੇ ਹੋਣ ਵਾਲੇ ਪਿਆਰੇ ਟ੍ਰੋਲਸ, ਮੈਨੂੰ ਨਹੀਂ ਪਤਾ ਕਿ ਸ਼ਹਿਨਾਜ਼ ਦਾ ਖ਼ਾਸ ਟੈਲੇਂਟ ਕੀ ਹੈ? ਹੁਣੇ-ਹੁਣੇ ਇੱਕ ਲੋਅ-ਬ੍ਰੋ ਰਿਐਲਿਟੀ ਟੀਵੀ ਸ਼ੋਅ ਤੋਂ ਪ੍ਰਸਿੱਧੀ ਮਿਲੀ ਹੈ।"
Sona Mahapatra On Shehnaaz Gill: ਮਸ਼ਹੂਰ ਬਾਲੀਵੁੱਡ ਗਾਇਕਾ ਸੋਨਾ ਮਹਾਪਾਤਰਾ ਆਪਣੇ ਗੀਤਾਂ ਤੋਂ ਜ਼ਿਆਦਾ ਆਪਣੇ ਬਿਆਨਾਂ ਕਾਰਨ ਸੁਰਖੀਆਂ 'ਚ ਰਹਿੰਦੀ ਹੈ। ਟਵਿਟਰ 'ਤੇ ਐਕਟਿਵ ਰਹਿਣ ਵਾਲੀ ਸੋਨਾ ਸਲਮਾਨ ਖਾਨ ਤੋਂ ਲੈ ਕੇ ਸਾਜਿਦ ਖਾਨ ਵਰਗੇ ਬਾਲੀਵੁੱਡ ਸਿਤਾਰਿਆਂ ਨੂੰ ਨਿਸ਼ਾਨਾ ਬਣਾਉਣ ਤੋਂ ਨਹੀਂ ਖੁੰਝਦੀ। ਹੁਣ ਉਹ ਸ਼ਹਿਨਾਜ਼ ਗਿੱਲ 'ਤੇ ਚੁਟਕੀ ਲੈਂਦੀ ਨਜ਼ਰ ਆ ਰਹੀ ਹੈ।
ਦਰਅਸਲ, ਸੋਨਾ ਮੋਹਪਾਤਰਾ ਨੂੰ ਸ਼ਹਿਨਾਜ਼ ਗਿੱਲ ਨਾਲ ਇਕੋ ਇਕ ਸਮੱਸਿਆ ਇਹ ਹੈ ਕਿ ਉਸ ਨੇ 'ਮੀਟੂ' ਦੇ ਮੁਲਜ਼ਮ ਸਾਜਿਦ ਖਾਨ ਦਾ ਸਮਰਥਨ ਕੀਤਾ। ਇਸ ਤੋਂ ਬਾਅਦ ਸੋਨਾ ਕਈ ਵਾਰ ਸ਼ਹਿਨਾਜ਼ ਨੂੰ ਤਾਅਨੇ ਮਾਰ ਚੁੱਕੀ ਹੈ। ਹਾਲ ਹੀ 'ਚ ਉਨ੍ਹਾਂ ਨੇ ਇਕ ਵਾਰ ਫਿਰ ਸ਼ਹਿਨਾਜ਼ 'ਤੇ ਨਿਸ਼ਾਨਾ ਸਾਧਿਆ, ਜਿਸ ਤੋਂ ਬਾਅਦ ਉਹ ਸੋਸ਼ਲ ਮੀਡੀਆ 'ਤੇ ਬੁਰੀ ਤਰ੍ਹਾਂ ਟ੍ਰੋਲ ਹੋਈ। ਹੁਣ ਟ੍ਰੋਲਰਾਂ ਨੂੰ ਜਵਾਬ ਦਿੰਦੇ ਹੋਏ ਅਦਾਕਾਰਾ ਨੇ ਸ਼ਹਿਨਾਜ਼ ਦੇ ਟੈਲੇਂਟ 'ਤੇ ਸਵਾਲ ਖੜ੍ਹੇ ਕੀਤੇ ਹਨ। ਸੋਨਾ ਦਾ ਇਹ ਟਵੀਟ ਕਾਫੀ ਵਾਇਰਲ ਹੋ ਰਿਹਾ ਹੈ।
ਸ਼ਹਿਨਾਜ਼ 'ਤੇ ਸੋਨਾ ਦਾ ਤੰਜ਼
ਆਪਣੇ ਤਾਜ਼ਾ ਟਵੀਟ 'ਚ ਸੋਨਾ ਨੇ ਸ਼ਹਿਨਾਜ਼ ਗਿੱਲ ਲਈ ਲਿਖਿਆ, "ਜੈਕਲੀਨ ਵਰਗੀ ਇੱਕ ਹੋਰ ਸਟਾਰਲੇਟ ਲਈ ਖੜ੍ਹੇ ਹੋਣ ਵਾਲੇ ਪਿਆਰੇ ਟ੍ਰੋਲਸ, ਮੈਨੂੰ ਨਹੀਂ ਪਤਾ ਕਿ ਸ਼ਹਿਨਾਜ਼ ਦਾ ਖ਼ਾਸ ਟੈਲੇਂਟ ਕੀ ਹੈ? ਉਸ ਨੂੰ ਹੁਣੇ-ਹੁਣੇ ਇੱਕ ਲੋਅ-ਬ੍ਰੋ ਰਿਐਲਿਟੀ ਟੀਵੀ ਸ਼ੋਅ ਤੋਂ ਪ੍ਰਸਿੱਧੀ ਮਿਲੀ ਹੈ। ਮੈਂ ਅਜਿਹੀਆਂ ਔਰਤਾਂ ਦੇ ਤਰੀਕਿਆਂ ਨੂੰ ਜਾਣਦੀ ਹਾਂ ਜੋ ਰੋਲ ਜਾਂ ਪੈਸਾ ਹਾਸਲ ਕਰਨ ਲਈ ਸ਼ਾਰਟਕੱਟ ਲੈਂਦੀਆਂ ਹਨ।"
ਸਾਜਿਦ 'ਤੇ ਹਨ ਇਹ ਦੋਸ਼
ਦੱਸ ਦੇਈਏ ਕਿ ਸਾਜਿਦ ਖ਼ਾਨ 'ਤੇ ਸਾਲ 2018 'ਚ ਮੀਟੂ ਦਾ ਦੋਸ਼ ਲੱਗਾ ਸੀ। ਇਸ ਕਾਰਨ ਉਨ੍ਹਾਂ ਨੂੰ ਇਕ ਸਾਲ ਲਈ ਫ਼ਿਲਮ ਇੰਡਸਟਰੀ ਤੋਂ ਵੀ ਬਰਖ਼ਾਸਤ ਕਰ ਦਿੱਤਾ ਗਿਆ ਸੀ। ਸਾਜਿਦ ਨੇ 'ਬਿੱਗ ਬੌਸ 16' ਨਾਲ ਗਲੈਮਰ ਦੀ ਦੁਨੀਆ 'ਚ ਵਾਪਸੀ ਕੀਤੀ ਸੀ। ਉਸ ਸਮੇਂ ਇੱਕ ਪਾਸੇ ਸਾਜਿਦ ਦੇ ਖ਼ਿਲਾਫ਼ ਮੋਰਚਾ ਸੀ ਅਤੇ ਸ਼ਹਿਨਾਜ਼ ਨੇ ਉਸ ਦਾ ਸਾਥ ਦਿੱਤਾ ਸੀ। ਉਦੋਂ ਤੋਂ ਸੋਨਾ ਅਕਸਰ ਟਵਿੱਟਰ 'ਤੇ ਉਸ 'ਤੇ ਹਮਲਾ ਕਰਦੀ ਨਜ਼ਰ ਆਉਂਦੀ ਹੈ।
ਸ਼ਹਿਨਾਜ਼ 'ਬਿੱਗ ਬੌਸ 13' 'ਚ ਨਜ਼ਰ ਆ ਚੁੱਕੀ ਹੈ। ਉਹ ਜਲਦ ਹੀ ਸਲਮਾਨ ਖਾਨ ਦੀ ਫ਼ਿਲਮ 'ਕਿਸ ਕਾ ਭਾਈ ਕਿਸ ਕੀ ਜਾਨ' (Kisi Ka Bhai Kisi Ki Jaan) ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਜਾ ਰਹੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
